Вешкайма районĕ

Чӗмпӗр облаҫӗн çурçĕр-анăçĕнче вырнаçнă. Административлă тĕпĕ — хула евĕр посёлок Вешкайма. Пурăну вырăнĕсем — 36, рабочи посёлокĕсем — 2 (Чуфарово тата Вешкайма).

Погорелово ялĕ патĕнче 1647 çулта тунă çĕр хурси, тăршшĕ 15 çм, 4 масар тата бронза ĕмĕрĕнчи курган тĕммисем, хулашсем, укçа тата кӳпе тупнă.

Чылай пурăну вырăнĕ XVII ӗмӗрĕн иккĕмĕш пайĕнче никĕсленнĕ. 20 пĕтĕмĕшле пĕлӳ шкулĕ, çав шутра 11 вăтам шкул. Вулавăш — 21, клуб — 29, пульницă — 4.

Районти промăçлă йĕркеленӳлĕхсем: йывăç тата сĕтел-пукан тăвакан «Шарлова леспромхозĕ»; УАО «Вешкайма элеваторĕ»; УАО «Сельхозтехника», УАО «Чăх-чĕп фабрики „Луч“», УАО «„Вешкаймский“ сĕт-çу завочĕ», УАО «Чуфарово арматура завочĕ».

Ял хуçалăхĕнче тĕшĕ культурисене, çĕр улмине çитĕнтерсе илеççĕ. Какай-сĕт выльăх-чĕлĕхне, сурăх-така усраççĕ, пахча-çимĕçе тупăçлаççĕ.

Район çĕр айĕнчи пурлăхпа пуян: диатомит (Шарловка, Вешкайма), пура (Бекетово, Канабеево, Карпат) тата опок минералĕсене тупăшлаççĕ.

Район витĕр чукун çул тата автомобиль çулĕсем иртеççĕ.

Йышĕ — 25,7 пин çын. Хулара — 41,8 %, ялсенче — 58,2 %. Халăх йышĕпе:

• вырăссем — 85 %,
• мордвасем — 6 %,
• тутарсем — 2 %,
• чăвашсем — 2 %.

34 ял пурăнăвĕсенчен пиллĕкĕшĕнче — мордвасем ытларах, пĕрринче — чăвашсем ытларах пурăнаççĕ.

• Вешкайма районĕн çĕнĕ хыпарĕсем( ӗҫлемен каҫӑ)

Ку Чĕмпĕр облаçĕн географипе вĕçлемен статья. Эсир статьяна тӳрлетсе тата хушса проекта пулăшма пултаратăр.