Николаев Кирилл Николаевич

	Ҫын пирки
	Николаев Кирилл Николаевич
Çуралнă вăхăт	1907 ҫулхи нарӑсӑн 4-мӗшӗ
Çуралнă вырăн	Чупай, Вӑрмар районӗ, СССР е ; Ҫӗрпӳ уесӗ, Хусан кӗпӗрни, Раҫҫей империйӗ;
Вилнĕ вăхăт	2005 ҫулхи ҫурлан 5-мӗшӗ (98 ҫул)
Вилнĕ вырăн	Чупай, Вӑрмар районӗ, Чӑваш Республики — Чӑваш Ен, Раҫҫей Федерацийӗ;
Гражданлăх	СССР; Раҫҫей Федерацийӗ;
Премисемпе чысланисем	;

Николаев Кирилл Николаевич (1907 ҫулхи нарӑсӑн 4-мӗшӗ(19070204), Чупай, Ҫӗрпӳ уесӗ, Хусан кӗпӗрни^[1], Раҫҫей Империйӗ — 2005 ҫулхи ҫурлан 5-мӗшӗ(20050805), Чупай, Вӑрмар районӗ, Чӑваш Республики) — совет ял хуҫалӑх производствинче малта пыракан, Вӑрмар районӗнчи «Дружба» колхозӑн уй-хир бригадин бригадирӗ. Социализмла Ӗҫ Паттӑрӗ (1950).

Пурнӑҫӗпе ӗҫӗ-хӗлӗ

1907 ҫулхи нарӑс уйӑхӗн 4-мӗшӗнче Хусан кӗпӗрнин Ҫӗрпӳ уесӗнчи Чупай (халӗ Чӑваш Республикин Вӑрмар районне кӗрет) хресчен ҫемйинче ҫуралнӑ. Ялти шкултан вӗренсе тухнӑ.

1938 ҫултанпа Канаш хулинче аш-какай комбинатӗнче, кайран Хусан чукун ҫулӗн Улатӑрти райтрансоргбитӗнче, Канашри вакунпа юсав заводӗнче бухгалтерта ӗҫленӗ.

1947 ҫулта тӑван яла таврӑннӑ, ахаль колхозник, унтан уй-хир бригадин звеньевойӗ пулса тӑрӑшнӑ. 1949 ҫулта ыраш тухӑҫне пысӑк тухӑҫпа — гектартан 31,1-шер центнер — пухса илнӗ.

СССР Аслӑ Канашӗн Президиумӗн 1950 ҫулхи утӑ уйӑхӗн 13-мӗшӗнчи Хушӑвӗпе, 1949 ҫулта пысӑк тыр-пул туса илессипе тивӗҫтерессинче палӑрнӑшӑн Ленин орденӗпе «Ҫурлапа Мӑлатук» ылтӑн медаль парса Социализмла Ӗҫ Паттӑрӗ ят парса чысланӑ^[2].

Ун хыҫҫӑнхи ҫулсенче Ӗпхӳри строительство управленийӗнче, Хусан чукун ҫулӗн Юдинӑри уйрӑмӗнче виҫевҫӗ пулса ӗҫленӗ. Тӗрлӗ тапхӑрта — 1956—1957, 1962—1966, 1967—1974 ҫулсенче — тата 1979 ҫулта пенсие тухиччен юлашки ҫулсенче тӑван «Дружба» колхозра тӗрлӗ должноҫсенче ӗҫленӗ.

Вӑрмар районӗнчи Чупай ялӗнче пурӑннӑ. Районти арҫынсем хушшинче вӑрӑм ӗмӗрлӗ ҫын шутланнӑ. 2005 ҫулхи ҫурлан 5-мӗшӗнче, пурнӑҫӑн 99-мӗш ҫулӗнче, вилнӗ. Чупай ялӗн масарӗнче пытарнӑ.

Хисепӗсем

Социализмла Ӗҫ Паттӑрӗ (13.07.1950),
икӗ Ленин орденӗ (19.03.1948; 13.07.1950 № 125624),
«Ҫурлапа Мӑлатук» ылтӑн медаль (13.07.1950, № 5465),
медальсем

Ӑнлантарусем

^ Ныне — Урмарский район, Чувашия, Россия.
^ Указ Президиума Верховного Совета СССР о присвоении П.П. Пупину звания Героя Социалистического Труда. (паллӑ мар) Люди труда - гордость Чувашии (13 Кӑрлач уйӑхӗн 1950).

Вуламалли

Мадебейкин, И. Н. Николаев Кирилл Николаевич / И. Н. Мадебейкин // Краткая чувашская энциклопедия. — Чебоксары, 2001. — С. 295.
Мадебейкин, И. Н. Николаев Кирилл Николаевич / И. Н. Мадебейкин // Чувашская энциклопедия. — Чебоксары, 2009. — Т. 3 : М-Се. — С. 237.
Николаев Кирилл Николаевич Энциклопедия Урмарского района. — Чебоксары, 2023. — С. 264.
Степанов-Маяксем, Л. Открытая душа / Л. Степанов-Маяксем // Наши земляки — Герои Социалистического Труда / сост. Н. И. Иванов, М. В. Румянцев. — Чебоксары, 1971. — С. 104-109.

Каҫӑсем

[МР-1] Ныне — Урмарский район, Чувашия, Россия.

[2] Указ Президиума Верховного Совета СССР о присвоении П.П. Пупину звания Героя Социалистического Труда. (паллӑ мар) Люди труда - гордость Чувашии (13 Кӑрлач уйӑхӗн 1950).

[1]

[2]