Суров Николай Семёнович

	Ҫын пирки
	Суров Николай Семёнович
Çуралнă вăхăт	1930 ҫулхи ҫӑвӑн 20-мӗшӗ
Çуралнă вырăн	Кульцав, Вăрнар районĕ, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР;
Вилнĕ вăхăт	2007 ҫулхи ҫӑвӑн 22-мӗшӗ (77 ҫул)
Вилнĕ вырăн	Вăрнар, Чӑваш Республики — Чӑваш Ен, Раҫҫей Федерацийӗ;
Гражданлăх	СССР; Раҫҫей Федерацийӗ;
Премисемпе чысланисем	;

Суров Николай Семёнович (1930 ҫулхи ҫӑвӑн 20-мӗшӗ(19300520), Кульцав, Вӑрнар районӗ, Чӑваш АССР, РСФСР — 2007 ҫулхи ҫӑвӑн 22-мӗшӗ(20070522), Вӑрнар, Вӑрнар районӗ, Чӑваш Республики) — совет ял хуҫалӑх производствинче малта пыракан, Вӑрнар районӗнчи Сталин ячӗллӗ (1961 ҫултан — Ленин ячӗллӗ) колхоз звеньевойӗ. Социализмла Ӗҫ Паттӑрӗ (1950)^[1].

Пурнӑҫӗпе ӗҫӗ-хӗлӗ

1930 ҫулхи ҫу уйӑхӗн 20-мӗшӗнче Чӑваш АССРӗн Вӑрнар районӗнчи Кульцав ялӗнче ҫуралнӑ. Ялти пуҫламӑш шкултан вӗренсе тухсан Тӑван Ҫӗршывӑн Аслӑ вӑрҫи пуҫланнӑ, Сергей Коротков председатель пулса ертсе пынӑ Сталин ячӗллӗ колхоза уй-хир бригадине ӗҫлеме вырнаҫнӑ^[1].

1950 ҫулхи утӑ уйӑхӗн 13-мӗшӗнчи СССР Аслӑ Канашӗн Президиумӗн Хушӑвӗпе 1949 ҫулхине пӗрчӗллӗ культурӑсене — тулӑпа ыраш — пысӑк тухӑҫ, 11,6 гектар лаптӑкран гектар пуҫне 34,4 центнер тулӑ, 23,8 гектар лаптӑкран гектар пуҫне 29,3 центнер ыраш пухса илнӗшӗн тата 1950 ҫулхи ҫуракине пысӑк пахалӑхлӑ вӑрлӑх хатӗрленӗшӗн Ленин орденӗ тата «Ҫурлапа Мӑлатук» ылтӑн медаль парса Социализмла Ӗҫ Паттӑрӗ ята панӑ^[2].

Ҫак хушупах Сталин колхозӗн тата 6 уй-хир ӗҫченне Социализмла Ӗҫ Паттӑрӗн ятне панӑ.

Каярах Суров уй-хир ӗҫченӗсен звенин звеньевойӗ, бригадир пулӑшуҫи пулса ӗҫленӗ.

Юлашки ҫулӗсенче район центрӗнче Вӑрнарта пурӑннӑ, 2007 ҫулхи ҫу уйӑхӗн 22-мӗшӗнче вилнӗ. Кульцав ялӗн масарӗнче пытарнӑ^[3].

Суров Николай Семёнович Социализмла Ӗҫ Паттӑрӗн вилтӑпри.

Хисепӗсем

Социализмла Ӗҫ Паттӑрӗ (13.07.1950),
Ленин орденӗ (13.07.1950 № 125629),
«Ҫурлапа Мӑлатук» ылтӑн медаль (13.07.1950 № 5443),
медальсем.

Ӑнлантарусем

^ ¹^,² Николай Семёнович Суров на официальном сайте «Чувашская энциклопедия»
^ Указ Президиума Верховного Совета СССР о присвоении Н.С. Сурову звания Героя Социалистического Труда. (выр.). Люди труда - гордость Чувашии. ГИА ЧР. Ф.Р-1041. Оп. 1. Д. 1035. Л. 156. (13 Утӑ уйӑхӗн 1950).
^ Ушел из жизни Герой Социалистического Труда Николай Суров (выр.). vurnar.cap.ru. Вурнарский муниципальный округ Чувашской Республики/ Чӑваш Республикин Вӑрнар муниципаллӑ округӗ (23 Ҫу уйӑхӗн 2007).

Вуламалли

Кузнецов, Г. Унӑн ҫӑлтӑрӗ те сӳнчӗ / Г. Кузнецов // Хыпар. — 2007. — 7 ҫӗртме. — С. 4.
Кузнецов, Г. Юлашки Герой : [Николай Семенович Суров Социализмла Ӗҫ Геройӗ ҫинчен] / Г. Кузнецов // Хыпар. — 2005. — 14 авӑн. — С. 2.
Суров Николай Семенович : [некролог] // Ҫӗнтерӳ ҫулӗ (Вӑрнар районӗ). — 2007. — 26 ҫу. — С. 6.
Александров, Э. Честь смолоду / Э. Александров // Наши земляки — Герои Социалистического Труда : [сб. очерков]. — Чебоксары, 1971. — С. 120-122.
Суров Николай Семенович // Энциклопедия Вурнарского района. — Чебоксары, 2005. — С. 254.
Шорников, А. М. Суров Николай Семенович / А. М. Шорников // Краткая чувашская энциклопедия. — Чебоксары, 2001. — С. 392.
Шорников, А. М. Суров Николай Семенович / А. М. Шорников // Чувашская энциклопедия. — Чебоксары, 2011. — Т. 4 : Си-Я. — С. 150.

Каҫӑсем

[enc.cap-1] ¹^,² Николай Семёнович Суров на официальном сайте «Чувашская энциклопедия»

[2] Указ Президиума Верховного Совета СССР о присвоении Н.С. Сурову звания Героя Социалистического Труда. (выр.). Люди труда - гордость Чувашии. ГИА ЧР. Ф.Р-1041. Оп. 1. Д. 1035. Л. 156. (13 Утӑ уйӑхӗн 1950).

[3] Ушел из жизни Герой Социалистического Труда Николай Суров (выр.). vurnar.cap.ru. Вурнарский муниципальный округ Чувашской Республики/ Чӑваш Республикин Вӑрнар муниципаллӑ округӗ (23 Ҫу уйӑхӗн 2007).

[1]

[2]

[3]