Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Павлов Николай Степанович (литературовед)

РУВИКИ-ре ҫак хушаматлӑ ытти ҫынсем пирки те статьясем пур: Павлов.

Павлов Николай Степанович (1905 ҫулхи раштавӑн 16-мӗшӗ, Виçпӳрт Шăмăршă, Пӑва уесӗ, Чӗмпӗр кӗпӗрни, Раҫҫей империйӗ — 1970 ҫулхи ҫу уйӑхӗ, Шупашкар, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР) — чӗлхеҫӗ, филологи ӑслӑхӗсен кандидачӗ (1962)[1].

Пурнӑҫӗпе ӗҫӗ-хӗлӗ

1905 ҫулхи раштавӑн 16-мӗшӗнче Чӗмпӗр кӗпӗрнин Пӑва уесӗнчи Виҫпӳрт Шамӑршӑ ялӗнче ҫуралнӑ. Тӑван ялӗнче чиркӳ прихут шкулӗнчен (1916), Чӗмпӗрти 2-мӗш ступеньлӗ шкултан (1925) вӗренсе тухнӑ. Хусанти Тухӑҫ педагогика институтӗнче (1927—1930) аслӑ пӗлӳ илнӗ.

1960 ҫулта Хусанта «История чувашской советской драматургии. Драматургическое творчество Ф. П. Павлова» темӑпа кандидат диссертацине хӳтӗленӗ, чӑваш чӗлхипе тата литературипе вӑтам шкул педагогӗн квалификацине илнӗ.

Чӗмпӗр облаҫӗнчи Астрадамов районӗнчи Мӑн Кувай (1926) ялӗнче хут пӗлменлӗхе пӗтерме хутшӑннӑ, Тутар АССРӗнчи Чӑваш Ҫарӑмсан пуҫламӑш шкулӗн вӗрентекенӗ (1926—1927), Сӗнтӗрвӑрри 2-мӗш ступеньлӗ шкулӗн вырӑс чӗлхипе литературине вӗрентекенӗ (1930—1931), Сӗнтӗрвӑрри вӑрман техникумӗн вӗрентекенӗ (1931—42), И. Я Яковлев ячӗллӗ Чӑваш патшалӑх педагогика институчӗн чӑваш чӗлхипе литература кафедрин преподавателӗ (1942—45), вырӑс тата ют ҫӗршыв литературин кафедрисен вӗрентекенӗ, пӗр вӑхӑтрах историпе филологи факультечӗн деканӗ (1947—62), Чӑваш АССР Министрсен Канашӗ ҫумӗнчи чӗлхе, литература, истори тата экономика ӑслӑлӑхпа тӗпчев институчӗн аслӑ ӑслӑлӑх ӗҫченӗ, литература секторӗн заведующийӗ (1963—1970) пулса ӗҫленӗ[2].

Ӗҫӗсем

Икӗ томлӑ «Истории Чувашской АССР» кӗнекен редакторӗ, 20 ытла ӑслӑлӑх ӗҫӗн авторӗ, ҫав шутра 2 монографи:

  • Краткий очерк истории чувашского литературоведения и критики. – Шупашкар: Чӑваш кӗнеке издательстви, 1970. – 147 с.;
  • Проблема конфликта в чувашской драматургии (Краткий исторический обзор). – Чебоксары: Чувашское книжное издатедельство, 1966[2].

Хисепӗсем

  • «1941—1945 ҫҫ. Тӑван Ҫӗршывӑн Аслӑ вӑрҫинче хастар ӗҫленӗшӗн» медаль;
  • РСФСР Вӑрман промышленноҫ министерствин Хисеп хучӗ;
  • «Халӑха ҫутта кӑларас ӗҫ отличникӗ» паллӑ[2].

Ӑнлантарусем

  1. ^ В. Г. Родионов. Павлов Николай Степанович (выр.). Чувашская энциклопедия. Чувашский государственный институт гуманитарных наук. Пӑхнӑ кун: 2026 ҫулхи нарӑсӑн 2-мӗшӗ.
  2. ^ 1, 2, 3 Павлов Николай Степанович (выр.). Официальный портал органов власти Чувашской Республики. Шемуршинский муниципальный округЧувашской Республики. Пӑхнӑ кун: 2026 ҫулхи нарӑсӑн 2-мӗшӗ.

Вуламалли

  • Павлов Николай Степанович // Ученые и сотрудники Чувашского государственного института гуманитарных наук: 1930-2005. — Чебоксары, 2005. — С. 123.
  • Павлов Николай Степанович // Ученые Чувашского государственного педагогического университета им. И. Я. Яковлева. — Чебоксары, 2010. — С. 304.
  • Павлов Николай Степанович // Ученые Чувашского государственного педагогического университета им. И. Я. Яковлева. — Чебоксары, 2005. — С. 259-260.
  • Павлов Николай Степанович // Энциклопедия Шемуршинского района. — Чебоксары, 2018. — С. 207.. — См. текст
  • Родионов, В. Г. Павлов Николай Степанович / В. Г. Родионов // Чувашская энциклопедия. — Чебоксары, 2009. — Т. 3 : М-Се. — С. 357..

Каҫӑсем

Категорисем