Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Прокопьева Римма Поликарповна

Прокопьева Римма Поликарповна (хӗр чухнехи хушамачӗ — Гурьянова; ҫур. 1967 ҫулхи чӳкӗн 22-мӗшӗ, Ваçликасси, Чăваш Автономиллĕ Социализмлă Совет Республики) — журналист, драматург, поэт, эссеҫӗ.

Пурнӑҫӗпе ӗҫӗ-хӗлӗ

1967 ҫулхи чӳк уйӑхӗн 22-мӗшӗнче Чӑваш АССРӗн Шупашкар районӗнчи Ваҫликасси ялӗнче ҫуралнӑ. Малтан Яранкассинчи пуҫламӑш шкулта, кайран Мӑналти вӑтам шкулта вӗреннӗ. 10-мӗш класа 1983 ҫулта уҫӑлнӑ вӗр ҫӗнӗ Атайкассинчи вӑтам шкула кайнӑ, 1984 ҫулта вӗренсе пӗтернӗ. И. Н. Ульянов ячӗллӗ Чӑваш патшалӑх университечӗн историпе филологи факультетне (1989) вӗренсе пӗтернӗ[1].

1989—1990 ҫулсенче Чӑваш патшалӑх университечӗн чӑваш литература кафедринче ассистент, 1990—1992 ҫулсенче Чӗмпӗр облаҫӗнчи Сенгилей педагогика училищинче преподаватель пулса ӗҫленӗ.

1993 ҫулта Чӑваш Республикине таврӑннӑ, журналистикӑра ӗҫлеме пуҫланӑ:

  • 1993—2007 ҫулсенче — «Хыпар» хаҫатра культурӑпа нацисен хутшӑнӑвӗсен пайӗнче корреспондент,
  • 2007—2012 ҫулсенче — «Тантӑш» хаҫатра редактор, «Самант» журналӑн яваплӑ редакторӗ,
  • 2012—2024 ҫулсенче — «Халӑх шкулӗ — Народная школа» журнал редакторӗ.

2024 ҫулта тивӗҫлӗ канӑва кайнӑ.

Пултарулӑхӗ

  • «Хӗр кӑмӑлӗ — чӗр кӗмӗл» драми (Олег Прокопьевпа пӗрле ҫырнӑ) Чӑваш Республикинчи драматурги конкурсӗнче 3-мӗш вырӑн йышӑннӑ (2008).
  • «9-мӗш хутри Асамат кайӑкӗ» драмипе 2012 ҫулхи аван уйӑхӗнче Ҫеҫпӗл Мишши ячӗллӗ Чӑваш патшалӑх ҫамрӑксен театрӗ спектакль лартнӑ.
  • Сӑввисем чӑваш поэчӗсен «Ҫӳл тӳпере ҫич ҫӑлтӑр» (1996) пуххинче кун ҫути курнӑ.
  • Сӑввисем, калавӗсем, пьесисем «Тӑван Атӑл», «Самант» журналсенче, ытти хаҫат-журналта («Аван-и», «Хыпар») пичетленнӗ.
  • Чӑваш Республикин Министрсен Кабинечӗ ирттерекен ачасемпе ҫамрӑксем валли чӑвашла ҫырнӑ произведенисен конкурсӗсенче темиҫе хут ҫӗнтернӗ (2014, 2017, 2024[2]).
  • Чӑваш кӗнеке издательствинче унӑн «Пӗртен-пӗр юр пӗрчи» (2015), «Сар хӗвел хӗрелсен» (2018), «Пӗчӗкки» (2025)[3] кӑларӑмӗсем кун çути курнӑ.

«Пӗртен-пӗр юр пӗрчи» кӗнеки.
«Сар хӗвел хӗрелсен» кӗнеки.
«Пӗчӗкки» кӗнекин.

Кӑсӑк самант

  • 2008 ҫулхи ҫу уйӑхӗччен И. Н. Ульянов ячӗллӗ Чӑваш патшалӑх университечӗн издательствинче редакторта ӗҫленӗ. Ҫавӑн чухне (2007 ҫулта пуҫласа) «Нарспи» поэмӑна пӑхмасӑр вӗренсе пӗтернӗ, конкурса хутшӑннӑ.
  • 2014—2015 ҫулсенче чӑваш халӑх поэчӗ Валери Туркай чӗннипе «Хыпар» хаҫатра культура пайӗн корреспондентӗнче ӗҫленӗ.
  • 2015 ҫулта 3 уйӑхра Николай Сорокинӑн «Вечная Волга» романӗн 1-мӗш томне чӑвашла куҫарнӑ.

Ҫемье

Мӑшарӗ — Прокопьев Олег Иванович — паллӑ журналист, поэт.

Виҫӗ ача ҫуратса ӳстернӗ:

Хисепӗсем

  • Чӑваш халӑх ӑсчахӗ (2016)[4],
  • Шупашкар тата Чӑваш епархийӗн Тав хучӗ — «Ырӑ хыпар» журнал кӑларас ӗҫре ырми-канми тӑрӑшнӑшӑн.

Ӑнлантарусем

  1. ^ Литературная карта Чебоксарского района (англ.). ecokygesi.ru. Пӑхнӑ кун: 2026 ҫулхи пушӑн 12-мӗшӗ.
  2. ^ Известны победители конкурса рукописей книг для детей и юношества на чувашском языке (выр.). Чувашское книжное издательство (31 юпан 2024). Пӑхнӑ кун: 2026 ҫулхи пушӑн 12-мӗшӗ.
  3. ^ Софья Савнеш. Римма Прокопьевӑн ҫӗнӗ кӗнеки кун ҫути курнӑ (выр.). Чӑваш халах сайчӗ (1 ҫурлан 2025). Пӑхнӑ кун: 2026 ҫулхи пушӑн 12-мӗшӗ.
  4. ^ Надежда Иванова. Удостоенные почётного звания «Чăваш халăх ăсчахĕ» с 2005 по 2016 год (выр.). Одноклассники (4 авӑнӑн 2017). Пӑхнӑ кун: 2026 ҫулхи пушӑн 12-мӗшӗ.

Вуламалли

  • Автор и руководитель проекта В. П. Комиссаров. Энциклопедия чувашской журналистики и печати. — Региональная общественная организация «Союз журналистов Чувашской Республики», 2014. — Т. 1. — С. 354. — 559 с. — ISBN 978-5-7670-2156-7.
  • Чуваш. Респ., Адм. Чебоксарского района, МБУК "Центральная библиотека" Чебоксарского района. Энциклопедия Чебоксарского района. — Центральная библиотека Чебоксарского района, 2014. — Т. 1. — С. 354. — 505 с.
  • Населенные пункты Чебоксарского района Чувашской Республики : справочник: [посвящ. 80-летию образования Чебокс. р-на / сост. Валентин Алиней (Карпов В. И.)] ; сост. В. Алиней. – Чебоксары : [б.и.], 2008 (Тип. «Новое Время»). – 231 с. : карты, портр.
  • Шупашкар районĕнче çуралса ÿснĕ çыравçăсем : Библиогр. справочникĕ / сост. Р. П. Романова ; Р. П. Романова пухса хатĕрл. – Кÿкеç : и. ç., 2002. – 60 с.

Каçăсем

Категорисем