Ашанин Александр Данилович

	Ҫын пирки
	Ашанин Александр Данилович
Çуралнă вăхăт	1921 ҫулхи утӑн 23-мӗшӗ
Çуралнă вырăн	Кульцав, Вăрнар районĕ, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики;
Вилнĕ вăхăт	1994 ҫулхи ҫурлан 2-мӗшӗ (73 ҫул)
Вилнĕ вырăн	Вăрнар районĕ, Чӑваш Республики — Чӑваш Ен, Раҫҫей Федерацийӗ;
Гражданлăх	СССР; Раҫҫей Федерацийӗ;
Премисемпе чысланисем	;

Ашанин Александр Данилович (1921 ҫулхи утӑн 23-мӗшӗ(19210723), Кульцав, Етӗрне уесӗ, Чӑваш Автономи облаҫӗ^[1], РСФСР — 1994 ҫулхи ҫурлан 2-мӗшӗ(19940802), Кульцав, Вӑрнар районӗ, Чӑваш Республики, Раҫҫей Федерацийӗ) — совет ял хуҫалӑх производствинче малта пыракан, Вӑрнар районӗнчи Сталин ячӗллӗ (1961 ҫултан — Ленин ячӗллӗ) колхозӑн уй-хир бригадин бригадирӗ. Социализмла Ӗҫ Паттӑрӗ (1948). Социализмла Ӗҫ Паттӑрӗн Василий Данилович Ашанинӑн шӑллӗ.

Пурнӑҫӗпе ӗҫӗ-хӗлӗ

1921 ҫулхи утӑ уйӑхӗн 23-мӗшӗнче Чӑваш Автономи облаҫӗн Етӗрне уесӗнчи Кульцав ялӗнче (халӗ Чӑваш Республикин Вӑрнар районне кӗрет) ҫуралнӑ. 7 класс вӗренсе пӗтернӗ.

Тӑван Ҫӗршывӑн Аслӑ вӑрҫине хутшӑннӑ.

Чӑваш АССРӗн Вӑрнар районӗнчи Сталин ячӗллӗ (1961 ҫултан — Ленин ячӗллӗ) колхозра уй-хир бригадин бригадирӗ тата выльӑх-чӗрлӗх бригадин бригадирӗ пулса ӗҫленӗ.

1948 ҫулхи пушӑн 19-мӗшӗнчи СССР Аслӑ Канашӗн Президиумӗн Хушӑвӗпе тулӑпа ыраш тырпулсене пысӑк тухӑҫлӑхпа пухса илнӗшӗн, 1948 ҫулхи ҫуракине пысӑк пахалӑхлӑ вӑрлӑх хатӗрленӗшӗн пысӑк хисепе — Социализмла Ӗҫ Паттӑрӗ ята — тивӗҫнӗ ^[2] ^[3].

Кульцав ялӗнче пурӑннӑ. 1994 ҫулхи ҫурлан 2-мӗшӗнче вилнӗ. Шупашкарта пытарнӑ.

Хисепӗсем

Социализмла Ӗҫ Паттӑрӗ (19.03.1948),
4 Ленин орденӗ (19.03.1948 № 69598; 13.07.1950; 04.07.1951; 04.08.1952),
Тӑван Ҫӗршывӑн Аслӑ вӑрҫин орденӗн 2-мӗш степенӗ (11.03.1985),
Ӗҫлӗх Хӗрлӗ Ялав орденӗ (08.04.1971),
медальсем, ҫав шутра
«Ҫурлапа Мӑлатук» ылтӑн медаль (19.03.1948, № 1369),
«1941—1945 ҫҫ. Тӑван Ҫӗршывӑн Аслӑ вӑрҫинче Германие ҫӗнтернӗшӗн» медаль (09.05.1945),
«Ӗҫри хастарлӑхшӑн. В. И. Ленин ҫуралнӑранпа 100 ҫитнине халалласа» медаль (1970),
«Ӗҫ ветеранӗ» медаль,
юбилей медалӗсем.

Ӑнлантарусем

Вуламалли

Ашанинсем : [Вӑрнар районӗнчи Кульцав ялӗнче ҫуралнӑ Социализмла Ӗҫ Геройӗсем ҫинчен] // Хыпар. — 2015. — 17 июль/утӑ. — С. 13 : сӑн ӳкерчӗксем.
Ашанин Александр Данилович // Энциклопедия Вурнарского района. — Чебоксары, 2005. — С. 47.
Мадебейкин, И. Н. Ашанин Александр Данилович / И. Н. Мадебейкин // Чувашская энциклопедия. — Чебоксары, 2006. — Т. 1 : А-Е. — С. 162.

Каҫӑсем

[МР-1] Ныне — Вурнарский район, Чувашия, Россия.

[2] ttp://elbib.nbchr.ru/lib_files/kzd/kalendar/archives/gia2/delo951_11.jpg

[3] ttp://elbib.nbchr.ru/lib_files/kzd/kalendar/archives/gia2/delo951_12.jpg

[1]

[2]

[3]