Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Баранов Роберт Петрович

Disambig gray.svg Баранов хушаматлă урăх çынсем çинчен РУВИКИ-ре статьясем пур.

Баранов Роберт Петрович (ҫур. 1975 ҫулхи пушӑн 20-мӗшӗ, Елчĕк) — Раҫҫей ҫар ӗҫченӗ, Раҫҫей Федерацин Хӗҫпӑшаллӑ вӑйӗсен Тӗп штабӗн Тӗп шутлав центрӗн пуҫлӑхӗ (2016 ҫултанпа). Ҫар инженер-ӑсчахӗ, ҫар ӑслӑхӗсен докторӗ (2011 ҫултанпа), техника ӑслӑлӑхӗсен кандидачӗ, Раҫҫей Федерацийӗн Хӗҫпӑшаллӑ вӑйӗсен Тӗп штабӗн ҫар академийӗн доценчӗ. Раҫҫей Федерацийӗн Хӗҫпӑшаллӑ вӑйӗсен генерал-майорӗ (2021 ҫултанпа)[1].

Раҫҫейӗн Сирири ҫар операцине, Украинӑри ятарлӑ ҫар операцине хутшӑннӑ.

Пурнӑҫӗпе ӗҫӗ-хӗлӗ

1975 ҫулхи пуш уйӑхӗн 20-мӗшӗнче Чӑваш АССРӗн Елчӗк районӗнчи Елчӗк ялӗнче чӑваш ҫемйинче ҫуралнӑ.1992 ҫулта Чӑваш Республикинчи Елчӗк вӑтам шкулне вӗренсе пӗтернӗ. Роберт Барановӑн класс ертӳҫи каланӑ тӑрӑх «вӑл пӗрремӗш класранпах математика урокӗсене кӑмӑлланӑ, ытти вӗренекенсем шутлайман задачӑсен тупсӑмӗсене хӑвӑрт тупма пултарнӑ»[2].

1992 ҫулта М. И. Калинин ячӗллӗ Санкт-Петербург ҫар артиллери академине(выр.)чăв. вӗренме кӗнӗ, ӑна вӗҫлесе 1997 ҫулта ҫар инженерӗн дипломне илнӗ. 2002 ҫулта кандидат диссертацине хӳтӗленӗ, 2007 ҫулта доцент пулса тӑнӑ, 2011 ҫулта доктор диссертацине хӳтӗленӗ, ҫав ҫулах ӑна полковник ятне панӑ.

Раҫҫейӗн Сирири ҫар операцине(выр.)чăв. хутшӑннӑ; ӑна «Сирири ҫар операцине хутшӑнакана» медальпе чысланӑ.

2016 ҫултанпа Раҫҫей Федерацийӗн Хӗҫпӑшаллӑ вӑйӗсен Тӗп штабӗнче (Мускав хулин 55060-мӗш ҫар чаҫӗ; Знаменка урамӗ, 19) хӗсметре тӑрать. 2020 ҫулта Раҫҫей Федерацийӗн Хӗҫпӑшаллӑ вӑйӗсен Тӗп штабӗн ҫар академийӗ(выр.)чăв. ҫар ӑслӑлӑхӗсен докторӗ Р. П. Баранов хутшӑннипе вӗренӳ процесне икӗ ҫӗнӗ дисциплина кӗртнӗ — «Информаци технологийӗсем» тата «Электронлӑ вӗрентӳ тата информаци ресурсӗсем», практика занятийӗсене Тӗп шутлав никӗсӗ ҫинче ирттереҫҫӗ[3].

2019 ҫулхи ҫу уйӑхӗн 23-24-мӗшӗсенче «Патриот» конгреспа курав центрӗнче ведомствӑсен хушшинчи «Раҫҫей Федерацийӗнчи хӳтӗлевпе хӑрушсӑрлӑха тивӗҫтерес тӗлӗшпе информаци технологийӗсен сферинчи чи лайӑх проект» конкурсӑн финалӗ иртнӗ, «Раҫҫей Федерацийӗнчи хӳтӗлевпе хӑрушсӑрлӑх интересӗсемшӗн информаци технологийӗсен сферинче чи лайӑх коллективлӑ проект» номинацире Раҫҫей Федерацин Хӗҫпӑшаллӑ вӑйӗсен Тӗп штабӗн Тӗп шутлав центрӗнче(выр.)чăв. ӗҫлекен авторсен ушкӑнӗ (Баранов Р. П. полковник, Куксин К. Г. подполковник, Русских Д. С. капитан) ҫӗнтернӗ (I вырӑн)[4].

2020 ҫулхи ҫурлан 14-мӗшӗнче Раҫҫей Федерацийӗн Хӗҫпӑшаллӑ вӑйсен Тӗпй штабӗн пуҫлахӗ Валерий Герасимов арми генералӗ Роберт Баранов полковника Раҫҫей Федерацийӗн Хӗҫпӑшаллӑ Вӑйӗсен Тӗп шутлав центрӗн ҫар ялавне панӑ[5].

2021 ҫулта Раҫҫей Федерацийӗн Президенчӗ В. В. Путин Р. П. Баранова генерал-майор звани панӑ[6].

Ӑслӑлӑх ӗҫӗсемпе патентсен авторӗ; Раҫҫей Федерацийӗн Хӳтӗлев министерствин «Вӑрҫӑ шухӑшлавӗ» ҫарпа теори журналӗнче ӑслӑлӑх ӗҫӗсем пичетлет.

2022 ҫултанпа ун тӗлӗшпе Евросоюз, Аслӑ Британи, АПШ, Канада, Австрали, Япони, Ҫӗнӗ Зеланди тата Швейцари ҫӗршывӗсем санкцисем йышӑннӑ.

Ҫемье тата харпӑр пурнӑҫ

Авланнӑ; пӗр ача (2019) ҫитӗнтерет.

Роберт Петрович Барановӑн пӗртӑванӗ — Александр — ҫар ҫынни, полковник званийӗпе отставкӑна кайнӑ. Иккӗмӗш сыпӑкри тӑванӗн ывӑлӗсем – Михаилпа Сергей Барановсем – офицерсем; Мускаври тата Ӗпхӳри ҫар чаҫӗсенче хӗсметре тӑраҫҫӗ[7].

Роберт Баранов — православи тӗнне ӗненекенскер; Раҫҫей ҫамрӑкӗсене патриотла воспитани парас ӗҫе хутшӑнать. Вӑл йыхравланипе Чӑваш Республикинчи Елчӗк шкулӗн юнармеецсен юхӑмӗн хастарӗсем 2022 ҫулхи пуш уйӑхӗнче Мускаври «Патриот» ҫарпа патриотизм паркне(выр.)чăв., Раҫҫей Федерацийӗн Хӗҫпӑшаллӑ вӑйӗсен Тӗп храмне(выр.)чăв. тата ытти чылай паллӑ вырӑна ҫитсе курнӑ[8]. Ҫавӑн пекех Мускав облаҫӗнчи Люберцы районӗнчи Малаховка посёлокӗн 48-мӗш шкула шефа илнӗ.

Автолюбитель; Volvo XC90 (2019) машинӑпа ҫӳрет. Мускавра пурӑнать.

Хисепӗсем

  • «Тӑван Ҫӗршыв умӗнчи тава тивӗҫлӗ ӗҫсемшӗн» орден медалӗн I степенӗ;
  • «Ҫапӑҫура палӑрнӑшӑн» медаль (Раҫҫей Федерацийӗн Хӳтӗлев министерствин аслӑ чыславӗ);
  • «Ҫар хӗсметӗнче палӑрнӑшӑн» медалӗн I степенӗ (Раҫҫей Федерацийӗн Хӳтӗлев министерствин чыславӗ);
  • «Ҫар хӗсметӗнче палӑрнӑшӑн» медалӗн II степенӗ (Раҫҫей Федерацийӗн Хӳтӗлев министерствин чыславӗ);
  • «Ҫар хӗсметӗнче палӑрнӑшӑн» медалӗн III степенӗ (Раҫҫей Федерацийӗн Хӳтӗлев министерствин чыславӗ);
  • «Сирири ҫар операцине хутшӑнакана» медаль (Раҫҫей Федерацин Хӳтӗлев министерствин чыславӗ);
  • «Инноваци технологийӗсене аталантарас енӗпе ҫитӗнӳсем тунӑшӑн» медаль (Раҫҫей Федерацийӗн Хӳтӗлев министерствин чыславӗ);
  • Типҫӗр ҫарӗсен ҫар ҫыннисен «Тивӗҫсемшӗн» палли (Раҫҫей Федерацин Хӳтӗлев министерствин чыславӗ);
  • «Сывлӑш ҫар вӑйӗсем 100 ҫулта» медаль (Раҫҫей Федерацин Хӳтӗлев министерствин чыславӗ);
  • «Информацие хӳтӗлемелли патшалӑх тытӑмне ҫирӗплетнӗшӗн» медалӗн II степенӗ (Федерацин техника тата экспорт тӗрӗслевӗ енӗпе ӗҫлекен службин чыславӗ);
  • «Тинӗс ҫарӗн тӗп парадне хутшӑннӑшӑн» медаль (Раҫҫей Федерацийӗн Хӳтӗлев министерствин чыславӗ);
  • Раҫҫей Федерацин Хӗҫпӑшаллӑ вӑйӗсен Тӗп штабӗн офицерӗсен уйрӑмлӑх палли;
  • «Елчӗк районӗ 95 ҫулта» астӑвӑм медалӗ (2022).

Ӗҫӗсем

  • Баранов Р. П., Алексеев П. Н. Новая парадигма управления войсками (силами) // Военная мысль, № 5, 2021;
  • Баранов Р. П., Капшук Е. Г., Соколик Н. В. Территориально-распределенный центр обработки данных: современные технологии на службе Вооруженных Сил Российской Федерации // Военная мысль, № 10, 2022;
  • Баранов Р. П., Эльяс В. П., Маричев М. О., Цилько Е. С., Лобанов И. Г. Подходы к оценке информационной обстановки в Соединенных Штатах Америки // Информационные войны, № 4, 2020;
  • Баранов Р. П., Чварков С. В., Антонович П. И. Роль и место аналитической деятельности при принятии военнополитических решений // Будущее аналитики: от азбучных истин к системе аналитических центров. — М.: Научный эксперт, 2013.

Ӑнлантарусем

  1. ^ Дарья Кошкина. Уроженец Яльчикского района попал под санкции Великобритании (выр.). Портал ProГород (3 кӑрлачӑн 2023). Пӑхнӑ кун: 2025 ҫулхи авӑнӑн 30-мӗшӗ.
  2. ^ Елена Петрова. Генерал — тăван шкулĕнче. Елчек ен (10 ҫӗртмен 2022). Пӑхнӑ кун: 2025 ҫулхи авӑнӑн 30-мӗшӗ.
  3. ^ Академия Генштаба ВС РФ расширила список преподаваемых предметов ИА Красная Весна Читайте материал целиком по ссылке: https://rossaprimavera.ru/news/8a455162 (выр.). ИА «Красная весна» (29 раштавӑн 2020). Пӑхнӑ кун: 2025 ҫулхи авӑнӑн 30-мӗшӗ.
  4. ^ Определены победители конкурса «Лучший проект в сфере информационных технологий в интересах обеспечения обороны и безопасности РФ» (выр.). Департамент информации и массовых коммуникаций Министерства обороны Российской Федерации (31 ҫӑвӑн 2019). Пӑхнӑ кун: 2025 ҫулхи авӑнӑн 30-мӗшӗ.
  5. ^ Александр Тихонов. Обретение символа чести, доблести, славы (выр.). «Красная Звезда» (17 ҫурлан 2020). Пӑхнӑ кун: 2025 ҫулхи авӑнӑн 30-мӗшӗ.
  6. ^ Владимир Путин присвоил звание генерал-полковника замглавы Минобороны РФ Юнус-Беку Евкурову (выр.). Аргументы Недели (8 раштавӑн 2021). Пӑхнӑ кун: 2025 ҫулхи авӑнӑн 30-мӗшӗ.
  7. ^ Наш земляк - генерал-майор (выр.). Официальный портал органов власти Чувашской Республики. Яльчикский муниципальный округ (9 раштавӑн 2021). Пӑхнӑ кун: 2025 ҫулхи авӑнӑн 30-мӗшӗ.
  8. ^ По приглашению начальника Главного вычислительного центра Вооруженных Сил РФ генерал-майора Баранова Роберта Петровича активистам юнармейского движения МБОУ «Яльчикская СОШ» выпала честь побывать с 23 по 24 марта 2022г. в Москве. (выр.). Военный комиссариат Чувашской Республики (4 акан 2022). Пӑхнӑ кун: 2025 ҫулхи авӑнӑн 30-мӗшӗ.

Каҫӑсем

Категорисем