Ямпулат (Тури Услон районĕ)

1904-мĕш çулта хальхи Чăваш Республикин Вӑрмар районӗнчи Ямпулат ялĕ çыннисем ялĕпех Крестниково вырăс ялĕ çумне куçса кайнă ^[1]

Хальхи вăхăтра хайхи Вăрмар районĕнче "Ямпулат" текен ял чăнах та çук. Анчах та кÿршĕлле Тӑвай районӗнче Анаткас Тушкил (вырăсла — "Ямбулатово") пур. Вăл пĕр вăхăт Вăрмар районĕнче шутланнă. Çавна май кунта çăлкуçсене çĕнĕрен тĕпчес шухăш та çуралать.

1920-мĕш çулччен Хусан кĕпернин Сĕве уесĕн Иваново вулăсне кенĕ, 1920-мĕш çултан ТАССР Сĕве кантонне кĕрет. 14.2.1927 хыççăн Теньково районне, 20.10.1931 хыççăн Тури Услон районне, 10.2.1935 хыççăн Теньково районне, 16.7.1958 Тури Услон районне, 1.2.1963 хыççан Зеленодольск районне, 12.1.1965 хыççăн Тури Услон районне кĕрет.^[2]

Пурăнан халăх 2002 мĕш çулхи çыравпа вырăссем - 61%, чăвашсем - 37%.

Халăх шучĕ: 1908 - 173, 1920 - 161, 1938 - 170, 1949 - 122, 1958 - 131, 1970 - 135, 1979 - 151, 1989 - 154, 2002 - 129 çын.

Çапла вара хальхи вăхăтра ялта ытларах чăвашсем мар, вырăссем пурăннă пек пулса тухать. Мĕнпе çыхăннă-ха ку? Чăн малтанах юнашарти Крестниково вырăс ялне Ямпулатпа пĕрлештернине асăнмалла. Çапла вара паянхи кун çав Крестниково вырăсĕсем те Ямпулат çыннисем пекех шутланса тăраççĕ.

• Коновалов Семён Васильевич - Совет Союзӗн Паттӑрӗ, "Несокрушимый" кинофильмри тĕп персонажăн прототипĕ.
• Укатеров Григорий Николаевич (22.04.1922 çур.)^[3]
• Укадеров Григорий Николаевич (1915 çур.)
• Укадеров Илья Кондратевич (1913 çур.)
• Укадерова Елиферия Николаевна (1926 çур.)^[4]
• Укадеров Валерий Григорьевич — фермер^[5]