Любимова Ольга Борисовна

Ольга Любимова 1980 ҫулхи раштавӑн 31-мӗшӗнче Мускавра ҫуралнӑ. Мускаври 1234-мӗш акӑлчан чӗлхине тарӑннӑн тӗпчекен пӗтӗмӗшле пӗлӳ паракан вӑтам шкулта пӗлӳ илнӗ^[3]; 5-мӗш класран пуҫласа 7-мӗшччен Сӑваплӑ Нестор Летописец ячӗллӗ историпе филологи православи гимназинче вӗреннӗ^[4].

МПУ журналистика факультетӗнче вӗреннӗ, каярахпа Любимова ГИТИСӑн театр пӗлӗвӗн факультетне (РАТИ) вӗренсе пӗтерсе «театр тӗпчевҫи» специальноҫа алла илнӗ.

МПУ журналистика факультетӗнче вӗреннӗ тапхӑрта РЕН ТВ, ТВ Центр телеканалсенче, «Наше радио» тата «Радио Рокс» радиостанцисенче практикӑра пулнӑ^[3].

2000 ҫулта — «Европа Плюс» радиостанци корреспонденчӗ^[3].

2001 ҫултанпа Любимова телекуравра ӗҫленӗ. Чи малтанах — ТВЦ канал ҫинче тухнӑ Вырӑс православи чиркӗвӗн Информаци агентствин кӑларакан «Ортодокс» программӑн корреспонденчӗ.

2001 ҫултан пуҫласа 2009 ҫулччен (пӗр хушӑ ӗҫлемесӗр) Любимова «Виҫҫӗмӗш канал» ҫинче ӗҫленӗ. Малтан (2003 ҫулччен) «Глеб Пьяныхпа эрнене пӗтӗмлетни», «Тӗп тема», «Ыйту хакӗ», «Дольче Вита», «Пётр Толстойпа пӗтӗмлетӳ туни» программӑсен корреспонденчӗ пулнӑ^[4]. Ун хыҫҫӑн «Регион» (2003—2004) тата «Вырӑс куҫӗпе» (2003—2004, 2006—2009) программӑсен шеф-редакторӗ шутланнӑ.

2005 ҫулхи утӑ уйӑхӗнчен пуҫласа 2009 ҫулхи утӑ уйӑхӗччен Любимова «Столица» телеканал ҫинче «Горожанка» ток-шоу, «Мускав-2009», «Хула тата ҫынсем» программӑсем ертсе пынӑ.

2010 ҫулхи раштав уйӑхӗнчен пуҫласа 2011 ҫулччен Любимова — «Культура» телеканалти «Контекст» пӗтӗмлетӳллӗ информаципе аналитика программӑн ертӳҫи^[5].

2011—2012 ҫулсенче — «ТВ-3» телеканал» ТМЯП-ӑн программа департаменчӗн документлӑ кинон аслӑ продюсерӗ^[6].

Ҫав вӑхӑтрах Любимова Вырӑс православи чиркӗвӗн Информаци агентствинче ӗҫлеме пӑрахман, тӗрлӗ вӑхӑтра унта «Православи календарьӗ» (РТР), «Вырӑс куҫӗпе» («Виҫҫӗмӗш каналпа» пӗрле) передачӑсен шеф-редакторӗ пулнӑ, «Спас» телеканал валли программӑсем хатӗрлеме хутшӑннӑ («Татьяна кунӗ те», «Фома», «Семинарстсем»), Ҫӑлаканӑн Христос храмӗнчен турра кӗлтунин тата Иерусалимри Пархатарлӑ вут-ҫулӑма тӗлпулнин тӳрӗ трансляцийӗсене йӗркеленӗ^[4].

80 ытла документлӑ фильм, ҫав шутра «Россия-1», «Культура», «Пӗрремӗш канал» телеканалсем валли ӳкернӗ фильмсене хатӗрлеме пулӑшнӑ. Вӑл «Патриарх ҫулӗ» (2009), «Ют ҫӗр» (2013), «Вӑрҫӑ тата халапсем» (2014), «Никита Михалков» (2015, ытти авторсемпе пӗрле) тата ытти документлӑ фильмсен сценари авторӗ^[7].

Любимова «Русский взгляд» (унта вӑл культура пайӗн заведующийӗ те шутланнӑ), «Афиша»^[8][9], «Esquire»^[3] журналсенче пичетленнӗ.

2015 ҫулхи чӳк уйӑхӗнче Любимова Культура министерствин кинематографи департаменчӗн ертӳҫӗ канашҫи пулса тӑнӑ (вылявлӑ мар тата анимаци фильмӗсен патшалӑх пулӑшӑвӗн пайӗнче)^[10]. Маларах ун пек ӗҫ вырӑнӗ пулман^[11].

2016 ҫулхи юпа уйӑхӗнчен пуҫласа 2018 ҫулхи кӑрлач уйӑхӗччен — «Пӗрремӗш канал» акционерлӑ обществӑн социаллӑ тата публицистика программисен дирекци директорӗн ҫумӗ^[12].

2018 ҫулхи кӑрлачӑн 17-мӗшӗнчен пуҫласа 2020 ҫулхи кӑрлачӑн 21-мӗшӗччен — Раҫҫей Федерацийӗн Культура министерствин кинематографи департаменчӗн ертӳҫи^[13].

Любимова Тӑван ҫӗршывӑн кинематографине социаллӑ тата экономика енчен пулӑшакан федераци фончӗн (Кино фончӗ) попечительсен канашӗн председатель ҫумӗ, Соловец архипелагне упраса хӑварас тата аталантарас енӗпе ӗҫлекен Фондӑн попечительсен канашӗн пайташӗ. Вӑл «Ленфильм» АО директорсен канашӗн пайташӗ те пулнӑ^[1].

РФ президенчӗн тав сӑмахне (2019) тивӗҫнӗ^[1].

• Аслашшӗ — Любимов Николай Михайлович (1912—1992), совет саманин тӑлмачӗ, мемуарсен авторӗ.
• Ашшӗ — Любимов Борис Николаевич (1947 ҫур.), совет саманин тата Раҫҫейӗн театр тӗпчевҫи тата педагогӗ, театр критикӗ, ӳнер пӗлӗвӗн кандидачӗ, РСФСР тава тивӗҫлӗ ӳнер ӗҫченӗ, профессор, М. С. Щепкин ячӗллӗ аслӑ театр училищин ректорӗ, Раҫҫей патшалӑх академиллӗ Кӗҫӗн театрӗн илемлӗх ертӳҫин ҫумӗ, ГИТИСӑн Раҫҫей театрӗн истори кафедрин ертӳҫи^[17].
• Амӑшӗ — Шверубович Мария Вадимовна (1949—2018)^[18] — актриса тата театр тӗпчевҫи.
• Тӑван куккӑшӗ — Алексей Бартошевич (1965 ҫ.ҫ.), Шекспира тӗпчекен, театр тӗпчевҫи.
• Ольгӑн аслашшӗ енчен пыракан тӑванӗсем — Вологда кӗпӗрнаттӑрӗ Кормилицын Михаил Николаевич (мӑн аслашшӗ) тата Рязань кӗпӗрнаттӑрӗ Болдарев Николай Аркадьевич (мӑн аслашшӗн ашшӗ) тата I Екатерина императрицӑн йӑмӑкне качча илнӗ пӗрремӗш граф Гендриков. Амӑшӗ енчен тӑванӗсем: вӑл Вадим Васильевич Шверубович театр ӗҫченӗн мӑнукӗ тата Василий Иванович Качаловпа Нина Николаевна Литовцева актёрсен мӑн мӑнукӗ.
• 2006 ҫулта качча тухнӑ, мӑшӑрӗ — Баранов Евгений Александрович (1970, юпа, 28), журналист тата «Пӗрремӗш канал» комментаторӗ. Мускав хулинчи 324-мӗш вӑтам шкулӗнчен вӗренсе тухнӑ. Раҫҫей патшалӑх гуманитари университетӗнче (РГГУ) «истори тата архив пӗлӗвӗ» специальноҫпе (1987–1993) аслӑ пӗлӳ илнӗ^[19]. 2013 ҫулхи пушӑн 17-мӗшӗнче Барановӑн Аслӑ типӗ пирки репортаж тухнӑ, унта мӑшӑрӗ тунӑ комментари те кӗнӗ^[20].
• ачисем — Никита ывӑлӗпе Варвара хӗрача пур^[7].

2022 ҫулхи раштавӑн 16-мӗшӗнче, Украинӑра ҫар ӗҫӗсем пынӑ май, Любимовӑна Европӗрлӗхӗн санкци списокне кӗртнӗ, 2023 ҫулхи нарӑсӑн 24-мӗшӗнче вӑл АПШ санкци списокне лекнӗ^[21]. Ҫавӑн пекех Аслӑ Британи, Швейцари, Австрали тата Ҫӗнӗ Зеланди патшалӑхсен санкци списокӗсене кӗрет.

Сценарисен авторӗ:

• «Патриарх ҫулӗ» (2009);
• «Аслӑ Мӑнкун» (2011);
• «Столыпин. Раҫҫее персе тивӗртни. XX ӗмӗр» (2012);
• «Изборск. Вӑхӑт тӑрӑх ҫул ҫӳрени» (2012);
• «Ют ҫӗр» (2013);
• «Тинӗсри пирӗштисем» (2013)^[22];
• «Хамӑр ҫӗр» (2014)^[23];
• «Таса кӑмӑллӑ Сергий Радонежский» (2014);
• «Вӑрҫӑ тата халапсем» (2014);
• «Ялав. Ӑруран ӑрӑва куҫнин палли» (2014)^[24];
• «Никита Михалков» (2015) — ытти авторпа пӗрле.

• 2022 ҫулта Вырӑс православи чиркӗвне пулӑшу кирлине туйнӑшӑн ӑна II степеньлӗ Сӑваплӑ ырӑ кӑмӑллӑ Александр Невский аслӑ кнеҫ орденӗпе наградӑланӑ^[25].
• Кӑнтӑр Осетин Туслӑх орденӗ (2024)^[26].
• II степеньлӗ Преподобнӑй Евфросиния, Мускавӑн аслӑ княгинин орденӗ (2024 ҫулхи юпан 26-мӗшӗ, РПЦ) — Новодевичи ставропигиальн хӗрарӑмсен мӑнастирне ҫӗнетсе юсас ӗҫре пулӑшнӑшӑн тата хутшӑннӑшӑн^[27];
• Раҫҫей Федерацийӗн Правительствин Хисеп хучӗ (2024 ҫулхи чӳкӗн 19-мӗшӗ) — Санкт-Петербургри X тӗнче шайенчи пӗрлештернӗ культурӑсен форумне хатӗрлесе ирттерме пысӑк тӳпе хывнӑшӑн^[28].