Вырӑсла версиЯтарлӑ проектсем
Сӑна ӗнерлеЧӗлхе суйла
РУВИКИ ҪИНЧЕН

Алексеев Георгий Андреевич

РУВИКИ-ре ҫак хушаматлӑ ытти ҫынсем пирки те статьясем пур: Алексеев.

Алексеев Георгий Андреевич (ҫур. 1939 ҫулхи нарӑсӑн 27-мӗшӗ, Пучинке, Йĕпреç районĕ, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР) — совет тата Раҫҫей художникӗ, педагог, Чӑваш Республикин тава тивӗҫлӗ художникӗ (2001)[1].

Чӑваш Республикинчи куравсене, Магадан облаҫӗнчи художниксен произведенийӗсен куравӗсене, зонӑри «Советский Дальний Восток» куравӗсене, Чӑваш художникӗсен пӗрлешӗвӗн куравӗсене хутшӑннӑ. 1997 ҫултанпа Раҫҫей художникӗсен пӗрлӗхӗн пайташӗ[2].

Пурнӑҫӗпе ӗҫӗ-хӗлӗ

1939 ҫулхи нарӑсӑн 27-мӗшӗнче Чӑваш АССРӗн Йӗпреҫ районенчи Пучинке ялӗнче ҫуралнӑ. Ҫулталӑкран ашшӗ-амӑшӗ Йӗпреҫ посёлокне пурӑнма куҫнӑ. Шӑп посёлокпа юнашар вырнаҫнӑ илемлӗ ҫутҫанталӑкпа юнашар пулас ӳнерҫӗн ачалӑхӗ иртнӗ те.

1965 ҫулта Шупашкарти ӳнер училищинчен (унта вӑл 1957 ҫулта вӗренме кӗнӗ, икӗ курс вӗренсен 1959—1962 ҫулсенче ҫара кайса килнӗ) вӗренсе тухнӑ. Унӑн вӗрентекенӗсем Моисей Спиридонов, Пётр  Григорьев-Савушкин, Роза Ермолаева пулнӑ. Диплом хӳтӗлесен ана Санкт-Петербург патшалӑх ӳнер академине вӗренме кайма сӗннӗ[3].

анчах ун ӗҫлес килнӗ: Шупашкарти «Чӑвашкабель» заводра художник-оформитель, Ҫӗнӗ Шупашкар хулинчи 20-мӗш вӑтам шкулта (1965—1970), ҫак хулари 14-мӗш ПТУ-ра (1971—1974) тата Йӗпреҫ поселокӗнчи ача-пӑча ӳнер шкулӗнче (1975—1976) ӳкерчӗкпе черчени учителӗ пулса ӗҫленӗ[1][2].

1973 ҫулта И. Я. Яковлев ячӗллӗ Чӑваш патшалӑх педагогика институчӗн ӳнерпе графика факультетӗнчен вӗренсе тухнӑ.

1977 султа Ҫурҫӗре куҫса кайнӑ, чылай хушӑ Магадан облаҫӗнчи Сеймчан поселокӗнче пурӑннӑ тата ӗҫленӗ, вырӑнти ача-пӑча ӳнер шкулӗнче вӗрентнӗ, «Магадансельстрой» 1 № ялти строительство комбиначӗн художник-оформителӗ пулса ӗҫленӗ[1][2][4].

1992 ҫулта Чӑваш Республикине таврӑннӑ, Шупашкарта ӗҫлесе пурӑнать[1][2][4].

Ӗҫсем

Шупашкарти ӳнер училищинчен вӗренсе тухнӑ чухне вӑл диплом ӗҫӗ шайӗнче «Пробуждение» картина ӳкернӗ. Преподавательсем ӑна пысӑк хакпа хакланӑ, Герогий Андреевича конкурссӑрах Ленинградри художество академине кӗме сӗннӗ, анчах ҫемьере сиксе тухнӑ йывӑрлӑхсене пула вӑл унта каяйман.

Паллӑ ӗҫӗсен шутӗнче: «Колымчанин», «Ҫурҫӗр пейзажӗсем», «Симӗс курӑк ҫинче», «Пӑлан ӗрчетекенсен ачисем», «Борискин перевалӗ», «Охотски тинӗс ҫыранӗ» тата ыттисем те[4].

Куравсем

Харпӑр куравӗсем Магадан облаҫӗнчи Сеймчан поселокӗнче, Магадан, Шупашкар, Улатӑр хулисенче, Чӑваш Республикин Йӗпреҫ тата Пӑрачкав салисенче иртнӗ[4].

Ҫемье

  • Ашшӗ — Андрей Алексеевич Алексеев — таврари паллӑ фельдшер-лекарь пулнӑ[5].
  • Машӑрӗпе икӗ ача ӳстернӗ: Андрей тата Людмила[5].

Ӑнлантарусем

  1. ^ 1, 2, 3, 4 Алексеев Георгий Андреевич. Культурное наследие Чувашии. Пӑхнӑ кун: 2026 ҫулхи пушӑн 25-мӗшӗ.
  2. ^ 1, 2, 3, 4 Алексеев Георгий Андреевич. Союз художников Чувашии. Пӑхнӑ кун: 2026 ҫулхи пушӑн 25-мӗшӗ.
  3. ^ Геннадий Кузнецов. Жизнь – в спектре яркой палитры (выр.). zapobedu21.ru. Газета Ибресинского района «За победу». Пӑхнӑ кун: 2026 ҫулхи акан 23-мӗшӗ.
  4. ^ 1, 2, 3, 4 «Живопись добра, души и сердца» Алексеева Георгия Андреевича. Чувашский государственный художественный музей (26 нарӑсӑн 2014). Пӑхнӑ кун: 2026 ҫулхи пушӑн 25-мӗшӗ.
  5. ^ 1, 2 Геннадий Кузнецов. Жизнь – в спектре яркой палитры (выр.). zapobedu21.ru. Газета Ибресинского района «За победу». Пӑхнӑ кун: 2026 ҫулхи акан 23-мӗшӗ.

Вуламалли

  • Георгий Алексеев. Жизнь и творчество : [альбом / сост. Л. В. Семечкина-Бессонова ; ред. П. К. Андреев ; фото В. Н. Палькиной и др.]. — Чебоксары, 2014. — 159 с. : ил., цв. ил., портр.
  • Власова, Р. «Пурнӑҫ малаллах… Диван ҫинче выртма вӑхӑт ҫук» / Р. Власова // Тӑван Атӑл. — 2014. — № 2. — Прил.: с. 32-36 : ӳкерчӗксем.
  • Георгий Алексеев ӳкерчӗксем // Тӑван Атӑл. — 2012. — № 8. — Прил.: с. 23-26.
  • Тарасов, А. Георгий Алексеев — «Пичче вӑрҫӑран таврӑнни» / А. Тарасов // Тӑван Атӑл. — 2020. — № 7. — С. 102-105 : сӑн ӳкерчӗкcем.
  • Тарасов, А. «Тӑван килте» : [Георгий Андреевич Алексеевӑн «Тӑван килте» картини пирки] / А. Тарасов // Тӑван Атӑл. — 2010. — № 6. — Прил.: с. 43-47.
  • Васильев, В. О нашем земляке / В. Васильев // За победу (Ибрес. р-н). — 2015. — 3 июня. — С. 4.
  • Викторов, Ю. В. Алексеев Георгий Андреевич / Ю. В. Викторов // Ибресинский район : краткая энцикл. — Чебоксары, 2011. — С. 16-17.
  • Викторов, Ю. В. Алексеев Георгий Андреевич / Ю. В. Викторов // Чувашская энциклопедия. — Чебоксары, 2006. — Т. 1 : А-Е. — С. 76.
  • Журавлев, С. В. Георгий Андреевич Алексеев / С. В. Журавлев // Чӑваш ен ӳнерҫисем : пурнӑҫ ҫулӗ = Художники Чувашии : биографии : альбом-справ. / С. В. Журавлев. — Шупашкар, 2007. — С. 11-14.
  • Красотина, М. И чувашские и якутские пейзажи ему близки / М. Красотина // Советская Чувашия. — 2015. — 26 февр. — С. 14 : фот.
  • Кузнецов, Г. Жизнь — в спектре яркой палитры / Г. Кузнецов // За победу (Ибрес. р-н). — 2019. — 7 марта (№ 16). — С. 7 : фот.
  • Кузнецов, Г. Певец родного края / Г. Кузнецов // За победу (Ибрес. р-н). — 2014. — 26 февр. — С. 3 : портр.

Каҫӑсем

Категорисем