Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Игнатьев Семён Петрович

Disambig gray.svg Игнатьев хушаматлă урăх çынсем çинчен РУВИКИ-ре статьясем пур.
Disambig gray.svg Игнатьев Семён хушаматлă урăх çынсем çинчен РУВИКИ-ре статьясем пур.

Игнатьев Семён Петрович (1940 ҫулхи авӑнӑн 18-мӗшӗ, Сурӑмпуҫ Мучикасси, Элӗк районӗ, Чӑваш АССР — 2009 ҫулхи авӑнӑн 30-мӗшӗ, Шупашкар, Чӑваш Республики) — фотожурналист, Раҫҫей Журналистсен союзӗн пайташӗ (1969), Чӑваш АССРӗн тава тивӗҫлӗ культура ӗҫченӗ (1979), Раҫҫей Федерацийӗн физкультура отличникӗ (1993), Чӑваш Республикин Журналистсен союзӗн Ҫемен Элкер ячӗллӗ премийӗн лауреачӗ (2008).

Пурнӑҫӗпе ӗҫӗ-хӗлӗ

1940 ҫулхи авӑн уйӑхӗн 18-мӗшӗнче Чӑваш АССРӗнчи Элӗк районӗнчи Сурӑмпуҫ Мучикасси ялӗнче ҫуралнӑ.

Ашшӗ — Пётр Николаевич Игнатьев — ялти шкулта физкультурӑпа ҫар ӗҫне вӗрентнӗ. 1939—1940 ҫулсенчи Совет-Финн вӑрҫине хутшӑннӑ. Тӑван Ҫӗршывӑн Аслӑ вӑрҫине пӗрремӗш кунсенчех кайнӑ, 1942 ҫул вӗҫӗнче йывӑр аманнӑ, госпиталь хыҫҫӑн киле килсе сипленнӗ. 1944 ҫулта Венгри Халӑх Республикине фашистсенчен ирӗке кӑларнӑ чух пуҫ хунӑ. Амӑшӗ — Агриппина Трофимовна Трофимова — ӗмӗрӗпех колхозра вӑй хунӑ. Етӗрне ҫывӑхӗнче Сӑр хӳтӗлев чиккине чавнӑ ҫӗре хутшӑннӑ.

Крымсарайкӑри ҫичӗ ҫул вӗренмелли шкултан вӗренсе тухсан Казах ССРӗнчи Целиноград хулинчи 49-мӗш механизаци училищинче вӗреннӗ. Иваново патшалӑх университетӗнчен (1976), Мускаври Пӗтӗм Союзри фотожурналистика факультетӗнчен (1978) куҫӑн мар мелпе вӗренсе тухнӑ.

1959—1962 ҫулсенче Совет Ҫарӗнче хӗсметре тӑнӑ.

Шупашкарти 1-мӗш стройтрестра (1963—1964) вӑй хунӑ. 1964 ҫултан профессиллӗ фотожурналист: Шупашкарти телестудире, «Коммунизм ялавӗ» (халӗ — «Хыпарта»), «Республика» хаҫатсен редакцийӗсенче ӗҫленӗ, ИТАР-ТАССӑн Чӑваш Республикинчи фотокорреспонденчӗ пулнӑ.

Ӗҫӗсем «Советский спорт», «Советская Россия», «Труд», «Правда», «Сельская жизнь», «Учительская газета» хаҫатсенче тата республикӑри, регионсенчи, районсенчи хаҫат-журналта пичетленнӗ. «Советский спорт» хаҫатӑн Атӑлҫи зонинчи фотокорреспонденчӗ пулса ӗҫленӗ. Конкурс витӗр тухса Мускаври Олимп вӑййисенче сӑнӳкерме ирӗк ҫӗнсе илнӗ (1980)[1].

Ӗҫӗсене АПШра, Венгрире, Польшӑра, Германире, Мальта Республикинче кӑтартнӑ. Пӗтӗм тӗнчери, Пӗтӗм Союзри, республикӑри куравсемпе конкурссене хутшӑннӑ, тӗрлӗ парнесене тивӗҫнӗ:

  • Пӗтӗм тӗнчери «Пресса — 2008» XV профессиллӗ куравӑн Хисеп паллине,
  • Берлинти Пӗтӗм тӗнчери фотокуравӑн призёрӗ (3-мӗш вырӑн),
  • «Манӑн ҫӗршыв — СССР» выставка лауреачӗ (Мускав, 1969).

Кӗнекесем, фотоальбомсем кӑларас ӗҫе хастар хутшӑннӑ, унӑн ӗҫӗсем вуншар кӗнекене илемлетнӗ. Хӑйӗн кӗнекисем:

  • Семен Игнатьев. Мир, увиденный сердцем : фотографии / [предисл. М. Михайловского, С. Васильева ; ред. В. Золотов и др. ; пер. на англ. В. Платонова, В. Кузнецова]. — Чебоксары, 2008. — 251, [4] с.[2]
  • Игнатьев, С. П. Увиденное сердцем : [каталог фотографий / предисл. С. Васильева]. — Чебоксары, 200?]. — [34] с.
  • Олимпийская гордость Чувашии : фотооткрытки / сост. П. П. Сидоров, С. И. Зубов ; фото С. Игнатьева. — Чебоксары, 1996. — 14 с.

2009 ҫулхи авӑн уйӑхӗн 30-мӗшӗнче Шупашкар хулинче вилнӗ, ӑна Явӑш масарне пытарнӑ[3].

Кӑсӑк самантсем

  • Ашшӗсӗр тӑрса юлнӑскер мӗн пӗчӗкрен колхозра ӗҫленӗ. Ҫӗр ӗҫне, лашасене юратни ачаран тӑрса юлнӑ.
  • 7 класс хыҫҫӑн районти МТС ҫумӗнче плугарьсен курсӗнче вӗреннӗ, хыҫҫӑн Шӗмшеш колхозӗнче вӑй хунӑ.
  • Механизатора вӗренсе тухсан Казах ССРӗнче ҫерем уҫнӑ ҫӗре хутшӑннӑ.
  • Пӗрремӗш фотоаппаратне — «Смена—8» — салтака кайсан ҫеҫ туяннӑ.
  • Иваново патшалӑх университетне вӗренсе пӗтерсен пӗр хушӑ шкулта физкультура вӗрентекенӗ пулса ӗҫленӗ[4].
  • Стройтрестра ӗҫлесе илнӗ пӗрремӗш ӗҫ укҫипех «ФЭД-2» фотоаппарат туяннӑ.
  • Пӗрремӗш сӑнӳкерчӗкӗсене 1-мӗш стройтрестӑн «Строитель» хаҫатӗнче пичетленӗ. Пирвайхи репортаж Совет Союзӗн Паттарӗ Андриян Николаев лётчик-космонавт парнисемшӗн ирттернӗ чупуран пулнӑ.
  • Игнатьев хӑй те ӑста спортсмен пулнӑ, пурнӑҫран мӗн уйрӑличченех ӑмӑртусене хутшӑннӑ[5]. Ҫавӑнпа та ытларах спорт мероприятийӗсене, спортсменсене ӳкерме кӑмӑлланӑ.
  • Фотограф ӑсталӑхне туптама ӑна «Советское фото» (Мускав) тата «Чехословацкая фотография» (Прага) журналсем нумай пулӑшнӑ[6].
  • Игнатьев нумай ҫул Чӑваш Республикинчи Журналистсен союзӗнче фотожурналистсен секцине ертсе пынӑ[7].

Хисепӗсем

Астӑвӑм

Ӑнлантарусем

  1. ^ http://www.artperehod.ru/04_Museum/02_New-history/0243_semen_expo.html
  2. ^ https://rusneb.ru/catalog/000199_000009_004114051/
  3. ^ http://hypar.ru/ru/fotokorrespondenty-id-hypar-otdali-dan-pamyati-byvshim-kollegam
  4. ^ http://www.artperehod.ru/04_Museum/02_New-history/0243_semen_expo.html
  5. ^ https://journ.chuvsu.ru/index.php/novosti/eto-zhurnalisty/item/410-%D0%B8%D0%B3%D0%BD%D0%B0%D1%82%D1%8C%D0%B5%D0%B2-%D1%81%D0%B5%D0%BC%D0%B5%D0%BD-%D0%BF%D0%B5%D1%82%D1%80%D0%BE%D0%B2%D0%B8%D1%87-%D1%84%D0%BE%D1%82%D0%BE%D0%B6%D1%83%D1%80%D0%BD%D0%B0%D0%BB%D0%B8%D1%81%D1%82-%D0%B7%D0%B0%D1%81%D0%BB%D1%83%D0%B6%D0%B5%D0%BD%D0%BD%D1%8B%D0%B9-%D1%80%D0%B0%D0%B1%D0%BE%D1%82%D0%BD%D0%B8%D0%BA-%D0%BA%D1%83%D0%BB%D1%8C%D1%82%D1%83%D1%80%D1%8B-%D1%87%D1%80-%D0%BB%D0%B0%D1%83%D1%80%D0%B5%D0%B0%D1%82-%D0%BF%D1%80%D0%B5%D0%BC%D0%B8%D0%B8-%D1%81%D0%B5%D0%BC%D0%B5%D0%BD%D0%B0-%D1%8D%D0%BB%D1%8C%D0%B3%D0%B5%D1%80%D0%B0-%D1%81%D0%BE%D1%8E%D0%B7%D0%B0-%D0%B6%D1%83%D1%80%D0%BD%D0%B0%D0%BB%D0%B8%D1%81%D1%82%D0%BE%D0%B2-%D1%87%D1%80?tmpl=component&print=1
  6. ^ http://www.artperehod.ru/04_Museum/02_New-history/0243_semen_expo.html
  7. ^ http://www.artperehod.ru/04_Museum/02_New-history/0243_semen_expo.html
  8. ^ https://cheboksari.bezformata.com/listnews/v-pamyat-o-fotozhurnaliste/6868358/
  9. ^ https://sv21.ru/blog/%D0%BE%D1%82%D0%BA%D1%80%D1%8B%D1%82-%D0%BC%D1%83%D0%B7%D0%B5%D0%B9-%D1%84%D0%BE%D1%82%D0%BE%D0%BA%D0%BE%D1%80%D1%80%D0%B5%D1%81%D0%BF%D0%BE%D0%BD%D0%B4%D0%B5%D0%BD%D1%82%D0%BE%D0%B2/

Вуламалли

  • Автор и руководитель проекта В. П. Комиссаров. Энциклопедия чувашской журналистики и печати. — Региональная общественная организация «Союз журналистов Чувашской Республики», 2014. — Т. 1. — С. 169—170. — 559 с. — ISBN 978-5-7670-2156-7.
  • Автор и руководитель проекта С. В. Журавлёв. Фотокорреспонденты Чувашии. Биографии - Чӑваш Ен фотокорреспонденчӗсем. Вӗсен пурнӑҫ ҫулӗ. — Чувашское книжное издательство, 2021. — Т. 1. — С. 137—148, 259—260. — 264 с. — ISBN 978-5-7670-3058-3.
  • Абрамов, А. Пысӑк ӑстан пултарулӑхри шыравӗ : (Семен Игнатьев фотожурналиста асӑнса) / А. Абрамов // Хыпар. — 2010. — 18 авӑн. — С. 14.
  • Абрамов, А. Чӗрепе курнӑ самантсем : [Семен Игнатьев фотожурналист пирки] / А. Абрамов ; С. Игнатьев тата автор сӑн ӳкерчӗкӗсем // Тантӑш. — 2010. — 16 авӑн (№ 38). — С. 4.
  • Плотников, Юрий. Чӑннипех ӑстаччӗ / Ю. Плотников ; [С. Игнатьев сӑн ӳкерчӗкӗ]. — фото // Хыпар. — 2009. — 17 юпа. — С. 13.
  • Сидоров, П. Чӗре хушнипе : [журналистсен Ҫемен Элкер ячӗллӗ премийӗн лауреачӗ С. П. Игнатьев фотоӳнерҫӗ ҫинчен] / П. Сидоров. — фото // Хресчен сасси. — 2010. — 15 авӑн. — С. 2.
  • Хусанкай, А. П. Семен Петрович Игнатьев (18.09.1940 — 30.09.2009) / А. П. Хусанкай, С. В. Журавлев // Самант. — 2015. — № 9. — С. 17 : сӑн ӳкерчӗк.
  • Ырӑ сӑнарӗ асрах пулӗ : [Семен Петрович Игнатьев фотокорреспондент вилсе кайни ҫинчен] / «Хыпар» хаҫат коллективӗ. — фото // Хыпар. — 2009. — 1 юпа. — С. 4.
  • В память о фотожурналисте : [об известном фотожурналисте Семене Петровиче Игнатьеве] // Советская Чувашия. — 2012. — 29 сент. — С. 4 : фот.
  • Егоров, А. Фоторепортер остается в кадрах : [о фотожурналисте Семене Петровиче Игнатьеве] / А. Егоров. — фото // Советская Чувашия. — 2009. — 8 окт. — С. 15.
  • Ефимов, Л. А. Игнатьев Семен Петрович / Л. А. Ефимов // Аликовская энциклопедия. — Чебоксары, 2009. — С. 246.
  • Малясова, Н. Б. Игнатьев Семен Петрович / Н. Б. Малясова // Чувашская энциклопедия. — URL: http://enc.cap.ru/?t=prsn&lnk=5506. — (дата обращения : 28. 08.2020).
  • Памяти Семена Игнатьева : 30 сентября на 70-м году жизни скончался фотокорреспондент Агентства «Фото ИТАР-ТАСС» Семен Петрович Игнатьев — заслуженный работник культуры Чувашской Республики // Чебоксарские новости. — 2009. — 3 окт. — С. 8.
  • Фотография от Семена Игнатьева / [фото С. П. Игнатьева]. — фото // Почтовый экспресс. — 2009. — 7-13 окт. (№ 41). — С. 13.

Каҫӑсем

Категорисем