Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Петров Александр Петрович

РУВИКИ-ре ҫак хушаматлӑ ытти ҫынсем пирки те статьясем пур: Петров; Петров Александр.

Петров Александр Петрович (ҫур. 1933 ҫулхи раштавӑн 13-мӗшӗ, Кӗртекасси, Муркаш районӗ, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР) — совет саманинчи патшалӑх, комсомол тата парти ӗҫченӗ.

Чӑваш АССРӗн Аслӑ канашӗн тӑххӑрмӗш тата вуннӑмӗш пухӑвӗсен председателӗ (1975—1985), Чӑваш АССР Аслӑ канашӗн Президиум председателӗ (1985—1988), КПСС Чӑваш обкомӗн пӗрремӗш секретарӗ (1988—1990) пулнӑ[1].

Кун-çулĕ

1933 çулхи раштавăн 13-мĕшĕнче Чăваш АССРӗн Муркаш районӗнчи Кӗртекасси ялĕнче çуралнă.

1951 çулта Советскинчи вӑтам шкултан, 1963 çулта И. Я. Яковлев ячӗллӗ Чӑваш патшалӑх педагогика институтӗнчи истори уйрăмӗнчен, 1971 çулта Общество ăслăлăхӗсен академийӗнчен вӗренсе тухнă. 1953—1955 çулсенче ВЛКСМ Тӗп Комитечӗ çумӗнчи Тĕп комсомол шкулĕнче вĕреннĕ.

Ватам шкултан вĕренсе тухнă хыççăн Александр Петрович пĕр çул хушши тăван ялти колхозра вăй хунă. Пултаруллă та ĕçчен çамрăка часах асăрханă, 1952 çулхи ака уйăхĕнче ăна комсомолăн Советски райкомне ĕçлеме чĕнсе илнĕ. Кунта вăл малтан пай ертӳçи, каярахпа райкомăн пĕрремĕш секретарĕ пулса вăй хунă.

1956 çулта Советски районне пӗтернӗ хыççăн ВЛКСМ Чăваш обкомне ӗçлеме куçарнӑ: кунта вăл малтан инструктор, пай пуçлăхĕн çумӗ, каярахпа вара обком секретарĕ пулса ӗçленӗ (1956—1963).

1963 çултанпа парти ӗҫӗнче: КПСС Чăваш обкомĕн идеологи пайĕн ертӳçин çумӗ пулнӑ, ăслăхпа вĕренӳ заведенийӗсен пайне ертсе пынă, Йĕпреç райкомĕн пĕрремĕш секретарĕнче вăй хунă (1965—1968). 1974 çулхи нарăс уйăхӗнче ăна парти Чăваш обкомӗн секретарьне суйланă. Ку ĕçре вăл 1985 çулхи пуш уйăхĕччен — Чăваш АССР Аслă Канаш Президиумĕн председательне уйăрса лартиччен ĕçленĕ.

1988 çулхи юпа уйăхĕнче Александр Петровича КПСС Чăваш обкомĕн пĕрремĕш секретарĕ пулма суйланă. 1990—1991 çулсенче вăл — республикăри парти органĕсен тĕрĕслев комиссийӗн ертӳçи. Тивӗҫлӗ канӑва тухсан 1992—2000 ҫулсенче Чӑваш Республикин Тӗп патшалӑх архивӗн документсен публикацийӗсен пайӗн ертӳҫи пулса ӗҫленӗ.

КПСС XXVIII съезчĕн делегатне, Чăваш АССР тата РСФСР Аслă Канашĕн депутачӗ пулма 7 хутчен, 1989 çулта СССР халăх депутатне, Чăваш АССР Аслă Канаш председателĕ пулма суйланă[1].

Шупашкар хулинче пурӑнать. 2020 ҫулта Чӑваш Республикин ҫӗнӗрен ҫирӗплетнӗ пуҫлӑхӗн О. А. Николаевӑн аллинчен «Чӑваш Республикин хисеплӗ гражданинӗ» ята илнӗ[2].

Ӗçĕсем

Александр Петрович ăслăлăх ĕçне те хастар туса пынă, унăн 100 яхăн ӗҫӗ пичетленсе тухнă. Чăваш Республикинчи патшалăх строительствин, унăн экономика аталанăвĕн, халăх хуçалăхĕн тĕрлĕ отраслĕсем валли пысăк квалификациллĕ специалистсем кирлĕ чухлĕ хатĕрлес ыйтусене тишкернӗ.

Пичетленнĕ ĕçсем

  • Социальный портрет сельской Чувашии. Чебоксары, 1985 (тепĕр арторпа пĕрле);
  • Вслед за Гагариным и Титовым. Чебоксары, 1992 (тепĕр авторпа пĕрле);
  • Страницы немеркнущей славы (Уроженцы Чувашии на фронтах Великой Отечественной войны 1941—1945 гг. Письма, дневники и воспоминания, статьи и выступления по радио, фотографии). Рук. группы составителей и автор предисловия сб-ка документов. Чебоксары, 1995;
  • Дороги Чувашии (От бездорожья до современных автодорог. Документы и материалы, воспоминания и статьи, фотографии о дорожном строительстве Чувашии. 1920—1997). Рук. группы составителей и автор предисловия сборника. Чебоксары, 1996;
  • Потребительская кооперация Чувашии. 1920—2000. Документы, материалы, воспоминания, фотографии. Рук. группы составителей и автор предисловия сборника. Чебоксары, 2000.

Ҫемье

Мӑшӑрӗпе — Тамара Степановна Петрова (30.04.1932—02.02.2025). Культура ӗҫченӗсен профсозӗн обкомен ертӳҫи, вӗренту, аслӑ шкул тата ӑслӑлӑх ӗҫченӗсен профсоюзӗн обкомӗн ертӳҫи пулса ӗҫленӗ. Пӗрле 57 ҫул пурӑннӑ, икӗ хӗр ҫитӗнтернӗ[3][4].

  • Хӗрӗ — Аксакова Татьяна Александровна, психолог, педагогика ӑслӑлахӗсен кандидачӗ, качча кайнӑ. Кӗрӳшӗ — Анатолий Геннадьевич Аксаков — Раҫҫей Федерацийӗн Патшалӑх Думин депутачӗ, Чӑваш Республикин Хисеплӗ гражданинӗ (2022)[5].
  • Хӗрӗ — Поздеева Надежда Александровна, врач-офтальмолог, медицина ӑслӑлӑхӗсен докторӗ, качча кайнӑ. Кӗрӳшӗ — Поздеев Вадим Михайлович, 2019 ҫулхи кӑрлач уйӑхӗнчен пуҫласа Раҫҫей Сывлӑх министерствин С. Н. Фёдоров академик ячӗллӗ "НМИЦ "МНТК «Микрохирургия глаза» Шупашкарти филиалӗнче йӗркелӳпе методика пайӗн пуҫлӑхӗ.

Хисепӗсем

Ӑнлантарусем

  1. ^ 1, 2 Петров Александр Петрович (выр.). Чувашская энциклопедия. Чувашский государственный институт гуманитарных наук. Пӑхнӑ кун: 2026 ҫулхи нарӑсӑн 25-мӗшӗ.
  2. ^ Звание «Почётный гражданин Чувашской Республики» присвоено Александру Петрову и Валерию Яковлеву (выр.). Официальный портал органов власти Чувашской Республики. Государственный Совет Чувашской Республики (25 ҫӗртмен 2020). Пӑхнӑ кун: 2026 ҫулхи нарӑсӑн 25-мӗшӗ.
  3. ^ Ф.Р-3040 Семейный фонд Петровых (выр.). Государственный исторический архив Чувашской Республики. Пӑхнӑ кун: 2026 ҫулхи нарӑсӑн 25-мӗшӗ.
  4. ^ Александр Петров: К высокой должности не стремился — Советская Чувашия (выр.). sovch.chuvashia.com. Пӑхнӑ кун: 2026 ҫулхи нарӑсӑн 25-мӗшӗ.
  5. ^ Анатолию Аксакову присвоено звание «Почётный гражданин Чувашской Республики» (выр.). https://spravedlivo.ru (24 ҫӗртмен 2022). Пӑхнӑ кун: 2026 ҫулхи нарӑсӑн 25-мӗшӗ.
  6. ^ Указ Главы Чувашской Республики от 04 октября 2018 года № 110 «О награждении орденом „За заслуги перед Чувашской Республикой“» // Официальный портал органов власти Чувашской Республики. — 2018. — 4 юпан.
  7. ^ Распоряжение Президента Российской Федерации от 29.12.2018 № 412-рп ∙ Официальное опубликование правовых актов (выр.). publication.pravo.gov.ru. Пӑхнӑ кун: 2026 ҫулхи нарӑсӑн 25-мӗшӗ.
  8. ^ Указ Президента Российской Федерации от 03.04.2023 № 234 ∙ Официальное опубликование правовых актов (выр.). publication.pravo.gov.ru. Пӑхнӑ кун: 2026 ҫулхи нарӑсӑн 25-мӗшӗ.
  9. ^ Глава Чувашии вручил депутату Верховного Совета Александру Петрову Орден Александра Невского (выр.). Официальный портал органов власти Чувашской Республики (25 ҫӑвӑн 2023). Пӑхнӑ кун: 2026 ҫулхи нарӑсӑн 25-мӗшӗ.

Вуламалли

  • Димитриев В. Д. Страницы немеркнущей славы // Советская Чувашия. 6 мая 1995 г.;
  • Димитриев В. Д. Дороги Чувашии. От бездорожья до современных автодорог: документы и материалы, воспоминания и статьи, фотографии о дорожном строительстве в Чувашии (1920—1997) // Отечественные архивы, 1999, № 6;
  • Димитриев В. Д. Дороги Чувашии увековечены в книге // Советская Чувашия, 3 апреля 1993 г.;
  • Димитриев В. Д. О чувашских кооператорах // Советская Чувашия, 17 октября 2000 г.
  • Петров, А. П. На стыке двух эпох : воспоминания / А. П. Петров; [послесл. Н. Максимова; худож. Г. С. Самсонова]. — Чебоксары : Чуваш. кн. изд-во, 2013. — 335 с., [23] л. ил.
  • Максимов, Н. Ҫӗр-шыв шӑпинчен уйрӑлми кун-ҫул : патшалӑх деятелӗ А. П. Петров 80 ҫул тултарнӑ май / Н. Максимов // Тӑван Атӑл. — 2013. — № 12. — С. 74-88 : сӑн ӳкерчӗк.
  • Петров, А. П. «Ҫуран ҫӳреттӗм — ҫынсем кӗтсе тӑратчӗҫ» : [Чӑваш Енри парти тата патшалӑх ӗҫченӗпе Александр Петрович Петровпа калаҫни / И. Клементьева ҫырса илнӗ ; В. Кузьмин сӑн ӳкерчӗкӗсем] // Хыпар. — 2018. — 30 чӳк/ноябрь. — С. 5 : сӑн ӳкерчӗксем.
  • Петров Александр Петрович // Муркашсем — ӑслӑлӑх ҫыннисем. — Шупашкар, 2001. — С. 94-96.
  • Сергеева, И. Икӗ ӗмӗр чиккинче : [Чӑваш Енри парти тата патшалӑх ӗҫченӗн Александр Петровӑн аса илӗвӗсен «На стыке двух эпох» кӗнекен хаклавӗ Чӑваш Республикин наци библиотекинче иртни ҫинчен] / И. Сергеева // Хыпар. — 2013. — 2 чӳк. — С. 16.
  • Жирнов, Н. Т. Петров Александр Петрович / Н. Т. Жирнов, В. Н. Жирнов // Ибресинский район / Н. Т. Жирнов, В. Н. Жирнов. — Чебоксары, 2004. — С. 125.
  • Зайцев, Г. Высокая оценка труда : [о гос. деятеле Чувашии Александре Петровиче Петрове] / Г. Зайцев // Республика. — 2019. — 16 янв. (№ 2). — С. 6 : ил.
  • Лосева, Е. Избиратели дают наказы / Е. Лосева // Советская Чувашия. — 1985. — 2 февр.
  • Награда — ветерану : [о награждении орденом «За заслуги перед Чуваш. Респ.» Александра Петровича Петрова] // Республика. — 2018. — 28 нояб. (№ 46). — С. 79 : фот.
  • Петров, А. П. Александр Петров: К высокой должности не стремился. Но от партийных поручений нельзя было отказываться / А. П. Петров; [записал Л. Никитин] // Советская Чувашия. — 2018. — 11 дек. — С. 5 : фот.
  • Петров, А. П. Александр Петров: «Мне в жизни удивительно везло на добрых людей» : (к 80-летию видн. гос. деятеля А. П. Петрова) / А. П. Петров; [беседовал Н. Максимов] // Республика. — 2013. — 11 дек. (№ 56). — С. 6-7 : фот.
  • Петров, А. П. Александр Петров: на стыке двух эпох : [беседа с первым секретарем Чуваш. обкома КПСС (1988—1990 гг.) / записала Э. Хмелева] // Республика. — 2018. — 12 дек. (№ 48). — С. 3 : фот.
  • Петров Александр Петрович // Краткая чувашская энциклопедия. — Чебоксары, 2001. — С. 320.
  • Петров Александр Петрович // Моргаушский район : краткая энцикл. — Чебоксары, 2002. — С. 108.
  • Петров Александр Петрович // Советская Чувашия. — 1988. — 26 окт.
  • Петров Александр Петрович // Энциклопедия Моргаушского района. — Чебоксары, 2020. — С. 320—321.
  • Станьял, В. Взгляд на пройденном, дума о будущем : [о кн. А. П. Петрова «На стыке двух эпох»] / В. Станьял // Справедливая Россия — Чувашия. — 2020. — Июнь (№ 8). — С. 8 : фот.
  • Станьял, В. Письмо в редакцию : [о кн. А. П. Петрова «На стыке двух эпох» (Чебоксары, 2013. — 335 с.)] / В. Станьял // Чувашский гуманитарный вестник. — 2015. — № 10. — С. 246—247.
  • Федоров, Ф. Ф. Петров Александр Петрович / Ф. Ф. Федоров // Чувашская энциклопедия. — Чебоксары, 2009. — Т. 3 : М-Се. — С. 407.

Каҫӑсем

Темӑпа ҫыхӑннисем

Категорисем