Трофимов Тит Трофимович

	Ҫын пирки
	Трофимов Тит Трофимович
Çуралнă вăхăт	1900 ҫулхи акан 11-мӗшӗ (24-мӗшӗ)
Çуралнă вырăн	Хусан кӗпӗрни, Раҫҫей империйӗ;
Вилнĕ вăхăт	1985 ҫулхи юпан 9-мӗшӗ (85 ҫул)
Вилнĕ вырăн	Мускав, СССР;
Гражданлăх	СССР;
Альма-матер	Биологический факультет МГУ[d];

Трофимов Тит Трофимович (1900 ҫулхи акан 11-мӗшӗ(19000411), Витеҫуч, Хусан кӗпӗрни^[1] — 1985 ҫулхи юпан 9-мӗшӗ(19851009), Мускав) — совет чӑваш ӑсчахӗ, ботаник.

Кун-ҫулӗ

Витеҫуч ялӗнчи^[1] Трофим Алексеев (1869–1937) хресченӗн ывӑлӗ. Трофимовсен кил-йышӗнчен тухнӑ педагогсемпе ӑсчахсен йышӗнчи вӑтам пиччӗшӗ: Андрей Трофимовичӑн (1894–1947) тата Иван Трофимовичӑн (1907–1991).

Элӗкри вӑтам шкултан вӗренсе тухнӑ^[2]. Мускаври ҫӗр инженерӗсен институтӗнчен (1926) тата М. В. Ломоносов ячӗллӗ МПУн биологи факультетӗнчен (1937) вӗренсе тухнӑ. Биологи ӑслӑлӑхӗсен кандидачӗ. 1951 ҫулта МПУ Ботаника сачӗн Воробьев сӑртӗнче ҫӗнӗ лаптӑк ҫинче хывнӑ Дендрарин пӗрремӗш ертӳҫи пулса тӑнӑ, ҫак уйрӑма ҫирӗм ҫул ытла ертсе пынӑ. 20 ҫул ытла облепихӑна тӗпченӗ, селекциленӗ. Хӑйӗн ӗҫӗсенче ӳсентӑран ҫакӑн пек географи тӗсӗсем ҫине пайланни ҫинчен пӗтӗмлетӳ тунӑ: Ҫӗпӗрти, вӑтаҫӗр-вӑтам азири, Кавказри тата анӑҫ европӑри^[3].

«Облепиха» тата «Облепиха культурӑра» паллӑ кӗнекесен авторӗ.

Тит Трофимовича чысласа МПУ-ра ӳстерсе кӑларнӑ «Трофимовская»^[4] облепиха сортне тата йывӑҫ евӗрлӗ «Тит Трофимов»^[5] пионӑн сортне ят панӑ.

Кил-йышӗ

Арӑмӗ — Нина Назаровна Обидейко (1914–1993), МПУ хими факультетӗнчен вӗренсе тухнӑскер.

Ачисем:

Трофимов Виктор Титович (1937, Мускав) — геологипе минералоги ӑслӑлӑхӗсен докторӗ, хӑй вӑхӑтӗнче МПУ проректорӗ те пулнӑ.
Трофимова Людмила Титовна (1938, Мускав) — биологи ӑслӑлӑхӗсен кандидачӗ.
Трофимова Валентина Титовна (1943, Элӗк сали, Чӑваш Ен) — биологи ӑслӑлӑхӗсен кандидачӗ.
Трофимов Борис Титович (1946, Мускав — 1995, Мускав) — геологипе минералоги ӑслӑлӑхӗсен кандидачӗ.

Вуламалли

Степанов В. Ф. Трофимовсем // Ленин (Пурнӑҫ ҫулӗпе) – 1993, 16 декабря. – № 149 (7803). – № 2.(чăв.)

Каҫӑсем

МПУ Биологи факультечӗн дендрари страници

Ӑнлантарусем

^ ¹^,² Халӗ — Элӗк районӗ, Чӑваш Ен, Раҫҫей.
^ МОУ Аликовская средняя школа им. И. Я. Яковлева
^ [ҫемье архивӗ]
^ Газета «Московский университет» № 38 (4229) декабрь 2007 (паллӑ мар). Пӑхнӑ кун: 8 Кӑрлач уйӑхӗн 2009. оригиналтан архивланӑ 29 Кӑрлач уйӑхӗн 2009 ҫул.
^ Газета «Московский университет» № 27 (4258) сентябрь 2008 (паллӑ мар). Пӑхнӑ кун: 8 Кӑрлач уйӑхӗн 2009. оригиналтан архивланӑ 22 Ҫу уйӑхӗн 2009 ҫул.

[МР-1] ¹^,² Халӗ — Элӗк районӗ, Чӑваш Ен, Раҫҫей.

[2] МОУ Аликовская средняя школа им. И. Я. Яковлева

[3] [ҫемье архивӗ]

[4] Газета «Московский университет» № 38 (4229) декабрь 2007 (паллӑ мар). Пӑхнӑ кун: 8 Кӑрлач уйӑхӗн 2009. оригиналтан архивланӑ 29 Кӑрлач уйӑхӗн 2009 ҫул.

[5] Газета «Московский университет» № 27 (4258) сентябрь 2008 (паллӑ мар). Пӑхнӑ кун: 8 Кӑрлач уйӑхӗн 2009. оригиналтан архивланӑ 22 Ҫу уйӑхӗн 2009 ҫул.

[1]

[2]

[3]

[4]

[5]