Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Совет халӑхӗн геноцичӗ

Совет халӑхӗн геноцичӗ (выр. Геноцид советского народа) — Тӑван Ҫӗршывӑн Аслӑ вӑрҫи ҫулӗсенче нимӗҫ нацисчӗсем, вӗсен союзникӗсем тата пулӑшаканӗсем совет халӑхне хирӗҫ тунӑ преступленисем. Раҫҫей Федерацийӗн 2025 ҫулхи акан 21-мӗшӗнчи  74-ФЗ-мӗш номерлӗ Федераци саккунӗпе килӗшӳллӗн,

совет халӑхӗн геноцичӗ тесе 1941—1945 ҫулсенчи Тӑван Ҫӗршывӑн Аслӑ вӑрҫи вӑхӑтӗнче нацистсемпе вӗсен пулӑшаканӗсем СССР территоринче пурӑннӑ наци, этнос тата раса ушкӑнӗсене пӗтӗмпех е пӗр пайне ҫак ушкӑнсен пайташӗсене вӗлерсе, вӗсен сывлӑхне йывӑр сиен кӳрсе, ача ҫуратма хӗсӗрлесе, ачасене ирӗксӗр партарса, хӗсӗрлесе урӑх ҫӗре куҫарса е ҫак ушкӑнсене тӗп тӑвассипе ҫыхӑннӑ пурнӑҫ условийӗсем туса пурнӑҫланӑ ӗҫсене палӑртаҫҫӗ[1].

Нацистла Германи тата унӑн пулӑшаканӗсем тунӑ преступлени ӗҫӗсене пула 13,6 млн ытла мирлӗ ҫын вилнӗ. Вӑрҫӑ ҫулӗсенче 1700 яхӑн совет хулипе посёлокӗ аканнӑ, 70 пин яла тӗп тунӑ[2][3][4][5].

Чрезвычайлӑ патшалӑх комиссийӗ (ЧПК) ҫак усал ӗҫсен масштабне тата вӗсене ятарласа йӗркеленине кӑтартакан нумай документлӑ ҫирӗплетӳсем пухнӑ. Виҫҫӗмӗш рейх ертӳлӗхне Нюрнбергра Тӗнче трибуналӗ тата СССР-та уҫӑ судсенче айӑпланӑ, нацистсен оккупациленӗ совет территорийӗсенчи преступленисене каярахпа геноцид тесе палӑртнӑ[6][7][8][9].

Нацистла Германин совет гражданӗсене хирӗҫ тунӑ планӗсем

Совет Союзне хирӗҫ планланӑ вӑрҫӑн идеологи никӗсӗ Адольф Гитлер палӑртнӑ «пӗтермелли вӑрҫӑ» концепцийӗ пулнӑ. 1941 ҫулхи пуш уйӑхӗн 30-мӗшӗнче вермахтӑн аслӑ ертӳлӗхӗ умӗнчие вӑрттӑн калаҫура вӑл Хӗвелтухӑҫра пулмалли хирӗҫтӑру Хӗвеланӑҫри вӑрҫӑран тӗппипех уйрӑлса тӑрассине тата ӑна питӗ тискеррӗн ирттермеллине каланӑ[10][11].

Нацистла Германи ертӳҫисем Хӗвелтухӑҫри оккупациленӗ ҫӗрсене Виҫҫӗмӗш рейхӑн аграри-чӗртавар колонийӗсем тума планланӑ. Вырӑнти халӑха «раса хаклӑхне» тата нимӗҫсен лояллӑхне кура категорисене пайланӑ. Нацистсем пӗтӗмпех пӗтерме шутланӑ «чи аялти раса» еврейсемпе чикансем пулнӑ; вӗсем хыҫҫӑн хӗвелтухӑҫ славян халӑхӗ пулнӑ, вӗсене йӳнӗ ӗҫ вӑйн ҫӑлкуҫӗ пек хакланӑ, пӗтӗмпех е пӗр пайне пӗтерме е нимӗҫлетме шутланӑ. Хӑш-пӗр халӑхсене (сӑмахран, Балтиҫум халӑхне) Германи пуҫлӑхӗсен тытӑмӗнче пулӑшакан ушкӑнсен рольне пама палӑртнӑ[~ 2][6].

Оригиналлӑ текст (выр.)

Меня интересует, живут ли другие народы в благоденствии или голодают до смерти, лишь постольку, поскольку они нужны нам в качестве рабов для нашей культуры; в противном случае они меня не интересуют

Мана ытти халӑх ырлахра пурӑнни е выҫлӑхпа аптӑрани вӗсем пирӗн культура валли тарҫӑсем пек кирлипе кӑна кӑсӑклантарат; унсӑр вӗсем мана кӑсӑклантармаҫҫӗ. [12]. Генрих Гиммлер

«Ост» планӗ СССР-ти славян халӑхӗн пысӑк пайне Урал леш енне хӑваласа ярасса майӗпен вӗсене нимӗҫ колонисчӗсемпе улӑштарасси шутланнӑ. Еврейсене, чикансене тата ВКП(б) функционерӗсене хӑвӑрт пӗтерме палӑртнӑ[13].

Герберт Бакке хатӗрленӗ Выҫлӑх планӗ, пӗр енчен, оккупациленӗ территорисене ҫаратса вермахт салтакӗсемпе офицерӗсене апат-ҫимӗҫпе пӗр вӗҫӗм тивӗҫтерессине йӗркелесси, ҫавӑн пекех Европӑна апат-ҫимӗҫ ӑсатассине ӳстересси пулнӑ, тепӗр енчен, ярса илнӗ облаҫсенче реквизици туса тата ҫынсене памалли апат-ҫимӗҫ пайне нумай пӗчӗклетсе халах йышне выçӑпа пӗчӗклетесси пулнӑ[14].

1941 ҫулхи ҫу уйӑхӗн 6-мӗшӗнче Типҫӗр вӑйӗсен аслӑ командованийӗ Вальтер фон Браухич фельдмаршал «Комиссарсем ҫинчен» хушу кӑларнӑ, унта Герман ҫар ҫыннисене тата айнзацушкӑнсене совет политӗҫченӗсене тӗп тума хушнӑ[13][15].

Вермахт аслӑ командованийӗн штаб пуҫлӑхӗ Вильгельм Кейтель генерал-фельдмаршал 1941 ҫулхи ҫу уйӑхӗн 13-мӗшӗнчи «„Барбаросс“ операци районӗнче вӑрҫӑ судлӑхӗ тата ҫарсен уйрӑм полномочийӗсем ҫинчен» хушӑвӗпе нимӗҫ ҫарӗсем ярса илнӗ СССР территоринче чикесӗр террор режимне вӑя кӗртнӗ. Документ вермахт ҫыннисене граждан халӑхне хирӗҫ тунӑ кирек мӗнле преступленишӗн те яваплӑхран хӑтарнӑ. Гиммлер СС ҫарӗсемшӗн те ҫавӑн пек директива кӑларнӑ[16].

Ҫав вӑхӑтрах нацистла ертӳлӗх Совет Союзӗн çутҫанталӑк, производство тата ӗҫ ресурсӗсене ҫаратмалли тата эксплуатаци тумалли тӗплӗ плансем хатӗрленӗ. Ҫак тӗллевпе 1941 ҫулхи пушӑн 19-мӗшӗнче Гитлер хушӑвӗпе «Ольденбург» штаб йӗркеленӗ, ӑна Геринг ертсе пынӑ[17].

Вермахтӑн пропаганда пайӗ 1941 ҫулхи ҫӗртме уйӑхӗнче, СССР-а тапӑннӑ хыҫҫӑнах, кӑларнӑ 112-мӗш бюллетеньре вӑрҫӑ тӗллевӗсене ҫапла палӑртнӑ:

Оригиналлӑ текст (выр.)

Необходимо ликвидировать красных недочеловеков вкупе с их кремлёвскими диктаторами. Германскому народу предстоит выполнить самую великую задачу в своей истории, и мир ещё услышит о том, что данная задача будет выполнена до конца

Хӗрлӗ ҫынмаррисене Кремль диктаторӗсемпе пӗрле пӗтермелле. Германи халӑхӗн хӑйӗн историйӗнчи чи пысӑк ӗҫе пурнӑҫлама тивӗ, тӗнче ҫак ӗҫе вӗҫне ҫити пурнӑҫланни ҫинчен тата илтӗ-ха[18].

Адольф Гитлер вермахт ертӳҫсемпе пӗрле «Барбаросса» — «Ольденбург» планӗн хуҫалӑх пайӗн йӗркелӳ структурине сӳтсе явнӑ канашлури протоколӗ, 1941 ҫулхи акан 29-мӗшӗ
Ҫӗнӗрен оккупациленӗ тухӑҫ облаҫӗсенче экономикӑна ертсе пырасси пирки директивӑсем («Симӗс папка». 1-мӗш пай. 2-мӗш издани)
1941 ҫулхи ҫӗртмен 6-мӗшӗнчи «Политика комиссарӗсемпе обращени пирки директивӗсен» ӑсату хучӗ

Геноцид политикине пурнӑҫлани

Мирлӗ ҫынсене массӑллӑ вӗлерни

Нацистсен СССР территоринчи политикин палли вырӑнти халӑха хальччен пулман масштабпа вӗлерни пулнӑ. «Тухӑҫ территорисем» тӗлӗшпе славян тата ытти «катӑк» халӑх шутне питӗ вӑйлӑ чакарасси пулнӑ, ҫакна СС айнзацушкӑнсем, вермахт пӗрлешӗвӗсем тата коллаборационист йӗркеленӗвӗсем пурнӑҫланӑ. Сӑмахран, Киеври Бабий Ярта 1941 ҫулхи авӑн уйӑхӗнче 33 пине яхӑн еврея вӗлернӗ, «Хӗллехи асамлӑх» операци вӑхӑтӗнче Беларуç-Латви чиккинче 15 пин ытла мирлӗ совет гражданӗ пӗтнӗ, 27 пин ытла ҫынна нацистсем Ростов облаҫӗнчи Змиёвка балкӗнче тӗп тунӑ. Ҫавӑн пек эпизодсем ҫӗр-ҫӗр пулнӑ[9][19][20][21].

Формаллӑ майпа пртизансене хирӗҫ пынӑ айӑплав операцийӗсем чӑннипе чылай чухне «бандитизма» хирӗҫ кӗрешни тесе районӗ-районӗпе мирлӗ халӑха пӗтерессине ҫаврӑннӑ. Ҫунтарса ӗнтнӗ ҫӗр тактики ял-хулана хупӑрлассине, ҫынсене массӑллӑ вӗлернине тата инфраструктурӑна тӗпрен аркатнине пӗлтернӗ. Халӑха персе кӑна вӗлермен, вӗсене газ машина-душегубсенче е стационарлӑ газ камерисенче сӗрӗм газӗпе наркӑмӑшлантарнӑ, хӗлле сивве хӑваласа кӑларнӑ е выçӑпа вӗлернӗ. Ҫакӑн пек хӑрушла политика тӗслӗхӗсенчен пӗри 1943 ҫулхи пушӑн 22-мӗшӗнче Хатынь ялне унта пурӑннӑ 149 ҫынпа пӗтерни пулнӑ, ҫакна «Дирлевангер» СС батальонӗнчи айӑплав отрячӗссем тата Украина коллаборационисчӗсем пурнӑҫланӑ. Вӑрҫӑ вӑхӑтӗнче пин-пин совет салисемпе ялӗсем ҫӗр питӗнчен ҫухалнӑ[4][19][20].

Халӑха пӗтерес системин тӗп элеменчӗ нацистсем СССР территоринче йӗркеленӗ концентраци лагерӗсем пулнӑ. Львов патӗнчи Яновский посёлокӗнчи вилӗм лагерӗ хурлӑхлӑ палӑрнӑ, унта 200 пин ҫын таран пӗтернӗ. Ҫавӑн пекех Минск гетти тата ун ҫумӗнчи Тростенец лагерь палӑрнӑ (Европӑра Освенцим, Майданек тата Треблинка хыҫҫӑн вилнӗсен шучӗпе тӑваттӑмӗш вырӑнта тӑракан лагерь комплексӗ). Унсӑр пуҫне 85 пин ытла ҫын Импери хӑрушсӑрлӑхӗн тӗп управленийӗн лагерӗсенче тата ҫар ҫыннисем валли вӑхӑтлӑх лагерьсенче, Порховри Дулаг-100 пеккисенче, выçӑпа тата чирлесе вилнӗ[19][20][22].

Пӗтӗмӗшле илсен оккупантсен ӗҫӗсенчен 13,6 млн ҫынран кая мар СССР граждан ҫынни вилнӗ[2][3].

Нимӗҫ полицейскийӗ массӑллӑ вӗлернӗ хыҫҫӑн чӗрӗ юлнӑ еврей хӗрарӑмӗсене тата ачисене тӗп тӑвать
Нимӗҫсем ҫакса вӗлернӗ мирлӗ граждансем
Лугӑра нацистсем ҫакса вӗлернӗ совет партизанӗсем

Совет хулисене бомба пӑрахни

Нацистсен ҫунтарса ӗнтнӗ ҫӗр политикин тата совет халӑхне пӗтӗмпех пӗтерессин контексчӗн уйрӑмах паллӑ кӑтартӑвӗ Сталинграда, Ленинграда, Мускава, Горькие тата СССР-ти ытти хуласене бомбардировка туни пулнӑ. 1942 ҫулхи çурла уйӑхӗн 23-мӗшӗнче кӑна Сталинград ҫине 1000 тонна яхӑн бомба пӑрахнӑ, ҫавна май вун-вун пин мирлӗ ҫын вилнӗ, 90 % ытла ҫурт-йӗр фондне тӗп тунӑ, хула ишӗлчӗк пулса тӑнӑ. Ленинград блокади вӑхӑтӗнче те тӑтӑшах авиатапӑнусем пынӑ: апат-ҫимӗҫ склачӗсене тата ҫурт кварталӗсене бомбӑсем пӑрахса гуманитари катастрофи тума тӗллев лартнӑ. Массӑллӑ тапӑнусене совет ПВО системи ҫирӗп хирӗҫ тӑнӑ, ҫапах граждан халӑхӗ хушшинче нумай вилнӗ, ҫурт-йӗр фончӗ, коммуникацисем, больницӑсем, промышленноҫ объекчӗсем тата культурӑпа истори палӑкӗсем нумай арканнӑ[23][24][25][26].

Сталинградри бомбардировка чухне арканнӑ кварталсем
Бадаев склачӗсем массӑллӑ люфтваффе бомбардировки хыҫҫӑн
Горькинчи Ленин ячӗллӗ завод бомбардировка хыҫҫӑн. 1941 ҫулхи чӳк уйӑхӗ

Ленинград блокади

Нацистсен СССР территоринчи чи пысӑк усал ӗҫӗсенчен пӗри Ленинград блокади пулнӑ, вӑл 1941 ҫулхи авӑнӑн 8-мӗшӗнчен пуҫласа 1944 ҫулхи кӑрлачӑн 27-мӗшӗччен тӑсӑлнӑ[~ 3]. Блокадӑра 1,093 млн ытла ҫын пӗтнӗ. 2022 ҫулта Санкт-Петербург сучӗ ҫак пулӑмсене геноцид акчӗ тесе панӑ[27][28].

Ленинградра пурӑнакансем бомба пӑрахнӑ хыҫҫӑн арканнӑ килӗсенчен каяҫҫӗ, 1942 ҫулхи раштавӑн 10-мӗшӗ
58-мӗш ача сачӗн воспитательници И. К. Лирц ачасемпе бомбоубежищӗре, Ленинград, 1942 ҫул

Халӑх валли чӑтма ҫук пурӑнмалли условисем туни

Кулленхи террор

Оккупантсем совет саккунӗсене пӗтӗмпех пӑрахӑҫланӑ, оккупациленӗ СССР территоринче уйрӑм распоряженисем хушнӑ Германи саккунӗсем сарӑлнӑ. Вырӑнти халӑх валли чи анлӑ сарӑлнӑ айӑплав персе вӗлересси пулнӑ, унпа пӗчӗк айӑпшӑн та усӑ курнӑ: комендант сехетне пӑсни, совет листовкисене упрани, вермахт салтакӗсем валли уйӑрнӑ вырӑнтан шыв илни, ҫулсене варалани тата ытти те. Ытти йӗркене пӑснӑшӑн совет гражданӗсен концлагере лекес хӑрушлӑх пулнӑ. Айӑплӑ пулнине ӗнентересси кирлех пулман: ятарлӑ судсем шанманнипе кӑна приговор кӑларнӑ[6][29].

Ҫынсен пурнӑҫне питӗ нумай чарусемпе регламентланӑ, вӗсене пӑсмасӑр тӑма питӗ йывӑр пулнӑ. Кӑштах пӑхӑнмасанах хытӑ айӑпланӑ. Айӑплӑ ҫынна хӑйне тупайман тӑк оккупантсем заложниксене персе вӗлернӗ. Нимӗҫ ҫар ҫыннисемпе вӗсен союзникӗсем час-часах мирлӗ ҫынсене пӗр сӑлтавӑсрах, выляссишӗн кӑна, вӗлернӗ. Ҫав пулӑмсене курнӑ ҫынсен чылай аса илӗвӗ упранса юлнӑ: нацистсем ачасене йытӑсемпе хӑвалаттарни, ача кӗтекен хӗрарӑмсене тата тин ҫуралнӑ пепкесене вӗлерни, хӗрарӑмсене хӗнени тата мӑшкӑллани, сусӑрсемпе ватӑ ҫынсенчен кулни[6][30].

1941 ҫулхи утӑ уйӑхӗн 17-мӗшӗнче вермахт командованийӗ салтаксене мирлӗ граждансенчен хӑйсен кӑмӑлне каякан кирек мӗнле япалана та илме ирӗк паракан тата ҫакна тума хавхалантаракан хушу кӑларнӑ. Пурлӑх хуҫисем хирӗҫ тӑнине хытӑ айӑплама хушнӑ. Вермахтӑн чаҫӗсем ялсемпе хуласене тапӑнса кӗнӗ чухне ялан тенӗ пекех пенӗ, ҫаратнӑ. Культура хаклӑхӗсене те илсе тухнӑ[6][31].

undefined

Массӑллӑ выҫлӑх тума хӗтӗртни

Гитлеровецсем кирек мӗнле хулана ярса илсен тӳрех складсенчи тата лавккасенчи апат-ҫимӗҫӗ реквизици тунӑ. Ҫынсен апат-ҫимӗҫ туянма май пулман. Ун вырӑнне апат пайлама тытӑннӑ: пӗчӗк ҫӑкӑр пайӗсем предприятисенче ĕҫлекенсене е оккупантсен администраци аппаратӗнче должноҫ йышӑннисене ҫеҫ тивӗҫнӗ[32][33].

Карттӑпа валеҫмелли ҫӑкӑра нацистсен продовольстви министерстви ҫирӗплетнӗ рецептпа пӗҫернӗ: 50 % ыраш шрочӗ (комбикорм компоненчӗ), 20 % кӑшман жомӗ (сахӑр кӑшманӗн юлашки), 20 % целлюлоза ҫӑнӑхӗ, 10 % вӗтетнӗ улӑм е çулҫӑ. Ҫак суррогата ҫинӗ ачасем, ватӑсем тата чирлисем пӗрремӗш вилнӗ[34].

Ял ҫыннисен харпӑр кил-хуçалӑхӗ ҫине укҫан тата ҫимӗҫпе тӳлемелли налук хунӑ. Тырӑпа пахча ҫимӗҫе оккупаци администрацине чи йӳнӗ хакпа памалла пулнӑ[14]. «Саботаж» тунӑшӑн вӗлернӗ. Мӑйракаллӑ шултра выльӑха вӑрттӑн пуснӑшӑн пӗтӗм халӑх умӗнче ҫакса вӗлерме пултарнӑ[35].

Массӑллӑ выҫлӑх тӗрлӗ чир-чӗре сарӑлма май панӑ, вӗсен шутӗнче инфекци чирӗсем те, вӗсене пула та нумаййӑн вилнӗ[29].

Тыткӑна лекнӗ совет ҫар ҫыннисем Маутхаузен концлагерӗнче
Дистрофипе чирлӗ блокадник

Ӗҫ эксплуатацийӗ

1941 ҫулхи ҫурлан 5-мӗшӗнче тухӑҫ территорийӗсен министрӗ Альфред Розенберг оккупациленӗ территорисенчи ҫыннисем валли уйӑхра 22 кунран кая мар ӗҫлемелли пирки хушу кӑларнӑ. Йывӑр ӗҫсене 14-65 ҫулсенчи вырӑнти ҫынсене явӑҫтарнӑ. Хуласенче ӗҫ биржийӗсем йӗркеленӗ, вӗсем ӗҫлекен пӗтӗм ҫынна ҫирӗп шутласа пынӑ. Биржӑра регистраци туманнине саботажпа танлаштарнӑ, куншӑн вӗлернӗ[36].

Ӗҫ кунӗ 14—18 сехет таран тӑсӑлма пултарнӑ, ӗҫ вӑхӑтӗнче нимӗҫ администрацийӗпе вырӑнти полицейски-коллаборационистсем сыхланӑ. Ӗҫлекенсемшӗн тӗп айӑплав апат паманни е персе вӗлерни пулнӑ[36][37].

СССР гражданӗсене Германие ӗҫлеме хӑвалани

«Тухӑҫ ҫӗрӗсен» нацизм колонизацийӗн мелӗсенчен пӗри мирлӗ халӑха Германие ĕҫлеме хӑвалани пулнӑ, унта ирӗксӗр юлнӑ совет рабочийӗсем тӗлӗшпе СССР-ти оккупациленĕ территоринче усӑ курнӑ хӑратусемпе мӑшкӑлсемех пулнӑ. 1942—1944 ҫулсенче 5,2 млн ытла совет гражданне пусмӑрласа куҫарса кайнӑ. Хӑваласа кайнӑ ҫынсене чӗрӗ юлма тата эксплуатацие май килнӗ таран тухӑҫлӑ ирттерме май паракан чи кирлӗ япаласемпе кӑна тивӗҫтернӗ, ҫакна пула вилеслӗх пысӑк шайра пулнӑ[~ 4][36][38].

Мирлӗ халӑха нацистла Германие хӑваласа кайни
Лодзь ҫывӑхӗнчи лагерьтен ирӗкӗ кӑларнӑ «OST» нашивкӑллӑ хӗр-остарбайтер

Совет ҫар ҫыннисен лару-тӑрӑвӗ

Геноцид политикин курӑмлӑ кӑтартӑвӗсенчен пӗри нацистсем тыткӑна лекнӗ совет ҫар ҫыннисемпе мӗн хӑтланни пулнӑ. РККА салтакӗсемпе офицерӗсене лагере куҫарнӑ тапхӑртах апат та, шыв та памасӑр, хӑйсем тӗллӗн малалла каяйман халсӑр салатксене пӑшалтан персе массӑллӑ вӗлернӗ[39].

Лагерьсенче тыткӑна лекнӗ совет ҫар ҫыннисем вилнин тӗп сӑлтавӗ выҫлӑх тата ӑна пула аталаннӑ чирсем пулнӑ. Унсӑр пуҫне лагерь администрацийӗ тыткӑнрисене тӑтӑшах мӑшкӑлланӑ[39][40].

Пӗтӗмӗшле тыткӑна лекнӗ совет ҫар ҫыннисене шучӗ ӑслӑлӑхра дискусси пулса юлать, ытларах чухне 4,5—5,75 млн ҫын тесе палӑртаҫҫӗ. Тӗпчевҫӗсен шухӑшӗпе, тыткӑна лекнисенчен ҫурринчен сахал мар лагерьсенче е унта куҫарнӑ чухне вилнӗ[2][41][42].

Нимӗҫсем тыткӑна лекнӗ ҫар ҫыннисене илсе кайни, 1941 ҫул
Нимӗҫ патшалӑх архивӗнчи сӑнӳкерчӗк. Тыткӑна лекнӗ совет ҫар ҫыннисем лагерьте, 1942 ҫулхи ҫурла
Демблин концлагерӗнчи тыткӑна лекнӗ совет ҫар ҫыннисене тӑванлӑх вилтӑпри
undefined
undefined

Геноцида пурнӑҫлакансем

Совет халӑхӗн геноцичӗн политикине тӗп пурнӑҫлаканӗсем — полици хӑрушсӑрлӑхӗн тата хӑрушсӑрлӑх службин (СД) айнзацушкӑнӗсем. СССР территоринче пӗтӗмпе тӑватӑ айнзацушкӑн йӗркеленӗ (A, B, C тата D), вӗсенчен кашниех оккупациленӗ регионсенче ӗҫленӗ зондеркомандӑсене тата айнзацкомандӑсене пайланнӑ. Ушкӑнсен персоналӗ СД, гестапо, криминал полицийӗн, СС ҫарӗсен офицерӗсенчен тата полици шкулӗсен кадрӗсенчен тӑнӑ. Айнзацушкӑнсен ӗҫне Гиммлер хӑй палӑртнӑ СС тата полицин аслӑ фюрерӗсем координациленӗ: группенфюрер СС Ханс-Адольф Прютцман (ҫурҫӗр), обергруппенфюрер СС Эрих Бах-Целевски (тӗп пай) тата обергруппенфюрер СС Фридрих Еккельн (кӑнтӑр). Вермахт енчен хушма ҫыхӑну звено пек тыл службисем тата Абвер офицерӗсем тӑтӑшах пулнӑ[9][43][44][45].

Ҫав вӑхӑтрах мирлӗ совет ҫыннисене хирӗҫ преступленисене СС тата пулӑшакан полици ҫыннисем кӑна мар, вермахтӑн ахаль салтакӗсемпе офицерӗсем те, ҫавӑн пекех оккупаци администрацийӗн чиновникӗсем те хутшӑннӑ. Геноцидӑн чылай актне нацистла Германин союзлӑ ҫӗршывӗсен ҫар ҫыннисем те хутшӑннӑ: Румыни Королевствин ҫарӗпе жандармийӗ, Венгри тата Итали ҫарӗсем, ҫавӑн пекех совет гражданӗсен хушшинчи пособниксем[9][44][45][46][47].

Нацизм преступникӗсем тӗлӗшпе тунӑ судсем

1942 ҫулхи чӳк уйӑхӗнче Чрезвычайлӑ патшалӑх комиссине (ЧПК) йӗркеленӗ, вӑл нацистсем тунӑ усал ӗҫсем тата вӗсем кӳнӗ тӑкасем пирки пин-пин ҫирӗплетӳ пухнӑ. Ҫак материалсем тӑрӑх, СССР Аслӑ Канашӗн Президиумӗн 1943 ҫулхи ака уйӑхӗн 19-мӗшӗнчи Указӗпе килӗшӳллӗн, вӑрҫӑ преступникӗсемпе вӗсен пособникӗсем тӗлӗшпе уҫӑ суд процесӗсем пуҫланнӑ. Малтан ҫакӑн пек процессем Краснодарта, Краснодонта тата Харьковра иртнӗ[9][48][49][50].

Чрезвычайлӑ комисси пухнӑ материалсем Нюрнберг процесӗнче айӑплакан енӗн позицийӗшӗн никӗс пулса тӑнӑ, ҫак процесс вӑхӑтӗнче тӗнче общественноҫӗн судне нацизмӑн массӑллӑ ҫар преступленийӗсен ҫирӗплетӗвӗсене кӑларнӑ[7][8][51].

Айӑпланакансем хӑйсен вырӑнӗнче. Пӗрремӗш рет,сулахайран сылтӑмалла: Герман Геринг, Рудольф Гесс, Иоахим фон Риббентроп, Вильгельм Кейтель; иккӗмӗш рет, сулахайран сылтӑмалла: Карл Дёниц, Эрих Редер, Бальдур фон Ширах, Фриц Заукель
Тӗрмен шалти залӗ: хурал камерӑсенчи айӑпланнӑ ҫынсене талӑкӗпех сӑнанӑ, 1945 улхи чӳкӗн 24-мӗшӗ
Айӑпланакансем Рига процесӗнче

Астӑвӑм

Геноцид витӗмне лекнӗ совет халӑхне асӑнмалли кун

Тӗп статья: Геноцид витӗмне лекнӗ совет халӑхне асӑнмалли кун

Ҫулсерен ака уйӑхӗн 19-мӗшӗнче Тӑван Ҫӗршывӑн Аслӑ вӑрҫи ҫулӗсенчи совет халӑхӗн геноцидне асра тытса Раҫҫейре Пӗрлехи ӗҫсен кунне ирттереҫҫӗ. Астӑвӑм мероприятийӗсем вӗренӳ заведенийӗсенче, ӑслӑлӑхпа культура учрежденийӗсенче иртеҫҫӗ. 2022 ҫулта Раҫҫейре акцисене 6,5 млн ытла ҫын хутшӑннӑ[49][50][52].

undefined

2025 ҫулхи раштавӑн 29-мӗшӗнче РФ президенчӗ Владимир Путин Раҫҫейре ака уйӑхӗн 19-мӗшӗнче астӑвӑм кунне — Геноцид витӗмне лекнӗ совет халӑхне асӑнмалли куна— паллӑ тума йышӑннӑ саккуна алӑ пуснӑ[53].

Палӑксем

Раҫҫейре тата Беларуҫре ҫынсене массӑллӑ вӗлернӗ вырӑнсенче мемориал комплексем йӗркелеҫҫӗ (сӑмахран, Тихвинра вилнӗ ачасене асӑнса лартнӑ палӑк, Песчанӑй логри монумент, «Хатынь» мемориал комплексӗ, Ленинград блакадинчи ачасене асӑнса лартнӑ палӑк тата ытти архитектура объекчӗсем).

Раҫҫей Федерацийӗн 2025 ҫулхи акан 21-мӗшӗнчи 74-ФЗ-мӗш номерлӗ Федераци саккунӗпе килӗшӳллӗн, «совет халӑхӗн геноцидӗнчен вилнӗ ҫынсен юлашкийӗсене пытарнисене, ҫавӑн пекех совет халӑхӗн геноцидӗнчен вилнӗ ҫынсен астӑвӑмне вилӗмсӗрлетекен палӑксемпе объектсен патшалӑх сыхлать»[1].

Геноцид витӗмне лекнӗ ҫынсен астӑвӑм музейӗсем

2024 ҫулхи чӳк уйӑхӗнче Ленинград облаҫӗн ертӳлӗхӗ Зайцевӑри мемориал комплексӗн территоринче СССР-ти геноцидран вилнӗ мирлӗ ҫынсен астӑвӑм музейне йӗркелеме планлани ҫинчен пӗлтернӗ[54].

2026 ҫулхи нарӑс уйӑхӗн 20-мӗшӗнче Мускав правительстви тӗп хулара Тӑван Ҫӗршывӑн Аслӑ вӑрҫи вӑхӑтӗнчи нацистсен преступленийӗсенчен вилнӗ ҫынсене халалланӑ Раҫҫейри пӗрремӗш Асӑну музейӗ уҫӑлассине пӗлтернӗ[55].

Геноцидран вилнӗ совет халӑхӗн астӑвӑмне саккунпа хӳтӗлени

Раҫҫейре Тӑван Ҫӗршывӑн Аслӑ вӑрҫи ҫулӗсенче нацистсем совет халӑхне геноцид тунине хирӗҫленӗшӗн тата ырланӑшан, ҫавӑн пекех геноцидран вилнӗ ҫынсен астӑвӑмне хурланӑшӑн уголовлӑ майпа яваплӑх тыттараҫҫӗ[56][57].

Комментарисем

  1. ^ Хальлӗхе мӑшкӑллани пирки РФ УКн 357-мӗш статйинче (Геноцид) асӑнман, анчах ҫӗршыври чылай юрист тата историк ҫакнашкал преступленисен геноцидне уйрӑм палӑртма сӗнет. Кунсӑр пуҫне тӗнчери право практикинче хирӗҫтӑру условийӗсенче мӑшкӑлланине ҫар преступленийӗ тата геноцид акчӗ тесе йышӑнаҫҫӗ.
  2. ^ Эстонсемпе латышсен пӗр пайне, тӗслӗхрен, нацизмӑн хӑш-пӗр идеологӗ «германизацилеме» планланӑ.
  3. ^ Хупӑрласа илнӗ унка 1943 ҫулхи кӑрлачӑн 18-мӗшӗнче татнӑ пулин те хулана ҫулталӑкран кӑна тӗпрен ирӗке кӑларнӑ. Осада пӗтӗмӗшле 872 куна тӑсӑлнӑ.
  4. ^ Депортаципе партизан отрячӗсем кӗрешнӗ, вӗсем халӑха пытарма вӑрманта лагерьсем тунӑ. Тӗслӗхрен, Ленинград облаҫӗн партизанӗсем 400 пин ытла ҫынна хӑваласа каясран хӑтарнӑ, Минск облаҫӗнче вара икӗ ҫулта 567 пин мирлӗ ҫынна ҫӑлнӑ. Халӑхӑн пӗр пайне фронт линийӗ урлӑ совет тылне ӑсатнӑ.

Ӑнлантарусем

  1. ^ 1, 2 Федеральный закон от 21.04.2025 № 74-ФЗ ∙ Официальное опубликование правовых актов (выр.). publication.pravo.gov.ru. Пӑхнӑ кун: 2026 ҫулхи акан 26-мӗшӗ.
  2. ^ 1, 2, 3 Россия и СССР в войнах ХХ века. Книга потерь / Г. Ф. Кривошеев, В. М. Андроников, П. Д. Буриков и др.. — 2010. — С. 219—235.
  3. ^ 1, 2 Козлов А. В. Имя ему геноцид. Преступления гитлеровской Германии на территории Белоруссии и России. — Вече, 2022. — С. 299.
  4. ^ 1, 2 Кудряшов С. В. Война на уничтожение. Нацистский террор на советских территориях // Вестник РФФИ. Гуманитарные и общественные науки. — 2025. — № 1. — .
  5. ^ Ковалёв Б. Н. Повседневная жизнь населения России в период нацистской оккупации. — 2011. — С. 11.
  6. ^ 1, 2, 3, 4, 5 Без срока давности: преступления нацистов и их пособников против мирного населения на временно оккупированной территории СССР в годы Великой Отечественной войны 1941—1945 гг.: Сборник документов в двух частях. — Фонд «Связь Эпох», 2020.
  7. ^ 1, 2 Полторак А. И. Нюрнбергский эпилог. — Воениздат, 1969.
  8. ^ 1, 2 Савенков А. Н. Нюрнберг: приговор во имя мира. — Проспект, 2021.
  9. ^ 1, 2, 3, 4, 5 Козлов А. В. Имя ему геноцид. Преступления гитлеровской Германии на территории Белоруссии и России. — Вече, 2022. — С. 35—45.
  10. ^ Козлов А. В. Имя ему геноцид. Преступления гитлеровской Германии на территории Белоруссии и России. — Вече, 2022. — С. 7—34.
  11. ^ Яковлев Е. Н. Война на уничтожение. Третий рейх и геноцид советского народа. — 2026. — С. 192.
  12. ^ Нюрнбергский процесс. Сборник материалов. Документ NO-5001 (PS-1919).
  13. ^ 1, 2 Козлов А. В. Имя ему геноцид. Преступления гитлеровской Германии на территории Белоруссии и России. — Вече, 2022. — С. 7—34.
  14. ^ 1, 2 Баринов И. Аграрная политика нацистской Германии, 2013, с. 288.
  15. ^ Нацизм. Документальные свидетельства преступлений, 2023, Предисловие.
  16. ^ Яковлев Е. Н. Война на уничтожение, 2024, с. 404.
  17. ^ Яковлев Е. Н. Война на уничтожение, 2024, с. 203—204.
  18. ^ Цит. по: Ветте В. Война на уничтожение: Вермахт и Холокост // Новая и новейшая история. — 1999. — № 3.
  19. ^ 1, 2, 3 Без срока давности: преступления нацистов и их пособников против мирного населения на временно оккупированной территории СССР в годы Великой Отечественной войны 1941–1945 гг. : Сборник документов : В 2 ч. Ч. 1. — Фонд «Связь Эпох», 2020. — С. 123—596.
  20. ^ 1, 2, 3 Без срока давности: преступления нацистов и их пособников против мирного населения на временно оккупированной территории СССР в годы Великой Отечественной войны 1941–1945 гг. : Сборник документов : В 2 ч. Ч. 2. — Фонд «Связь Эпох», 2020. — С. 9—370.
  21. ^ Аристов С. В. Система нацистских концентрационных лагерей, 2019.
  22. ^ Аристов С. В. Terra Incognita: система нацистских концлагерей на оккупированной территории СССР (1941—1944 гг.). — 2022.
  23. ^ Фёдоров А. Г. Авиация в битве под Москвой. — Наука, 1975.
  24. ^ Дёгтев Д. М. Воздушная битва за Сталинград: операции люфтваффе по поддержке армии Паулюса, 1942—1943. — Центрполиграф, 2021.
  25. ^ Дёгтев Д. М. Воздушная битва за город на Неве защитники Ленинграда против асов люфтваффе, 1941—1944, к 70-летию снятия блокады. — Центрполиграф, 2014.
  26. ^ Лашков А. Ю. Противовоздушная оборона Горьковского промышленного района в годы Великой Отечественной войны // Военно-исторический журнал. — 2023. — № 5. — .
  27. ^ Белозёров Б. П. Ленинград сражающийся. — Знание, 2016—2019. — Т. 1—4.
  28. ^ Суд Петербурга признал блокаду Ленинграда геноцидом. Тӗрӗсленӗ: 2026 ҫулхи акан 26-мӗшӗ.
  29. ^ 1, 2 Яковлев Е. Н. Война на уничтожение. Третий рейх и геноцид советского народа. — 2026.
  30. ^ Яковлев Е. Н. Война на уничтожение, 2024, с. 414—415.
  31. ^ Попов А. Ю. Новый экономический порядок на оккупированной советской территории в годы Великой Отечественной войны (выр.). Федеральная Служба Безопасности. Пӑхнӑ кун: 2026 ҫулхи акан 26-мӗшӗ.
  32. ^ Кикнадзе В. Г. и др. Геноцид народов России, 2024, с. 438—439.
  33. ^ Яковлев Е. Н. Война на уничтожение, 2024, с. 263—264.
  34. ^ Яковлев Е. Н. Война на уничтожение, 2024, с. 265.
  35. ^ Баринов И. Аграрная политика нацистской Германии, 2013, с. 289.
  36. ^ 1, 2, 3 Принудительный труд 1939—1945. Опыт международного проекта. — 2020.
  37. ^ Без срока давности: преступления нацистов и их пособников против мирного населения на временно оккупированной территории СССР в годы Великой Отечественной войны 1941–1945 гг. : Сборник документов : В 2 ч. Ч. 1. — Фонд «Связь Эпох», 2020. — С. 222, 338, 511.
  38. ^ Полян П. М. Жертвы двух диктатур: Остарбайтеры и военнопленные в Третьем рейхе и их репатриация. — 1996.
  39. ^ 1, 2 Штрайт К. "Они нам не товарищи": вермахт и советские военнопленные в 1941—1945 гг. — 2009.
  40. ^ Яковлев Е. Н. Война на уничтожение. Третий рейх и геноцид советского народа. — 2026. — С. 314—325.
  41. ^ Судьба военнопленных и депортированных граждан СССР. Материалы Комиссии по реабилитации жертв политических репрессий // Новая и новейшая история. — 1996. — № 2. — .
  42. ^ Яковлев Е. Н. Война на уничтожение. Третий рейх и геноцид советского народа. — 2026. — С. 477.
  43. ^ SS im Einsatz. Eine Dokumentation ϋber die Verbrechen der SS. — Deutscher Militärverlag, 1967.
  44. ^ 1, 2 Без срока давности: преступления нацистов и их пособников против мирного населения на временно оккупированной территории СССР в годы Великой Отечественной войны 1941—1945 гг. Ч.1. — Фонд «Связь Эпох», 2020. — С. 9—26.
  45. ^ 1, 2 Кудряшов С. В. Война на уничтожение. Нацистский террор на советских территориях // Вестник РФФИ. Гуманитарные и общественные науки. — 2025. — № 1. — .
  46. ^ Нюрнбергский трибунал развеял миф о "чистом вермахте", заявил историк (2025-11-18). Тӗрӗсленӗ: 2026 ҫулхи акан 26-мӗшӗ.
  47. ^ Мюллер Н. Вермахт и оккупация (1941—1945). О роли вермахта и его руководящих органов в осуществлении оккупационного режима на советской территории. — Воениздат, 1974. — С. 158—275.
  48. ^ Без срока давности: преступления нацистов и их пособников против мирного населения на временно оккупированной территории СССР в годы Великой Отечественной войны 1941–1945 гг. : Сборник документов : В 2 ч. Ч. 2. — Фонд «Связь Эпох», 2020. — С. 371—431.
  49. ^ 1, 2 День единых действий (2022-09-12). Тӗрӗсленӗ: 2026 ҫулхи акан 26-мӗшӗ.
  50. ^ 1, 2 День единых действий (выр.). russiancip.ru. Пӑхнӑ кун: 2026 ҫулхи акан 26-мӗшӗ.
  51. ^ Алиева Л. В. Без срока давности: геноцид мирного населения на оккупированных территориях РСФСР в годы Великой Отечественной войны. — 2021. — С. 144.
  52. ^ Акция «День единых действий в память о жертвах преступлений против советского народа, совершённых нацистами и их пособниками в годы Великой Отечественной войны» объединила школьников и студентов (выр.). Минпросвещения России. Пӑхнӑ кун: 2026 ҫулхи акан 26-мӗшӗ.
  53. ^ Путин подписал закон об установлении Дня памяти жертв геноцида советского народа (2025-12-29). Тӗрӗсленӗ: 2026 ҫулхи акан 26-мӗшӗ.
  54. ^ Музей памяти жертв геноцида мирных жителей будет создан в Ленобласти (2024-11-25). Тӗрӗсленӗ: 2026 ҫулхи акан 26-мӗшӗ.
  55. ^ Первый национальный Музей памяти откроется в Москве (2026-02-20). Тӗрӗсленӗ: 2026 ҫулхи акан 26-мӗшӗ.
  56. ^ Путин подписал закон о наказании за отрицание геноцида советского народа. tass.ru (9 акан 2026). Пӑхнӑ кун: 2026 ҫулхи акан 26-мӗшӗ.
  57. ^ Федеральный закон от 09.04.2026 № 100-ФЗ ∙ Официальное опубликование правовых актов (выр.). publication.pravo.gov.ru. Пӑхнӑ кун: 2026 ҫулхи акан 26-мӗшӗ.

Вуламалли

  • Алиева Л. В. Без срока давности: геноцид мирного населения на оккупированных территориях РСФСР в годы Великой Отечественной войны. Красноярск. 2021.
  • Альтман И. Жертвы ненависти. Холокост в СССР. 1941—1945 гг. М. 2002.
  • Арад И. Катастрофа евреев на оккупированных территориях Советского Союза (1941—1945). Днепропетровск. М.: Центр «Холокост». 2007.
  • Аристов С. В. «Империя смерти». Концлагеря Третьего рейха: самая полная иллюстрированная энциклопедия нацистских концлагерей. М.: Яуза. 2022.
  • Аристов С. В. TERRA INCOGNITA: система нацистских концлагерей на оккупированной территории СССР (1941—1944 гг.). М. 2022.
  • Артамошин С. В. Идейные истоки национал-социализма. Брянск. 2002.
  • Багдасарян В. Э., Реснянский С. И. Геноцид советского народа в германской оккупационной политике: цивилизационный ракурс «войны на уничтожение» // Вестник Российского университета дружбы народов. Серия: История России. 2025. Т. 24. № 2. С. 126—147.
  • Баринов И. И. Направление — Украина: опыт изучения нацистской оккупационной политики, 1941—1944. М. 2014.
  • Безыменский Л. А. Особая папка «Барбаросса». М. 1972.
  • Белозёров Б. П. Ленинград сражающийся. Т. 1—4. СПб.: Знание. 2016—2019.
  • Великая Отечественная без грифа секретности. Книга потерь / под общ. ред. Г. Ф. Кривошеева, А. В. Кирилина. М.: Вече. 2010.
  • Великая Отечественная война 1941—1945 годов (в двенадцати томах). М.: Воениздат. 2011—2015.
  • Великая Победа советского народа: социально-политические и демографические аспекты / отв. ред. С. В. Рязанцев, В. Н. Иванов; ИСПИ ФНИСЦ РАН. М.: Экон-Информ. 2020.
  • Великая Победа (в пятнадцати томах) / под общ. ред. С. Е. Нарышкина, А. В. Торкунова. М.: МГИМО-Университет. 2015.
  • Вержбицкий Ю. Ю. «За все эти чудовищные преступления… преступное гитлеровское правительство, командование германской армии и их сообщники несут всю полноту уголовной и материальной ответственности»: организация расследования нацистских преступлений и наказание военных преступников, виновных в геноциде на оккупированной территории РСФСР в годы Великой Отечественной войны // Военно-исторический журнал, № 5, 2025. С. 82—89.
  • Веригин С. Г. Карелия в годы военных испытаний: политическое и социально-экономическое положение Советской Карелии в период Второй мировой войны 1939—1945 гг. Петрозаводск. 2009.
  • Веригин С. Г. Финская оккупация Карелии в 1941—1944 годах: дискуссии между российскими и финляндскими историками // Учёные записки Петрозаводского государственного университета. 2022. Т. 44. № 6. С. 75—82.
  • Ветте В. Образ врага: расистские элементы в немецкой пропаганде против Советского Союза // Почему Третий рейх проиграл войну. Немецкий взгляд. М. 2021.
  • Галкин А. А. Германский фашизм. М.: Наука. 1989.
  • Данченко Е. Л. Батраки поневоле. Принудительный труд «восточных рабочих» в сельском хозяйстве нацистской Германии (1941—1945). Воронеж: Издательство Воронеж. гос. пед. ун-та. 2012.
  • Дюков А. Р. Операция «Зимнее волшебство». Нацистская истребительная политика и латвийский коллаборационизм. М. 2011.
  • Захарина Е. А. Травматический опыт остарбайтеров и способы его преодоления в советской и постсоветской культуре памяти / Е. А. Захарина, Е. Ф. Кринко // Этнографическое обозрение. 2023. № 1. С. 11—29.
  • Звягинцев А. Г. Главный процесс человечества. М. 2012.
  • Истребительная война на Востоке. Преступления вермахта в СССР. 1941—1944. Доклады. // АИРО — научные доклады и дискуссии. Темы для XXI века. Выпуск 18. М. 2005.
  • История Великой Победы (в трёх томах) М.: МГИМО-Университет. 2020.
  • История Второй мировой войны. 1939—1945 (в двенадцати томах). М.: Воениздат. 1973—1982.
  • История Холокоста и геноцидов. ХХ век: Учебное пособие для вузов / Под ред. И. А. Альтмана. М.: МИК. 2022.
  • Кваша А. Я. Демографические потери СССР во Второй мировой войне // Вестник Московского Университета. Серия «Экономика». 1993. № 4.
  • Кикнадзе В. Г. Политико-стратегическое содержание планов Третьего рейха в отношении СССР // Вопросы истории. 2015. № 6. С. 168—175.
  • Кикнадзе В. Г., Романько О. В., Саенко А. С. Геноцид народов России. Преступления против советского мирного населения и военнопленных в годы Великой Отечественной войны. М. 2024.
  • Киселёва О. А., Никулина Т. В. Гражданское население и оккупационный режим // Отечественная история. 2006. № 4. С. 76—81.
  • Ковалёв Б. Н. Нацистская оккупация и коллаборационизм в России 1941—1944. М. 2004.
  • Крысин М. Ю. Прибалтийский фашизм. История и современность. М.: Вече. 2007.
  • Кудряшов С. В. Война на уничтожение. Нацистский террор на советских территориях // Вестник РФФИ. Гуманитарные и общественные науки. 2025. № 1. С. 64—78.
  • Козлов А. В. Имя ему геноцид. Преступления гитлеровской Германии на территории Белоруссии и России. М.: Вече. 2022.
  • Мюллер Н. Вермахт и оккупация (1941—1945). О роли вермахта и его руководящих органов в осуществлении оккупационного режима на советской территории. М.: Воениздат. 1974.
  • Немецко-фашистский оккупационный режим (1941—1944 гг.). М.: Политиздат. 1965.
  • Полторак. А. И. Нюрнбергский эпилог. М.: Воениздат. 1969.
  • Принудительный труд 1939—1945. Опыт международного проекта. Издательско-полиграфический центр. Воронеж. 2020.
  • Россия и СССР в войнах ХХ века. Книга потерь / Г. Ф. Кривошеев, В. М. Андроников, П. Д. Буриков и др. М.: Вече. 2010.
  • Савенков А. Н. Геноцид советского народа: от истории к праву, без срока давности // Государство и право. 2021. № 9. С. 7—30.
  • Савенков А. Н. Нюрнберг: приговор во имя мира. М.: Проспект. 2021.
  • Советские военнопленные во время Второй мировой войны на польских землях / науч. ред. Я. Войтковяк. СПб.: Алетейя. 2018.
  • Солонарь В. А. Очищение нации. Насильственные перемещения населения и этнические чистки в Румынии в период диктатуры Иона Антонеску (1940—1944). СПб. 2020.
  • Холокост на территории СССР. Энциклопедия. М. 2011.
  • Чумаков Г. В. Финские концентрационные лагеря для гражданского населения Петрозаводска в 1941—1944 гг. // Вопросы истории Европейского Севера (Народ и власть: проблемы взаимоотношений, 80-е гг. XVIII—XX в.). Петрозаводск. 2005. С. 142—151.
  • Шевяков А. А. Гитлеровский геноцид на территориях СССР // Социологические исследования. 1991. № 12. С. 3—11.
  • Штрайт К. «Они нам не товарищи»: вермахт и советские военнопленные в 1941—1945 гг. М. 2009.
  • Яковлев Е. Н., Дюков А. Р., Симиндей В. В. Нацизм на оккупированных территориях Советского Союза. СПб. 2024.
  • Barber J., Harrison M. Patriotic War, 1941—1945 // The Cambridge History of Russia. Vol. 3. Cambridge: Cambridge University Press. 2006. P. 217—242.
  • Borejsza J. W. A Ridiculous Hundred Million Slavs: Concerning Adolf Hitler’s World-View. Warsaw. 2017.
  • Connelly J. Nazis and Slavs: From Racial Theory to Racist Practice // Central European History. 1999. Vol. 32, № 1. P. 1—33.
  • Harrisville D. A. The Virtuous Wehrmacht: Crafting the Myth of the German Soldier on the Eastern Front, 1941—1944. Cornell University Press. 2021.
  • Heer Н., Streit С. Vernichtungskrieg im Osten. Judenmord, Kriegsgefangene und Hungerpolitik. Hamburg. 2020
  • Kaul С. F. Nazimordaktion, T. 4. Ein Bericht uber die erste industrimabig durchfuhrte Mordaktion des Naziregimes. Berlin. 1973.
  • Kay A. J. Empire of Destruction: A History of Nazi Mass Killing. Yale University Press. 2021.
  • SS im Einsatz. Eine Dokumentation ϋber die Verbrechen der SS. Berlin: Deutscher Militärverlag. 1967.
  • The Oxford History of the Third Reich. Oxford University Press. 2023.

Темӑпа ҫыхӑннисем

Категорисем