Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Белоусов Андрей Рэмович

Белоусов Андрей Рэмович (ҫур. 1959 ҫулхи пушӑн 17-мӗшӗ, Мускав) — Раҫҫей патшалӑх ӗҫченӗ, ӑсчах-экономист. 2024 ҫулхи ҫу уйӑхӗн 14-мӗшӗнчен пуҫласа — Раҫҫей Федерацийӗн хӳтӗлев министрӗ[1]. 2024 ҫулхи ҫӗртмен 11-мӗшӗнчен пуҫласа Раҫҫей Федерацийӗн Хӑрушсӑрлӑх Канашӗн яланхи пайташӗ[2].

2024 ҫулхи утӑ уйӑхӗн 3-мӗшӗнчен пуҫласа СНГ Хӳтӗлев министрӗсен канашӗн председателӗ[3].

2020 ҫулхи кӑрлачӑн 21-мӗшӗнчен пуҫласа 2024 ҫулхи ҫӑвӑн 7-мӗшӗччен Раҫҫей Федерацийӗн Правительствин Председателӗн пӗрремӗш ҫумӗ. 2012 ҫулхи ҫу уйӑхӗн 21-мӗшӗнчен пуҫласа 2013 ҫулхи ҫӗртме уйӑхӗн 24-мӗшӗччен Раҫҫей Федерацийӗн экономика аталанӑвӗн министрӗ[4]. 2013 ҫулхи ҫӗртме уйӑхӗн 24-мӗшӗнчен пуҫласа 2020 ҫулхи кӑрлач уйӑхӗн 21-мӗшӗччен Раҫҫей Федерацийӗн Президенчӗн экономика ыйтӑвӗсемпе ӗҫлекен пулӑшуҫи[5][6]. 2020 ҫулхи ака уйӑхӗн 30-мӗшӗнчен пуҫласа ҫу уйӑхӗн 19-мӗшӗччен Раҫҫей Федерацийӗн Правительствин Председателӗн тивӗҫӗсене пурнӑҫлакан (Раҫҫей Федерацийӗн Правительствин Председателӗ Михаил Мишустин COVID-19 чирпе чирленӗ вӑхӑтра)[7][8][9].

«Раҫҫей чукун ҫулӗсем» акционерсен уҫӑ обществин директорсен канашӗн председателӗ[10]. Раҫҫей ҫутҫанталӑк ӑслӑхӗсен академийӗн (РАЕН) пайташ-корреспонденчӗ. РАН Халӑх хуҫалӑхӗн прогнозлав институчӗн ӑслӑлӑх тата диссертаци канашӗсен пайташӗ[11][12]. «Проблемы прогнозирования» журналӑн ӑслӑлӑхпа редакци канашӗн пайташӗ[13]. Экономика ӑслӑлӑхӗсен докторӗ (2006). Раҫҫей Федерацийӗн тава тивӗҫлӗ экономисчӗ (2007). Раҫҫей Федерацийӗн 1-мӗш класлӑ чӑн патшалӑх канашҫи (2011).

Пурнӑҫӗпе ӗҫӗ-хӗлӗ

Ҫурални, вӗренӳ

Андрей Белоусов 1959 ҫулхи пуш уйӑхӗн 17-мӗшӗнче Мускавра Рэм Белоусов совет экономисчӗн ҫемьинче ҫуралнӑ, амӑшӗ Алиса Павловна радиохимик пулнӑ, каярах сайра тӗл пулакан элементсен химипе аппаланнӑ[14]. Рэм Белоусов хак палӑртас тата управлени енӗпе совет ӑслӑлӑх шкулне йӗркелекенӗ шутланнӑ, «Косыгин реформисене» хатӗрлес ӗҫе хутшӑнакансен шутне кӗнӗ[15], каярах СССР экономика историйӗпе тӑрмашнӑ.

Иккӗмӗш физикӑпа математика шкулӗнчен вӗренсе тухсан Андрей Белоусов М. В. Ломоносов ячӗллӗ Мускав патшалӑх университечӗн экономика факультетне вӗренме кӗнӗ, ӑна 1981 ҫулта «экономика кибернетики» специальноҫпа хӗрлӗ дипломпа вӗренсе пӗтернӗ. Вӗреннӗ чухне 1977—1981 ҫулсенче экономика факультечӗн пӗр кафедрин заведующийӗ пулнӑ Александр Анчишкин ертсе пыракан экономистсен ушкӑнӗпе пӗрле ӗҫлеме тытӑннӑ[15].

Карьера

Аслӑ пӗлӳ илнӗ хыҫҫӑн Белоусов СССР Ӑслӑлӑхсен Академийӗн Тӗп экономикӑпа математика институчӗн (ЦЭМИ) аспирантуринче малалла вӗреннӗ. Ҫав вӑхӑтрах унта ӑслӑлӑх ӗҫне пуҫӑннӑ, малтан стажёр-тӗпчевҫӗ, кайран Э. Б. Ершов ертсе пыракан ЦЭМИ этемлӗхпе машина тытӑмӗсене модельлекен лабораторийӗнче кӗҫӗн ӑслӑлӑх ӗҫтешӗ пулса[16]. ЦЭМИ директорӗн ҫумӗн тивӗҫне Юрий Ярёменко (1994 ҫулта РАН академикӗ пулса тӑнӑскер) йышӑннӑ.

1986 ҫулхи нарӑс уйӑхӗнче ЦЭМИн темиҫе ӑслӑлӑх подразделенийӗн никӗсӗ ҫинче СССР Ӑслӑлӑхсен Академийӗн Экономика тата ӑслӑлахпа техника аталанӑвне прогнозлав институтне (ИЭПНТП) туса хунӑ. Институтӑн тӗп ӗҫӗ — экономика прогнозлавӗ. Белоусов ИЭПНТП-на куҫнӑ, унта йӗркипе кӗҫӗн ӑслӑлӑх сотрудникӗ, ӑслӑлӑх сотрудникӗ тата аслӑ ӑслӑлӑх сотрудникӗ пулса тӑрӑшнӑ. Унӑн ӑслӑлӑх приоритечӗсем макроэкономика тенденцийӗсене прогнозласси, ҫавӑн пекех совет экономикинчи инфляци тата структура кризисӗ пулнӑ[15].

1988 ҫулта Белоусов «Имитационное моделирование механизмов формирования и использования оборотных средств (многоотраслевой подход)» темӑпа кандидат диссертацине хӳтӗленӗ. Виҫӗ ҫул иртсен, 1991 ҫулта, ИЭПНТП лаборатори заведующине лартнӑ, вӑл Э. Б. Ершова улӑштарнӑ. Ҫак должноҫе Белоусов 2006 ҫулччен йышӑннӑ, ҫав хушӑрах ытти организацисенче ӗҫленӗ, патшалӑх ӗҫне куҫсан ҫеҫ пӑрахса кайнӑ. Белоусов пуҫарнипе лаборатори ҫумӗнче экономика енӗпе аналитика журналӗ кӑларнӑ[17].

1991 ҫулхи чӳк уйӑхӗнче Тулашри политика ассоциацийӗн аналитика ушкӑнӗ йӗркеленнӗ, хӑш чухне ӑна «Бессмертных ушкӑнӗ» (унӑн никӗслевҫи, СССР ют ҫӗршывсен ӗҫӗсен экс-министрӗ Александр Бессмертных хушамачӗпе) теҫҫӗ. Унӑн ӗҫӗн формачӗ — тӑтӑшах экономика темисене сӳтсе явассине, дискуссисене йӗркелесси. Каярахпа вӗсен стенограммисене вуласан тарӑнрах тӗпчемелли япала пулса тӑнӑ, хӑш-пӗр чухне вара ӑслӑлӑх ӗҫӗсен никӗсӗнче усӑ курнӑ[18]. Белоусов Бессмертных ушкӑнне 1990-мӗш ҫулсен пуҫламӑшӗнче кӗнӗ, хӑш-пӗр темӑсене хатӗрлеме хутшӑннӑ. Унпа пӗрле ушкӑн ӗҫне Андрей Клепач хутшӑннӑ, каярах — Раҫҫей Федерацийӗн Экономика аталанӑвӗн министерствинче Белоусовӑн ҫумӗ[17].

1999 ҫултанпа Белоусов Экономика министерствин коллегине кӗнӗ[19][20], темиҫе премьерӑн консультанчӗ шутланнӑ: Евгений Примаковӑн, Сергей Степашинӑн, Михаил Касьяновӑн тата Михаил Фрадковӑн (Касьяновпа тата Фрадковпа штатра тӑман канашҫӑ статусӗнче ӗҫленӗ[15][16]).

2000 ҫулта Белоусов макроэкономика анализӗн тата кӗске вӑхӑтлӑх прогнозлав центрне никӗслесе ертсе пынӑ, унӑн никӗсӗ ҫинче 2005 ҫулта «Раҫҫей экономикин вӑрах вӑхӑтлӑх тренчӗсем: Раҫҫейӗн 2020-мӗш ҫулчченхи экономика аталанӑвӗн сценарийӗсем» доклад пичетленӗ[17]. Белоусов докладра 2008 ҫулта тӗнчере экономика кризисӗ пуласса, унсӑр пуҫне 2011—2012 ҫулсенче экономика аталанӑвӗ чакасса тата 2015—2017 ҫулсенче патшалӑх управленийӗн тытӑмӗнче йывӑрлах сиксе тухма пултарасса палӑртнӑ[21][22].

2006 ҫулхи нарӑсӑн 8-мӗшӗнче Белоусов хӑйӗн биографийӗн ҫӗнӗ сыпӑкне пуҫланӑ: патшалӑх хӗсметне куҫнӑ. Раҫҫей Федерацийӗн экономика аталанӑвӗн министрӗ Герман Греф йыхравланипе унӑн ҫумӗ пулса тӑнӑ[23][24]. Ҫав вӑхӑтрах вӑл ытти мӗнпур должноҫсенчен кайнӑ (ЦМАКП генеральнӑй директорӗ пулма экономика ӑслӑлӑхӗсен кандидатне Е. А. Абрамована шаннӑ).

Ҫав ҫулах Белоусов «Противоречия и перспективы развития системы воспроизводства российской экономики» темӑпа доктор диссертацине хӳтӗлесе экономика ӑслӑлӑхӗсен докторӗн степеньне илнӗ[25] («08.00.05 — экономика тата халӑх хуҫалӑхӗн управленийӗ» специальноҫпа).

Министерствӑра Белоусов макроэкономика блокне туртнӑ, ҫав шутра инвестици климатне лайӑхлатас, федерацин тӗллевлӗ программисене пурнӑҫа кӗртес ыйтусене, Внешэкономбанкӑн инвестици ӗҫ-хӗлне[26]. Вӑл ертсе пынипе нумай вӑхӑтлӑх социаллӑ пурнӑҫпа экономика аталанӑвӗн концепцине (КДР-2020) тата «Суту-илӳ ҫинчен» саккун проектне (2009 ҫулхи раштавӑн 28-мӗшӗнче йышӑннӑ) туса хатӗрленӗ[27].

undefined

2007 ҫулта, Греф Раҫҫейӗн Экономика аталанӑвӗн министерствинчен тухса кайсан, министра унччен министр ҫумӗ пулнӑ Эльвира Набиуллинана лартнӑ. Хӑйӗн постне Белоусов сыхласа хӑварнӑ, кайран, 2008 ҫулхи утӑ уйӑхӗн 17-мӗшӗнче РФ Правительствине пысӑкрах должноҫа кайнӑ: Владимир Путин премьер ӑна Раҫҫей Федерацийӗн Правительствин аппарачӗн экономикӑпа финанс департаменчӗн директорне лартнӑ[28]. Кӑшт маларах, 2007 ҫулхи ҫулла, Белоусов Раҫҫей Федерацийӗн тава тивӗҫлӗ экономисчӗ ятне илнӗ[29].

Раҫҫей Правительствин 2008—2012 ҫулсенче экономика повесткине йӗркелессишӗн РФ Правительствин Председателӗн пӗрремӗш ҫумӗ Игорь Шувалов[30], Белоусов тата Эльвира Набиуллина яваплӑ пулнӑ.

РФ Правительствинче Белоусов бюджет йӗркелессипе, патшалӑх инвестицийӗсемпе, инвестици климатне лайӑхлатассипе ҫыхӑннӑ ыйтусемшӗн яваплӑ пулнӑ. Ун ҫумӗнче Стратегилле пуҫарусен агентствине туса хунӑ тата унӑн никӗсӗ ҫинче Раҫҫейре предприниматель ӗҫ-хӗлне пурнӑҫламалли условисене лайӑхлатма тӗллев лартнӑ «Наци предпринимательлӗх пуҫарӑвӗ» текен ярӑма хута янӑ[15][17][31].

Ҫу уйӑхӗнче Раҫҫей Федерацийӗн Патшалӑх Думи РФ Правительствин Председательне ҫӗнӗрен суйланӑ президент Путин тӑратнӑ Дмитрий Медведева ҫирӗплетнӗ. Тепӗртакран министрсен ҫӗнӗ кабинетне те палӑртнӑ: Белоусова РФ экономика аталанӑвӗн министрӗн должноҫне лартнӑ[4][16]. Ҫав вӑхӑтрах, МИХсем пӗлтернӗ тӑрӑх, Белоусова ҫавӑн пекех РФ Президенчӗн экономика ыйтӑвӗсемпе ӗҫлекен пулӑшуҫин вырӑнне те лартма шутланӑ, анчах та кайран ҫак поста Эльвира Набиуллинӑна лартнӑ[32].

2013 ҫулхи ҫӗртмен 24-мӗшӗнче Белоусова Раҫҫей Федерацийӗн Тӗп банкӗн пуҫлӑхӗн пуканне йышӑннӑ Набиуллина[33] вырӑнне РФ Президенчӗн экономика ыйтӑвӗсемпе ӗҫлекен пулӑшуҫи пулма ҫирӗплетнӗ[5][34].

2015 ҫулхи ҫӗртмен 17-мӗшӗнчен пуҫласа 2017 ҫулхи авӑнӑн 29-мӗшӗччен Белоусов «Роснефть» НК" ПАО директорӗсен канашӗн председателӗ пулнӑ[35].

2020 ҫулхи кӑрлачӑн 21-мӗшӗнче Белоусова Михаил Мишустинӑн ҫӗнӗ правительствинче Раҫҫей Федерацийӗн Правительствин Председателӗн пӗрремӗш ҫумӗ пулма ҫирӗплетнӗ[36].

2020 ҫулхи пуш уйӑхӗнчен пуҫласа — «РЖД» УАО директорӗсен канашӗн председателӗ[37][38].

2020 ҫулхи ака уйӑхӗн 30-мӗшӗнчен пуҫласа ҫу уйӑхӗн 19-мӗшӗччен Михаил Мишустин COVID-19 чиртен сипленнӗ тапхӑрта Раҫҫей Федерацийӗн Правительствин Председателӗн тивӗҫӗсене пурнӑҫланӑ.

2024 ҫулхи ҫу уйӑхӗн 12-мӗшӗнче Раҫҫей Президенчӗ Владимир Путин Федераци Канашне Белоусова Раҫҫей Федерацийӗн хӳтӗлев министрне лартма сӗннӗ[39]. Ҫу уйӑхӗн 14-мӗшӗнче Федераци Канашӗ канашлу ирттернӗ[40], ҫак кунах РФ Президенчӗ Хушӑва алӑ пуснӑ[1].

2024 ҫулхи ҫӗртмен 11-мӗшӗнче Владимир Путин Президент Белоусова Раҫҫей Федерацийӗн Хӑрушсӑрлӑх канашӗн яланхи членӗсен йышне кӗртнӗ[41].

2024 ҫулхи утӑ уйӑхӗн 3-мӗшӗнче Минскра иртнӗ хӳтӗлев министрӗсен канашӗн ларӑвӗнче СНГ хӳтӗлев министрӗсен канашӗн председательне суйланӑ[3].

2024 ҫулхи раштавӑн 13-мӗшӗнче[42] Белоусова Ҫар-тӑвакан компанин сӑнав канашӗн председателӗ пулма 5 ҫуллӑха лартнӑ[43].

2025 ҫулхи пушӑн 10-мӗшӗнче Раҫҫей Президенчӗн хушӑвӗпе Белоусов РФПИ сӑнав канашӗн членӗ пулма пӑрахнӑ[44].

2025 ҫулхи ҫу уйӑхӗн 15-мӗшӗнче Раҫҫей Президенчӗн хушӑвӗпе ӑна Раҫҫей ӑслӑлӑх академийӗн попечительсен канашне кӗртнӗ[45].

Ҫемье

Ашшӗ — Рэм Александрович Белоусов (1926—2008), экономист, экономика ӑслӑлӑхӗсен докторӗ, экономика историкӗ[46].

Амӑшӗ — Алиса Павловна Белоусова (Травникова) (1934—2015), химик, хими ӑслӑлӑхӗсен кандидачӗ[47].

Кукашшӗ Павел Иванович Травников — агроном, Мускавра Травников пахчине никӗсленӗ.

Иккӗмӗш хут авланнӑ. Мӑшӑрӗ — Лариса Владимировна Белоусова (Авдеева) (1961).

Пӗрремӗш мӑшӑрӗнчен унӑн Павел (1994) ывӑлӗ пур. Бауман ячӗллӗ МГТУ-ран вӗренсе тухнӑ[48].

Шӑллӗ Дмитрий — Макроэкономика тишкерӗвӗн тата кӗске вӑхӑтлӑх прогнозлав центрӗн (ЦМАКП) ертсе пыракан эксперчӗ[14].

Класс чинӗ

Раҫҫей Федерацийӗн I класлӑ чӑн патшалӑх канашҫи (2011).

Хисепӗсем

  • «Мускав 850 ҫул тултарнине асӑнса» медаль (1997);
  • Раҫҫей Федерацийӗн Президенчӗн Тав самахӗ (2005, авӑн, 1) — Раҫҫей Федерацийӗн Патшалӑх Канашӗн ӗҫ-хӗлне тивӗҫлӗ йӗркелесе пынӑшӑн[49];
  • Раҫҫей Федерацин тава тивӗҫлӗ экономисчӗ (2007, ҫӗртме, 12) — патшалӑхӑн экономика политикине тивӗҫлӗ тытса пынӑшӑн тата нумай ҫул тӳрӗ кӑмӑлпа ӗҫленӗшӗн[29];
  • Хисеп орденӗ (2009, ҫӗртме, 14) — ӗҫри ҫитӗнӳсемшӗн тата нумай ҫул хушши тӳрӗ кӑмӑлпа ӗҫленӗшӗн[50];
  • «Сывлӑш-ҫар вӑйӗсем 100 ҫулта» медаль (2012).

Наука ӗҫӗ-хӗлӗ тата публикацисем

Ӑслӑлӑхра Белоусов экономика тытӑмӗн шкулӗн элчи шутланать. 2019 ҫулхи чӳк уйӑхӗнче Белоусовӑн ӑслӑлӑх ӗҫӗсене Раҫҫейри ӑслӑлӑх ӗҫӗсене цитаталас индексӗ Хирш индексӗ 18-па танлашать, пӗтӗмӗшле Ӑслӑлӑх электронлӑ библиотекӑн eLIBRARY кӑтартӑвӗ — 19[51].

  • 1995 — «Структурный кризис советской индустриальной системы» статья[52][53] «Иное. Хрестоматия нового российского самосознания» ӑслӑлӑх ӗҫӗсен пуххинче.
  • 1999 — «Интеграрованные матрицы финансовых потоков (методический и инструментальный подходы)» Раҫҫейре Social Accounting Matrix аталантарни пирки Белоусовпа Е. А. Абрамован пӗрлехи ӗҫӗ.
  • 2000—2001 — Белоусов ертсе пынипе ЦМАКП эксперчӗсем «Проблемы прогнозирования» журналта статьясен ярӑмне хатӗрленӗ, вӗсем посткризис чӗрӗлӗвӗн пӗрремӗш тапхӑрне тишкернӗ тата Раҫҫей экономикин аталанӑвӗн вӑрах вӑхӑтлӑх прогнозне хатӗрленӗАрхив журнала «Проблемы прогнозирования». Институт народнохозяйственного прогнозирования РАН. Пӑхнӑ кун: 2012 ҫулхи юпан 2-мӗшӗ. Архивланӑ 2012 ҫулхи юпан 18-мӗшӗ.</ref>.
  • 2003—2004 — Белоусов Раҫҫей экономикин аталанӑвӗн тытӑмӗпе факторӗсене тишкерекен статьясен ярӑмне хатӗрлес ӗҫе ертсе пынӑ («Развитие российской экономики в посткризисный период (макроэкономический аспект)»[54], «Развитие российской экономики в среднерочной перспективе: анализ угроз»[55] тата ытти те).
  • 2005—2007 — «Российское экономическое чудо: сделаем сами. Прогноз развития экономики до 2020 года» кӗнекен авторсен коллективне ертсе пынӑ[56]. Кӗнекери икӗ сыпӑка «Проблемы прогнозирования» журналта уйрӑм статьян пичетлесе кӑларнӑ[57][58].
  • 2006 — доктор диссертацине тӗпе хурса «Эволюция системы воспроизводства российской экономики: От кризиса к развитию» кӗнеке кӑларнӑ[59].

Ӑнлантарусем

  1. ^ 1, 2 Президент подписал указы о назначении членов Правительства Российской Федерации и директоров служб. kremlin.ru (14 ҫӑвӑн 2024). Пӑхнӑ кун: 2024 ҫулхи ҫӑвӑн 14-мӗшӗ.
  2. ^ Путин включил Белоусова в число постоянных членов Совбеза. ТАСС (11 ҫӗртмен 2024). Пӑхнӑ кун: 2024 ҫулхи ҫӗртмен 11-мӗшӗ.
  3. ^ 1, 2 Белоусова избрали председателем Совета министров обороны СНГ (2024-07-03). Тӗрӗсленӗ: 2024 ҫулхи утӑн 3-мӗшӗ.
  4. ^ 1, 2 Кабинет заместителей. Новые лица правительства Медведева, Газета.Ru (2012-05-21). 2012 ҫулхи авӑнӑн 27-мӗшӗнче архивланӑ. Тӗрӗсленӗ: 2012 ҫулхи юпан 7-мӗшӗ.
  5. ^ 1, 2 Андрей Белоусов назначен помощником Президента, Официальный сайт президента РФ (2013-06-24). 2013 ҫулхи ҫӗртмен 25-мӗшӗнче архивланӑ. Тӗрӗсленӗ: 2013 ҫулхи ҫӗртмен 24-мӗшӗ.
  6. ^ Улюкаев стал министром экономического развития, Белоусов - помощником президента, Вести.ру (2013-06-24). 2013 ҫулхи ҫӗртмен 27-мӗшӗнче архивланӑ. Тӗрӗсленӗ: 2013 ҫулхи ҫӗртмен 24-мӗшӗ.
  7. ^ Указ Президента Российской Федерации от 30.04.2020 года «Об исполнении обязанностей Председателя Правительства Российской Федерации». Пӑхнӑ кун: 2020 ҫулхи ҫӑвӑн 1-мӗшӗ. Архивланӑ 2020 ҫулхи ҫӑвӑн 1-мӗшӗ.
  8. ^ Мишустин заразился коронавирусом и временно сложил полномочия премьера. Пӑхнӑ кун: 2020 ҫулхи акан 30-мӗшӗ. Архивланӑ 2020 ҫулхи акан 30-мӗшӗ.
  9. ^ О признании утратившим силу Указа об исполнении обязанностей Председателя Правительства. Пӑхнӑ кун: 2020 ҫулхи ҫӑвӑн 19-мӗшӗ. Архивланӑ 2020 ҫулхи ҫӑвӑн 19-мӗшӗ.
  10. ^ Председатель совета директоров РЖД. Пӑхнӑ кун: 2020 ҫулхи акан 11-мӗшӗ. оригиналтан архивланӑ 2020 ҫулхи ҫӑвӑн 16-мӗшӗ.
  11. ^ Учёный совет. ИНП РАН. Пӑхнӑ кун: 2012 ҫулхи юпан 7-мӗшӗ. Архивланӑ 2012 ҫулхи юпан 11-мӗшӗ.
  12. ^ Диссертационный совет. ИНП РАН. Пӑхнӑ кун: 2012 ҫулхи юпан 7-мӗшӗ. Архивланӑ 2012 ҫулхи юпан 11-мӗшӗ.
  13. ^ Информация о журнале «Проблемы прогнозирования». ИНП РАН. Пӑхнӑ кун: 2012 ҫулхи юпан 7-мӗшӗ. Архивланӑ 2012 ҫулхи чӳкӗн 9-мӗшӗ.
  14. ^ 1, 2 Всем хорош. Пӑхнӑ кун: 2015 ҫулхи раштавӑн 10-мӗшӗ. Архивланӑ 2015 ҫулхи раштавӑн 11-мӗшӗ.
  15. ^ 1, 2, 3, 4, 5 Белоусов Андрей Рэмович. РБК. Пӑхнӑ кун: 2012 ҫулхи юпан 14-мӗшӗ. Архивланӑ 2012 ҫулхи юпан 18-мӗшӗ.
  16. ^ 1, 2, 3 Биография Андрея Белоусова. РИА Новости. Пӑхнӑ кун: 2012 ҫулхи юпан 7-мӗшӗ. Архивланӑ 2012 ҫулхи юпан 18-мӗшӗ.
  17. ^ 1, 2, 3, 4 Всем хорош, Коммерсант. Огонёк (2013-07-01). 2015 ҫулхи раштавӑн 11-мӗшӗнче архивланӑ. Тӗрӗсленӗ: 2015 ҫулхи раштавӑн 10-мӗшӗ.
  18. ^ Аналитическая группа Внешнеполитической ассоциации ("Группа Бессмертных"). «Русский журнал». Пӑхнӑ кун: 2013 ҫулхи пушӑн 30-мӗшӗ. Архивланӑ 2012 ҫулхи утӑн 24-мӗшӗ.
  19. ^ Распоряжение Правительства Российской Федерации от 25.01.1999 г. № 145-р «О члене коллегии министерства экономики Российской Федерации». Пӑхнӑ кун: 2020 ҫулхи нарӑсӑн 11-мӗшӗ. Архивланӑ 2020 ҫулхи ҫӑвӑн 16-мӗшӗ.
  20. ^ Распоряжение Правительства Российской Федерации от 31.01.2001 г. № 137-р «О членах коллегии министерства экономического развития и торговли Российской Федерации». Пӑхнӑ кун: 2020 ҫулхи нарӑсӑн 11-мӗшӗ. Архивланӑ 2020 ҫулхи ҫӑвӑн 16-мӗшӗ.
  21. ^ Борзова, Дарья. О кризисе предупреждали давно, Zaks.ru (2008-11-28). 2015 ҫулхи раштавӑн 22-мӗшӗнче архивланӑ. Тӗрӗсленӗ: 2012 ҫулхи юпан 14-мӗшӗ.
  22. ^ Белоусов, Андрей Рэмович. Долгосрочные тренды российской экономики. — 2005. 2018 ҫулхи ҫурлан 27-мӗшӗнче архивланӑ.
  23. ^ Распоряжение Правительства Российской Федерации от 6 февраля 2006 г. № 133-р «О заместителе министра экономического развития и торговли Российской Федерации»( ӗҫлемен каҫӑ)
  24. ^ Распоряжение Правительства Российской Федерации от 26 июня 2008 г. № 927-р «О заместителе министра экономического развития Российской Федерации»( ӗҫлемен каҫӑ)
  25. ^ Белоусов, Андрей Рэмович. Противоречия и перспективы развития системы воспроизводства российской экономики (выр.). disserCat (2006). Пӑхнӑ кун: 2012 ҫулхи ҫурлан 4-мӗшӗ. Архивланӑ 2012 ҫулхи ҫурлан 17-мӗшӗ.
  26. ^ Белоусов, Андрей (выр.). Лента.ру. Пӑхнӑ кун: 2012 ҫулхи юпан 7-мӗшӗ. Архивланӑ 2012 ҫулхи юпан 14-мӗшӗ.
  27. ^ Федеральный закон от 28 декабря 2009 г. N 381-ФЗ «Об основах государственного регулирования торговой деятельности в Российской Федерации» (выр.). «Гарант.ру». Пӑхнӑ кун: 2012 ҫулхи юпан 7-мӗшӗ. Архивланӑ 2012 ҫулхи юпан 18-мӗшӗ.
  28. ^ Распоряжение Правительства Российской Федерации от 17 июля 2008 г. № 1019-р «О Белоусове А. Р.» Пӑхнӑ кун: 2012 ҫулхи ҫӑвӑн 22-мӗшӗ. оригиналтан архивланӑ 2013 ҫулхи акан 16-мӗшӗ.
  29. ^ 1, 2 Указ Президента Российской Федерации от 12.06.2007 г. № 750 «О награждении государственными наградами Российской Федерации Цыплакова С. С. и Белоусова А. Р.» Пӑхнӑ кун: 2020 ҫулхи нарӑсӑн 11-мӗшӗ. Архивланӑ 2020 ҫулхи ҫӑвӑн 16-мӗшӗ.
  30. ^ О распределении обязанностей между Первым заместителем Председателя Правительства Российской Федерации, заместителями Председателя Правительства Российской Федерации(недоступная ссылка — история). Пӑхнӑ кун: 2012 ҫулхи юпан 2-мӗшӗ. Архивланӑ 2012 ҫулхи юпан 18-мӗшӗ.
  31. ^ Андрей Белоусов назначен министром экономического развития РФ. Российская газета (21 ҫӑвӑн 2012). Пӑхнӑ кун: 2012 ҫулхи юпан 14-мӗшӗ. Архивланӑ 2012 ҫулхи ҫӑвӑн 25-мӗшӗ.
  32. ^ Максим Товкайло, Ольга Плотонова. Новым министром экономического развития может стать Алексей Улюкаев, Ведомости (2013-06-18). 2020 ҫулхи ҫӑвӑн 16-мӗшӗнче архивланӑ. Тӗрӗсленӗ: 2013 ҫулхи ҫӗртмен 20-мӗшӗ.
  33. ^ Указ «О Набиуллиной Э.С.», Официальный сайт президента РФ (2013-06-24). 2013 ҫулхи ҫӗртмен 27-мӗшӗнче архивланӑ. Тӗрӗсленӗ: 2013 ҫулхи ҫӗртмен 24-мӗшӗ.
  34. ^ Путин назначил Алексея Улюкаева главой Минэкономразвития. Пӑхнӑ кун: 2013 ҫулхи ҫӗртмен 24-мӗшӗ. Архивланӑ 2013 ҫулхи утӑн 29-мӗшӗ.
  35. ^ Помощник президента Андрей Белоусов возглавил совет директоров «Роснефти» — Интерфакс. Пӑхнӑ кун: 2015 ҫулхи авӑнӑн 10-мӗшӗ. Архивланӑ 2015 ҫулхи авӑнӑн 30-мӗшӗ.
  36. ^ Указ Президента Российской Федерации от 21.01.2020 г. № 25 «О Первом заместителе Председателя Правительства Российской Федерации». Пӑхнӑ кун: 2020 ҫулхи нарӑсӑн 11-мӗшӗ. Архивланӑ 2020 ҫулхи ҫӑвӑн 16-мӗшӗ.
  37. ^ ТАСС, 13 марта 2020. Первый вице-премьер Белоусов возглавит совет директоров РЖД. Пӑхнӑ кун: 2020 ҫулхи пушӑн 13-мӗшӗ. Архивланӑ 2020 ҫулхи акан 23-мӗшӗ.
  38. ^ Совет директоров РЖД наполовину обновится. В новый состав могут войти Андрей Белоусов и Максим Решетников. Ведомости (10 пушӑн 2020). Пӑхнӑ кун: 2020 ҫулхи пушӑн 11-мӗшӗ. Архивланӑ 2020 ҫулхи пушӑн 11-мӗшӗ.
  39. ^ Путин предложил назначить Белоусова министром обороны РФ. iz.ru (12 ҫӑвӑн 2024). Пӑхнӑ кун: 2024 ҫулхи ҫӑвӑн 12-мӗшӗ.
  40. ^ СФ признал состоявшимися консультации по кандидатам в главы министерств и ведомств. ТАСС (14 ҫӑвӑн 2024). Пӑхнӑ кун: 2024 ҫулхи ҫӑвӑн 14-мӗшӗ.
  41. ^ Путин включил Белоусова в число постоянных членов Совбеза. ТАСС (11 ҫӗртмен 2024). Пӑхнӑ кун: 2024 ҫулхи ҫӗртмен 11-мӗшӗ.
  42. ^ Распоряжение Правительства Российской Федерации от 13.12.2024 № 3753-р. publication.pravo.gov.ru/ (16 раштавӑн 2024). Пӑхнӑ кун: 2025 ҫулхи авӑнӑн 11-мӗшӗ. Архивланӑ 2025 ҫулхи юпан 4-мӗшӗ.
  43. ^ Белоусова назначили председателем набсовета Военно-строительной компании. ТАСС (16 раштавӑн 2024). Пӑхнӑ кун: 2025 ҫулхи авӑнӑн 11-мӗшӗ. Архивланӑ 2025 ҫулхи кӑрлачӑн 8-мӗшӗ.
  44. ^ Новак включен в набсовет РФПИ, Белоусов и экс-глава ВЭБа Дмитриев вышли из него (2025-03-10). 2025 ҫулхи акан 30-мӗшӗнче архивланӑ. Тӗрӗсленӗ: 2025 ҫулхи авӑнӑн 11-мӗшӗ.
  45. ^ Указ Президента Российской Федерации от 15.05.2025 № 318 "О попечительском совете Российской академии наук". publication.pravo.gov.ru. Пӑхнӑ кун: 2025 ҫулхи авӑнӑн 11-мӗшӗ. Архивланӑ 2025 ҫулхи ҫурлан 15-мӗшӗ.
  46. ^ Биография Р. А. Белоусова. Пӑхнӑ кун: 2012 ҫулхи утӑн 2-мӗшӗ. Архивланӑ 2012 ҫулхи юпан 6-мӗшӗ.
  47. ^ Краткая биография А. П. Белоусовой. Пӑхнӑ кун: 2012 ҫулхи утӑн 2-мӗшӗ. оригиналтан архивланӑ 2013 ҫулхи пушӑн 18-мӗшӗ.
  48. ^ Выписка из приказа о зачислении в МГТУ им. Баумана. Пӑхнӑ кун: 2012 ҫулхи ҫӗртмен 29-мӗшӗ. оригиналтан архивланӑ 2020 ҫулхи утӑн 17-мӗшӗ.
  49. ^ Распоряжение Президента Российской Федерации от 01.09.2005 г. № 395-рп «О поощрении». Пӑхнӑ кун: 2020 ҫулхи нарӑсӑн 11-мӗшӗ. Архивланӑ 2020 ҫулхи утӑн 16-мӗшӗ.
  50. ^ Указ Президента Российской Федерации от 14.06.2009 г. № 686 «О награждении государственными наградами Российской Федерации». Пӑхнӑ кун: 2020 ҫулхи нарӑсӑн 11-мӗшӗ. Архивланӑ 2020 ҫулхи утӑн 16-мӗшӗ.
  51. ^ Белоусов, Андрей Рэмович. Российский индекс научного цитирования
  52. ^ «Иное. Путеводитель.» «Хрестоматия нового российского самосознания» (1995). Пӑхнӑ кун: 2012 ҫулхи ҫурлан 4-мӗшӗ. оригиналтан архивланӑ 2013 ҫулхи раштавӑн 19-мӗшӗ.
  53. ^ Белоусов, Андрей Рэмович. «Структурный кризис советской индустриальной системы» (1995). Пӑхнӑ кун: 2012 ҫулхи ҫурлан 4-мӗшӗ. оригиналтан архивланӑ 2013 ҫулхи раштавӑн 19-мӗшӗ.
  54. ^ Белоусов, Андрей Рэмович. «Развитие российской экономики в посткризисный период (макроэкономический аспект)»(недоступная ссылка — история). Институт народнохозяйственного прогнозирования РАН (1 ҫӗртмен 2003). Пӑхнӑ кун: 2012 ҫулхи ҫурлан 4-мӗшӗ. Архивланӑ 2012 ҫулхи ҫурлан 17-мӗшӗ.
  55. ^ Белоусов, Андрей Рэмович. «Развитие российской экономики в среднесрочной перспективе: анализ угроз»(недоступная ссылка — история). Институт народнохозяйственного прогнозирования РАН (1 ҫӗртмен 2003). Пӑхнӑ кун: 2012 ҫулхи ҫурлан 4-мӗшӗ. Архивланӑ 2012 ҫулхи ҫурлан 17-мӗшӗ.
  56. ^ «Российское экономическое чудо: сделаем сами. Прогноз развития экономики России до 2020 года». — «Деловая литература», 2007. — 128 с. — ISBN 978-5-93211-043-0.( ӗҫлемен каҫӑ)
  57. ^ Белоусов, Андрей Рэмович. Сценарии экономического развития России на пятнадцатилетнюю перспективу(недоступная ссылка — история). Институт народнохозяйственного прогнозирования РАН (2006). Пӑхнӑ кун: 2012 ҫулхи юпан 7-мӗшӗ. Архивланӑ 2012 ҫулхи юпан 18-мӗшӗ.
  58. ^ В. А. Сальников, Д. И. Галимов. Конкурентоспособность отраслей российской промышленности – текущее состояние и перспективы. Институт народнохозяйственного прогнозирования РАН (2 акан 2006). Пӑхнӑ кун: 2012 ҫулхи юпан 2-мӗшӗ. оригиналтан архивланӑ 2014 ҫулхи ҫӑвӑн 24-мӗшӗ.
  59. ^ Белоусов, Андрей Рэмович. «Эволюция системы воспроизводства российской экономики: От кризиса к развитию». — «Макс-пресс», 2006. — 396 с. — 500 экз. — ISBN 5-317-01601-0. , Wayback Machine çинчи 2020 ҫулхи утӑн 16-мӗшӗнчи копийӗ

Каҫӑсем

Темӑпа ҫыхӑннисем

Категорисем