Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Чернов Лука Семёнович

РУВИКИ-ре ҫак хушаматлӑ ытти ҫынсем пирки те статьясем пур: Чернов.

Чернов Лука Семенович (1903 ҫулхи юпан 12-мӗшӗ, Исампай, Хусан кӗпӗрни — 1942 ҫулхи ҫӑвӑн 11-мӗшӗ) — Чӑваш АССР шалти суту-илӗвӗн халӑх комиссарӗ (1934—1937). Е. С. Чернов шӑллӗ[1].

Биографи

Чӑваш ҫемйинче ҫуралнӑ.

1920—1921 ҫулсенче Мари автономи облаҫӗн Чикме райпродкомӗн делопроизводителӗ, Етӗрне уесӗнчи Орпа Павлово пуҫламӑш шкулӗнвӗрентекенӗ пулса ӗҫленӗ. 1921—1922 — Чулхула тата Новониколаев кӗпӗрнисенче ӗҫленӗ 96-мӗш ҫар апат-ҫимӗҫ дружинин политрукӗ пулнӑ[1].

1922—1924 ҫулсенче — Етӗрне уес исполкомӗн инструктор-ревизорӗ, комсомолӑн уесри комитетӗнче пай заведующийӗ; 1923 ҫулта Ӗҫҫыннисен Коммунизм университечӗн (Мускав) ҫут ҫанталӑк факультечӗн пӗр курсне пӗтернӗ. 1924—1926 — Хӗвелтухӑҫ Бухарири Кушка крепоҫӗнче ротӑн политрукӗ пулнӑ[1].

1927—1929 ҫулсенче — правлени членӗ — сопредседатель, совет тата суту-илӳ служащийӗсен профсоюзӗн Чӑваш обкомӗн председателӗ. 1929—1933 — Чӑвашпайторгӑн председатель ҫумӗ, правлени председателӗ, Чӑвашснабсбыт управляющийӗ. 1933—1934 — Вкп(б) Хӗрлӗ Чутай райкомӗн яваплӑ секретарӗ[1].

1934 ҫулхи авӑн уйӑхӗнчен пуҫласа 1937 ҫулхи авӑн уйӑхӗччен — Чӑваш АССР шалти суту-илӗвӗн халӑх комиссарӗ. 1937 ҫулхи авӑн уйӑхӗнчен пуҫласа 1938 ҫулхи ҫу уйӑхӗччен Чӑваш Республикин потребитель обществисен союзӗн (Чӑвашпотребсоюз) правлени председателӗн тивӗҫӗсене пурнӑҫланӑ[1][2].

1938 ҫулхи ҫу уйӑхӗн 23-мӗшӗнче арестленӗ[2]. СССР НКВД ҫумӗнчи уйрӑм канашлупа РСФСР УК 58-мӗш статйин 7-мӗш п. (советсене хирӗҫ буржуалла-национализм организацине хутшӑнни, советсене хирӗҫ кӗрешни) 1941 ҫулхи авӑн уйӑхӗн 16-мӗшӗнче ӗҫ лагерьне 5 ҫуллӑха янӑ. 1942 ҫулхи ҫу уйӑхӗн 11 тӗрмере вилнӗ[2].

1956 ҫулхи ака уйӑхӗн 25-мӗшӗнче ӑна Чӑваш АССР Верховнӑй сучӗн Президиумӗ реабилитациленӗ: ӗҫе «преступлени составӗ ҫуккипе» чарса лартнӑ[2].

Ҫӑлкуҫсем

  • Архивное дело: РГУ ГИА ЧР, Ф. 2669, оп.2, д.5263-5265 (2168)
  • БД «Жертвы политического террора в СССР»;
  • Книга памяти Чувашской Республики.

Ӑнлантарусем

  1. ^ 1, 2, 3, 4, 5 Ф.Ф. Фёдоров. Чернов Лука Семёнович (выр.). chuvenc.ru. Пӑхнӑ кун: 2025 ҫулхи раштавӑн 17-мӗшӗ.
  2. ^ 1, 2, 3, 4 Чернов Лука Семенович (1903) (выр.). Открытый список. Пӑхнӑ кун: 2025 ҫулхи раштавӑн 16-мӗшӗ.

Каҫӑсем

Категорисем