Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Старовойт Роман Владимирович

Disambig gray.svg Старовойт хушаматлă урăх çынсем çинчен РУВИКИ-ре статьясем пур.

Старовойт Роман Владимирович (1972 ҫулхи кӑрлачӑн 20-мӗшӗ, Курск[d] — 2025 ҫулхи утӑн 7-мӗшӗ, Одинцово[d], Мускав облаҫӗ) — Раҫҫейри патшалӑх тата политика ӗҫченӗ. 2024 ҫулхи ҫу уйӑхӗн 14-мӗшӗнчен пуҫласа 2025 ҫулхи утӑн 7-мӗшӗччен Раҫҫей Федерацийӗн транспорт министрӗ пулнӑ. 2019 ҫулхи авӑн уйӑхӗн 16-мӗшӗнчен пуҫласа 2024 ҫулхи ҫу уйӑхӗн 12-мӗшӗччен (2018 ҫулхи юпан 11-мӗшӗнчен 2019 ҫулхи авӑнӑн 16-мӗшӗччен — врио) Курск облаҫӗн кӗпӗрнаттӑрӗ(выр.)чăв. пулнӑ. 2020 ҫулхи чӳкӗн 12-мӗшӗнчен пуҫласа «Пӗрлӗхлӗ Раҫҫей» партийӗн Курск регион уйрӑмӗн секретарӗ.

2025 ҫулхи утӑн 7-мӗшӗнче вӑл Раздор(выр.)чăв. ялӗ ҫывӑхӗнчи Малевич паркӗнче хӑйӗн «Тесла» машининче хӑй ҫине алӑ хунӑ[1].

Биографийӗ

Роман Старовойт 1972 ҫулхи кӑрлачӑн 20-мӗшӗнче Курск хулинче ҫуралнӑ. Ашшӗ Владимир Александрович Старовойт Курскри атом электростанцийӗнче ӗҫленӗ[2][3]. 1974 ҫулта ашшӗне Ленинград облаҫӗнчи Сосновый Бор(выр.)чăв. хулинче вырнаҫнӑ Ленинград АЭСне куҫарнӑ[4], Романӑн ачалӑхӗ унта иртнӗ, унтах вӑл вӑтам шкултан вӗренсе тухнӑ[5].

Пӗлӳ илни

1995 ҫулта Старовойт Д. Ф. Устинов ячӗллӗ Балти патшалӑх техника университетӗнчен(выр.)чăв. «Импульслӑ ӑшӑ паракан машинӑсем» специальноҫпа вӗренсе тухнӑ[6].

2008 ҫулта Ҫурҫӗр-Анӑҫ патшалӑх служби академийӗнчен «Патшалӑх тата муниципалитет управленийӗ» специальноҫпе вӗренсе тухнӑ[7].

2012 ҫулта Старовойт РФ ШӖМӗн Мускаври университетӗнче «Инновационная методика подготовки спортсменов в зимнем полиатлоне» темӑпа педагогика ӑслӑлӑхӗсен кандидачӗн ӑсчах степеньлӗ диссертацине хӳтӗленӗ[8].

2019 ҫулта Старовойт РАНХиГС Патшалӑх управленийӗн аслӑ шкулӗн (ВШГУ) кадр управлени резервне аталантармалли программипе вӗренсе тухнӑ.

Ӗҫӗ-хӗлӗ

Бизнесра

1995 ҫулта Старовойт «Региональное инвестиционное агентство» АО-ра ӗҫ тӑвакан директор вырӑнне йышӑннӑ. 1995—2001 ҫулсенче — «Промышленный» НПФ активӗсене тытса пыракан компанин тӗп директорӗ. 2002—2005 ҫулсенче «Стройинвест» строительство компанийӗн хуҫи тата тӗп директорӗ пулнӑ[9].

РФ министерствисемпе ведомствисен аппаратӗнче

2005 ҫултан пуҫласа 2007 ҫулччен Старовойт Санкт-Петербург правительствин(выр.)чăв. инвестицисемпе стратегиллӗ проектсен комитечӗн инвесторӗсемпе ӗҫлекен пай пуҫлӑхӗн вырӑнне йышӑннӑ. 2007—2010 ҫулсенче Санкт-Петербург правительствин инвестицисемпе стратегиллӗ проектсен комитечӗн председателӗн пӗрремӗш ҫумӗ[4]. 2010 ҫултан пуҫласа 2012 ҫулччен Раҫҫей Федерацийӗн Правительство аппарачӗн промышленноҫпа инфраструктура департаменчӗн директор ҫумӗ пулнӑ.

2012 ҫулхи чӳкӗн 22-мӗшӗнчен пуҫласа Старовойт Федерацин ҫул-йӗр агентствин(выр.)чăв. (Росавтодор) ертӳҫи шутланнӑ. 2018 ҫулхи юпа уйӑхӗн 1-мӗшӗнчен пуҫласа Раҫҫей Федерацийӗн транспорт министрӗн(выр.)чăв. ҫумӗ пулнӑ[9].

Курск облаҫӗн пуҫлӑхӗнче

Александр Михайлова(выр.)чăв. отставкӑна янӑ хыҫҫӑн 2018 ҫулхи юпа уйӑхӗн 11-мӗшӗнче Старовойта Курск облаҫӗн кӗпӗрнаттӑрӗн тивӗҫӗсене вӑхӑтлӑха пурнӑҫлама лартнӑ[10].

2019 ҫулхи акан 4-мӗшӗнче партире тӑман Старовойт 2019 ҫулхи авӑнӑн 8-мӗшӗнче ирттерме палӑртнӑ Курск облаҫӗн кӗпӗрнаттӑрӗн суйлавне «Пӗрлӗхлӗ Раҫҫей» партирен суйламалли праймериза кандидат пек хутшӑнма документсем панӑ[11]. «Пӗрлӗхлӗ Раҫҫейӗн» Курсри регион уйрӑмӗнче вӑрттӑн сасӑлав иртнӗ хыҫҫӑн Старовойтшӑн 257 делегатран 229-шӗ хӑйсен сассине панӑ. Ҫӗртме уйӑхӗнче «Пӗрлӗхлӗ Раҫҫей» ӑна кӗпӗрнаттӑр вырӑнне йышӑнмашкӑн кандидат пек тӑратнӑ[12].

2019 ҫулхи ҫурла уйӑхӗнче Раҫҫей президенчӗ Владимир Путин Старовойтпа тӗл пулса наци проекчӗсене пурнӑҫа кӗртесси, региона инвестицилессине ӳстересси, патшалӑхпа уйрӑм ҫынсем пӗрле хутшӑнса автоҫулсене, поликлиника, ҫавӑн пекех шкулсемпе ача сачӗсене аталантарасси ҫинчен хатӗрленӗ унӑн докладне йышӑннӑ[13].

2019 ҫулхи авӑнӑн 8-мӗшӗнче иртнӗ суйлава пурӗ 41,56 % ҫын хутшӑннӑ май Старовойт 81,07 % сасӑ пухнӑ, ӑна 5 ҫуллӑха Курск облаҫӗн кӗпӗрнаттӑрне суйланӑ. Хӑйӗн тивӗҫӗсене вӑл 2024 ҫул вӗҫнелле пурнӑҫламалла пулнӑ[14].

2020 ҫулхи чӳкӗн 9-мӗшӗнче Старовойт «Пӗрлӗхлӗ Раҫҫей» партине кӗнӗ[15].

2020 ҫулхи раштавӑн 21-мӗшӗнчен пуҫласа Раҫҫей Федерацийӗн Патшалӑх Канашӗн президиум пайташӗ[16].

РФ правительствинче

2024 ҫулхи ҫу уйӑхӗн 12-мӗшӗнче Михаил Мишустин Роман Старовойт кандидатурине транспорт министрӗн вырӑнне йышӑнма сӗннӗ[17]. Ҫу уйӑхӗн 14-мӗшӗнче Патшалӑх думи ӑна ҫак вырӑнта ҫирӗплетнӗ[18], ҫак кунах РФ президенчӗ министр вырӑнне йышӑнмалли указа алӑ пуснӑ[19].

2025 ҫулхи утӑн 7-мӗшӗнче Раҫҫей президенчӗн 448 №-лӗ Хушӑвӗпе Старовойта Раҫҫей Федерацийӗн транспорт министрӗ вырӑнӗнчен хӑтарнӑ[20].

undefined

Вӗрентӳ ӗҫӗнче

Старовойт кӗпӗрнаттӑр вырӑнне йышӑннӑ май ҫавӑн пекех Кӑнтӑр-Анӑҫ патшалӑх университечӗн экономика хӑрушсӑрлӑхӗпе налук йӗркелемелли кафедрин доценчӗ пулса лекцисем вуланӑ[21].

Вилӗмӗ

2025 ҫулхи утӑн 7-мӗшӗнче, отставкӑна кӑларнӑ хыҫҫӑн темиҫе сехетрен, Раздоры ялӗнчен инҫех мар Малевич паркӗнче(выр.)чăв. хӑйӗн Тесла автомобилӗнче хӑй ҫине алӑ хунӑ. МИХсем пӗлтернӗ тӑрӑх, Старовойта хирӗҫле унӑн унчченхи ҫумӗ Алексей Смирнов каласа панӑ[22]. Смирнова ака уйӑхӗнче Украина чиккинче хӳтӗлев сооруженийӗсем тума уйӑрнӑ укҫана вӑрланӑшӑн арестленӗ[23].

РФ Минтрансӗ Старовойт вилнӗ май хурлану сӑмахӗсене пӗлтернӗ[24]. Президент ӗҫӗсен управленийӗн 1-мӗш Тӗп клиника больницин траур залӗнче иртнӗ сывпуллашу церемонине федераци правительствин министрӗсем хутшӑннӑ, В. Путин президент кӑшӑл ярса панӑ[25]. 2025 ҫулхи утӑ уйӑхӗн 11-мӗшӗнче ӑна Смоленск масарӗнче пытарнӑ[26]. Санкт-Петербургра унӑн ашшӗпе пиччӗшӗ пурӑнаҫҫӗ[27][28].

Класс чинӗ

Наградӑсем

  • Хисеп орденӗ (2014);
  • II степеньлӗ «Пӗр кӑлтӑксӑр ӗҫленӗшӗн тата палӑрнишӗн» медаль (2015);
  • «Агропромышленность комплексне аталантарас ӗҫе тӳпе хывнӑшӑн» ылтӑн медаль (2015);
  • Александр Невский орденӗ(выр.)чăв. (2017);
  • I степеньлӗ «Пӗр кӑлтӑксӑр ӗҫленӗшӗн тата палӑрнишӗн» медаль (2018);
  • Туслӑх орденӗ (2020)[29].
  • Наградӑланӑ пӑшал — РФ ШӖМӗ парнеленӗ 9-мм ПМ (2023 ҫулхи юпан 18-мӗшӗ)[30].

Ҫемье, харпӑр пурнӑҫӗ

2021 ҫултанпа Роман Старовойт Светлана арӑмӗпе уйрӑлнӑ пулнӑ. Ҫемьере вӗсен икӗ хӗр ҫуралнӑ — Ангелина тата Анастасия. Пурнӑҫӗн юлашки ҫулӗсенче Старовойтӑн пурнӑҫ юлташӗ Полина Копылова пулнӑ[31][32].

Мӗнпе кӑсӑкланнӑ

Роман Старовойт тӑватӑ Мускаври тӗнче марафонне хутшӑннӑ. Триатлонпа(выр.)чăв. кӑсӑкланать, 2018 ҫулхи юпан 7-мӗшӗнче 13 сехет те 33 минутра Iron man («Тимӗр этем») супермарафона ҫӗнтернӗ — 3800 метр ишнӗ, 180 км велосипедпа тата 42 км чупнӑ[33][34].

Тӗнче шайӗнчи санкцисем

2022 ҫулхи утӑ уйӑхӗнчен пуҫласа Старовойт Аслӑ Британи[35], ҫурла уйӑхӗнчен пуҫласа — Канада[36], юпа уйӑхӗнчен — Украина, раштав уйӑхӗнчен — АПШ санкци списокӗсене лекнӗ[37].

Ӑнлантарусем

  1. ^ Бывший министр транспорта России Роман Старовойт найден мертвым в Одинцово (2025-07-07). Тӗрӗсленӗ: 2025 ҫулхи утӑн 7-мӗшӗ.
  2. ^ Старовойт Роман биография, личная жизнь, образование, политика. biograf24.com. Пӑхнӑ кун: 2025 ҫулхи утӑн 3-мӗшӗ. Архивланӑ 2019 ҫулхи ҫӑвӑн 11-мӗшӗ.
  3. ^ Роману Старовойту на Курской атомной станции подарили трудовое дело его отца (выр.). Рамблер/новости. Пӑхнӑ кун: 2025 ҫулхи утӑн 3-мӗшӗ. Архивланӑ 2019 ҫулхи ҫӑвӑн 11-мӗшӗ.
  4. ^ 1, 2 Старовойт, Роман Владимирович. Тӗрӗсленӗ: 2025 ҫулхи авӑнӑн 23-мӗшӗ.
  5. ^ В Москве простились с Романом Старовойтом. Фоторепортаж (2025-07-10). Тӗрӗсленӗ: 2025 ҫулхи авӑнӑн 23-мӗшӗ.
  6. ^ Биография Романа Старовойта , Wayback Machine çинчи 2018 ҫулхи чӳкӗн 1-мӗшӗнчи копийӗ // РИА Новости
  7. ^ Роман Старовойт: «Железный человек» для Курской области (выр.) (2018-10-16). 2018 ҫулхи юпан 26-мӗшӗнче архивланӑ. Тӗрӗсленӗ: 2025 ҫулхи утӑн 3-мӗшӗ.
  8. ^ Роман Владимирович Старовойт. Инновационная методика подготовки спортсменов в зимнем полиатлоне (ru-RU). — 2012. 2022 ҫулхи пушӑн 2-мӗшӗнче архивланӑ.
  9. ^ 1, 2 Старовойт Роман Владимирович — Министерство транспорта — Биография (2018-10-08). Тӗрӗсленӗ: 2025 ҫулхи авӑнӑн 23-мӗшӗ.
  10. ^ Роман Старовойт назначен временно исполняющим обязанности Губернатора Курской области (выр.). Президент России. Пӑхнӑ кун: 2025 ҫулхи утӑн 3-мӗшӗ. Архивланӑ 2018 ҫулхи раштавӑн 16-мӗшӗ.
  11. ^ Глава Курской области Роман Старовойт заявил о готовности сотрудничать со всеми партиями. 15.04.2019 ТАСС. Пӑхнӑ кун: 2025 ҫулхи утӑн 3-мӗшӗ. Архивланӑ 2021 ҫулхи ҫурлан 1-мӗшӗ.
  12. ^ «Единая Россия» выдвинула Старовойта в губернаторы Курской области. 13.06.2019 Коммерсантъ. Пӑхнӑ кун: 2025 ҫулхи утӑн 3-мӗшӗ. Архивланӑ 2019 ҫулхи ҫӗртмен 14-мӗшӗ.
  13. ^ Президент РФ Владимир Путин встретился с Романом Старовойтом. Тӗрӗсленӗ: 2025 ҫулхи авӑнӑн 23-мӗшӗ.
  14. ^ Старовойт победил на выборах губернатора Курской области с 81,07% голосов (выр.). www.kommersant.ru (9 авӑнӑн 2019). Пӑхнӑ кун: 2025 ҫулхи утӑн 3-мӗшӗ. Архивланӑ 2019 ҫулхи авӑнӑн 21-мӗшӗ.
  15. ^ Губернатор Курской области Роман Старовойт вступил в «Единую Россию». 9 ноября 2020. Пӑхнӑ кун: 2025 ҫулхи утӑн 3-мӗшӗ. Архивланӑ 2021 ҫулхи кӑрлачӑн 15-мӗшӗ.
  16. ^ Распоряжение Президента Российской Федерации от 21.12.2020 № 310-рп ∙ Официальное опубликование правовых актов ∙ Официальный интернет-портал правовой информации. publication.pravo.gov.ru. Пӑхнӑ кун: 2025 ҫулхи утӑн 3-мӗшӗ. Архивланӑ 2021 ҫулхи кӑрлачӑн 10-мӗшӗ.
  17. ^ Мишустин предложил новый состав правительства. РИА Новости (12 ҫӑвӑн 2024). Пӑхнӑ кун: 2025 ҫулхи утӑн 3-мӗшӗ.
  18. ^ Госдума утвердила Старовойта министром транспорта России. РИА Новости (14 ҫӑвӑн 2024). Пӑхнӑ кун: 2025 ҫулхи утӑн 3-мӗшӗ.
  19. ^ Президент подписал указы о назначении членов Правительства Российской Федерации и директоров служб. kremlin.ru (14 ҫӑвӑн 2024). Пӑхнӑ кун: 2025 ҫулхи утӑн 3-мӗшӗ.
  20. ^ Путин уволил Старовойта с поста главы Минтранса (07.07.2025). Тӗрӗсленӗ: 2025 ҫулхи утӑн 7-мӗшӗ.
  21. ^ Источник. Пӑхнӑ кун: 2025 ҫулхи утӑн 3-мӗшӗ. Архивланӑ 2021 ҫулхи ҫӗртмен 24-мӗшӗ.
  22. ^ В Подмосковье найден мертвым бывший министр Роман Старовойт (2025-07-07). Тӗрӗсленӗ: 2025 ҫулхи утӑн 7-мӗшӗ.
  23. ^ Минтранс выразил соболезнования из-за смерти Старовойта (2025-07-07). Тӗрӗсленӗ: 2025 ҫулхи авӑнӑн 23-мӗшӗ.
  24. ^ Уволенный экс-министр транспорта Роман Старовойт совершил самоубийство (2025-07-07). Тӗрӗсленӗ: 2025 ҫулхи авӑнӑн 23-мӗшӗ.
  25. ^ В Москве прошла церемония прощания с экс-министром транспорта Романом Старовойтом | Эксперт (выр.). Эксперт. Пӑхнӑ кун: 2025 ҫулхи авӑнӑн 23-мӗшӗ.
  26. ^ Старовойта похоронили на Смоленском кладбище (2025-07-11). Тӗрӗсленӗ: 2025 ҫулхи авӑнӑн 23-мӗшӗ.
  27. ^ ТАСС: Старовойта похоронят в Петербурге 11 июля (2025-07-09). Тӗрӗсленӗ: 2025 ҫулхи авӑнӑн 23-мӗшӗ.
  28. ^ Стало известно возможное место похорон экс-министра Старовойта (2025-07-08). Тӗрӗсленӗ: 2025 ҫулхи авӑнӑн 23-мӗшӗ.
  29. ^ Роман Старовойт удостоен Ордена Дружбы - Общественная палата Курской области (2020-08-05). Тӗрӗсленӗ: 2025 ҫулхи авӑнӑн 23-мӗшӗ.
  30. ^ Вероника Иванова. Курского губернатора Романа Старовойта наградили оружием(паллӑ мар). kursk.kp.ru -. Пӑхнӑ кун: 2025 ҫулхи авӑнӑн 23-мӗшӗ.
  31. ^ Дочь Старовойта поблагодарила отца в прощальной речи на его похоронах (2025-07-11). Тӗрӗсленӗ: 2025 ҫулхи авӑнӑн 23-мӗшӗ.
  32. ^ На похороны Старовойта приехали его подруга и бывшая жена (2025-07-11). Тӗрӗсленӗ: 2025 ҫулхи авӑнӑн 23-мӗшӗ.
  33. ^ Роман Старовойт: «Железный человек» для Курской области (ru-RU) (2018-10-16). 2018 ҫулхи юпан 26-мӗшӗнче архивланӑ. Тӗрӗсленӗ: 2025 ҫулхи утӑн 3-мӗшӗ.
  34. ^ Роман Старовойт - о себе: биография врио губернатора Курской области. gtrkkursk.ru. Пӑхнӑ кун: 2025 ҫулхи утӑн 3-мӗшӗ. Архивланӑ 2019 ҫулхи ҫӑвӑн 11-мӗшӗ.
  35. ^ Губернатор Курской области Роман Старовойт попал в санкционный список Великобритании(паллӑ мар). kurskcity.ru. Пӑхнӑ кун: 2025 ҫулхи авӑнӑн 23-мӗшӗ.
  36. ^ Канада вводит санкции против 62 физлиц и одной структуры в связи с ситуацией на Украине (2022-08-23). Тӗрӗсленӗ: 2025 ҫулхи авӑнӑн 23-мӗшӗ.
  37. ^ Russia-related Designations and Designations Updates.

Темӑпа ҫыхӑннисем

Категорисем