Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Мантуров Денис Валентинович

Disambig gray.svg Мантуров хушаматлă урăх çынсем çинчен РУВИКИ-ре статьясем пур.

Мантуров Денис Валентинович (1969 ҫулхи нарӑсӑн 23-мӗшӗ, Мурманск, РСФСР, СССР) — Раҫҫей патшалӑх ӗҫченӗ. Раҫҫей Федерацийӗн правительствин председателӗн пӗрремӗш ҫумӗ (2024 ҫулхи ҫу уйӑхӗн 14-мӗшӗнчен пуҫласа)[1][2]. 2012—2024 ҫулсенче — Раҫҫей Федерацийӗн промышленнӑҫпа суту-илӳ министрӗ. Раҫҫей Федерацийӗн Паттӑрӗ (2026)[3].

М. В. Ломоносов ячӗллӗ Мускав патшалӑх университечӗн социологи факультечӗн социаллӑ технологисен кафедрин пуҫлӑхӗ. Экономика ӑслӑхӗсен докторӗ (2022). Раҫҫей Федерацийӗн 1-мӗш класлӑ чӑн патшалӑх канашҫи.

Пурнӑҫӗпе ӗҫӗ-хӗлӗ

1969 ҫулхи нарӑсӑн 23-мӗшӗнче Мурманскра ҫуралнӑ. Унӑн ашшӗ Мурманскри комсомол хула комитечӗн пӗрремӗш секретарӗ пулнӑ.

М. В. Ломоносов ячӗллӗ Мускав патшалӑх университетне вӗренсе пӗтернӗ (1994), специальность — социологи.

1997 ҫулта Мускав патшалӑх университетӗнче аспирантура вӗренсе пӗтернӗ. Ҫак ҫулах «Социально-экономический анализ инвестиционной деятельности в регионах Россиии» темӑпа диссертаци хӳтӗлесе экономика ӑслӑлӑхӗсен кандидачӗн ӑсчах степеньне илнӗ.

2006 ҫулта РФ Президенчӗ ҫумӗнчи халӑх хуҫалӑхӗпе патшалӑх службин (РАНХиГС) академине(выр.)чăв. вӗренсе пӗтернӗ, специальноҫӗ — «юриспруденци».

1990-мӗш ҫулсен пуҫламӑшӗнче авиатурттарусемпе ӗҫлекен Раҫҫей—Инди пӗрлехи предприятире вӑй хунӑ.

1993 ҫултанпа Улан-Удэри авиаци савучӗн Ми-8 вертолётсене ют ҫӗршывсене сутассипе (экспорт) ӗҫленӗ.

1998—2000 ҫулсенче Улан-Удэри авиаци савучӗн тӗп директорӗн ҫумӗ пулнӑ. 2000—2001 ҫулсенче «М. Л. Миль ячӗллӗ Мускав вертолёт савучӗ» АУО(выр.)чăв.коммерци директорӗ пулнӑ.

2001—2003 ҫулсенче «Патшалӑх инвестици корпорацийӗ» ФГУП председателӗн ҫумӗ пулса ӗҫленӗ.

2002 ҫулта Мускав авиаци институчӗн(выр.)чăв.докторантурине вӗренсе пӗтернӗ.

2003—2007 ҫулсенче — «Оборонпром» Пӗрлешӗннӗ промышленность корпорацийӗ» АУО тӗп директорӗ.

2007 ҫулхи авӑнӑн 11-мӗшӗнчен пуҫласа 2008 ҫулхи ҫӑвӑн 19-мӗшӗччен — Раҫҫей Федерацин промышленнӑҫпа энергетика министрӗн ҫумӗ[4].

2008 ҫулхи ҫу уйӑхӗн 19-мӗшӗнче Раҫҫей Федерацийӗн промышленнӑҫпа суту-илӳ министрӗн ҫумӗ пулма ҫирӗплетнӗ[5].

2011 ҫулхи раштавӑн 1-мӗшӗнчен Мускав авиаци институчӗн «Экономика объекчӗсен управленийӗн тытӑмӗсем» кафедра профессорӗ пулса тӑнӑ. Раҫҫей Федерацийӗн Президенчӗн патронатӗнчи управлени кадрӗсен резервӗн малти ҫӗр ҫын шутне кӗртнӗ.

2012 ҫулхи нарӑсӑн 2-мӗшӗнче ӑна Владимир Путин премьер-министр Раҫҫей Федерацийӗн промышленноҫпа суту-илӳ министрӗн тивӗҫӗсене туса пыракана лартнӑ[6], 2012 ҫулхи ҫу уйӑхӗн 21-мӗшӗнче министр должноҫне ҫирӗплетнӗ[7], 2018 ҫулхи ҫу уйӑхӗн 18-мӗшӗнче тата 2020 ҫулхи кӑрлачӑн 21-мӗшӗнче ку поста тепрер хутчен ҫирӗплетнӗ[8].

undefined

2012 ҫулхи чӳк уйӑхӗнчен пуҫласа ҫавӑн пекех «Ростех» госкорпорацин сӑнав канашӗн председателӗ шутланать[9].

2022 ҫулхи ҫӑвӑн 27-мӗшӗнче РФ Президенчӗ ҫумӗнчи Раҫҫей халӑх хуҫалӑхӗпе патшалӑх службин (РАНХиГС) академинче «Промышленность политикин ҫӗнӗ модельне хатӗрлес тата пурнӑҫлас теори тата практика» темӑпа диссертаци хӳтӗлесе экономика ӑслӑлӑхӗсен докторӗн ӑсчах степеньне илнӗ[10].

2022 ҫулхи утӑ уйӑхӗн 12-мӗшӗнче Раҫҫей Президенчӗн указӗпе промышленноҫпа суту-илӳ министрӗ Раҫҫей Федерацийӗн Правительствин Председателӗн ҫумӗсенчен пӗри пулса тӑнӑ. Ҫав кунах Михаил Мишустин Мантуров кандидатурине вице-премьер пулма Патшалӑх Думине тӑратнӑ, унта ӑна ҫирӗплетнӗ[11]. 2022 ҫулхи утӑн 25-мӗшӗнчен — Раҫҫей Федерацийӗн Ҫарпа промышленность комиссийӗн коллеги председателӗ[12].

2024 ҫулхи ҫӑвӑн 11-мӗшӗнче Михаил Мишустин Патшалӑх Думине пӑхса тухма правительствӑн ҫӗнӗ йышне тӑратнӑ, Денис Мантуров кандидатурине пӗрремӗш вице-премьер пулма сӗннӗ[13]. Ҫу уйӑхӗн 13-мӗшӗнче Патшалӑх Думи Мантурова ҫак поста пӗр саслӑн ҫирӗплетнӗ[14]. Ҫу уйӑхӗн 14-мӗшӗнче РФ Президенчӗ лартасси ҫинчен указ алӑ пуснӑ[15]. Правительство председателӗн пӗрремӗш ҫумӗн постӗнче Мантуровӑн тӗп тивӗҫӗсем:

  • Технологи аталанӑвӗ енӗпе ӗҫлессине тимлесси, наци технологи пуҫарӑвне пурнӑҫласси, атом, ракета-космос, карап тӑвас, авиаци тата радиоэлектронлӑ промышленноҫ, патшалӑх хӳтӗлев саккасӗнче инноваци ӗҫ-хӗлӗн кӑтартӑвӗсене ӗҫе кӗртесси;
  • Урал федераци округне кӗрекен субъектсен социаллӑ пурнӑҫпа экономика аталанӑвне тимлесси;
  • Промышленность, техника тӗлӗшӗнчен йӗркелӳ, аталану программисене пурнӑҫламалли патшалӑх политикин ыйтӑвӗсене тӗрӗслесе тӑрасси.

Федерацин ӗҫ тӑвакан ҫак влаҫ органӗсене тимлесе тӑрать:

  • Минпромторг;
  • Патшалӑх резервӗсем енӗпе ӗҫлекен федераци агентстви;
  • Техника йӗркелӗвӗ тата метрологи енӗпе ӗҫлекен федераци агентстви;
  • Интеллектуаллӑ хӑйпурлӑх федераци служби;
  • Раҫҫей экспорт центрӗ;
  • Роскосмос;
  • Росатом (корпораци патшалӑх хӳтӗлев заказӗнче, хӳтӗлев тата ракета-космос промышленноҫне аталантармалли программӑсене хутшӑнни);
  • Ҫӗнӗ технологисене хатӗрлекен тата коммерцилекен центрӑн аталану фончӗ[16].

2025 ҫулхи чӳк уйӑхӗн 7-мӗшӗнче Денис Мантуров Пӗтӗм Раҫҫейри алӑсталӑх ӳнер музейӗн попечительсен канашне ертсе пыма пуҫланӑ[17].

2026 ҫулхи карлачӑн 22-мӗшӗнче Раҫҫей Федерацийӗн Президенчӗ Владимир Путин Денис Мантуровпа РФ Президенчӗн пулӑшуҫи Андрей Фурсенко(выр.)чăв. микроэлектроникӑна аталантарас енӗпе ӗҫлекен ведомствӑсем хушшинчи комиссие ертсе пырасси ҫинчен пӗлтернӗ[18].

Ҫемье

Арӑмӗ

Наталья Евгеньевна Мантурова (хӗр чухнехи хушамачӗ — Кисель) (1969 ҫ.ҫ.) — пластика хирургӗ. Раҫҫей Сывлӑх министерствин штатра тӑман тӗп пластика хирургӗ-специалисчӗ, Н. И. Пирогов ячӗллӗ Раҫҫей ӑслӑлӑхпа тӗпчев медицина институчӗн пластикӑпа реконструкци хирургийӗн, косметологипе клетка технологийӗсен кафедрин ертӳҫи, медицина ӑслӑхӗсен докторӗ, аслӑ категориллӗ врач, «Раҫҫей пластика, реконструкци тата эстетика хирургӗсен пӗрлӗхӗн» президенчӗ, Эстетика медицинин пӗрлӗхӗн пайташӗ, ISAPS пайташӗ, «Пластика хирургийӗ тата эстетика медицини» журналӑн тӗп редакторӗ, Раҫҫей Федерацийӗн тава тивӗҫлӗ врачӗ. «Ланцетъ» пластика хирургийӗн клиникине тата «Вырӑс пики» эстетика медицинин центрне никӗслекенӗ тата хуҫи[19][20][21][22][23].

Ачи-пӑчи

Икӗ ача. Ывӑлӗ — Евгений (1998 ҫулхи ҫу уйӑхӗн 19-мӗшӗ) МГИМОн тӗнчери экономика хутшӑнӑвӗсен факультетӗнче вӗренет[24]. Хӗрӗ — Леонела (1995 ҫулхи пуш уйӑхӗн 6-мӗшӗ) М. В. Ломоносов ячӗллӗ Мускав патшалӑх университечӗн социологи факультетне вӗренсе пӗтернӗ[25][23].

Ашшӗ-амӑшӗ

Ашшӗ — Валентин Иванович Мантуров (1938—2019) Тинӗс училищине вӗренсе пӗтернӗ. Мурманск хулин ӗҫтӑвкомӗн председателӗн ҫумӗ, ВЛКСМ Мурманск хула комитечӗн пӗрремӗш секретарӗ пулса ӗҫленӗ. Кайран Индире, АПШра тата Шри-Ланкара дипломати енӗпе тата суту-илӳ йӗрӗпе ӗҫленӗ. Тулашри суту-илӳ академийӗнчен вӗренсе тухнӑ. 1980-мӗш ҫулсенче ООН ҫумӗнчи СССР представительствине ертсе пынӑ. Амӑшӗ Тамара Фёдоровна Мантурова (1936 ҫ.ҫ.).

Хисепӗсем

  • Раҫҫей Федерацийӗн Паттӑрӗ («Ылтӑн Ҫӑлтӑр» медаль) (2026)[3];
  • «Тӑван Ҫӗршыв умӗнчи тава тивӗҫлӗ ӗҫсемшӗн» орден медалӗн(выр.)чăв. II степенӗ (2007)[26].
  • Туслӑх орденӗ(выр.)чăв. (2008)[27].
  • Хисеп орденӗ (2009)[28].
  • Раҫҫей Федерацийӗн Правительствин Хисеп грамоти (2010)[29].
  • «Тӑван Ҫӗршыв умӗнчи тава тивӗҫлӗ ӗҫсемшӗн» орденӑн(выр.)чăв. IV степенӗ (02.02.2013) — ҫӗршывӑн хӳтӗлевне ҫирӗплетес, ҫӗнӗ ятарлӑ техника хатӗрлес тата кӑларас ӗҫе йӗркелессине пысӑк тӳпе хывнӑшӑн, нумай ҫул тӳрӗ кӑмӑлпа ӗҫленӗшӗн[30].
  • Сӑваплӑ благовернӑй кнеҫ Даниил Московский орденӗн III степенӗ (Вырӑс православи чиркевӗ, 2017)[31].
  • Раҫҫей Федерацийӗн Правительствин Тав хучӗ (28.02.2019) — промышленноҫпа суту-илӳ сферинче патшалӑх политикине пурнӑҫланӑшӑн тата нумай ҫул тӳрӗ кӑмӑлпа ӗҫленӗшӗн[32].
  • «Карел Республики умӗнчи тава тивӗҫлӗ ӗҫсемшӗн» медаль (08.06.2020) — Карел Республикипе унӑн ҫыннисем умӗнчи тава тивӗҫлӗ ӗҫсемшӗн, республикӑн социаллӑ пурнӑҫпа экономика аталанӑвне пысӑк тӳпе хывнӑшӑн тата Патшалӑх комиссийӗн йышӗнче патшалӑхлӑх йӗркеленнӗренпе 100 ҫул ҫитнине уявлассине йӗркелеме хастар хутшӑннӑшӑн[33].
  • Итали Ҫӑлтӑрӗ орденӗн Пысӑк хӗрес кавалерӗ (28.05.2020, Итали; кайран ӑна Итали Президенчӗн Серджо Маттареллӑн 2022 ҫулхи ҫу уйӑхӗн 9-мӗшӗнче кӑларнӑ указӗпе наградӑсӑр хӑварнӑ)[34].
  • Тивӗҫсен орденӗн ҫӑлтӑрӗллӗ командор хӗресӗ (07.07.2021, 7, Венгри)[35].
  • «Дустлик» орден (29.08.2022, Узбекистан) — патшалӑхсем хушшинчи нумай планлӑ тата пӗр-пӗриншӗн усӑллӑ хутшӑнусене пур енлӗн аталантарса пынӑшӑн, партнёрла ҫыхӑнусене малалла тӑснӑшӑн, политикӑпа дипломати, суту-илӳпе экономика, инвестици, вӗрентӳ, ӑслӑлӑх-техника енӗпе пӗрле ӗҫлессине анлӑлатнӑшӑн тата культурӑпа гуманитари сферисене, пурнӑҫлакан кардиналлӑ реформӑсемпе демократиллӗ ҫӗнетӳсене, Узбекистанӑн глобаллӑ тата регионти пуҫарӑвӗсене хастар пулӑшу парассине, ҫавӑн пекех халӑхсен хушшинчи туслӑхпа ӑнланулӑх тӗввисене малалла ҫирӗплетес тӗлӗшпе тухӑҫлӑ вӑй хунӑшӑн[36].

Ӑнлантарусем

  1. ^ Денис Валентинович Мантуров - Правительство России (выр.). government.ru. Пӑхнӑ кун: 2024 ҫулхи раштавӑн 9-мӗшӗ.
  2. ^ Госдума утвердила Мантурова первым вице-премьером. РБК (13 ҫӑвӑн 2024). Пӑхнӑ кун: 2024 ҫулхи ҫӑвӑн 14-мӗшӗ.
  3. ^ 1, 2 Путин присвоил Мантурову звание Героя России (2026-02-25). Тӗрӗсленӗ: 2026 ҫулхи нарӑсӑн 25-мӗшӗ.
  4. ^ Распоряжение Правительства Российской Федерации от 11.09.2007 г. № 1217-р «О заместителе Министра промышленности и энергетики Российской Федерации». Пӑхнӑ кун: 2020 ҫулхи кӑрлачӑн 27-мӗшӗ. Архивланӑ 2020 ҫулхи кӑрлачӑн 27-мӗшӗ.
  5. ^ Распоряжение Правительства Российской Федерации от 19.05.2008 г. № 700-р «О заместителе Министра промышленности и торговли Российской Федерации». Пӑхнӑ кун: 2020 ҫулхи кӑрлачӑн 27-мӗшӗ. Архивланӑ 2020 ҫулхи кӑрлачӑн 27-мӗшӗ.
  6. ^ Исполнять обязанности главы Минпромторга РФ будет замминистра Мантуров. Пӑхнӑ кун: 2012 ҫулхи нарӑсӑн 2-мӗшӗ. Архивланӑ 2012 ҫулхи нарӑсӑн 5-мӗшӗ.
  7. ^ Указ Президента Российской Федерации от 21.05.2012 г. № 654 «О Министре промышленности и торговли Российской Федерации». Пӑхнӑ кун: 2020 ҫулхи кӑрлачӑн 27-мӗшӗ. Архивланӑ 2020 ҫулхи кӑрлачӑн 27-мӗшӗ.
  8. ^ Указ Президента Российской Федерации от 18.05.2018 г. № 239 «О Министре промышленности и торговли Российской Федерации». Пӑхнӑ кун: 2020 ҫулхи кӑрлачӑн 27-мӗшӗ. Архивланӑ 2020 ҫулхи кӑрлачӑн 27-мӗшӗ.
  9. ^ Денис Мантуров возглавил наблюдательный совет «Ростехнологий» — Татьяна Зыкова — Российская газета. Пӑхнӑ кун: 2014 ҫулхи кӑрлачӑн 31-мӗшӗ. Архивланӑ 2014 ҫулхи нарӑсӑн 2-мӗшӗ.
  10. ^ Telegram: Contact @Svoidanash
  11. ^ Путин ввел новую должность в правительстве
  12. ^ Путин назначил Мантурова председателем коллегии ВПК
  13. ^ О чем говорит новая конфигурация российского правительства. РБК (11 ҫӑвӑн 2024). Пӑхнӑ кун: 2024 ҫулхи ҫӑвӑн 13-мӗшӗ.
  14. ^ Госдума утвердила Мантурова первым вице-премьером. РИА Новости (13 ҫӑвӑн 2024). Пӑхнӑ кун: 2024 ҫулхи ҫӑвӑн 13-мӗшӗ.
  15. ^ Президент подписал указы о назначении членов Правительства Российской Федерации и директоров служб. kremlin.ru (14 ҫӑвӑн 2024). Пӑхнӑ кун: 2024 ҫулхи ҫӑвӑн 14-мӗшӗ.
  16. ^ Михаил Мишустин утвердил распределение обязанностей между вице-премьерами. government.ru (17 ҫӑвӑн 2024). Пӑхнӑ кун: 2024 ҫулхи ҫӑвӑн 17-мӗшӗ.
  17. ^ Мантуров возглавил попечительский совет Всероссийского музея декоративного искусства (07.11.2025). Тӗрӗсленӗ: 2025 ҫулхи чӳкӗн 7-мӗшӗ.
  18. ^ Мантуров и Фурсенко возглавят новую комиссию по развитию микроэлектроники (2026-01-22). Тӗрӗсленӗ: 2026 ҫулхи кӑрлачӑн 22-мӗшӗ.
  19. ^ Жена нового министра промышленности открыла клинику за $1,5 миллиона / Sobesednik.ru, 14 июня 2012. Пӑхнӑ кун: 2020 ҫулхи авӑнӑн 16-мӗшӗ. Архивланӑ 2012 ҫулхи ҫӗртмен 19-мӗшӗ.
  20. ^ Мантурова Наталья Евгеньевна / pscommission.ru. Пӑхнӑ кун: 2020 ҫулхи авӑнӑн 16-мӗшӗ. Архивланӑ 2020 ҫулхи авӑнӑн 24-мӗшӗ.
  21. ^ Институт пластической хирургии и косметологии. Мантурова Наталья Евгеньевна / iphk.ru. Пӑхнӑ кун: 2020 ҫулхи авӑнӑн 16-мӗшӗ. Архивланӑ 2020 ҫулхи юпан 29-мӗшӗ.
  22. ^ Клиника аппаратной, инъекционной косметологии и космецевтики «Ланцетъ-Центр». Мантурова Наталья Евгеньевна / delight-lancette.ru. Пӑхнӑ кун: 2020 ҫулхи авӑнӑн 16-мӗшӗ. Архивланӑ 2020 ҫулхи авӑнӑн 23-мӗшӗ.
  23. ^ 1, 2 ЭНЦИКЛОПЕДИЯ. Мантуров, Денис Валентинович / ТАСС. Пӑхнӑ кун: 2020 ҫулхи авӑнӑн 16-мӗшӗ. Архивланӑ 2019 ҫулхи раштавӑн 13-мӗшӗ.
  24. ^ Студент Евгений Мантуров — чемпион Европы по практической стрельбе / mgimo.ru
  25. ^ Справка: Мантуров Денис Валентинович. Пӑхнӑ кун: 2014 ҫулхи акан 7-мӗшӗ. Архивланӑ 2014 ҫулхи акан 8-мӗшӗ.
  26. ^ Указ Президента Российской Федерации № 108 (?) от 31.07.2007
  27. ^ Указ Президента Российской Федерации № 570 от 24.04.2008
  28. ^ Указ Президента Российской Федерации № 1428 от 11.12.2009
  29. ^ Распоряжение Правительства Российской Федерации № 388-р от 23.03.2010. Пӑхнӑ кун: 2012 ҫулхи кӑрлачӑн 31-мӗшӗ. оригиналтан архивланӑ 2016 ҫулхи пушӑн 4-мӗшӗ.
  30. ^ Указ Президента Российской Федерации от 02.02.2013 г. № 50 «О награждении государственными наградами Российской Федерации». Пӑхнӑ кун: 2020 ҫулхи кӑрлачӑн 27-мӗшӗ. Архивланӑ 2017 ҫулхи нарӑсӑн 27-мӗшӗ.
  31. ^ В Крестопоклонную Неделю Предстоятель Русской Церкви освятил храм в честь святителя Иова, Патриарха Московского, в российской столице. Пӑхнӑ кун: 2017 ҫулхи пушӑн 19-мӗшӗ. Архивланӑ 2022 ҫулхи пушӑн 9-мӗшӗ.
  32. ^ Распоряжение Правительства Российской Федерации от 28.02.2019 г. № 345-р «Об объявлении благодарности Правительства Российской Федерации Мантурову Д. В.» Пӑхнӑ кун: 2020 ҫулхи кӑрлачӑн 27-мӗшӗ. Архивланӑ 2020 ҫулхи кӑрлачӑн 27-мӗшӗ.
  33. ^ Указ Главы Республики Карелия от 8 июня 2020 года № 58 «О награждении государственными наградами Республики Карелия»
  34. ^ DECRETO DEL PRESIDENTE DELLA REPUBBLICA 9 maggio 2022. Пӑхнӑ кун: 2022 ҫулхи ҫӑвӑн 30-мӗшӗ. Архивланӑ 2022 ҫулхи ҫӑвӑн 30-мӗшӗ.
  35. ^ Мантуров получил высшую госнаграду Венгрии за поставки "Спутника V". Пӑхнӑ кун: 2021 ҫулхи утӑн 7-мӗшӗ. Архивланӑ 2021 ҫулхи утӑн 7-мӗшӗ.
  36. ^ Указ Президента Республики Узбекистан от 29 августа 2022 года "О награждении группы иностранных граждан в связи с 31-й годовщиной государственной независимости Республики Узбекистан "

Каҫӑсем

Темӑпа ҫыхӑннисем

Категорисем