Чӑваш АССР министрсен канашӗ

Чӑваш АССР Аслӑ Канаш Президиумӗн 1946 ҫулхи пушӑн 26-мӗшӗнчи «Чӑваш АССРӗн Халӑх Комиссарӗсен Канашӗ вырӑнне Чӑваш АССРӗн Министрсен Канашне туса хурасси ҫинчен» Хушӑвӗпе килӗшӳллӗн йӗркеленӗ^[1].

1948 ҫулта ӑна ҫак йышра йӗркеленӗ^[1]:

• председатель;
• председатель ҫумӗ;
• Чӑваш АССРӗн Патшалӑх план комиссийӗн председателӗ.

Министрсен канашӗн йышӗнче ҫак министрсем кӗнӗ^[1]:

• шалти ӗҫсен министрӗ;
• патшалӑх хӑрушсӑрлӑхӗн министрӗ;
• сывлӑх сыхлав министрӗ;
• коммуналлӑ хуҫалӑх министрӗ;
• вӑрман промышленноҫӗн министрӗ;
• вырӑнти промышленность министрӗ;
• апат-ҫимӗҫ промышленноҫӗн министрӗ;
• ҫутӗҫ министрӗ;
• ял хуҫалӑх министрӗ;
• социаллӑ ыйтусемпе ӗҫлекен министр;
• суту-илӳ министрӗ;
• юстици министрӗ.

Министрсен канашӗн йышӗнче ҫак направленисен начальникӗсем пулнӑ^[1]:

• автомобиль транспорт управленийӗн начальникӗ;
• ҫул-йӗр управленийӗн начальникӗ;
• кинофикаци управленийӗн начальникӗ;
• вырӑнти топливо промышленность управленийӗн начальникӗ;
• строительство материалӗсен промышленноҫӗн управлени начальникӗ;
• ӳнер ыйтӑвӗсемпе ӗҫлекен управлени начальникӗ;
• культурӑпа ҫутӗҫ учрежденийӗсен управлени начальникӗ.

1978 сӳлхи Чӑваш АССР Конституцийӗпе килӗшӳллӗн министрсен канашӗ йышӗнче председатель, пӗрремӗш ҫумӗ, председатель ҫумӗ, министрсем, тата республикӑн Аслӑ Канашӗ йӗркеленӗ патшалӑх комитечӗсен председателӗсемпе патшалӑх тытӑмӗнчи ытти органсен ертӳҫисем пулнӑ^[1].

1992 ҫулхи утӑн 31-мӗшӗнче Чӑваш Республикин Аслӑ Канашӗн Постановленийӗпе Чӑваш Республикин «Чӑваш Республикин Министрсен Канашӗ ҫинчен» саккунне йышӑннӑ^[1].

1994 ҫулхи кӑрлач уйӑхӗнче ун вырӑнне Чӑваш Республикин Министрсен кабинетне йӗркеленӗ^[1].

• Матвеев Антон Матвеевич (1946 ҫулхи пушӑн 26-мӗшӗ — 1947 ҫулхи пушӑн 22-мӗшӗ)
• Афанасьев Илларион Афанасьевич (1947 ҫулхи пушӑн 22-мӗшӗ — 1955 ҫулхи нарӑсӑн 3-мӗшӗ)
• Ислюков Семён Матвеевич (1955 ҫулхи нарӑсӑн 3-мӗшӗ — 1955 ҫулхи раштавӑн 8-мӗшӗ)
• Ерлаков Анатолий Сергеевич (1955 ҫулхи раштавӑн 8-мӗшӗ — 1962 ҫулхи раштавӑн 10-мӗшӗ)
• Зайцев Михаил Васильевич (1962 ҫулхи раштавӑн 10-мӗшӗ — 1975 ҫулхи акан 21-мӗшӗ)
• Прокопьев Леонид Прокопьевич (1975 ҫулхи акан 21-мӗшӗ — 1989 ҫулхи юпан 5-мӗшӗ)
• Зайцев Николай Архипович (1989 ҫулхи юпан 5-мӗшӗ — 1992 ҫулхи нарӑсӑн 12-мӗшӗ)

• Викторов Валерьян Николаевич (1992 ҫулхи нарӑсӑн 12-мӗшӗ — 1994 ҫулхи кӑрлачӑн 21-мӗшӗ).