Митьков Дмитрий Яковлевич
Митьков Дмитрий Яковлевич (1899 ҫулхи юпан 16-мӗшӗ, Сурăмпуç Мучикасси — 1976 ҫулхи юпан 9-мӗшӗ, Шупашкар) — совет саманинчи патшалӑх ӗҫченӗ. Чӑваш АССР Аслӑ Канашӗн Президиумӗн председателӗ (1955—1957)[1].
Пурнӑҫӗпе ӗҫӗ-хӗлӗ
1899 ҫулхи юпа уйӑхӗн 16-мӗшӗнче Хусан кӗпӗрнин Етӗрне уесӗнчи Сурăмпуç Мучикасси (халӗ Чӑваш Республикин Элӗк муниципаллӑ округне кӗрет) ялӗнче хресчен ҫемйинче ҫуралнӑ. 1919—1922 ҫулсенче Хӗрлӗ Ҫарта пулнӑ, Граждан вӑрҫине хутшӑннӑ[2].
1934 ҫулта Ленинградри Пӗтӗм Союзри коммунизм университечӗн ялхуҫалӑх факультетне вӗренсе пӗтернӗ[1].
- 1923—1927 ҫулсенче — Чӑваш АССРӗн Элӗк вулӑс Канашӗн ӗҫ тӑвакан комитечӗн культурӑпа ҫутӗҫ пайӗн ертӳҫи, Элӗк вулӑс Канашӗн ӗҫ тӑвакан комитечӗн председателӗ;
- 1934—1936 ҫулсенче — Элӗкри машинӑпа трактор станцийӗн директорӗ;
- 1936—1938 ҫулсенче — Йӗпреҫри машинӑпа трактор станцийӗн директорӗ;
- 1938—1942 ҫулсенче — СССР чӗртавар хатӗрлес енӗпе ӗҫлекен Халӑх комиссариачӗн Чӑваш АССРӗнчи уполномоченнӑйӗ, Чӑваш АССР Совнаркомӗн пай пуҫлӑхӗ;
- 1942—1947 ҫулсенче — Ҫӗрпӳ районӗн ВКП(б) комитечӗн пӗрремӗш секретарӗ;
- 1947—1955 ҫулсенче — Чӑваш АССР Аслӑ Канашӗн Президиумӗн председателӗн ҫумӗ;
- 1955—1957 ҫулсенче — Чӑваш АССР Аслӑ Канашӗн Президиумӗн председателӗ[1].
1957 ҫултанпа — тивӗҫлӗ канура[1].
1958 ҫулхи ҫурла уйӑхӗнчен пуҫласа 1964 ҫулхи ҫу уйӑхӗччен КПСС Чӑваш обкомӗн парти архивӗн заведующийӗ пулса ӗҫленӗ.
Республикӑри обществӑпа политика пурнӑҫне хастар хутшӑннӑ, Чӑваш АССР Аслӑ Канашӗн депутачӗ шутланнӑ, XXV-мӗш Чӑваш облаҫри парти конференцийӗнче ӑна КПСС Чӑваш обкомӗн ревизи комиссийӗн пайташне суйланӑ[3].
1979 ҫулхи юпа уйӑхӗн 9-мӗшӗнче Шупашкарта вилнӗ.
Астӑвӑм
Шупашкарти мемориал масарӗнче пытарнӑ.
Хисепӗсем
- Ӗҫлӗх Хӗрлӗ Ялав орденӗ (1950);
- Тӑван Ҫӗршыв вӑрҫин орденӗн I степенӗ (1945);
- «Хисеп Палли» орден (1944);
- Чӑваш АССР Аслӑ Канашӗн Президиумӗн Хисеп грамоти;
- СССР ВДНХ пӗчӗк ылтӑн медалӗ[1].
Ӑнлантарусем
- ^ 1, 2, 3, 4, 5 Ф. Ф. Фёдоров. Митьков Дмитрий Яковлевич (выр.). Чувашская энциклопедия.
- ^ Митьков, Дмитрий Яковлевич (государственный и партийный деятель; 28.10.1899-09.10.1976) (выр.). Цифровая библиотека чувашского наследия «Наследие Чувашии». Национальная библиотека Чувашской Республики.
- ^ Поликарпова Алина Анатольевна. Дмитрий Яковлевич Митьков (К 120-летию со дня рождения государственного и партийного деятеля Чувашии Д.Я.Митькова) (выр.). Чувашский государственный институт гуманитарных наук (29 юпан 2019). Пӑхнӑ кун: 2026 ҫулхи кӑрлачӑн 27-мӗшӗ.
Вуламалли
- Васильев, Г. Вӑл районта ӗҫленӗ / Г. Васильев // Ҫӗнтерӳшӗн (Йӗпреҫ районӗ). — 2004. — 26 ҫӗртме;
- Ефимов, Л. А. Митьков Дмитрий Яковлевич / Л. А. Ефимов // Аликовская энциклопедия = Элӗк энциклопедийӗ. — Чебоксары, 2009. — С. 357;
- Федоров, Ф. Ф. Митьков Дмитрий Яковлевич / Ф. Ф. Федоров // Краткая чувашская энциклопедия. — Чебоксары, 2001. — С. 271;
- Федоров, Ф. Ф. Митьков Дмитрий Яковлевич / Ф. Ф. Федоров // Чувашская энциклопедия. — Чебоксары, 2009. — Т. 3 : М-Се. — С. 104.