Трофимов Иван Трофимович

	Ҫын пирки
	Трофимов Иван Трофимович
Çуралнă вăхăт	1907 ҫулхи юпан 6-мӗшӗ (19-мӗшӗ)
Çуралнă вырăн	Витеçуч, Элĕк вулăсĕ, Етӗрне уесӗ, Хусан кӗпӗрни, Раҫҫей империйӗ;
Вилнĕ вăхăт	1991 ҫулхи ҫурлан 14-мӗшӗ (83 ҫул)
Вилнĕ вырăн	Хусан, Раççей Федерациллĕ Социализмлă Совет Республики, СССР;
Гражданлăх	СССР;
Премисемпе чысланисем

Трофимов Иван Трофимович (1907 ҫулхи юпан 6-мӗшӗ(19071006), Витеҫуч, Хусан кӗпӗрни^[1] — 1991 ҫулхи ҫурлан 14-мӗшӗ(19910814), Хусан) — совет чӑваш ӑсчахӗ, ветеринари ӑслӑлӑхӗсен докторӗ, профессор (1957).

Кун-ҫулӗ

Витеҫуч ялӗнчи^[1] Трофим Алексеев хресченӗн ывӑлӗ (1869–1937). Трофимовсен ҫемьинчен тухнӑ педагогсемпе ӑсчахсен йышӗнчи кӗҫӗн шӑллӗ: Андрей Трофимовичӑн (1894–1947) тата Тит Трофимовичӑн (1900–1985).

Элӗкри вӑтам шкултан, Канашри педагогика техникумӗнчен (1927), Хусанти ветеринари институтӗнчен (1931), аспирантурӑран вӗренсе тухнӑ. Казахстанра выльӑх-чӗрлӗх чирӗсемпе кӗрешекен отряд пуҫлӑхӗ, инструктор-зоолог пулса ӗҫленӗ. 1932 ҫ. Чӑваш АССРӗн Вӑрнар районӗнче ӗҫленӗ. 1933-мӗш ҫултан Хусанти Н. Э. Бауман ячӗллӗ ӑслӑлӑхпа тӗпчев ветеринари институчӗн аслӑ ӑслӑлӑх ӗҫтешӗ, 1938–1959-мӗш ҫулсенче — ассистент, 1959–1979-мӗш ҫулсенче — патологи анатомийӗн кафедра заведующийӗ. 1959 ҫ. «Лашасен гемоспоридиозӗн патогенез ыйтӑвӗсем тата патологи анатомийӗ» темӑпа доктор диссертацине хӳтӗленӗ. Ветеринари енӗпе вӗренӳ кӗнекисен, методика пособийӗсен авторӗ.

Ҫемье

Хӗрӗсем:

Рената (1937, Хусан — 1993, Хусан), качча кайсан Шамсутдинова — тухтӑр, медицина ӑслӑхӗсен кандидачӗ; фтизиатр, аллерголог; Славянск курорчӗн иммунологи лабораторин заведующийӗ пулса ӗҫленӗ.
Ольга (1941, Хусан), качча кайсан Пикуза — тухтӑр, медицина ӑслӑлӑхӗсен докторӗ, Хусанти медицина институчӗн педиатри кафедрин заведующийӗ тата педиатри факультечӗн деканӗ^[2].

Ӑнлантарусем

^ ¹^,² Халӗ — Элӗк районӗ, Чӑваш Ен, Раҫҫей.
^ [ҫемье архивӗ]

Вуламалли

Eфимов, Л. А. Иван Трофимович Трофимов // Eфимов, Л. А. Элӗк енӗ : историпе краеведени очеркĕсем / Л. А. Eфимов. – Элӗк, 1994. – С. 311.
Степанов В. Ф. Трофимовсем | В. Ф. Степанов // Пурнăç çулĕпе. — 1993. – 16 декабрь. — № 149 (7803). — С. 2. (чăв.)
Степанов, В. Ф. Трофимов Иван Трофимович / В. Ф. Степанов // Краткая чувашская энциклопедия. – Чебоксары, 2001. – С. 408.
Степанов, В. Ф. Трофимов Иван Трофимович / В. Ф. Степанов, Л. А. Ефимов // Аликовская энциклопедия. – Чебоксары, 2009. – С. 526-527.
Степанов В. Ф., Митрофанов П. М. Трофимов Иван Трофимович (паллӑ мар). Чувашская энциклопедия. Пӑхнӑ кун: 11 Раштав уйӑхӗн 2013.

[МР-1] ¹^,² Халӗ — Элӗк районӗ, Чӑваш Ен, Раҫҫей.

[2] [ҫемье архивӗ]

[1]

[2]