Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Верблюдов Геннадий Тимофеевич

Верблюдов Геннадий Тимофеевич (ҫур. 1961 ҫулхи пушӑн 13-мӗшӗ, Хованщина[d], Мордва Автономилле Совет Социализмла Республики[d]) — Раҫҫей фотокорреспонденчӗ, Раҫҫей Журналистсен союзӗн пайташӗ (1987), Чӑваш Республикин тава тивӗҫлӗ культура ӗҫченӗ (2011).

Пурнӑҫӗпе ӗҫӗ-хӗлӗ

1961 ҫулхи пуш уйӑхӗн 13-мӗшӗнче Мордва АССРӗнчи Рузаевка районӗнчи Хованщина ялӗнче ҫуралнӑ.

Ашшӗ — Верблюдов Тимофей Прокофьевич, амӑшӗ — Синилёва Анна Андреевна. Иккӗшӗ те чукун ҫул синче ҫулсене пахса таракансем пулса ӗҫленӗ. Аслашшӗне 1937 ҫулта кулак тесе арестленӗ те персе пӑрахнӑ, кукашшӗ 1943 ҫулхи нарӑс уйӑхӗнче Сталинград патӗнче пуҫ хунӑ.

1979—1981 ҫулсенче Совет Ҫарӗнче хӗсметре тӑнӑ. Салтакран тавранса ҫулталӑк ҫурӑ Самар облаҫӗнчи Красноармейск районӗн хаҫатӗнче фотокорреспондент пулса ӗҫленӗ. Пӗтӗм Союзри фотожурналистика факультечӗн икӗ ҫуллӑх курсӗсенче (1991), Атӑлҫи наци гуманитарипе техника институчӗн культурологи факультетӗнче (2008) пӗлӳ илнӗ. Куславкка районӗн «Ялав» хаҫачӗн фотокорреспонденчӗ (1983—1989), Шупашкарти 5-мӗш стройтрестра фотограф (1989—1991), «Хыпар» хаҫатра фотокорреспондент (1991—2014) пулса ӗҫленӗ[1][2].

Мускав облаҫӗнче пурӑнать.

Ӗҫӗсем

Фотокорреспондент ӗҫӗсем Раҫҫейри, республикӑри чылай хаҫат-журналта пичетленнӗ[1], ҫав шутра:

  • «Советская Россия» хаҫатра,
  • «Сельская жизнь» хаҫатра,
  • «Правда» хаҫатра,
  • «Аргументь и факты» хаҫатра,
  • «Чӑваш патшалӑх университетне 40 ҫул» кӗнекере (2007),
  • «Чӑваш Енӗн паллӑ ҫыннисем» ярӑмра,
  • «Чӑваш Республики. Ырӑ сунса кӗтетпӗр» ярӑмра,
  • «Астӑвӑм. Память» кӗнекере,
  • Чӑваш энциклопедийӗнче,
  • Чӑваш спорт энциклопедийӗнче (2007),
  • «Чӑваш Ен хулисем» альбом-кӗнекере (2009).

Ҫурҫер Кавказ республикисенче (Чечен Республики, Ингуш Республики, Дагестан) терроризма хирӗҫ ҫар операцийӗ пынӑ вӑхӑтра тата пуҫланас умӗн ӳкернӗ ӗҫӗсемпе палӑрнӑ.

Куравсем

Обществӑлла ӗҫсем

Верблюдов ӗҫтешне — Семён Петрович Игнатьев фотокорреспондента — асӑнса, ун ӗҫ-хӗлне халӑх асӗнче хӑварас тесе тӑрӑшнӑ:

  • Шупашкарти масарти вилтӑпри ҫине палӑк вырнаҫтарнӑ;
  • Игнатьев С. П. ӗҫӗсен кӗнеке-альбомне пухса ҫитернӗ.

Чӑваш Республикинчи фотокорреспондентсен музейне хатӗрлес ӗҫе хутшӑннӑ, музей валли хӑйӗн харпӑр япалисене панӑ.

Кӑсӑк самантсем

  • Фотоӗҫпе «чирлесси» Куйбышев (халӗ — Самар) облаҫӗнчи Жигулёвск хулинчи Пионерсен керменӗнче фотостендра сӑнӳкерчӗксем курнинчен пуҫланнӑ.
  • 5-мӗш класра вӗреннӗ чухне ӑна «Чайка» фотоаппарат туянса панӑ — ҫакӑ унӑн пурнӑҫ ҫулне палӑртнӑ.
  • 1997 ҫулта Атнер Петрович Хусанкайпа Эстонири Тарту хулинче иртнӗ ОНННӑн (ООНа кӗмен халахсемпе нацисен организацийӗ) иккӗмӗш съездне делегат пулса хутшаннӑ. Унта хӑйӗн «Чечня» харпӑр куравне йӗркеленӗ.

Хисепӗсем

  • Чӑваш Республикин тава тивӗҫлӗ культура ӗҫченӗ[3] (2011);
  • Раҫҫей Журналистсен союзӗн Хисеп грамоти (2010);
  • Чӑваш Республикинчи Журналистсен союзӗн Хисеп грамоти;
  • Чӑваш Республикин Ялхуҫалӑх министерствин Хисеп грамоти (1996)[1].

Ӑнлантарусем

  1. ^ 1, 2, 3 Верблюдов, Геннадий Тимофеевич (фотожурналист; 13.03.1961) (выр.). Наследие Чувашии. Национальная библиотека Чувашской Республики. Пӑхнӑ кун: 2026 ҫулхи пушӑн 19-мӗшӗ.
  2. ^ Александр Белов. Верблюдов попал под Воробьева (выр.). Живой журнал (10 чӳкӗн 2014). Пӑхнӑ кун: 2026 ҫулхи пушӑн 19-мӗшӗ.
  3. ^ О награждении государственными наградами Чувашской Республики (выр.). Официальный портал органов власти Чувашской Республики (14 акан 2011). Пӑхнӑ кун: 2026 ҫулхи пушӑн 19-мӗшӗ.

Вуламалли

  • Автор и руководитель проекта В. П. Комиссаров. Энциклопедия чувашской журналистики и печати. — Региональная общественная организация «Союз журналистов Чувашской Республики», 2014. — Т. 1. — С. 64. — 559 с. — ISBN 978-5-7670-2156-7.
  • Автор и руководитель проекта С. В. Журавлёв. Фотокорреспонденты Чувашии. Биографии - Чӑваш Ен фотокорреспонденчӗсем. Вӗсен пурнӑҫ ҫулӗ. — Чувашское книжное издательство, 2021. — Т. 1. — С. 65—76, 258. — 264 с. — ISBN 978-5-7670-3058-3.
  • «Ӑна кашни йытӑ паллать» // Хыпар. — 2021. — 23 ака/апрель (№ 42/43). — С. 14 : сӑн ӳкерчӗк.
  • Саламлатпӑр // Хыпар. — 2011. — 16 ака (№ 67/68). — С. 2.
  • Светлова, А. Пичет ӗҫӗнчи ӳсӗмсемшӗн / А. Светлова // Хыпар. — 2010. — 16 кӑрлач (№ 5). — С. 1.

Каҫӑсем

Категорисем