Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Зайцев Михаил Васильевич

Disambig gray.svg Зайцев хушаматлă урăх çынсем çинчен РУВИКИ-ре статьясем пур.
Disambig gray.svg Зайцев Михаил хушаматлă урăх çынсем çинчен РУВИКИ-ре статьясем пур.

Зайцев Михаил Васильевич (1921 ҫулхи юпан 21-мӗшӗ, Патти, Ҫӗрпӳ уесӗ, Чӑваш автономи облаҫӗ, РСФСР[d] — 1985 ҫулхи утӑн 24-мӗшӗ, Шупашкар, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР) — совет саманин патшалӑх ӗҫченӗ. Чӑваш АССР Министрсен Канашӗн председателӗ.

Биографийӗ

Вӑрмар районӗнчи Патти ялӗнче ҫуралнӑ[1].

Канашри педагогика училищинчен (1939), Чӑваш патшалӑх педагогика институтӗнчен (1950) вӗренсе тухнӑ.

1939—1942 ҫулсенче Вӑрмар районӗнчи Тупахри ҫичӗ ҫул вӗренмелли шкулӗнче ачасене историпе географи вӗрентнӗ, вӗренӳ пайӗн заведующийӗ пулса ӗҫленӗ.

1942 ҫултанпа Вӑрмар МТСӗнче, ВКП(б) Вӑрмар райкомӗнче, Чӑваш АССРӗн ҫӗр ӗҫӗн наркоматӗнче ӗҫленӗ.

ВКП(б) Чурачӑк райкомӗн секретарӗ (1944—1947), ВКП(б) Муркаш райкомӗн пӗрремӗш секретарӗ (1947—1952), КПСС Шупашкар райкомӗн пӗрремӗш секретарӗ (1952—1955)[1].

Чӑваш АССР Министрсен Канашӗн председатель ҫумӗ (1955—1961), КПСС Шупашкар хула комитечӗн пӗрремӗш секретарӗ (1961—1962), Чӑваш АССР Министрсен Канашӗн Председателӗ (1962—1975)[1].

СССР Аслӑ Канашӗн 6–8 пухӑвӗсен депутачӗ[2].

1975–1985 ҫулсенче — Мирлӗхе хӳтӗлекен Чӑваш комитечӗн яваплӑ секретарӗ тата Совет мирлӗх фончӗн Чӑваш республикин уйрӑмӗн председатель ҫумӗ пулса ӗҫленӗ[1].

Истори ӑслӑлӑхӗсен кандидачӗ(выр.)чăв. (1985).

Ӗҫӗсем

Ҫӗршывӑн совет тапхӑрӗн историйӗпе ҫырнӑ ӗҫсен авторӗ: «Советы — органы власти, организаторы масс» (1974), «Ступени роста (развитие экономики и культуры Чувашии за годы девятой пятилетки» (1978).

Хисепӗсем

Михаил Васильевич ҫак хисепсене тивӗҫнӗ[1]:

  • Октябрьти революци орденӗ;
  • Ӗҫлӗх Хӗрлӗх Ялав орденӗ;
  • «Хисеп палли» орденӗ;
  • Чӑваш АССР Аслӑ Канаш Президиумӗн Хисеп хучӗ[3];
  • медальсем.

Ӑнлантарусем

  1. ^ 1, 2, 3, 4, 5 Государственные и политические деятели : Зайцев Михаил Васильевич. nasledie.nbchr.ru. Пӑхнӑ кун: 2025 ҫулхи утӑн 3-мӗшӗ.
  2. ^ 12322. Пӑхнӑ кун: 2025 ҫулхи утӑн 3-мӗшӗ. оригиналтан архивланӑ 2016 ҫулхи пушӑн 21-мӗшӗ.
  3. ^ Зайцев, Михаил Васильевич (государственный деятель; 24.10.1921-24.07.1985) (выр.). «Наследжие Чувашии». Цифровая библиотека чувашского наследия. Пӑхнӑ кун: 2025 ҫулхи утӑн 3-мӗшӗ.

Вуламалли

  • Зайцев, Я. Н. Братья Зайцевы: документы, воспоминания / Я. Н. Зайцев. – Чебоксары : [б. и.], 2008. – 131 с. : ил., портр.
  • Афанасьева, Л. Республикӑшӑн ӗҫлесе чапа тухнӑ / Л. Афанасьева // Хӗрлӗ ялав (Вӑрмар районӗ). — 2016. — 2 чӳк. — С. 2
  • Казанов, А. Халăх асĕнче / А. Казанов // Хыпар. – 2001. – 23 юпа.
  • Бикалов, А. Добрый след / А. Бикалов // Совет. Чувашия. – 2001. – 24 окт.
  • Зайцев Михаил Васильевич // Моргаушский край : краткая энциклопедия – Чебоксары, 2002. – С. 62-63.
  • Зайцев Михаил Васильевич // Энциклопедия Моргаушского района. — Чебоксары, 2020. — С. 139.
  • Зайцев Михаил Васильевич // Энциклопедия Урмарского района. — Чебоксары, 2023. — С. 149-150.
  • Иванов, А. И. Человек решительных действий / А. И. Иванов // Их имена останутся в истории : биогр. очерки. – Чебоксары, 1994. – Вып. 2. – С. 244-248.
  • Федоров, Ф. Ф. Зайцев Михаил Васильевич / Ф. Ф. Федоров // Чувашская энциклопедия. – Чебоксары, 2008. – Т. 2 : Ж-Л. – С. 34.

Каҫӑсем

Темӑпа ҫыхӑннисем

Категорисем