Шурчанов Валентин Сергеевич

«РУВИКИ» ирӗклӗ энциклопединчи материал
Валентин Сергеевич Шурчанов

Валентин Сергеевич Шурчанов (Патшалăх думин виççĕмĕш, пиллĕкĕмĕш тата улттăмĕш чĕнĕвĕсен депутачĕ,РФКП фракцин пайташĕ. Унчен «Правда» хасатăн тĕп редакторĕ пулса ĕçленĕ.

Биографи

1947 çулхи кăрлачăн 19=мĕшĕнче Чăваш АССР йышне кĕрекен Канаш районĕнчи Кивĕ Шелттем ялĕнче çуралнă. Ашшĕ шкулта вĕрентнĕ, амăшĕ колхозра вăйне хунă.

2020-мĕш çулта кăшăлвирус инфекцийĕпе вилнĕ (декабрĕн 18-мĕшĕ, 14 сехет те 40 минут).

Вĕренни тата ĕçе пикенни

Парти аслă шкулĕнче, 2005 çулта РФ Президенчĕ çумĕнчи Раççей патшалăх хĕсмечĕн академинче пĕлӳ илнĕ[1].

Шупашкарти мамăк-хут комбинатĕнче, Владивостокри «Горсвет» предприятинче электромонтёр вырăнĕнче ĕçленĕ, Владивостокскри «Отделстрой» трестĕнче механик-энергетик тивĕçне пурнăçланă. 1968 çултанпа — Канашри автодетальсен савутĕнче инженер вырăнĕнче ĕçленĕ. 1972 çултанпа — Чăваш патшалăх университетĕнче комсомол комитечĕн секретарĕ, партком секретарĕн çумĕ.

Политикăри тата пĕрлĕхри ĕçĕ-пуçĕ

Чăваш Енре

1975 çултанпа — Чăваш обкомĕн Калинин райкомĕн уйрăм ертӳçи, кайран каллех университетре партком секретарĕн çумĕ пулса тăнă. Каярахпа ССКП Чăваш обкомĕн пĕрремĕш секретарĕн инструкторĕ тата пулăшаканĕ.

1986 çултанпа — Чăваш АССР Çĕмĕрле хула комитечĕн секретарĕ. 1987 çултанпа — ССКП ТК парти ĕçне организацилекен уйрăмĕн инструкторĕ. 1988 çултанпа — ССКП Чăваш обкомĕн секретарь, кайран иккĕмĕш секретарĕ.

ССКП Тĕп контроль комиссин пайташĕ.

ССКП салатса ярсан 1991 çулта кĕркунне Атăл республикисен экономикăра пĕрле ĕçлемелли «Мăн Атăл» ассоциацин Чăваш Енри элчи пулса тăнă.

РСФСР Аслă Канашне салатса ярсан Б. Ельцинăн 1400 №-лĕ Хутайне тата çакăн хыççăн Канашсен Çуртне вăйпа ткртса илнĕшĕн сивленĕ.

1994 çулхи çĕртме уйăхĕнче Чӑваш Республикин Патшалӑх Канашӗн депутатне суйланă, тепĕртакран унăн председателĕ пулса тăнă.

1997 тата 2015 çулсенче Чăваш Республикин пуçлăхне суйланă компанисенче кĕрешнĕ, унта вăл «влаç партин» кандидачĕсен — Николай Фёдоровпа Михаил Игнатьевăн — тĕп тупăшуçи шутланнă. Экспертсем коммунист тапаçланнине шута илмен. 2015 çулхи авăн уйăхĕнче Шурчанов чăваш халăхне суйлакавçăсен ят-йышĕсене массăлла фальсификациленĕ пирки хыпарланă (суйлакан çынсен йышĕ республикăра пурăнакансенчен ытларах пулнă)[2].

2015 çулхи авăнăн 13-мĕшĕнче Чăваш Енĕн пуçлăхне суйлавĕнче виççĕмĕш вырăна тухнă (60 000 сасă пуçтарнă —12,76 %)[3].

Коммунистсен пичетĕнче

1998 çултанпа «Советская Россия» хаçатра Чăваш Енри корреспонденчĕ пулса ĕçленĕ.

«Правда» хаçатăн тĕп редакторĕ пулма лартнă, çак поста вăл 2009 çулхи пуш уйăхĕччен пурнăçланă.

Раççей Федерацин коммунистсен партинче

Çемье

Çемьере пурăнать, ывăла çитĕнтернĕ.

Çав. пекех

Каçăсем

Ӑнлантарусем

  1. ^ 1 тата 2 Шурчанов Валентин Сергеевич
  2. ^ КОЛИЧЕСТВО ИЗБИРАТЕЛЕЙ В РАЙОНАХ ЧУВАШИИ ПРЕВЫШАЕТ ЧИСЛЕННОСТЬ НАСЕЛЕНИЯ
  3. ^ В ЧУВАШИИ ОБРАБОТАЛИ 100 % ПРОТОКОЛОВ
с • т
«Правда» тĕп редакторĕсем
Н. И. Бухарин (1918—1929) • М. С. Ольминский • М. А. Савельев (1928—1930) • Л. З. Мехлис (1930—1937) • ? (1937—1940) • П. Н. Поспелов (1940—1949) • М. А. Суслов (1949—1950) • Л. Ф. Ильичёв (1951—1952) • Д. Т. Шепилов (1952—1956) • П. А. Сатюков (1956—1964) • А. М. Румянцев (1964—1965) • М. В. Зимянин (1965—1976) • В. Г. Афанасьев (1976—1989) • И. Т. Фролов (1989—1991)

ССКП чарнă хыççăнхи тĕп редакторĕсем

Г. Н. Селезнёв (1991—1993) • В. А. Линник (1993—1994) • А. А. Ильин (1994—2003) • В. Н. Никифорова (2003—2005, и. о.) • В. С. Шурчанов (2005—2009) • Б. О. Комоцкий (с 2009 года)
Çăлкуç — «https://cv.ruwiki.ru/w/index.php?title=Шурчанов_Валентин_Сергеевич&oldid=1441047»