Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Петров Николай Петрович (филолог)

РУВИКИ-ре ҫак хушаматлӑ ытти ҫынсем пирки те статьясем пур: Петров; Петров Николай.

Петров Николай Петрович (1929 ҫулхи кӑрлачӑн 19-мӗшӗ, Тусай, Красноармейски районӗ, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР — 2008 ҫулхи чӳкӗн 29-мӗшӗ, Шупашкар, Чӑваш Республики — Чӑваш Ен, Раҫҫей Федерацийӗ) — чӗлхе тӗпчевҫи, филологи ӑслӑхӗсен тухтӑрӗ (1982), профессор, Чӑваш наци академийӗн академикӗ (1996), Чӑваш Республикин тава тивӗҫлӗ ӑслӑлӑх ӗҫченӗ (1993)[1].

Пурнӑҫӗпе ӗҫӗ-хӗлӗ

Николай Петров 1929 ҫулхи кӑрлачӑн 19-мӗшӗнче халӗ Чӑваш АССРӗн Красноармейски районне кӗрекен Тусай ялӗнче ҫуралнӑ.

Тӑван Ҫӗршывӑн Аслӑ вӑрҫи ҫулӗсенче тӑван ялӗнчи колхозра ӗҫленӗ. 1947 ҫулта Красноармейски районӗнчи Упи вӑтам шкулӗнчен вӗренсе тухнӑ.

1947—1951 ҫулсенче И. Я. Яковлев ячӗллӗ Чӑваш патшалӑх педагогика институчӗнче вӗреннӗ. Институт хыҫҫӑн кӗске вӑхӑт хушши учительте, унтан Чӑваш кӗнеке издательствинче (1952—1955) чӑваш шкулӗсем валли хатӗрленӗ учебниксен редакторӗнче ӗҫленӗ.

1955—1958 ҫулсенче И. Я. Яковлев ячӗллӗ Чӑваш патшалӑх педагогика институчӗн чӑваш чӗлхипе литература кафедри ҫумӗнчи аспирантурӑра вӗреннӗ.

1958—1972 ҫулсенче Чӑваш АССР Министрсен Канашӗ ҫумӗнчи Ӑслӑлӑхпа тӗпчев институтӗнче чӗлхе пайӗн кӗҫӗн, унтан аслӑ ӑслӑлӑх ӗҫченӗ пулнӑ.

1963 ҫулта М. Ломоносов ячӗллӗ Мускав патшалӑх университетӗнче «С. Ф. Фоминӑн илемлӗ прозин чӗлхипе стилӗ» темӑпа кандидат диссертацине хӳтӗленӗ. 1967 ҫулта ӑна «Чӑваш чӗлхи» специальноҫпа аслӑ ӑслӑлӑх ӗҫченӗ ятне панӑ.

1972 ҫулта ячӗллӗ И. Н. Ульянов ячӗллӗ Чӑваш патшалӑх университетне ӗҫлеме куҫнӑ., чӑваш чӗлхи кафедринче доцент должноҫне йышӑннӑ, чӑваш ҫырулӑхӗн тата ҫырупа литература чӗлхин историне тӗпченӗ. 1982 ҫулта «Чӑваш литература чӗлхине совет саманинче функциллӗ аталантарасси тата нормӑласси» темӑпа доктор диссертацине хӳтӗленӗ.

1983 ҫулта историпе филологи факультечӗн декан ҫумӗ пулма ҫирӗплетнӗ, 1984 ҫулта чӑваш чӗлхи кафедрин профессорне, 1989 ҫулта ҫӗнӗрен йӗркеленӗ стилистикӑпа журналистика кафедрин пуҫлӑхне суйланӑ.

1985—1986 ҫулсенче Болгарире София университечӗнче чӑваш чӗлхине вӗрентнӗ, Пӗтӗм тӗнчери пӑлхарҫӑсен иккӗмӗш конгресӗн ӗҫне хутшӑннӑ.

1992 ҫулта Петров Н. П. университетра «Тӗрӗк чӗлхисем (чӑваш чӗлхи)» специальноҫӗпе доктор диссертацийӗсене хӳтӗлес енӗпе пӗрремӗш диссертаци канашӗ йӗркеленӗ, ӑна 10 ҫул ертсе пынӑ.

2003—2008 ҫулсенче И.Я. Яковлев ячӗллӗ Чӑваш патшалӑх педагогика университечӗнче чӑваш чӗлхи кафедринче вӑй хунӑ.

Николай Петров чӑваш литература чӗлхин историйӗпе стилистикине, терминологийӗпе лексикографине тӗпченӗ. 1960 ҫултан пуҫласа 30 ҫул хушши пӗр улшӑнмасӑр Чӑваш АССРӗн Орфографипе терминологи комиссийӗнче ӗҫленӗ. 2005 ҫултанпа Чӑваш чӗлхин нормисене йӗркелекен ведомствӑсен хушшинчи комиссин членӗ шутланнӑ. 57 ҫул наукӑпа педагогика ӗҫ-хӗлне панӑ, вӗсенчен 36 ҫулне аслӑ шкула халалланӑ. 250 ытла ӑслӑлӑх ӗҫӗ пичетленӗ[2].

2008 ҫулхи чӳкӗн 29-мӗшӗнче Шупашкарта вилнӗ.

Ӗҫӗсем

  • Петров, Н. П. Чӑваш ҫырулӑхӗ : ҫӗнӗ ҫырулӑх пуҫланни 100 ҫул ҫитнӗ май / Н. П. Петров. — Шупашкар, 1971. — 64 с.
  • История старочувашской письменности : избранные труды Петрова Н. П. (посвящается 80-летию со дня рождения доктора филологических наук, профессора Петрова Николая Петровича (1929—2008) / М-во образования и науки Рос. Федерации, Федер. агентство по образованию. — чебоксары, Чуваш. гос. пед. ун-т им. И. Я. Яковлева, 2009. — 100 с.
  • Петров, Н. П. Магистр богословия Виктор Вишневский и его роль в истории старочувашской письменности и литературного языка / Н. П. Петров ; Чуваш. гос. ун-т им. И. Н. Ульянова; [науч. ред. В. Г. Родионов]. — Чебоксары : Изд-во ЧГУ, 2004. — 107 с.
  • Петров, Н. П. Нормализация чувашского литературного языка : учеб. пособие / Н. П. Петров. — Чебоксары, 1988. — 81 с.
  • Петров, Н. П. Функциональное развитие и нормализация чувашского литературного языка в советскую эпоху: Спец. 10.02.06 — тюркские языки : Автореферат дис. на соискание ученой степени доктора филол. наук / Н. П. Петров. — Баку, 1982. — 38 с.
  • Петров, Н. П. Язык и стиль художественной прозы С. Ф. Фомина : Автореф. дис. на соиск. учен. степ. канд. филолог. наук / Н. П. Петров. — Москва : Б.и., 1963. — 20 с.
  • Петров, Н. П. И. Я. Яковлев — ҫӗнӗ чӑваш ҫырулӑхӗпе хальхи литература чӗлхине йӗркелекенӗ / Н. П. Петров // И. Я. Яковлев тата Чӗмпӗрти тӗп чӑваш шкулӗ. — Шупашкар, 1997. — С. 10-16 .
  • Петров, Н. П. Из истории становления прозаических стилей чувашского литературного языка / Н. П. Петров // Ученые записки / НИИ яз., лит., истории и экономики при Совете Министров Чуваш. АССР. — Чебоксары : Чуваш. кн. изд-во, 1964. — Вып. 27. — С. 151—152.
  • Петров Н. П. И. Я. Яковлев — создатель чувашской письменности и литературного языка / Н. П. Петров // Ученые записки : посвящается 100-летию со времени открытия Симбирской чувашской учительской школы и 120-летию со дня рождения И. Я. Яковлева / Коллектив авт. ; Чувашский научно-исследовательский институт. — Чебоксары, 1969. — Вып. 42. — С. 70-83.
  • Техника словарӗ. Шупашкар, 1961;
  • Чувашский язык в советскую эпоху: Развитие социальных функций и литературных норм. Ч., 1980[3].

Хисепӗсем

  • «Хастар ӗҫленӗшӗн. Владимир Ленин ҫуралнӑранпа 100 ҫул ҫитнине халалласа» медаль (1970);
  • «Ӗҫ ветеранӗ» медаль (1987);
  • «1941—1945 ҫҫ. Тӑван Ҫӗршывӑн Аслӑ вӑрҫин ветеранӗ» медаль (1992),
  • «1941—1945 ҫҫ. Тӑван Ҫӗршывӑн Аслӑ вӑрҫинчи ҫӗнтернӗренпе 50 ҫул» медаль (1995);
  • «1941—1945 ҫҫ. Тӑван Ҫӗршывӑн Аслӑ вӑрҫинчи ҫӗнтернӗренпе 60 ҫул» медаль (2005),
  • «Социализмла ӑмӑрту ҫӗнтерӳҫи 1973 ҫ.» паллӑ;
  • «Ӗҫре питӗ лайӑх ҫитӗнӳсем тунӑшӑн. СССРӑн аслӑ шкулӗ» паллӑ (1983);
  • Чӑваш Республикин тава тивӗҫлӗ ӑслӑлӑх ӗҫченӗ (1993)[2].

Ӑнлантарусем

  1. ^ Г. А. Дегтярёв. Петров Николай Петрович (выр.). Чувашская энциклопедия. Чувашский государственный институт гуманитарных наук. Пӑхнӑ кун: 2026 ҫулхи нарӑсӑн 17-мӗшӗ.
  2. ^ 1, 2 Круглый стол «История чувашского языка», посвященный памяти известного лингвиста, профессора Николая Петрова (выр.). Управа по Ленинскому району администрации города Чебоксары (18 кӑрлачӑн 2014). Пӑхнӑ кун: 2026 ҫулхи нарӑсӑн 17-мӗшӗ.
  3. ^ Петров, Николай Петрович (ученый-языковед; 19.01.1929-29.11.2008) (выр.). Наследие Чувашии. Национальная библиотека Чувашской Республики. Пӑхнӑ кун: 2026 ҫулхи нарӑсӑн 17-мӗшӗ.

Вуламалли

  • Николай Петрович Петров профессор, академик : 70 ҫул тултарнӑ тӗле / А. П. Данилов, Л. П. Сергеев хатӗрленӗ. — Шупашкар : Чӑваш ун-чӗн изд-ви, 1999. — 72 с.
  • Ахвандерова, А. Д. Исследователь тайн праболгарских надписей : [к 80-летию со дня рождения профессора Н. П. Петрова] / А. Д. Ахвандерова // Ҫулталӑк кӗнеки = Календарь года : 2009. — Чебоксары, 2008. — С. 23-26. — См. текст
  • Горшков, А. ӑслӑлӑх ҫулӗпе — тӑвалла / А. Горшков // Тӑван Атӑл. — 1998. — № 11-12. — С. 64-66.
  • Дегтярев, Г. Яппунсене те чӑваш чӗлхи вӗрентнӗ / Г. Дегтярев // Хыпар. — 1999. — 19 кӑрлач.
  • Николай Петрович Петров : [некролог] // Хыпар. — 2008. — 2 раштав. — С. 4.
  • Петров Николай Петрович // Чӑваш чӗлхи тӗпчевҫисем : библиографи указателӗ. — Шупашкар, 2006. — С. 162—167.
  • Сергеев, Л. П. Паллӑ тӗпчевҫӗн пархатарлӑ кун-ҫулӗ : [Николай Петрович Петров чӗлхеҫӗ ҫинчен] / Л. П. Сергеев // Чӑваш чӗлхипе литератури : теори тата методика : статьясен пуххи. — Шупашкар, 2009. — 8-мӗш кӑларӑм. — С. 3-6.
  • Ахвандерова, А. Д. Исследователь тайн праболгарских надписей / А. Д. Ахвандерова // Календарь года : 2009 / Нац. б-ка Чуваш Респ. — Чебоксары, 2008. — С. 23-26.
  • Дегтярев, Г. А. Петров Николай Петрович / Г. А. Дегтярев // Краткая чувашская энциклопедия. — Чебоксары, 2001. — С. 322.
  • Дегтярев, Г. А. Петров Николай Петрович / Г. А. Дегтярев // Чувашская энциклопедия. — Чебоксары, 2009. — Т. 3 : М-Се. — С. 413.
  • Иванов, И. Именитый сын безымянного / И. Иванов // Совет. Чувашия. — 1999. — 26 янв.
  • Петров Николай Петрович : к 75-летию со дня рождения // Вестн. Чуваш. гос. пед. ун-та им. И. Я. Яковлева. — 2004. — № 1. — С. 189.
  • Петров Николай Петрович // Красноармейский район. Люди и судьбы : [энцикл.]. — Чебоксары, 2005. — С. 67.
  • Петров Николай Петрович // Национальная академия наук и искусств Чувашской Республики. — Чебоксары, 2002. — С. 77-79.
  • Петров Николай Петрович // Ученые и сотрудники Чувашского государственного института гуманитарных наук : 1930—2005. — Чебоксары, 2005. — С. 125.
  • Петров Николай Петрович // Ученые Чувашского государственного педагогического университета им. И. Я. Яковлева. — Чебоксары, 2005. — С. 270—271.
  • Петров Николай Петрович // Ученые Чувашского государственного педагогического университета им. И. Я. Яковлева. — Чебоксары, 2010. — С. 316.
  • Петров Николай Петрович // Ученые Чувашского университета : (1967—1992). — Чебоксары, 1992.- С. 138—139.
  • Сергеев, Л. Неутомимый труженик науки / Л. Сергеев // Чӑваш ен. — 1999. — 16-23 янв. (№ 2). — С. 3.
  • Чернов, М. Ф. Ученый, филолог, педагог / М. Ф. Чернов // Вопросы истории чувашского литературного языка и его стилей. — Чебоксары, 1999. — С. 4-11.

Каҫӑсем

Категорисем