Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Кипарисов Пётр Гаврилович

Кипарисов Пётр Гаврилович (1928 ҫулхи авӑнӑн 1-мӗшӗ, Ҫӗпӗр крайӗ[d] — 1987 ҫулхи раштавӑн 31-мӗшӗ, Ленинград) — совет тапхӑрӗнчи тата Раҫҫейри живописец тата педагог, Ленинградри ӳкерҫӗсен пӗрлӗхӗн пайташӗ[1], И. Е. Репин ячӗллӗ Живопиҫ, скульптура тата архитектура институчӗн живопись кафедрин доценчӗ.

Пурнӑҫӗпе ӗҫӗ-хӗлӗ

Пётр Гаврилович Кипарисов 1928 ҫулхи авӑн уйӑхӗн 1-мӗшӗнче Кемӗр облаҫӗнчи Крапивинский районӗнчи Бартеневка ялӗнче (1967 ҫултанпа вӑл ҫук[2]) 1914 ҫулта Туппай Сӗмӗл ялӗнчен (халӗ Чӑваш Республикинчи Сӗнтӗрвӑрри районӗ) Çӗпӗре куҫса кайнӑ чӑваш хресченӗн ҫемйинче ҫуралнӑ. 1935 ҫулта Кипарисовсен ҫемйи Кемеровӑна куҫса кайнӑ. Пулас ӳнерҫӗ вӑтам шкулта вӗреннӗ вӑхӑтрах В. М. Петровскин (ВХУТЕМАСран вӗренсе тухнӑскер) ӳнер шкулне занятие ҫӳренӗ. Кузбасра хӑй тӗллӗн вӗреннӗ ӳнерҫӗсен куравне хутшӑннӑ.

Вӑрҫӑ хыҫҫӑн Кипарисов ӳкерҫе вӗренес кӑмӑлпа Ленинграда килнӗ. 1946—1949 ҫулсенче Ленинградри И. Е. Репин ячӗллӗ живопись, скульптура тата архитектура институчӗ ҫумӗнчи Вӑтам ӳкер шкулӗнче вӗреннӗ. Н. И. Андрецов, В. А. Горб, А. П. Кузнецов, В. В. Соколов патӗнче пӗлӳ илнӗ. 1949 ҫулта И. Е. Репин ячӗллӗ институтӑн живопись факультетне вӗренме кӗнӗ, В. А. Горб, В. Н. Мешков, И. П. Степашкин, А. Л. Королёв, А. А. Мыльников, В. М. Орешников патӗнче вӗреннӗ. 1955 ҫулта В. М. Орешников профессор мастерскойӗпе института вӗренсе пӗтернӗ, живопись ӳкерҫин квалификацине илнӗ. Диплом ӗҫне «Юрӑ» («К. В. Иванов юрӑ итлет») картинӑна тӑван чӑваш халӑхне халалланӑ. Картина пирки пиҫсе ҫитнӗ тата пӗлтерӗшлӗ хайлав пек ӳнер ӑстисем калаҫнӑ: Б. В. Иогансон, И. А. Серебряный, В. М. Орешников тата ыттисем)[3][4].

1955—1958 ҫулсенче Кипарисов институт аспирантуринче В. М. Орешников ертсе пынипе вӗреннӗ. Ленинград ӳкерҫисен куравӗсене 1954 ҫултанпа хутшӑннӑ. Портретсем, жанр картинисем, пейзажсем ӳкернӗ. 1957 ҫулта Ленинградри ӳкерҫӗсен пӗрлӗхӗн пайташӗ пулса тӑнӑ. Ҫав ҫултах Кипарисов И. Е. Репин ячӗллӗ институтӑн ӳкерчӗк кафедринче вӗрентме пуҫланӑ, ҫак ӗҫе 30 ҫул (1958—1987) тӑснӑ. 1966 ҫулта ӑна доцент ятне панӑ. Ӳкерҫӗ студентсемпе тӑтӑшах Новгород облаҫне тата Хура тинӗс патне плэнер практикине кайнӑ.

Кипарисов пултарулӑхӗн тӗп теми Чӑваш Енӗн ҫутҫанталӑкӗпе ҫыннисем пулнӑ. Унӑн ӳнерӗ тӗнчери тата ҫӗршыври живопиҫӗн чи лайӑх йӑлисене пухнӑ; ӗҫӗсенче автор ватӑ ӑстасемпе импрессионистсен — И. Е. Репинӑн, В. И. Суриковӑн, К. А. Коровинӑн тата Н. И. Фешинӑн — ӳнерне юратни курӑнать[3]. Ю. В. Викторов искусствовед хаклавӗ тӑрӑх, «Пётр Кипарисова ҫутҫанталӑк ӳнерҫӗ-психолог, ӳнерҫӗ-драматург, ӳнерҫӗ-философ пулма пултарулӑх панӑ».

Унӑн ӗҫӗсен йышӗнче — «Чӑваш хӗрарӑмӗн портречӗ», «Кивӗ чӑваш пӳрчӗн интерьерӗ»[5] (иккӗшӗ те 1954), «Ҫеҫпӗл Мишши» (1957), «Атӑлҫӑ хӳтлевҫӗ»[6] (1958), «Ҫӗнӗ Чӑваш Ен юррисем»[7][8] (1959), «Строительсем», «Сирень чечекленсен»[9] (иккӗшӗ те 1961), «М. С. Спиридонов ӳнерҫӗ портречӗ»[10] (1963), «Ковровщица»[11][12] (1964), «Калаҫу»[6] (1967), «Пурнӑҫ ҫинчен»[13] (1979), «А. Г. Григорьев искусствовед портречӗ»[14] (1984), «Ҫеҫпӗл Мишши хресченсен хушшинче Колчака хирӗҫ революци отрячӗсем йӗркелет. 1919 ҫул»[15][16] (1985) тата ыттисем.

1987 ҫулхи раштавӑн 31-мӗшӗнче Ленинградра 60 ҫула кайсан вилнӗ.

Еткерӗ тата астӑвӑм

П. Г. Кипарисовӑн ӗҫӗсем ҫак музейсенче тата пухусенче упранаҫҫӗ[14]:

  • Чӑваш патшалӑх ӳнер музейӗ (Шупашкар);
  • Раҫҫей Ӳнер Академийӗн Ӑслӑлӑхпа тӗпчев музейӗ (Санкт-Петербург);
  • М. С. Спиридоновӑн мемориал музей-хваттерӗ (Шупашкар);
  • Дагестан патшалӑх педагогика институчӗ (Махачкала);
  • Раҫҫейри тата ют ҫӗршывсенчи харпӑр пухусенче.

1995 ҫулта ӳнерҫӗн тӑлӑх арӑмӗ Светлана Павловна Кипарисова Чӑваш патшалӑх ӳнер музейне П. Г. Кипарисовӑн 135 хайлавне парнеленӗ[17]. 2022 ҫулта музей ӳнерҫӗн тепӗр 22 ӳкерчӗкӗпе пуянланнӑ, вӗсене пиччӗшӗн мӑнукӗ А. А. Шмальц парнеленӗ[3].

Ӳкерҫӗ вилнӗ хыҫҫӑн куравсем 1988, 1998, 2003 ҫулсенче Шупашкарта тата 1995 ҫулта Санкт-Петербургра иртнӗ[14].

Куравсем

Кипарисов Петр Гаврилович хутшӑннӑ куравсем
  • 1956 ҫул (Ленинград): Ленинград ӳнерҫисен хайлавӗсен кӗрхи куравӗ.
  • 1960 ҫул (Ленинград): Ленинград ӳнерҫисен хайлавӗсен куравӗ.
  • 1960 ҫул (Мускав): Совет Раҫҫейӗ. Республика ӳнер куравӗ.
  • 1961 ҫул (Ленинград): «Ленинград ӳнерҫисен хайлавӗсен куравӗ» Патшалӑх Вырӑс музейӗн залӗсенче уҫӑлнӑ.
  • 1964 ҫул (Ленинград): Ленинград. Зонӑллӑ курав.
  • 1965 ҫул (Ленинград): Ленинград ӳнерҫисен хайлавӗсен кӗрхи куравӗ.
  • 1965 ҫул (Мускав): Совет Раҫҫейӗ. Иккӗмӗш Республика ӳнер куравӗ.
  • 1967 ҫул (Мускав): Совет Раҫҫейӗ. Виҫҫӗмӗш Республика ӳнер куравӗ.

Ӑнлантарусем

  1. ^ Справочник членов Ленинградской организации Союза художников РСФСР. — Художник РСФСР, 1987. — С. 56.
  2. ^ Административно-территориальное деление Кузбасса (1920—2000). Справочник. Пӑхнӑ кун: 2026 ҫулхи ҫӑвӑн 18-мӗшӗ.
  3. ^ 1, 2, 3 Выставка «Старый альбом: новые наброски, переданные в дар музею, к 95-летию со дня рождения Петра Кипарисова». Пӑхнӑ кун: 2026 ҫулхи ҫӑвӑн 18-мӗшӗ.
  4. ^ Юбилейный Справочник выпускников Санкт-Петербургского академического института живописи, скульптуры и архитектуры имени И. Е. Репина Российской Академии художеств. 1915—2005. — Первоцвет, 2007. — С. 74.
  5. ^ Осенняя выставка произведений ленинградских художников. 1956 года. Каталог. — Ленинградский художник, 1958. — С. 12.
  6. ^ 1, 2 Художники народов СССР. Биобиблиографический словарь. — Гуманитарное агентство Академический проект, 1995. — Т. 4. — С. 442.
  7. ^ Выставка произведений ленинградских художников 1960 года. Каталог. — Художник РСФСР, 1961. — С. 20.
  8. ^ Республиканская художественная выставка «Советская Россия». Каталог. — Советский художник, 1960. — С. 39.
  9. ^ Выставка произведений ленинградских художников 1961 года. Каталог. — Художник РСФСР, 1964. — С. 20.
  10. ^ Каталог весенней выставки произведений ленинградских художников 1965 года. — Художник РСФСР, 1970. — С. 16.
  11. ^ Ленинград. Зональная выставка. — Художник РСФСР, 1965. — С. 24.
  12. ^ Вторая республиканская художественная выставка «Советская Россия». Каталог. — Советский художник, 1965. — С. 20.
  13. ^ Третья республиканская художественная выставка «Советская Россия». Каталог. — Министерство культуры РСФСР, 1967. — С. 30.
  14. ^ 1, 2, 3 Кипарисов, Пётр Гаврилович (художник). Пӑхнӑ кун: 2026 ҫулхи ҫӑвӑн 18-мӗшӗ.
  15. ^ Сеспель в изобразительном искусстве. Пӑхнӑ кун: 2026 ҫулхи ҫӑвӑн 18-мӗшӗ.
  16. ^ Образ М. Сеспеля в искусстве. Пӑхнӑ кун: 2026 ҫулхи ҫӑвӑн 18-мӗшӗ.
  17. ^ Статья о П. Г. Кипарисове. Пӑхнӑ кун: 2026 ҫулхи ҫӑвӑн 18-мӗшӗ.

Вуламалли

  • Осенняя выставка произведений ленинградских художников. 1956 года. Каталог. — Ленинградский художник, 1958. — С. 12.
  • Выставка произведений ленинградских художников 1960 года. Каталог. — Художник РСФСР, 1961. — С. 20.
  • Республиканская художественная выставка «Советская Россия». Каталог. — Советский художник, 1960. — С. 39.
  • Выставка произведений ленинградских художников 1961 года. Каталог. — Художник РСФСР, 1964. — С. 20.
  • Ленинград. Зональная выставка. — Художник РСФСР, 1965. — С. 24.
  • Каталог весенней выставки произведений ленинградских художников 1965 года. — Художник РСФСР, 1970. — С. 16.
  • Вторая республиканская художественная выставка «Советская Россия». Каталог. — Советский художник, 1965. — С. 20.
  • Третья Республиканская художественная выставка «Советская Россия». Каталог. — Министерство культуры РСФСР, 1967. — С. 30.
  • Справочник членов Ленинградской организации Союза художников РСФСР. — Художник РСФСР, 1987. — С. 56.
  • Художники народов СССР. Биобиблиографический словарь. — Гуманитарное агентство Академический проект, 1995. — Т. 4. — С. 442—443.
  • Связь времен. 1932—1997. Художники — члены Санкт-Петербургского Союза художников России. Каталог выставки. — ЦВЗ «Манеж», 1997. — С. 298.
  • Иванов С. В. Неизвестный соцреализм. Ленинградская школа. — НП-Принт, 2007. — С. 407. — ISBN 5-901724-21-6, 978-5-901724-21-7.
  • Юбилейный Справочник выпускников Санкт-Петербургского академического института живописи, скульптуры и архитектуры имени И. Е. Репина Российской Академии художеств. 1915—2005. — Первоцвет, 2007. — С. 74.
  • Викторов Ю. В. Пётр Кипарисов: художник и педагог. — ЧГИГН, 1999. — 212 с.
  • Садюков Н. И. Приумножая коллекцию. Записки музейного работника. — 2011.

Ссылки

Категорисем