Дмитриев Юрий Андреевич

1939 ҫулхи пуш уйӑхӗн 25-мӗшӗнче Чӑваш АССРӗн Красноармейски районӗнчи Ҫӗнӗ Йӗкӗт ялӗнче ҫуралнӑ. Журналистсен Тӗп ҫурчӗ ҫумӗнчи Пӗтӗм Союзри журналистика тата фоторепортаж лекторийӗнчен (Мускав, 1963) вӗренсе тухнӑ.

Свердловск облаҫӗнчи Егоршино станцийӗнче тӗрлӗ ӗҫ тӑвакан, 29-мӗш пуйӑс строитель-монтажникӗ, кондукторсен резервӗн тӗп кондукторӗ пулса ӗҫленӗ.

1960 ҫулта тӑван ене таврӑннӑ, 1960—1961 ҫулсенче Шупашкар станцийӗнче пуйӑссене йӗркелекен пулнӑ. «Текстильщик» (Шупашкар, 1962), «Ленин ҫулӗпе» (Улатӑр районӗ, 1963—1966), «Гидростроитель» (Ҫӗнӗ Шупашкар) хаҫатсен фотокорреспондентӗнче вӑй хунӑ.

Унтан Самар облаҫӗнчи Тольятти хулинче электротехника заводӗнче техника информацийӗн бюровӗн инженерӗнче, «Промстройпроект» институтӑн филиалӗн аслӑ инженерӗнче, «Гипролестранс» (Вологда) институтӑн фотослужбин ертӳҫинче ӗҫленӗ.

1977—1993 ҫулсенче «Коммунизм ялавӗ» (халӗ — «Хыпар») хаҫатӑн фотокорреспонденчӗ пулнӑ.

1993—2003 ҫулсенче — «ДАЮР» фирма учредителӗ, директорӗ^[1].

2006 ҫулхи юпа уйӑхӗн 11-мӗшӗнче Шупашкар хулинче вилнӗ, Явӑш масарӗнче пытарнӑ^[2].

• Чӑваш АССР Аслӑ Канашӗн Президиумӗн Хисеп грамоти (1988);
• Чӑваш АССР Журналистсен союзӗн Хисеп грамоти.

• Чӑваш Енри фотокорреспондентсен музейӗнче Ю. Дмитриева халалланӑ кӗтес пур, музейра унӑн япалисем, ӗҫӗсем упранаҫҫӗ^[3].