Яковлев, Алексей Иванович
Ҫемьи
Ашшӗ — Яковлев Иван Яковлевич (1848—1930), чӑваш халахне ҫутта кӑлараканӗ, православи миссионерӗ, педагог, халӑх шкулӗсене йӗркелекенӗ, ҫӗнӗ чӑваш алфавитне тата чӑвашсем валли чӑваш тата вырӑс чӗлхисен учебникӗсене йӗркелекенӗ, ҫыравҫӑ, куҫаруҫӑ, фольклорист[2].
Амӑшӗ — Яковлева Екатерина Алексеевна (хӗр чухне — Бобровникова) (1861—1936), 1878—1922 ҫулсенче Чӗмпӗрти чӑваш шкулӗн хӗрарӑм уйрӑмӗн вӗрентекенӗ[3].
Арӑмӗ — Ольга Петровна Приклонская (1879—1966), хӗр чухне Померанцева.
Ачисем — Екатерина, Лидия, Алексей, Иван, Анна, Дмитрий, Ольга, Наталья.
Вӗренӗвӗ
Чӗмпӗрти классика гимназине (1896), Мускав университечӗн историпе филологи факультетне вӗренсе пӗтернӗ (1900; «вопрос о крепостных крестьянах в ”Комиссии по составлении нового устава“» хайланӑшӑн медаль илнӗ). В.О. Ключевскин вӗренекенӗ, университетра профессор ятне илме юлнӑ.
Вӗрентӳ ӗҫӗ
1906 ҫулхи ҫу уйӑхӗнчен — Мускав университечӗн приват-доценчӗ, Румянцев музейӗн (халӗ Раҫҫей патшалӑх вулавӑшӗ) библиотекарь пулӑшуҫи пулса ӗҫленӗ. 1916 ҫулта «Засечная черта Московского государства в XVII веке», 1917 — «Приказ сбора ратных людей» доктор диссертацийӗсене хӳтӗленӗ. Ун хыҫҫӑн Мускав университечӗн историпе филологи факультечӗн вырӑс истори кафедрин экстраординарлӑ (1918 ҫултан — ординарлӑ) профессорӗ пулса тӑнӑ.
1920 ҫулта ашшӗ ыйтнипе Алексей Иванович Чӗмпӗре ҫитнӗ, унта Чӑваш халӑх вӗрентӗвӗн институтӗнче (ЧувИНО) истори профессорӗ тата вӗренӳ пайӗн заведующийӗ вырӑнӗнче ӗҫленӗ. 1921 ҫулхи кӗркунне Чӗмпӗрти халӑх вӗрентӗвӗн практика институчӗн ректорӗ пулса тӑнӑ[4].
1922 ҫулхи кӗркунне Яковлевсем, ашшӗпе ывӑлӗ, Мускава таврӑннӑ, унта Алексей Иванович университетри Аслӑ литература курсӗсенче вӗрентме тытӑннӑ, тӗпчев ӗҫӗ ертсе пынӑ. 1922—1930 ҫулсенче — Раҫҫей обществӑллӑ ӑслӑлӑхсен наукӑпа тӗпчев институчӗсен ассоциацийӗн (РАНИОН) истори институчӗн пайташӗ. 1927-1929 — Мускав университечӗн этнологи факультечӗн профессорӗ. 1924—1930 — вӗренӳ пайӗн пуҫлӑхӗ, СССР ҪҪХПИ библиотекин директорӗ.
Арестленипе ссылка яни, Мускава таврӑнни
1930 ҫулхи ҫурла уйӑхӗнче С. Ф. Платоновпа Е. В. Тарле «академиксен заговорне» хутшӑннӑшӑн айӑпласа Минусинска ссылкӑна янӑ. Ссылкӑра Мартьянов музейӗн библиотекарь пулӑшуҫи пулса ӗҫленӗ. 1933 ҫулта суд айӑплавне пӑрахӑҫланӑ, Мускава тавӑрнӑ. Ссылкӑран таврӑнсан Наркомтяжпромӑн Картографи тресчӗ ҫумӗнчи Географи ячӗсен транскрипци бюровӗн заведующийӗнче ӗҫленӗ (1934-1937).
Ӑслӑлӑхпа тӗпчев ӗҫӗ-хӗлӗ
1938-1951 ҫулсенче СССР Ӑслӑлӑх Академийӗн Истори институчӗн аслӑ ӑслӑлӑх ӗҫченӗ, 1943-1951 — Мускав университечӗн истори факультечӗн профессорӗ пулнӑ. «Холопство и холопы в Московском государстве в XVII веке» кӗнекешӗн, 1943 ҫулта, 1942 ҫулшӑн 2-мӗш степеньлӗ Сталин премине тивӗҫнӗ. Ҫак премие — 100 пин тенке — А. И. Яковлев Тӑван Ҫӗршывӑн Аслӑ вӑрҫинче пуҫ хунӑ салтаксен тӑлӑха юлнӑ ачисем валли Чӑваш Енре (Сӗнтӗрвӑрри) тата Мордовире (Атяшево районӗ) икӗ приют йӗркелеме панӑ.
А. И. Яковлевӑн тӗп ӗҫӗсене XVII ӗмӗрти Раҫҫейри социаллӑ пурнӑҫпа экономикӑна, ҫарпа политика историне тата общество шухӑшне халалланӑ. Тӑван Ҫӗршыв историйӗпе ҫыхӑннӑ ҫӑлкуҫсен публикацисен авторӗ.
Ӗҫӗсем
- Яковлев А. И. Наместничьи, губные и земские уставные грамоты Московского государства. — 1909.
- Яковлев А. И. Русская правда. — 1914.
- Яковлев А. И. Засечная черта Московского государства в XVII в. — М., 1916. — 321 с.
- Яковлев А. И. Счетное дело Приказа сбора ратных людей 149—153 /1640—1645 гг. — М., 1916. — 114 с.
- Яковлев А. И. Памятники социально-экономической истории Московского государства XIV—XVII вв. — 1929.
- Яковлев А. И. Новгородские записные кабальные книги. — 1938.
- Яковлев А. И. Акты хозяйства боярина Морозова. Часть 1. — 1940.
- Яковлев А. И. Акты хозяйства боярина Морозова. Часть 2. — 1945.
- Яковлев А. И. Холопство и холопы в Московском государстве XVII в. По архивным документам холопьего и посольского приказов, оружейной палаты и разряда. — Том 1[5]. — М., 1943. — 562 с.
Хисепӗсем
- Ӗҫлӗх Хӗрлӗ Ялав орденӗ (10.06.1945);
- Иккӗмӗш степеньлӗ Сталин премийӗ (1943) – 1942 ҫулта вӗҫленӗ «Холопство и холопы в Московском государстве в XVII в.» ӑслӑлӑх ӗҫӗшӗн.
Ӑнлантарусем
- ^ 1, 2 Яковлев Алексей Иванович // Большая советская энциклопедия (выр.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
- ^ Яковлев Алексей Иванович // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969.
- ^ Краснов Н. Г. Яковлева Екатерина Алексеевна. — Статья в электронной чувашской энциклопедии.
- ^ Ульяновскра педагогика институтне уҫнин историйӗ.
- ^ Урӑх томсем тухман.
Вуламалли
- А. И. Яковлев [Некролог] // Вопросы истории. — 1951. — № 9.
- Тихонов В. В. Московские историки первой половины XX века: Научное творчество Ю.В. Готье, С.Б. Веселовского, А.И. Яковлева, С.В. Бахрушина / В. В. Тихонов; Рецензенты: д.и.н. В.А. Шестаков, д.и.н. В.И. Дурновцев; Институт российской истории РАН. — М., 2012. — 390 с. — 300 экз.
- Волков В. А., Куликова М. В., Логинов В. С. Московские профессора XVIII — начала XX веков. Гуманитарные и общественные науки. — М.: Янус-К; Московские учебники и картолитография, 2006. — С. 288—289. — 300 с. — 2000 экз. — ISBN 5-8037-0164-5.
- Краснов Н. Г. Иван Яковлев и его потомки. Чебоксары, 1998.
Каҫӑсем
- Яковлев Алексей Иванович — статья из Большой советской энциклопедии.
- Профиль Алексея Ивановича Яковлева на официальном сайте РАН
- Краткая биография
- Статья в «Чувашской энциклопедии»
- Яковлев Алексей Иванович. Летопись Московского университета.
- Историческая справка на сайте Архива РАН
- Тихонов В. В. Археография в научном наследии А. И. Яковлева
- Тихонов В. В. «В истории так мало незыблемых истин…» (К 130-летию со дня рождения А. И. Яковлева)
- Тихонов В. В. Об одной тенденции развития отечественной историографии в начале XX в.: историко-антропологические работы А. И. Яковлева и С. В. Бахрушина
- А. И. Яковлев как историограф. Статья в журнале "Русская история".