Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Иванов Сергей Николаевич (ҫӑмӑл атлет)

РУВИКИ-ре ҫак хушаматлӑ ытти ҫынсем пирки те статьясем пур: Иванов.

Сергей Николаевич Иванов (ҫур. 1979 ҫулхи кӑрлачӑн 12-мӗшӗ е 1979 ҫулхи пушӑн 3-мӗшӗ, Лапракасси (Етĕрне районĕ), Eтĕрнe районĕ, Чăваш Автономиллĕ Социализмлă Совет Республики, СССР) — Раҫҫей ҫӑмӑл атлечӗ, вӑрӑм дистанцисене чупас енӗпе специалист. Раҫҫейӗн тава тивӗҫлӗ спорт мастерӗ. 10 000 метра чупассипе Раҫҫейӗн экс-рекордсменӗ (2008—2025).

Биографийӗ

1979 ҫулхи кӑрлачӑн 12-мӗшӗнче Чӑваш Республикинчи Етӗрне районӗнчи Лапракасси ялӗнче ҫуралнӑ. Лапракассинчи тулли мар вӑтам (1985—1994) тата Хучашри пӗтӗмӗшле пӗлӳ паракан шкулсенче вӗреннӗ[2].

Чӑваш Енри ҫӑмӑл атлетика шкулӗн воспитанникӗ. Чӑваш Республикин тава тивӗҫлӗ тренерӗ Анатолий Сидорович Петров тата Раҫҫейӗн тава тивӗҫлӗ тренерӗ Геннадий Михайлович Суворов (Мускав) патӗнче ӑсталӑхне туптанӑ[3]. «Динамо» (Шупашкар) спорт обществишӗн кӗрешнӗ.

3000, 5000 тата 10 000 метрлӑ дистанцисене, ҫӑмӑл атлетика кросӗсене чупса нумай хутчен Раҫҫей чемпионӗ пулнӑ. 2002 ҫулта 3000 метра чупаса Раҫҫей чемпионӗ пулса тӑнӑ[2].

2008 ҫулта Пекинра иртнӗ Олимп вӑййисенче Сергей Иванов 10 000 метра чупса 28: 34,72 кӑтартупа 30-мӗш вырӑн йышӑннӑ[3].

Раҫҫей рекорчӗ

2008 ҫулхи утӑн 17-мӗшӗнче Хусанта иртнӗ Раҫҫей чемпионатӗнче Сергей Иванов 10 000 метра чупса ҫӗнтернӗ, Раҫҫей рекордне ҫӗнетнӗ — 27: 53,12[4].

Ҫак ҫитӗнӳрен 17 ҫулта никам та иртмен. Рекорда 2025 ҫулхи ҫурлан 8-мӗшӗнче Владимир Никитин Раҫҫей чемпионатӗнче ҫӗнетнӗ (27: 48,29), вӑл та Хусанта иртнӗ[5].

Спорт званийӗсем

  • Раҫҫей спорт мастерӗ (2000)[2].
  • Тӗнче класлӑ Раҫҫей спорт мастерӗ (2004)[2].
  • Раҫҫей тава тивӗҫлӗ спорт мастерӗ.

Ҫитӗнӳсем

  • Раҫҫей чемпионӗ (5000 м): 2004, 2006
  • Раҫҫей чемпионӗ (10 000 м): 2008, 2011, 2012
  • Пӳлӗмре чупассипе Раҫҫей чемпионӗ (3000 м): 2002, 2004, 2006

Ӑнлантарусем

  1. ^ World Athletics Database
  2. ^ 1, 2, 3, 4 Иванов Сергей Николаевич. Чувашская энциклопедия. Пӑхнӑ кун: 2026 ҫулхи нарӑсӑн 8-мӗшӗ.
  3. ^ 1, 2 Спортсмены Чувашии — участники Игр XXIX Олимпиады. Министерство физической культуры и спорта Чувашской Республики (Архив). Пӑхнӑ кун: 2026 ҫулхи нарӑсӑн 8-мӗшӗ.
  4. ^ Чувашский легкоатлет установил рекорд России прямо накануне Олимпийских игр (выр.). Российская газета (1 ҫурлан 2008). Пӑхнӑ кун: 2026 ҫулхи нарӑсӑн 8-мӗшӗ. Архивланӑ 2014 ҫулхи кӑрлачӑн 2-мӗшӗ.
  5. ^ Легкоатлет Никитин установил рекорд России на дистанции 10000 метров. Матч ТВ (8 ҫурлан 2025). Пӑхнӑ кун: 2026 ҫулхи нарӑсӑн 8-мӗшӗ.

Каҫӑсем

Категорисем