Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Почалкина Ольга Михайловна

Почалкина Ольга Михайловна (1974 ҫулхи ҫӑвӑн 8-мӗшӗ, Пӑлапуҫ Нурӑс, Патăрьел районĕ, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР — 2015 ҫулхи авӑнӑн 28-мӗшӗ, Шупашкар, Чӑваш Республики — Чӑваш Ен, Раҫҫей Федерацийӗ) — вырăс тата чăваш театр актриси, Чăваш Республикин тава тивĕçлĕ артисчĕ. Вăл Шупашкар хулинчи М. Сеспель ячĕллĕ Чăваш çамрăкĕсен театрĕнче ĕçленĕ.

Кун-çулĕ

Почалкина Ольга Михайловна 1974 çулхи ҫӑвăн 8-мĕшĕнче Чăваш Республикин Патăрьел районĕнчи Пăлапуç Нурăс ялĕнче çуралнă. Ашшĕ-амăшĕ колхозра выльăх-чĕрлĕх ĕрчетсе ĕçленĕ[1]. Ачалăхĕ тăван ялĕнче иртнĕ.

Шкулта вĕреннĕ чухнех вăл хăйĕн пултарулăхне кăтартнă, ялти клуб сцени çинче спектакльсене хутшăннă[1]. Вăтам пĕлӳ илнĕ хыççăн Санкт-Петербург хулине кайса Патшалăх театр искусствин академийĕнче(выр.)чăв. (халĕ РГИСИ) вĕреннĕ. Унăн ăсти Раççей искусствин тава тивĕçлĕ ĕçченĕ, профессор Николай Наумов пулнă[2].

1996 çулта вĕренсе тухсан вăл Шупашкар хулинчи М. Сеспель ячĕллĕ Чăваш çамрăкĕсен театрĕнче ĕçлеме пуçланă. Çак театрта вăл пур ĕç кунĕнче 19 сезон хушшинче 60 яхăн роль вылянă[2][1].

2015 çулхи авӑнӑн 28-мĕшĕнче чылай вахӑт чирленĕ хыççăн Ольга Почалкина вилнĕ. Ăна тăван ялĕнчи Пăлапуç Нурăс чиркӳ çăвинче пытарнă[1][3].

Пултарулăхĕ

Ольга Почалкина театрта травести амплуапа палăрса тăнă, çав вăхăтра ку амплуа ҫамрӑксен театрĕсенче сахал тĕл пулнă. Вăл ачасен ролĕсене лайăх вылянă, çав шутра[2]:

  • Золушка — «Золушка» юмахĕпе;
  • Цыпленок — «Золотой цыпленок»;
  • Малыш — «Малыш и Карлсон»;
  • Пюрнеске — «Пюрнеске и его друзья»;
  • Петя — «Когда поют светофоры»;
  • Пингвин — «У ковчега в восемь»;
  • Олеш — «Горе с запахом ромашки»;

Вăл классика, хальхи тата наци репертуарĕнчи спектакльсенче те нумай роль вылянă. Хăшпĕр паллă ролĕсем[2][3]:

  • Дина — «Кӳршĕ хĕрĕ»;
  • Соня — «Ваня кукка» (А. П. Чеховăн «Дядя Ваня» пьесипе);
  • Варвара — «Аслати» (А. Н. Островскин «Гроза» пьесипе);
  • Любовь — «Ромео и Джульетта»;
  • Кукшина — «Отцы и дети» (И. С. Тургенев романĕпе);
  • Маруся — «Чăн телей юратура»;
  • Шут — «Лир патша» (У. Шекспирăн «Король Лир» трагедийĕпе);
  • Зоя — «Покажите мне весну» (В. М. Шукшин хайлавĕсемпе). Ку роль актрисăн юлашки ĕçĕ пулнă.

Чыславсемпе парнесем

  • Чăваш Республикин тава тивĕçлĕ артисчĕ (2009)[2][3][4].
  • 2009 çулта Мускав хулинче иртнĕ Пĕтĕм Раççейри «Сказочный мир» фестивалӗнче «Золотой цыпленок» спектакльти Чӑх чӗппи ролĕшĕн «Чи лайăх хĕрарăм ролĕ» номинацире çĕнтернĕ[1][5][6].

Кил-йышĕ

  • Упăшки — Владимир Манешев, сасă режиссёрĕ. 2000 çулта пĕрлешнĕ.
  • Ывăлĕ — Роман (2015 çулта 13 çулта пулнă).

Астӑвӑм

  • 2022 çулхи юпан 5-мĕшĕнче, ĕçленĕ театрĕнче унăн асăну каçне ирттернĕ[2].

Ӑнлантарусем

  1. ^ 1, 2, 3, 4, 5 Почалкина Ольга Михайловна. Газета «Республика» (18 раштавӑн 2015). Пӑхнӑ кун: 2026 ҫулхи утӑн 9-мӗшӗ.
  2. ^ 1, 2, 3, 4, 5, 6 Приглашаем на вечер памяти заслуженной артистки Чувашии Ольги Почалкиной. Чувашский государственный театр юного зрителя им. М. Сеспеля (28 авӑнӑн 2022). Пӑхнӑ кун: 2026 ҫулхи утӑн 9-мӗшӗ.
  3. ^ 1, 2, 3 Чăваш Республикин тава тивĕçлĕ артисткине Ольга Почалкинăна асăнса. Хыпар (29 авӑнӑн 2015). Пӑхнӑ кун: 2026 ҫулхи утӑн 9-мӗшӗ.
  4. ^ С наградой! Советская Чувашия (18 ҫӗртмен 2009). Пӑхнӑ кун: 2026 ҫулхи утӑн 9-мӗшӗ.
  5. ^ ТЮЗовский «Золотой цыпленок» - на сцене Московского театра кукол. Хыпар (30 ҫӑвӑн 2017). Пӑхнӑ кун: 2026 ҫулхи утӑн 9-мӗшӗ.
  6. ^ Чувашский ТЮЗ имени М.Сеспеля приглашен на Всероссийский фестиваль-форум. Советская Чувашия (26 ҫӑвӑн 2017). Пӑхнӑ кун: 2026 ҫулхи утӑн 9-мӗшӗ.

Вуламалли

  • Почалкина, Ольга Михайловна (Чăваш Республикин тава тивĕçлĕ артистки). "Ниме пӑхмасӑр пурӑнмалла!" : [Ҫамрӑксен театрӗн артисткинчен Ольга Михайловна Почалкинӑран илнӗ интервью] / Ольга Почалкина ; [калаҫаканӗ] Ольга Австрийская // Самант. - 2012. - № 12. - С. 19
  • Распоряжение Главы Чувашской Республики [от 10 октября 2015 года № 481-рг] // Вести Чувашии. - 2015. — 17 октября (№ 40). - С. 1.
  • День памяти артистки театра (вырăсла). — Патăрьел районĕн "Авангард" хаçачĕ, 30, сентябрь, 2016.
  • Платонова, Ульяна, ученица группы ГС-11 Чебоксарского кооперативного техникума. Памяти прекрасной актрисы... — Газета Республика, сайт (Чебоксары), 17.12.2015 15:34, Последнее изменение Четверг, 17 Декабрь 2015 19:58
  • Театральная энциклопедия. Том 6/Глав. ред. П. А. Марков - М.: Советская энциклопедия, 1967. - 1136 стб. с илл., 8 л. илл.

Каçăсем

Категорисем