Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

«Дорисс» ПАО

«Дорисс» ПАО (выр. Публичное акционерное общество «Дорисс»)— ҫул-йӗр, инженери тытӑмӗсемпе сооруженийӗсем тӑвас енӗпе ӗҫлекен акционерсен уҫӑ обществи. Компание 1968 ҫулта Чӑваш Республикинче йӗркеленӗ.

Историйӗ

«Дорисс» ПАО историйӗ 1968 ҫулта СССР строительство министерстви хушнипе «Спецстроймеханизаци» трест йӗркеленнӗ. Предприятин тӗп ӗҫӗ ҫул-йӗрӗ инженери коммуникацийӗсене, хула тата завод тулашӗнчи автоҫулсене тӑвасси, промышленноҫ предприятийӗсене хута яракан территорисенче ҫулсемпе площадкӑсене тирпей-илем кӗртесси пулнӑ[1][2].

Компани историйӗн хӑш-пӗр тапхӑрӗсем[1]:

1990 ҫул: «Спецстроймеханизаци» треста «Дорисс» арендӑпа строительство организацийӗ тесе ят панӑ[2].

1992 ҫул: аренда организацине «Дорисс» акционерсен уҫӑ обществи туса хунӑ.

1994 ҫул: «Шупашкар ГЭСӗ – Кӳкеҫ поселокӗ» участокра 18 ҫухрӑм тӑршшӗ «Вятка» федераллӑ автомобиль ҫулне тума пуҫланӑ.

1995 ҫул: «Дорисс» АУО Введени соборӗ патне Шупашкар шывӗн заливӗ урлӑ дамба тата ҫул тума пуҫланӑ.

1997 ҫул: Шупашкар хулин Кӑнтӑр-Хӗвеланӑҫ пурӑнмалли районӗнче транспорт ҫул юппин пӗрремӗш черетне хута янӑ, ҫакӑ ҫӗнӗ троллейбус тата автобус маршручӗсем уҫма май панӑ.

2002 ҫул: «Дорисс» АУО Раҫҫей Федерацийӗн транспорт министерствин «РосдорНИИ» институчӗпе пӗрле ҫулсене юсама, реконструкцилеме тата тума ҫӗнӗ техникӑпа – WR-2500 ресайклерпа – усӑ курса сивӗ регенераци технологине алла илнӗ.

2005 ҫул: «Дорисс» АУО специалисчӗсем ют ҫӗршывсенче туса кӑларакан машинӑсемпе механизмсен комплексӗпе усӑ курса хӗрӳ регенерацин прогрессивлӑ технологийӗпе пуҫласа Чӑваш Республикинчи автомобиль ҫулӗсен сийӗсене юсанӑ.

2006 ҫул: Ammann фирмӑн сехетре 160-200 т туса кӑларакан Black Move мобильлӗ асфальтпа хутӑш установкине туянса хута янӑ.

2007 ҫул: тӑвакан объектсем патне строительство материалӗсене турттарассине тухӑҫлӑ йӗркелеме 25 тоннӑллӑ Volvo автосамосвалсемпе комплектланӑ «Дорисс-Транс» ҫӗнӗ автотранспорт предприятине туса хунӑ.

2011 ҫул: «Дорисс» ПАО А-331 «Вилюй» федераци ҫулӗ ҫинче Саха (Якути) Республикинче строительствӑпа монтаж ӗҫӗсене пуҫланӑ.

2015 ҫул: Казахстан Республикинчи Астана — Павлодар — Калбатау — Усть-Каменогорск тата Астана — Ерейментау — Шидерты автоҫулӑн Центр — Восток коридорне реконструкцилес ӗҫӗсене пуҫланӑ.

2016 ҫул: акционерсен ҫулталӑкри пӗрлехи пухӑвӗ «Дорисс» акционерсен уҫӑ обществине «Дорисс» ПАО ятпа улӑштарма йышӑннӑ[2].

2019 ҫул: А-331 «Вилюй» трассӑн икӗ участокӗ 521-мӗш ҫухрӑм — 542-мӗш ҫухрӑм тата 560-мӗш ҫухрӑм — 572-мӗш ҫухрӑм ҫул ҫӳреме уҫӑлнӑ.

Ӗҫри пысӑк ҫитӗнӳсемшӗн «Дорисс» ПАО коллективӗ тӑхӑр хутчен Раҫҫейӗн транспорт отраслӗн «Золотая колесница» наци премийӗн лауреачӗ пулса тӑнӑ, «Раҫҫей строительство комплексӗн элитине» кӗнӗ.

«Дорисс» ПАО пайӗсем[3]:

  • «Дороги Чувашии» ТМЯО. «Дорисс» ПАО 100 процентлӑ пайташ обществи шутланать. 2020 ҫулта ҫул-йӗр строительствин отраслӗнче 1-мӗш механизаци управленийӗн тата 4-мӗш строительство управленийӗн чи ватӑ филиалӗсен никӗсӗ ҫинче йӗркеленнӗ, вӑл УМ-1 тата СУ-4 ӗҫ-пуҫне, историпе йӑла-йӗркине малалла тӑсаканӗ шутланать.
  • «Мостовые системы» ТМЯО. 2020 ҫулта «Дорисс» ПАО компанин ӗҫ-хӗл сферине анлӑлатас тӗллевпе реорганизаци мероприятийӗсем ирттерме пуҫланӑ. 2020 ҫулхи авӑн уйӑхӗн 18-мӗшӗнче «Жилстрой» строительство управленине «Мостовые системы» ТМЯО туса хунӑ, унӑн ӗҫ-хӗлӗн тӗп ҫул-йӗрӗсем ҫумне искусствӑлла сооруженисем тӑвасси, юсасси тата реконструкци тӑвасси хутшӑннӑ.
  • «ДСК Магадан» ТМЯО. «Дорисс» ПАО 2020 ҫулта Магадан облаҫӗнче 5-мӗш (СУ-5) ятарлӑ управлени никӗсӗ ҫинче строительствӑпа монтаж ӗҫӗсене пурнӑҫлама йӗркеленӗ пайташ предприятийӗ.
  • «СпецТехникаСервис» ТМЯО. «Дорисс» ПАО ҫул-йӗрпе строительство машинисемпе механизмӗсене юсассипе тата комплекслӑ техника пулӑшӑвӗпе тивӗҫтерессипе специализациленекен пай предприятийӗ. Компание 2021 ҫулта акционер обществин филиалӗсене уйрӑм юридици сӑпачӗсем туса ҫӗнетнӗ май йӗркеленӗ.
  • «Дорисс-Транс» ТМЯО. «Дорисс» ПАО транспорт компанийӗсен комплексне реорганизацилесе йӗркеленӗ. Паян вӑл тытӑмри инертлӑ материалсене, асфальтобетона тата ытти тиеве строительство лапамӗсене илсе ҫитерекен пысӑк предприятисенчен пӗри.
  • «ТД «Дорисс-Снаб» ООО. «Дорисс» ПАОн строительство объекчӗсене пурлӑхпа техника тӗлӗшӗнчен тивӗҫтерессишӗн яваплӑ пайташ предприятийӗ.
  • «Виртуальный мир» ТМЯО. Объектсене хӑпартнӑ тата реконструкциленӗ вӑхӑтра професси ӗҫӗн тепӗр енӗпе – электричество сечӗсемпе электрооборудовани монтажӗпе ҫыхӑннӑ ятарлӑ ӗҫ тӗсӗ ҫуралнӑь. Ҫак ҫул-йӗре «Дорисс» ПАО «Виртуаллӑ мир» ТМЯО пайташ компанийӗ пурнӑҫлать.
  • «Право центрӗ 21» ТМЯО. 2015 ҫулхи ҫӗртме уйӑхӗн 1-мӗшӗнчен юридици пайне «Дорисс» АУО управленийӗн аппарачӗн структура единици пек пӗтернине кура юридици енӗпе туллин тивӗҫтерес енӗпе мӗнпур функцие «Дорисс» «Право центрӗ 21» тулли мар яваплӑхлӑ обществӑна панӑ.
  • «Яранский охотник» ТМЯОн тӗп ӗҫӗ-хӗлӗ сунар хуҫалӑхӗн 65 пин гектар лаптӑклӑ территорийӗнче сунар ресурсӗсене сыхласа хӑварса ҫӗнетсе пыма тӗллев лартнӑ.

Компани ӗҫченӗсем[4]:

  • Сафина Люция Рафаэльевна — 2023 ҫулхи пуш уйӑхӗн 9-мӗшӗнчен пуҫласа тӗп директор;
  • Земсков Виталий Димитриевич — автомобиль ҫулӗсене тӑвассипе тӗп директор ҫумӗ, «Дороги Чувашии» ТМЯО ӗҫ тӑвакан директорӗ;
  • Васильев Андрей Валерьевич — тӗп директор ҫумӗ, «Дороги Чувашии» ТМЯО тата «ДСК Магадан» ТМЯО директорӗ;
  • Масин Вячеслав Павлович — «Мостовые системы» ТМЯО директорӗ;
  • Тимошенко Алексей Васильевич — «Виртуальный мир» ТМЯО директорӗ;
  • Дубровский Роман Сергеевич — «Дорисс-Транс» ТМЯО директорӗ;
  • Иванова Елена Вениаминовна — «Право Центрӗ 21» ТМЯО директорӗ;
  • Семагина Лидия Васильевна — «ТД «Дорисс-Снаб» ТМЯО директорӗ.

Ăнлантарусем

Каçăсем

Категорисем