Савельев Виталий Геннадьевич

• 1977—1980 — СССР Минэнергон Пӗтӗм союзри «Оргэнергостройкӑн» Ленинградри филиалӗн пусконаладочнӑй пайӗн инженерӗ (1970).
• 1980—1984 — СССР Минэнергон «Красноярскэнергострой» УС хушма предприятисен управленийӗн техника пайӗн пуҫлӑхӗ, тӗп конструкторӗ, Красноярск крайӗнчи Саяногорск(выр.)чăв..
• 1984 — СССР Минэнергон Пӗтӗм союзри «Оргэнергостройкӑн» Ленинградри филиалӗн КР-3 пай ушкӑнӗн ертӳҫи; Ленинград.
• 1984—1987 — СССР Минмонтажспецстройӑн «Севзапметаллургмонтаж» управляющи трестӑн тӗп технолог тивӗҫӗсене вӑхӑтлӑха пурнӑҫлакан, тӗп технолог, управляющи тивӗҫне вӑхӑтлӑха пурнӑҫлакан, управляющи ҫумӗ; Ленинград.
• 1987—1988 — «Главленинградинжстрой» инженери сооруженийӗсене тӑвакан тӗп управленийӗн пуҫлӑх ҫумӗ; Ленинград.
• 1988—1991 — советсемпе американсен пӗрлехи «Диалог» предприятийӗн Ленинградри филиалӗн директорӗ.
• 1991—1993 — советсемпе американсен «Диалог-инвест» АО тӗп директорӗ; Санкт-Петербург.
• 1993—1995 — «Россия» акционерлӑ банкӑн правлени председателӗ; Санкт-Петербург.
• 2001—2002 — «Газпром» УАО правленийӗн председатель ҫумӗ, Мускав.
• 2002—2004 — «ГРОС Пӗрлешӳллӗ компани» ТМЯП-ра финанс ыйтӑвӗсемпе ӗҫлекен вице-президент; Мускав облаҫӗнчи Красногорск(выр.)чăв. хули.
• 2004—2007 — Раҫҫей Федерацийӗн экономика аталанӑвӗпе суту-илӳ министрӗн ҫумӗ
• 2007—2009 — «Система» акционерлӑ финанс корпорацийӗ УАО-ра пӗрремӗш вице-президент — телекоммуникаци активӗсене аталантаракан комплекс ертӳҫи (телекоммуникаци тытӑмӗ), пӗрремӗш вице-президент — «Телекоммуникаци активӗсем» бизнес пайӗн пуҫлӑхӗ; Мускав.
• 2009—2020 — «Аэрофлот—Раҫҫей авиалинийӗсем» ПАО тӗп директорӗ; Мускав.

Савельев вӑхӑтӗнче «Аэрофлот» авиакомпани турттарас енӗпе тӗнчери чи пысӑк топ-20 авиакомпани шутне кӗнӗ^[11], американ Bain & Company консалтинг компанийӗ тӗпчевӗ тӑрӑх тӗнчери мӗнпур авиакомпани хушшинче цифровизаци енӗпе тӑваттӑмӗш вырӑн йышӑннӑ^[12].

Раҫҫейри тата ют ҫӗршыври авиакомпанисем валли пӗрешкел конкурентлӑ условисем йӗркелес, ҫавӑн пекех Раҫҫейре авиабилетсен хакне чакарма хавхалантарас тӗллевпе Савельев тӗрлӗ тапхӑрта саккун хатӗрлемелли пуҫарусемпе тухнӑ, вӗсене тӗпе хурса Раҫҫей Федерацийӗн Сывлӑш кодексне улшӑнусем кӗртнӗ. 2014 ҫулта вӑл «тавӑрса пама ҫук тариф» кӗртме сӗннӗ, унпа килӗшӳллӗн пассажир дисконт тарифӗпе вӗҫме килӗшмесен билетшӑн тӳленӗ укҫана каялла тавӑрса паманнипе килӗшнӗ^[13][14].

Ҫав ҫулах, 2014 ҫулта, Савельев Раҫҫей авиакомпанийӗсене сывлӑш карапӗсен капитанӗсем пулма (квота чиккинче тата РФ правительстви палӑртакан условипе) ют ҫӗршыв гражданӗсене йышӑнма ирӗк пама пуҫарупа тухнӑ^[15][16].

2017 ҫулта Савельев «багажсӑр тарифсемпе» усӑ курма май туса панӑ, унпа килӗшӳллӗн регистрациленӗ багажа тӳлевсӗр илсе ҫӳремелли нормӑран хӑтӑлнӑ, тата алӑпа йӑтакан кутамккан йывӑрӑшне 10 килограмран 5 килограмм таран чакарнӑ. Ку ҫӗнӗлӗхе пассажирсем те, МИХсенче те тиркесе пӗтернӗ^[17].

2017 ҫулта Савельев РФ Сывлӑш кодексне йывӑрлӑх кӑларса тӑратакан пассажирсен «хура списокне» кӗртекен улшӑнусем хушма сӗннӗ. Списока кура авиакомпани сывлӑш карапӗ ҫинче маларах административлӑ майпа право пӑснӑ, е ҫавӑн пек правӑна пӑснине тӗпе хурса суд йышӑну тунӑ пассажирсене илсе каймасӑр хӑварма право пулнӑ^[18].

2011 ҫулта Савельев Раҫҫей историйӗнче пӗрремӗш хут «Аэрофлот» холдинг ушкӑнне йӗркеленӗ. Аэрофлот йышне чылай регионти авиакомпани куҫнӑ. 2014 ҫулта Савельев ертсе пынипе «Победа» авиакомпани йӗркеленӗ, вӑл «Аэрофлот» ушкӑн йышӗнче классикӑллӑ лоукостер пулса тӑнӑ. «Аэрофлот» авиакомпани хӑйӗн рейсӗсенче пассажирсен шутне самай ӳстернӗ^[19].

2019 ҫулта «Аэрофлот» 37,2 млн пассажир турттарнӑ, Аэрофлотӑн пӗтӗм ушкӑнӗ — 60,7 млн^[20].

2016 ҫулхи нарӑсӑн 6-мӗшӗнче Савельева «Пӗрлӗхлӗ Раҫҫей» партин ертсе пыракан органне — аслӑ канаша — суйланӑ^[21].

2016 ҫулта Раҫҫей Федерацийӗн Федераци Пухӑвӗн Патшалӑх Думин VII пухӑвӗн депутачӗсене суйланӑ чухне Пӗрлӗхлӗ Раҫҫей партин программӑллӑ хутне хатӗрлес енӗпе ӗҫлекен комисси членӗ пулнӑ^[22].

2020 ҫулта Савельева «Аэрофлота» тӗп директор должноҫӗнчен хӑтарнӑ^[23].

2020 ҫулхи чӳкӗн 10-мӗшӗнче Михаил Мишустин правительствинче ӑна Раҫҫей Федерацийӗн транспорт министрне лартнӑ.

2024 ҫулхи ҫӑвӑн 11-мӗшӗнче Михаил Мишустин Патшалӑх Думине правительствӑн ҫӗнӗ йышне сӗннӗ, Савельев кандидатури унта вице-премьер вырӑнӗнче пулнӑ^[24]. Ҫӑвӑн 13-мӗшӗнче Патшалӑх думи ӑна ҫак вырӑнта ҫирӗплетнӗ^[25]. Ҫу уйӑхӗн 14-мӗшӗнче РФ президенчӗ вырӑна йышӑнмалли указа алӑ пуснӑ^[26]. Транспорт ӗҫне тӗрӗслесе тӑракан вице-премьер должноҫне 2024 ҫулхи ҫу уйӑхӗнче, Правительствӑн ҫӗнӗ йышне йӗркеленӗ чухне туса хунӑ, Савельев вара ҫак вырӑна йышӑнакан пӗрремӗш ҫын пулса тӑнӑ^[27]. Вице-премьер пулнӑ май Савельев «Пилотсӑр вӗҫекен авиаци системисем» наци проектне хатӗрлессишӗн тата тӗрӗслесе тӑрассишӗн яваплӑ, транспорт блокне, Раҫҫейӗн патшалӑх чикки урлӑ каҫаракан пропуск пункчӗсен ӗҫ-хӗлне тивӗҫтерессине тӗрӗслесе тӑрать. Вӑл ҫак ведомствӑсене координацилет:

• Минтранс(выр.)чăв.;
• Росавиаци;
• Транспорт сферинче тӗрӗслесе тӑракан федераци служби;
• Ҫул-йӗр транспорчӗн федераллӑ агентстви;
• Тинӗс тата юханшыв транспорчӗн федераллӑ агентстви^[28].

2024 ҫулхи авӑн уйӑхӗнче ӑна «Раҫҫей чукун ҫулӗсем» холдингӑн директорсен канашӗн председательне ҫӗнӗрен суйланӑ^[29].

2024 ҫулхи чӳкӗн 25-мӗшӗнче Владимир Путин Виталий Савельева «Ҫурҫӗр — Кӑнтӑр» тӗнче шайӗнчи транспорт ҫул аталанӑвӗн хӑйӗн ятарлӑ ҫынни пек лартнӑ^[30].