Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Елдырёва Татьяна Фёдоровна

Елдырёва Татьяна Фёдоровна (1927 ҫулхи кӑрлачӑн 23-мӗшӗ, Кульцав, Вӑрнар районӗ, Чӑваш АССР, РСФСР — 2000 ҫулхи чӳкӗн 2-мӗшӗ, Шупашкар, Чӑваш Республики) — совет ял хуҫалӑх производствинче малта пыракан, Вӑрнар районӗнчи Сталин ячӗллӗ (1961 ҫултан — Ленин ячӗллӗ) колхоз звеньевойӗ. Социализмла Ӗҫ Паттӑрӗ (1948).

Пурнӑҫӗпе ӗҫӗ-хӗлӗ

1927 ҫулхи кӑрлачӑн 23-мӗшӗнче Чӑваш АССРӗн Вӑрнар районӗнчи Кульцав ялӗнче ҫуралнӑ. Тӑван ялӗнчи шкултан вӗренсе тухсанах Вӑрнар районӗнчи Сталин ячӗллӗ (1961 ҫултан — Ленин ячӗллӗ) колхоза ӗҫе вырнаҫнӑ, уй-хир бригадин звеньевойӗ пулса ӗҫленӗ[1].

1947 ҫулта Т. Ф. Елдырёва звени 13,4 гектар ҫинче гектартан 33,71 центнер тулӑ пухса илнӗ, ыраш тухӑҫӗ 19,8 га лаптӑкран гектартан 30,65 центнер пулнӑ[2].

1948 ҫулхи пушӑн 19-мӗшӗнчи СССР Аслӑ Канашӗн Президиумӗн Хушӑвӗпе 1947 ҫулхине пӗрчӗллӗ культурӑсене пысӑк тухӑҫлӑхпа пухса илнӗшӗн, МТСа ӗҫленӗшӗн тата патшалӑха тивӗҫлӗ тырпул парса татнӑшӑн тата 1948 ҫулхи ҫуракине пысӑк пахалӑхлӑ вӑрлӑх хатӗрленӗшӗн пысӑк хисепе — Социализмла Ӗҫ Паттӑрӗ ята — тивӗҫнӗ[2][1].

Ҫав хушупах Социализмла Ӗҫ Паттӑрӗ ята Сталин ячӗллӗ колхоз председателӗ Сергей Коротков тата Елизавета Ерошина тивӗҫнӗ. Елизаветӑпа Татьяна туссем пулнӑ, колхозра пӗр-пӗринпе ӑмӑртса ӗҫленӗ.

Тӑван Кульцав ялӗнче ӗҫлесе пурӑннӑ, ватлӑхра Шупашкара куҫса кайнӑ. 2000 ҫулхи чӳк уйӑхӗн 2-мӗшӗнче пурнӑҫран уйрӑлнӑ.

Хисепӗсем

Ӑнлантарусем

  1. ^ 1, 2 Татьяна Фёдоровна Елдырёва на официальном сайте «Чувашская энциклопедия». Пӑхнӑ кун: 2014 ҫулхи утӑн 25-мӗшӗ. Архивланӑ 2016 ҫулхи пушӑн 4-мӗшӗ.
  2. ^ 1, 2 Указ Президиума Верховного Совета СССР «О присвоении звания Героя Социалистического Труда передовикам сельского хозяйства Чувашской АССР» от 19.03.1948 г. // Ведомости Верховного Совета СССР. — № 12 (511). — 04.04.1948.

Вуламалли

  • Ялгир, П. Т. Ф. Елдырёва // Ялгир, П. Вӑрнарсем / П. Ялгир. — Вӑрнар, 1994. — С. 21.
  • Елдырёва Татьяна Федоровна // Энциклопедия Вурнарского района. — Чебоксары, 2005. — С. 106.
  • Степанова, Т. Человек и земля / Т. Степанова // Наши земляки — Герои Социалистического Труда. — Чебоксары, 1971. — С. 47-49.
  • Шорников, А. М. Елдырёва Татьяна Федоровна / А. М. Шорников // Краткая чувашская энциклопедия. — Чебоксары, 2001. — С. 158.
  • Шорников, А. М. Елдырёва Татьяна Федоровна / А. М. Шорников // Чувашская энциклопедия. — Чебоксары, 2006. — Т. 1 : А-Е. — С. 561.

Каҫӑсем

Категорисем