Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Михайлов Юрий Сергеевич

Disambig gray.svg Михайлов хушаматлă урăх çынсем çинчен РУВИКИ-ре статьясем пур.
Disambig gray.svg Михайлов Юрий хушаматлă урăх çынсем çинчен РУВИКИ-ре статьясем пур.

Михайлов Юрий Сергеевич (ҫур. 1959 ҫулхи раштавӑн 25-мӗшӗ, Аслă Çĕрпӳел, Чăваш Автономиллĕ Социализмлă Совет Республики) — журналист, Раҫҫей Журналистсен союзӗн пайташӗ (1993), Чӑваш Республикин тава тивӗҫлӗ культура ӗҫченӗ.

Пурнӑҫӗпе ӗҫӗ-хӗлӗ

1959 ҫулхи раштав уйӑхӗн 25-мӗшӗнче Чӑваш АССРӗн Комсомольски районӗнчи Аслӑ Ҫӗрпӳел ялӗнче ҫуралнӑ. Комсомольски районӗнчи Кӗҫӗн Ҫӗрпӳел вӑтам шкулне (1977), Куйбышеври (халӗ — Самар) 39-мӗш профтехучилищӗне вӗренсе пӗтернӗ. Ӗҫ биографине тӑван ялти «Хӗрлӗ Октябрь» колхозра пуҫланӑ, унтан Шупашкарта бетонщик, ҫул юсакан, штукатур-маляр пулса вӑй хунӑ. 1980—1982 ҫулсенче Совет Ҫарӗнче хӗсметре пулнӑ. 1986 ҫулта И. Н. Ульянов ячӗллӗ Чӑваш патшалӑх университечӗн историпе филологи факультетне вӗренсе пӗтернӗ. 1986 ҫултанпа — журналистикӑра:

  • 1986— 1991 ҫулсенче — Комсомольски районӗн «Октябрь ялавӗ» хаҫачӗн корреспонденчӗ,
  • 1991—2001 ҫулсенче — «Хыпар» хаҫатӑн хроника тата обществӑпа политика пайӗсен корреспонденчӗ,
  • 2001—2005 ҫулсенче — «Капкӑн» журналӑн тӗп редакторӗ[1],
  • 2005—2006 ҫулсенче — Чӑваш Республикин «Хресчен сасси» патшалӑх унитарлӑ предприятин реклама менеджерӗ,
  • 2006—2009 ҫулсенче — Шупашкар районӗн «Тӑван ен» хаҫачӗн корреспонденчӗ,
  • 2009—2014 ҫулсенче — «Хыпар» хаҫатӑн экономика пайӗн корреспонденчӗ,
  • 2014—2017 ҫулсенче — «Хыпар» хаҫатӑн экономика пайӗн редакторӗ,
  • 2017 ҫултан вара — «Хыпар» хаҫатӑн политика, вырăнти хӑй тытӑмлӑх тата экономика пайӗн тишкерӳҫи.

2025 ҫулта «Хыпар» Издательство ҫурчӗн «Хресчен сасси» хаҫатӑн тӗп редакторне лартнӑ[2].

Хисепӗсем

  • ВЛКСМ Тӗп Комитечӗн «Пилӗкҫуллӑх гвардеецӗ» кӗмӗл палли (1984);
  • ВЛКСМ Тӗп Комитечӗн «Пилӗкҫуллӑх гвардеецӗ» ылтӑн палли (1985);
  • Раҫҫейри Никама пӑхӑнман профсоюзсен федерацийӗн Хисеп хучӗ (1996);
  • Чӑваш Республикин Пичет тата информатика политикин министерствин Хисеп хучӗ (2003);
  • Чӑваш Республикин Ҫутҫанталӑк ресурсӗсен тата экологи министерствин «Упрас тата хушас» конкурсӗн ҫӗнтерӳҫи[3] (2011);
  • Чӑваш Республикин Журналистсен союзӗн Леонид Ильин ячӗллӗ премийӗн лауреачӗ[4] (2013);
  • Чӑваш Республикин Журналистсен союзӗн Ҫемен Элкер ячӗллӗ премийӗн лауреачӗ[5] (2018);
  • Чӑваш Республикин тава тивӗҫлӗ культура ӗҫченӗ[6] (2020).

Вуламалли

  • Автор и руководитель проекта В. П. Комиссаров. Энциклопедия чувашской журналистики и печати. — Региональная общественная организация «Союз журналистов Чувашской Республики», 2014. — Т. 1. — С. 272. — 559 с. — ISBN 978-5-7670-2156-7.

Ӑнлантарусем

  1. ^ У сатирического журнала "Капкан" - новый редактор (выр.). Официальный портал органов власти Чувашской Республики (2 нарӑсӑн 2001). Пӑхнӑ кун: 2025 ҫулхи авӑнӑн 25-мӗшӗ.
  2. ^ Структура (выр.). Издательский дом «Хыпар». Пӑхнӑ кун: 2025 ҫулхи авӑнӑн 25-мӗшӗ.
  3. ^ Подведены итоги конкурса среди средств массовой информации и журналистов «Сберечь и приумножить» (выр.). https://cheboksari.bezformata.com (30 чӳкӗн 2011). Пӑхнӑ кун: 2025 ҫулхи авӑнӑн 25-мӗшӗ.
  4. ^ Названы лауреаты премии Л. Ильина (выр.). Газета «Знамя труда» (18 кӑрлачӑн 2014). Пӑхнӑ кун: 2025 ҫулхи авӑнӑн 25-мӗшӗ.
  5. ^ Журналистская премия им. С. Эльгера присуждена корреспонденту газеты «Хыпар» Юрию Михайлову (выр.). Издательский дом «Грани» (23 кӑрлачӑн 2019). Пӑхнӑ кун: 2025 ҫулхи авӑнӑн 25-мӗшӗ.
  6. ^ Обозревателю газеты «Хыпар» присвоено звание «Заслуженный работник культуры Чувашской Республики» (выр.). официальный портал органов власти Чувашской Республики. Министерство цифрового развития, информационной политики и массовых коммуникаций Чувашской Республики (2 утӑн 2020). Пӑхнӑ кун: 2025 ҫулхи авӑнӑн 25-мӗшӗ.

Каҫӑсем

Темӑпа ҫыхӑннисем

Категорисем