Прокопьев Леонид Прокопьевич

Шупашкарти электромеханика техникумӗнче (1952), Пӗтӗм Союзри куҫӑмсӑр вӗрентекен политехника институтӗнче (1967) пӗлӳ илнӗ. 1954—1958 ҫулсенче Тинӗс ҫар флотӗнче хӗсметре тӑнӑ. Техникум пӗтерсен, тата ҫартан таврӑнсан Шупашкарти электроаппаратура савутӗнче инженер должноҫӗсенче ӗҫленӗ^[1].

1961 ҫултанпа Шупашкарти КПСС хула комитетӗнче ӗҫленӗ. 1970—1974 — Шупашкар хула канашӗн Ӗҫтӑвкомӗн председателӗн ҫумӗ, 1974—1975 — КПСС Шупашкар хула комитечӗн пӗрремӗш секретарӗ.

1975 ҫулхи ака уйӑхӗнчен пуҫласа 1989 ҫулхи юпа уйӑхӗччен — Чӑваш АССР Министрсен Канашӗн председателӗ. 1989—1990 ҫӳлсенче — РСФСР Аслӑ Канашӗн пай заведующийӗ. 1990 ҫулхи чӳк уйӑхӗнчен пуҫласа 1991 ҫулхи раштав уйӑхӗччен — РСФСР наци ӗҫӗсен патшалӑх комитечӗн председателӗ, РСФСР Министрсен Канашӗн членӗ. 1991 ҫулхи раштав уйӑхӗнче иртнӗ Чӑваш Республики президенчӗн пӗрремӗш (ирттермен) суйлавӑн кандидачӗ. 1992 ҫулхи кӑрлач уйӑхӗнчен пуҫласа 1993 ҫулхи юпа уйӑхӗччен — Раҫҫейӗн Аслӑ Канашӗн пайӗн заведующийӗ.

1994–1996 ҫулсенче — Раҫҫей Федерацийӗн Федераци пухӑвӗн Федераци Канашӗн председатель ҫумӗн Валерьян Викторовӑн секретариат ертӳҫи. 1996–2006 ҫулсенче — Федераци Канашӗн пайташӗн тата РФ Патшалӑх думин депутачӗн Валентин Шурчановӑн канашҫи.

2006 ҫулхи кӑрлачӑн 8-мӗшӗнче онкологи чирӗпе чылай вӑхӑт хушши чирленӗ хыҫҫӑн вилнӗ^[2]. Шупашкар хулин мемориаллӑ масарӗнче пытарнӑ.

• Ӗҫлӗх Хӗрлӗ Ялав орденӗ;
• Халӑхсен туслӑхӗн орденӗ;
• «Хисеп Палли» орден;
• Красноармейски районӗн хисеплӗ гражданинӗ;
• медальсем.