Shaman

«РУВИКИ» ирӗклӗ энциклопединчи материал
Тӗрӗслесе тухнӑ статья
Disambig gray.svg Ку терминӑн ытти пӗлтерӗшсем те пур, Shaman (пӗлтерӗшсем) пăхăр.
Ҫын пирки
Shaman
Союз Чемпионов (220416) - SHAMAN (2) (cropped).jpg
Çуралнă чухнехи ят выр. Ярослав Юрьевич Дронов
Çуралнă вăхăт 1991 ҫулхи чӳкӗн 22-мӗшӗ(1991-11-22) (33 ҫулта)
Çуралнă вырăн
Гражданлăх
Сайт shamanofficial.ru(выр.)
Логотип РУВИКИ.Медиа РУВИКИ.Медиа ҫинчи материалсем

Shaman (чӑн ячӗ — Ярослав Юрьевич Дронов; 1991 ҫулхи чӳкӗн 22-мӗшӗ, Новомосковск, Тула облаҫӗ, СССР) — Раҫҫей юрӑҫи, композиторӗ, «Я русский», «Встанем», «Мой бой», «Моя Россия» тата ытти хитсен авторӗ тата вӗсене юрлаканӗ[1]. Раҫҫей Федерацин тава тивӗҫлӗ артисчӗ[2].

ВЦИОМ ирттернӗ ыйтӑм тӑрӑх, Shaman 2023 ҫулта Раҫҫейре чи паллӑ юрӑҫ пулса тӑнӑ[3].

2024 ҫулхи Раҫҫей Федерацийӗн президент суйлавӗнче Владимир Путин кандидатӑн шаннӑ ҫынни пулнӑ[4].

Кун-ҫулӗ

[тӳрлет | кодне тӳрлет]

Ачалӑхпа яшлӑхӗ[тӳрлет | кодне тӳрлет]

Ярослав Юрьевич Дронов 1991 ҫулхи чӳкӗн 22-мӗшӗнче Тула облаҫӗнчи Новомосковск хулинче ҫуралнӑ[5]. Унӑн ашшӗ — профессиллӗ мусӑкҫӑ. Ача тӑватӑ ҫулта чухнех юрлас кӑмӑлӗ пулнине, унӑн вокал енчен пултарулӑх пуррине асӑрхасан ашшӗ-амӑшӗ ӑна вокал ансамбльне илсе кайнӑ[6].

Вӑтам шкултан вӗренсе тухсан Ярослав Дронов М. И. Глинка ячӗллӗ Мускаври музыка колледжне («Халӑх хор ертӳҫи» специальноҫе) вӗренме кӗнӗ. Вунпилӗк ҫулта чухнех ресторансенче, музыка конкурсӗсемпе фестивалӗсене юрланӑ[6].

Вӑтам пӗлӳ илни ҫинчен диплом илсен музыка тӗлӗшӗнчен пӗлӳ илессине малалла тӑсас тенӗ те Гнесинсен ячӗллӗ Раҫҫей музыка академине эстрадӑпа джаз юррисен факультетне вӗренме кӗнӗ[7].

Ярослав гитара, фортепиано, параппан, купӑс, балалайка, перкусси калать[7].

Карьера пуҫламӑшӗ[тӳрлет | кодне тӳрлет]

2013 ҫулта, Гнесинка студенчӗ пулнӑ май, Ярослав Дронов преподавательтен «Фактор А» телепроектра суйлав турӗ иртни ҫинчен пӗлнӗ. Вӑл кастинг витӗр тухса финала ҫити ҫитнӗ, чи вӑйлӑ виҫӗ ҫын шутне кӗнӗ. Жюри председателӗ Алла Пугачёва конкурсанта «Ҫӑлтӑрсен ҫӗнӗ ӑрӑвӗн сӑнӗ» тесе хакланӑ, ӑна «Аллӑн ылтӑн ҫӑлтӑрне» парса палӑртнӑ[8].

2014 ҫулта Ярослав «Час пик» кавер-ушкӑна вырнаҫнӑ, ҫапла май ресторансенче тата тӗрлӗ хуласене тухса ҫӳресе концертсем пама тытӑннӑ[6].

Ярослав хутшӑннӑ тепӗр мусӑк конкурсӗ «Голос» ятли пулса тӑнӑ. «Курманла итлев» ирттернӗ вӑхӑтра ун еннелле Пелагейӑпа Дима Билан ҫаврӑннӑ. Пелагея командинче Ярослав Дронов финала ҫитсе иккӗмӗш вырӑн йышӑннӑ[6].

Шоу хыҫҫӑн Ярослав кавер-ушкӑнран кайнӑ та хӑй тӗллӗн юрӑсем хайлама тата шӑрантарма тытӑннӑ. 2021 ҫулхи ҫурла уйӑхӗнче «Улетай» юрӑ тухнӑ хыҫҫӑн унӑн ячӗ YouTube-ри сайтҫӑсем унӑн ятне лайӑх пӗлнӗ. Ҫавна пула юрӑҫ каналӗ ҫине ҫырӑнакансен йышӗ тӑрук нумайланнӑ, ун патне ӗҫлӗ сӗнӳпе Виктор Дробыш пынӑ[6].

Shaman псевдонимлӑ пултарулӑхӗ[тӳрлет | кодне тӳрлет]

Музыка конкурсӗсенче тата шоура Ярослав Дронов хӑйӗн пултарулӑхӗпе чӑн-чӑн ячӗпе тухса паллаштарнӑ, ҫапах та ун чухнех вӑл сцена валли псевдоним шырама пуҫланӑ. Ӑна тӳрех тупайман — 2020 ҫулта кӑна, унӑн пултарулӑхне кӑмӑллакансем тӗллесе кӑтарнӑ хыҫҫӑн, палӑртма май тупнӑ. Унӑн пултарулӑхне кӑмӑллакансем Ярослав юрланине «асамлӑ та шаманлӑ» тесе хакланӑ пулнӑ[6].

2022 ҫулхи авӑн уйӑхӗнче Shaman аталану ҫулӗ ҫине тин кӑна тӑнӑ артиста шоу-бизнес тӗлӗшпе пулӑшакан Виктор Дробышпа пӗрле ӗҫлеме пӑрахнӑ. Юрӑҫ хӑйӗн продюсер центрне уҫнӑ, ҫав вӑхӑтран пуҫласа пӗчченех ӗҫлет: хӑйӗн пултарулӑхне вӑл хӑех продюсерлать, хӑех сӑмахӗсене, кӗввине ҫырать, аранжировкисене те тӑвать[9].

Юрӑҫ ячӗ интернета пула анлӑ сарӑлма пуҫланӑ. 2018 ҫулта YouTube ҫинче унӑн «Танцы на стёклах» юрӑ валли ҫырнӑ каверне вун-вун миллион ҫын пухнӑ. Юрӑҫ ячӗ уйрӑмах «Встанем» юрӑ тухнӑ хыҫҫӑн вӑйлӑ сарӑлнӑ. Shaman ӑна 2022 ҫулхи кӑрлач уйӑхӗнче ҫырнӑ, унӑн хӑтлавне нарӑсӑн 23-мӗшӗнче — Тӑван ҫӗршыв хӳтӗлевҫин кунӗнче — ирттернӗ. Юрра Тӑван Ҫӗршывӑн Аслӑ вӑрҫине халалланӑ. Вӑл «Вести недели» программӑн эфирӗнче янӑранӑ[10].

Юрӑҫӑн тепӗр патриотла композицийӗ «Я русский» юрӑ пулса тӑнӑ, ӑна тӗпе хурса ӳкернӗ клипа малтанхи талӑкра YouTube ҫинче миллион хут пӑхнӑ. 2022 ҫулхи чӳкӗн 4-мӗшӗнче, Халӑх пӗрлӗхӗн кунӗнче, пӗтӗм Раҫҫей шайӗнче акци ирттернӗ май ҫак юрра 10 пин ытла ҫын халӑх тетелӗсенче вырнаҫтарса шӑрантарнӑ. Ҫак роликсен пӗр пайӗпе пӗрлехи клипа хатӗрленӗ май усӑ курнӑ[11].

Ҫавӑн пекех унӑн «Теряем мы любовь», «Ты моя», «До самого неба» композицисем итлекенсен кӑмӑлне кайнӑ, вӗсен музыка чарчӗсен ҫӳллӗ вырӑнӗсене йышӑннӑ[12][13].

Артистӑн пӗрремӗш пысӑк соло концерчӗ Мускавра 2022 ҫулхи мартӑн 3-мӗшӗнче иртнӗ. Вӑл Раҫҫейри хуласем тӑрӑх гастроль турне йӗркеленӗ[5]. Ҫав ҫулах, ҫурлан 22-мӗшӗнче, Раҫҫей Патшалӑх ялавӗн кунӗнче, Shaman Раҫҫей гимнне Ялтӑра юрласа панӑ; вӑл юрлани YouTube-ри мусӑк тренчӗсен шутне кӗнӗ[14]. 2022 ҫулхи юпа уйӑхӗнче вӑл ТНТ ҫинчи «Вызов» шоу валли ҫавнашкал ятлӑ саундтрек хатӗрленӗ[15].

2023 ҫул пуҫламӑшӗнче Shaman «Исповедь» ҫӗнӗ юрра тата клип хӑтланӑ, клипра вӑл ӑна сӑнарлакан дредсене касса пӑрахнӑ[16]. 2 сехет хушшинче YouTube-ра клип пирки 2500 ытла комментари ҫырса тултарнӑ, малтанхи талӑкра кӑна пурӗ миллион ытла ҫын пӑхнӑ. Юрӑҫӑн Тӑван ҫӗршыв хӳтӗлевҫин кунӗ тӗлне тухнӑ тепӗр клипне те халӑх хапӑл йышӑннӑ — вӑл «Моя Россия» ятлӑ пулнӑ. Ӑна Ярослав Дроновӑн тӑван хулинче ӳкернӗ, ку ӗҫе юрӑҫӑн ашшӗпе-амӑшӗ тата аслашшӗпе асламӑшӗ хутшӑннӑ[17].

2023 ҫулхи ҫурла уйӑхӗнче Крымра иртнӗ «Таврида.АРТ» ҫамрӑксен ӳнер фестивалӗнче «Князь Владимир» этно-опера хӑтлавӗ иртнӗ, тӗп сӑнарсене унта Shaman-па тата Николай Расторгуев вылянӑ. Shaman Владимир кнеҫӗн партине юрласа панӑ. Этно-опера авторӗ тата композиторӗ Игорь Матвиенко каланӑ тӑрӑх, «Таврида.АРТ» фестивальте хайлавӑн пӗр пайне кӑна кӑтартнӑ. Оперӑн туллин премьери вара 2024 ҫулта иртнӗ[18].

2023 ҫулхи авӑн уйӑхӗнче Shaman «Сделано в России» ятлӑ хӑйӗн пӗрремӗш альбомне кӑларнӑ. Вӑл икӗ пайран тӑрать, вӗсенчен кашнин хӑйӗн концепцийӗ тата ячӗ пур. Пӗрремӗш пайӗ «О России» ятлӑ, вӑл «Моя Россия» юрӑпа пуҫланать. Ҫавӑн пекех унта «Самый русский хит», «Исповедь», «Встанем», «Я русский» тата Раҫҫей Гимнӗн трекӗ кӗнӗ. Иккӗмӗш пайне — «О любви» ятлӑскерне — «Теряем мы любовь», «До самого неба», «Ты моя», «Сердце плачет и болит», «Спасибо» тата ытти юрӑсем кӗнӗ[19].

2023 ҫулхи авӑнӑн 9-мӗшӗнче Shaman Санкт-Петербургри стадионта хӑйӗн пултарулӑхӗпе «Я русский» пысӑк соло концертӗнче паллаштарнӑ, унӑн юррисене итлеме 60 пин ҫын пынӑ пулнӑ. Халӑх пӗрлӗхӗн кунӗнче Пӗрремӗш канал ҫак концертӑн телеверсине кӑтартнӑ.

2024 ҫулхи утӑ уйӑхӗн 4-мӗшӗнче YouTube видеохостинг темиҫе кун маларах Европа санкцийӗсене лекнӗ артист каналне блокласа хунӑ. Юрӑҫӑ блокланине ҫапла каласа хакланӑ: «Манӑн YouTube-канала блокласа хучӗҫ, сӑлтавӗ вара пӗрре: Эпӗ — ВЫРӐС»[20].

2024 ҫулхи утӑн 19-мӗшӗнче Shaman YouTube-ра Раҫҫей артисчӗсен аккаунчӗсене блокланине хирӗҫлесе Мускаври АПШ элчелӗхӗ патӗнче митинг-концерт ирттернӗ[21][22].

Обществӑлла позици

[тӳрлет | кодне тӳрлет]

«Встанем», «Я русский» патриотла юрӑсем тухнӑ хыҫҫӑн Shaman-а патшалӑх йӗркелекен чылай концерта чӗнме пуҫланӑ. 2022 ҫулхи авӑнӑн 30-мӗшӗнче вӑл Раҫҫей йышне Донецк тата Луганск халӑх республикисене, Херсон тата Запорожье облаҫӗсене кӗртнӗ ятпа ирттернӗ «Выбор людей. Вместе навсегда» концертра тухса юрланӑ[23]. 2023 ҫулхи кӑлрач уйӑхӗнче юрӑҫ Донбаса ҫитсе килнӗ, Луганскпа Мариупольте[24] концерт кӑтартнӑ, нарӑс уйӑхӗнче — Геническра (Херсон облаҫӗ)[25].

«Крокус Сити Холлта» теракт пулса иртни ҫине хуравласа Shaman 22.03.24 реквием ҫырнӑ[26].

Санкцисем

[тӳрлет | кодне тӳрлет]

2023 ҫулхи пушӑн 17-мӗшӗнче, Украинӑра Раҫҫей ҫар операцине ирттернине шута илсе Латви МИДӗ Ярослав Дронов тӗлӗшпе санкцисем кӗртнӗ, Украинӑра ятарлӑ ҫар операцине ырлакан ытти Раҫҫей культура ӗҫченӗсен шутӗнче ӑна ҫӗршыва кӗме чарнӑ[27][28].

2023 ҫулхи утӑн 20-мӗшӗнче Дронова Канадӑн санкци списокне кӗртнӗ, ҫакна «Раҫҫей Украинӑна тапӑнса кӗнине ырламашкӑн хӑйӗн пултарулӑхӗпе усӑ куракан ҫынсене хирӗҫлесе» тесе палӑртнӑ[29].

2024 ҫулхи ҫӗртмен 24-мӗшӗнче Евросоюз Ярослав Дронова Раҫҫее хирӗҫ йӗркеленӗ 14-мӗш санкци пуххине кӗртнӗ. Европа пӗрлӗхӗн постановленийӗнче каланӑ тӑрӑх, юрӑҫ «Украина территорин пӗрлӗхне тата суверенитетне хавшатакан» ӗҫсене ырлать, пулӑшать[30].

2024 ҫулхи утӑн 4-мӗшӗнче Литвин радиопа телевидени комисси Европа Пӗрлӗхӗн санкци списокӗсене кӗртнӗ ҫынсен аккаунчӗсене Google-а кӑларса пӑрахма ыйтнӑ хыҫҫӑн YouTube юрӑҫӑн официаллӑ каналне хупласа тунӑ, вӑл вӑхӑтра унӑн каналӗ ҫине 2,78 млн ҫын ҫырӑннӑ пулнӑ[31][32][33]. Маларах Дроновӑн страниципе трекӗсене Spotify стриминг сервисӗнчен кӑларса пӑрахнӑ[34].

Харпӑр пурнӑҫӗ

[тӳрлет | кодне тӳрлет]

2012 ҫултан пуҫласа 2016 ҫулччен Ярослав Новомосковскри музыка шкулӗн преподавательӗпе Марина Рощупкинӑпа ҫемьеллӗ пулнӑ. 2014 ҫулта вӗсен Варвара хӗр ҫуралнӑ. Анчах Ярослав Мускава куҫса кайсан ҫемьере йывӑрлӑхсемпе ӑнланманлӑхсем сиксе тухма пуҫланӑ. Юлашкинчен, 2016 ҫулта вӗсем уйрӑлнӑ[6].

2017 ҫулта Дронов «Мегафон» компанин топ-менеджерӗпе Елена Мартыновӑпа ҫемье ҫавӑрнӑ[35].

Пултарулӑхне хаклани

[тӳрлет | кодне тӳрлет]

Евгений Бабичевӑн мусӑк критикӗ шухӑшӗпе, Дроновӑн «ыттисенчен уйрӑм тӑракан сӑнар, тыткаларӑш, сасӑ янравлӑхӗ пур, ҫамрӑк артисенчен йышӗнче унашкаллине сайра тӗл пулма пулать. Тен, ку ҫӗнӗ ӑру сасси». Бабичев палӑртнӑ тӑрӑх, Дронов «патриотла ҫула» тытса пырать, ку 50 ҫултан аслӑрах ҫынсем кӑмӑллакан Олег Газмановпа Григорий Лепс евӗрлӗ юрӑҫсем пеккисем шӑрантаракан юрӑсен пуххи, анчах та унӑн пултарулӑхӗ ҫамрӑксем валли[36].

Павел Рудченко музыка критикӗ юрӑҫӑн вокал енчен пултарулӑхӗ вӑйлӑ пулнине уйӑрать: «Лайӑх сасӑллӑ вокалист. Ярослав юрӑ ҫырнӑ чухне ансат эффектсемпе усӑ курать, уйрӑммӑн хӑйӗн уҫӑ сассипе усӑ курмасть». Рудченко унӑн пултарулӑх ҫулӗн малашлӑхӗ мӗнле йӗркеленсе пырасси пирки ҫапла прогноз панӑ: «Ӗнтӗ унӑн палӑртса хунӑ шгӑпи пирки те калама пулать. <…> Юлашки юрӑна итленӗ май ҫапла калама пулать: вӑл ҫаксене пӗтӗмпех хӑйӗн чунӗ витӗр кӑларнӑ, енчен те ҫак ҫултан пӑрӑнмасть пулсан вӑл иккӗмӗш Цой пулса тӑма пултарать»[37].

Тепӗр музыка критикӗ, Илья Легостаев, Shaman халӑха хӑйӗн пултарулӑхӗпе паллаштариччен нумай ҫул хушши репертуарне шыранине палӑртать. Вӑл палӑртма пултарнин тӗп сӑлтавӗсенчен пӗри — халӑха мӗнле юрӑсем килӗшме пултарнине тавҫӑрса илме пултарнин ӑсталӑхӗ[38].

Екатерина Кретова мусӑк критикӗ палӑртнӑ тӑрӑх, Shaman лайӑх композитор тата унӑн вокал енчен даннӑйӗсем аван, критик юрӑҫа поп-культура пулӑмӗ тесе хаклать, ҫак жанрта вӑл чи ӑста юрӑҫсенчен пӗри имӗш[39].

Максим Фадеев композитор юрӑҫ пултарулӑхӗ пирки лайӑх хакласа каланӑ: «Халӗ ҫӗршыва ятласси модӑра, вӑл вара пачах урӑх ҫул, тӗрӗс ҫул суйласа илнӗ. <…> Маншӑн Shaman — паянхи вӑхӑтӑн тата паянхи Раҫҫейӗн шалти повесткӑн элемӗ»[40]. «Shaman ахаль артист кӑна мар, вӑл хайлать, — шутлать Максим Фадеев. — Артист тата хайлакан ҫын — икӗ тӗрлӗ ен. Хайлакан вӑл — ҫӗнӗ япала ӑсталакан ҫын, ӑна Турӑ пиллет»[1].

Игорь Матвиенко композитор Ярослав Дроновра ҫакна палӑртать: «Ҫак ҫынра мана вӑл фольклор енӗпе пӗлӳ илни илӗртет. Хӑйӗн юррисенче, вӗсен интонацийӗсенче вӑл ҫак пӗлӳпе усӑ курать, нумаях мар, анчах та питӗ тӗрӗс енчен»[1].

Право хӳтӗлевҫи Андрей Алёшкин музыканта дредпа ҫӳренӗшӗн тата латиницӑллӑ псевдонимшӑн тиркесе тӑкнӑ[41].

ВЦИОМ ыйтса пӗлнӗ тӑрӑх, 2022 ҫулта Shaman Раҫҫейре Олег Газманов хыҫҫӑн иккӗмӗш вырӑна тухнӑ[42], 2023 ҫулта вара унтан та иртсе кайса «Ҫулталӑкри чи лайӑх юрӑҫ» пулса тӑнӑ[3].

Санкт-Петербургра иртнӗ Тӗнче шайӗнчи IX культура форумӗнче[43] юрӑҫӑн пултарулӑхне Никита Михалков кинорежиссёр пысӑка хурса хакланӑ[44].

2023 ҫулхи чӳкӗн 30-мӗшӗнче Татьяна Навка ертсе пыракан «Команда» интервью-шоура Ярослав Дронов видеоҫыхӑну мелӗпе унӑн «Командипе» калаҫнӑ — Григорий Лепспа, Роман Емельяновпа, Пелагейӑпа, Гнесинкӑра пӗрле вӗреннӗ Никита Осинпа тата Олег Газмановпа. Вӑл вӗсем унӑн пултарулӑхӗ пирки мӗн шухӑшланине итленӗ[45].

Юрӑсем

[тӳрлет | кодне тӳрлет]

Юрӑҫ хайланӑ юрӑсен цифрӑллӑ дистрибуцийӗ стримингсенче 2020 ҫултан пуҫланнӑ[46]. Маларахри юрӑсене Дронов хальлӗхе кӑларма палӑртмасть[47].

Студи альбомӗ[тӳрлет | кодне тӳрлет]

Ячӗ Тӗплӗнрех
«Сделано в России»

Синглсем[тӳрлет | кодне тӳрлет]

раштав, 12
Ҫул Кун Ят Альбом Лейбл
2020 ҫурла, 13 «Луна» Альбома кӗмен сингсем Zhara Music
авӑн, 17 «Лёд»
юпа, 15 «Если тебя нет»
чӳк, 12 «Вспоминай меня»
раштав, 10 «В невесомости»
2021 нарӑс, 15 «Самая»
пуш, 15 «Родная» «Сделано в России»
ака, 26 «Девочка — весна» Альбома кӗмен сингсем Atlantic Records Russia
ҫу, 24 «Огонь»
ҫӗртме, 21 «Молодость»
утӑ, 19 «Таяли»
ҫурла, 23 «Улетай» «Сделано в России»
авӑн, 28 «Мокрый дождь» Альбома кӗмен сингсем
чӳк, 29 «Разлука-любовь» (удалён)
2022 кӑрлач, 24 «Теряем мы любовь» «Сделано в России» «Первое музыкальное»
(2022 ҫулхи авӑнччен)[48][49]
Shaman[50]
(2022 ҫулхи авӑн уйӑхӗн хыҫҫӑн)
нарӑс, 23 «Встанем»
ака, 14 «Ты моя»
ҫу, 24 «До самого неба»
утӑ, 22 «Я русский»
юпа, 14 «Вызов» (саундтрек к шоу ТНТ «Вызов») Альбома кӗмен сингсем Shaman
чӳк, 10 «Вороны мои»[51]
«Гимн России» (Раҫҫей Федерацийӗн патшалӑх гимнӗн касерӗ) «Сделано в России»
2023 кӑрлач, 26 «Исповедь»
нарӑс, 23 «Моя Россия»
пуш «Самый русский хит» Игорь Матвиенко ПЦ
ака, 20 «Мы» Shaman
ҫу «Мёд»
утӑ, 20 «Мой бой»

Видеоклипсем

[тӳрлет | кодне тӳрлет]
«Час пик» ушкӑн йышӗнче
  • «Тухӑҫалла»
Shaman
Ҫул Юрӑ Режиссёр
2020 «Если тебя нет»
—
2022 «Теряем мы любовь»
«Встанем»
«Ты моя»
Алина Верипя
«До самого неба»
—
«Я русский»
Алина Верипя
«Вызов»
—
«Вороны мои»
Алина Верипя
2023 «Исповедь»
—
«Моя Россия»
«Самый русский хит»[52]
Роза Абдельянц
«Мы»[53]
—
«Мёд»[54] Иван Шелаханов
«Мой бой»
—

Чартсем

[тӳрлет | кодне тӳрлет]
Юрӑ Чи пысӑ вырӑн
YouTube Music Радио Шансон Русское Радио Дорожное радио
«Встанем» 1[55] — — —
«Ты моя» 10[56] — 8[57] —
«Я русский» 1[58] 1[59] — —
«Вызов» 6[60] — — —
«Вороны мои» 5[61] — — —
«Исповедь» 3[62] — — —
«Моя Россия» 3[63] — — 1[64]
«Самый русский хит» 8[65] — — —

Хисепӗсем

[тӳрлет | кодне тӳрлет]
  • 2022 ҫулхи ака уйӑхӗнче «Встанем» юрӑшӑн «Ылтӑн хит»» номинацире Music Box Gold премие тивӗҫнӗ[66].
  • 2022 ҫулхи чӳк уйӑхӗнче «Ҫӗнӗ сӑнсем.Мусӑк» номинацире OK! Awards «Больше чем звёзды» премие тивӗҫнӗ[67].
  • 2022 ҫулхи раштав уйӑхӗнче Russian Creatian Awards креативлӑ индустри енӗпе ятарлӑ номинацинче наци премине тивӗҫнӗ[68].
  • 2022 ҫулхи раштав уйӑхӗнче «Встанем» юрӑ авторӗ пек «Песня года» телефестиваль лауреачӗ пулса тӑрать[69].
  • 2023 ҫулхи ака уйӑхӗнче Тула облаҫӗн кӗпӗрнаттӑрӗ Алексей Дюмин юрӑҫа «Хӑвна шеллемесӗр ӗҫленӗшӗн тата пӗрлӗхшӗн» медальпе чысланӑ[70].
  • 2023 ҫулхи ҫӗртме уйӑхӗнче юрӑҫ «Встанем» юрӑшӑн «Чи лайӑх мусӑк трекӗ» номинацире «Интернет-контентӑн наци премине» тивӗҫнӗ, «Я русский» юрӑ вара «Социаллӑ интернет-триггер» номинацире ҫӗнтернӗ.
  • 2024 ҫулхи утӑ уйӑхӗнче «Раҫҫей Федерацийӗн тава тивӗҫлӗ артисчӗ» хисеплӗ ята тивӗҫнӗ[2].

Документлӑ фильмсемпе телекӑларӑмсем

[тӳрлет | кодне тӳрлет]
  • 2022 — «Новые песни о главном. Как певец Shaman стала голоса национальной гордодостии» (Россия-24)[71]
  • 2022 — «Малахов» — «Певец SHAMAN — русский посланник Ванги» кӑларӑм (Россия-1)[72]
  • 2023 — «Песни от всего души» (Россия-1)[73]

Ӑнлантарусем

[тӳрлет | кодне тӳрлет]
  1. ^ 1, 2, 3 Виктор Толочко «Ему никто не помогал» Как пришёл к успеху автор хита «Я русский» SHAMAN и есть ли что ему скрывать? // Lenta.ru, 15 августа 2022
  2. ^ 1, 2 Андреевна, Румянцева Татьяна Путин присвоил исполнителю SHAMAN звание заслуженного артиста РФ (выр.). Известия (22 Утӑ уйӑхӗн 2024). Пӑхнӑ кун: 22 Утӑ уйӑхӗн 2024.
  3. ^ 1, 2 Лидеры российской эстрады — 2023 (2.10.2023).
  4. ^ Доверенные лица. Putin2024.ru. Пӑхнӑ кун: 9 Нарӑс уйӑхӗн 2024.
  5. ^ 1, 2 Максим Виноградов. Эксклюзив МУЗ-ТВ: Певец SHAMAN — о работе с Дробышем, дочери и успехе трека «Встанем» // Муз-ТВ, 17 марта 2022
  6. ^ 1, 2, 3, 4, 5, 6, 7 Биография певца SHAMAN: как Ярослав Дронов 15 лет добивался популярности и почему он развелся // Афиша КП Москва.
  7. ^ 1, 2 От пения в ресторанах до дуэта с Президентом: учитель певца SHAMAN рассказала о его пути к славе // Первый тульский, 4 ноября 2022
  8. ^ Иван Полковников SHAMAN сразил американцев тем, что он русский // Московский комсомолец, 24 июля 2022
  9. ^ SHAMAN: ну какой я проект? Моя история чиста и естественна - Интервью ТАСС. Тĕрĕсленĕ 9 Нарӑс уйӑхӗн 2024.
  10. ^ «Встанем». Новая песня, обращённая в историю // Вести.ру, 27 июня 2022
  11. ^ Песню «Я — русский!» исполнили единым хором по всей России // Смотрим, 5 ноября 2022
  12. ^ Музыкальные чарты за 19 неделю // InterMedia, 19 мая 2022
  13. ^ Музыкальные чарты за 22 неделю // InterMedia, 9 июня 2022
  14. ^ Клип с гимном России вышел в музыкальные тренды YouTube // Life, 24 августа 2022
  15. ^ Shaman принял «Вызов» на ТНТ // InterMedia, 14 октября 2022
  16. ^ Певец SHAMAN состриг дреды ради нового клипа «Исповедь» // Афиша КП Москва.
  17. ^ Екатерина Фоменкова. Новый клип SHAMAN «Моя Россия» возглавил музыкальные тренды YouTube // ИА «За Новомосковск». — 2023. — 24 Нарӑс уйӑхӗн.
  18. ^ Виктория Мельникова. В Крыму прошла презентация этно-оперы "Князь Владимир" с SHAMAN и Расторгуевым // Metro Москва. — 2023. — 21 Ҫурла уйӑхӗн.
  19. ^ Александр Алексеев. SHAMAN выпустил дебютный альбом "Сделано в России" // Российская газета. — 2023. — 8 Авӑн уйӑхӗн.
  20. ^ "Потому что я — русский": Shaman отреагировал на блокировку YouTube-канала (2024-07-04). Тĕрĕсленĕ 5 Утӑ уйӑхӗн 2024.
  21. ^ Певец Shaman устроил концерт у посольства США из-за блокировки в YouTube (2024-07-20). Тĕрĕсленĕ 20 Утӑ уйӑхӗн 2024.
  22. ^ Олег Логинов. Певец Шаман шокировал заявлением о Байдене на митинге у посольства США (2024-07-20). Тĕрĕсленĕ 20 Утӑ уйӑхӗн 2024.
  23. ^ SHAMAN спел в финале митинга-концерта «Своих не бросаем» // Смотрим, 23 сентября 2022
  24. ^ SHAMAN провёл концерты в Мариуполе и Луганске // Московский комсомолец, 16 января 2023
  25. ^ SHAMAN выступил в Херсонской области // РИА Новости, 13 февраля 2023
  26. ^ Музыка и слова: Shaman. SHAMAN — РЕКВИЕМ 22.03.24. YouTube. Пӑхнӑ кун: 24 Пуш уйӑхӗн 2024.
  27. ^ Латвия запретила въезд Надежде Бабкиной и SHAMAN'у. Тĕрĕсленĕ 23 Утӑ уйӑхӗн 2024.
  28. ^ МИД Латвии запретил въезд в страну 35 россиянам (2023-03-17). Тĕрĕсленĕ 23 Утӑ уйӑхӗн 2024.
  29. ^ Канада ввела санкции против SHAMAN, Валерии и Иосифа Пригожина - Газета.Ru | Новости. Тĕрĕсленĕ 23 Утӑ уйӑхӗн 2024.
  30. ^ Shaman попал под санкции Евросоюза. РИА Новости (24 Ҫӗртме уйӑхӗн 2024). Пӑхнӑ кун: 24 Ҫӗртме уйӑхӗн 2024.
  31. ^ ЕС ввел санкции против Гагариной, Shaman и Охлобыстина. Тĕрĕсленĕ 23 Утӑ уйӑхӗн 2024.
  32. ^ Google удалила канал российского музыканта Shaman, потому что он русский - Газета.Ru | Новости. Тĕрĕсленĕ 23 Утӑ уйӑхӗн 2024.
  33. ^ YouTube заблокировал каналы Гагариной и Shaman (2024-07-04). Тĕрĕсленĕ 23 Утӑ уйӑхӗн 2024.
  34. ^ Из Spotify пропали песни исполнителя SHAMAN (2024-06-27). Тĕрĕсленĕ 23 Утӑ уйӑхӗн 2024.
  35. ^ Григорий Шугаев. Жена SHAMANа Елена Мартынова публично призналась в любви к мужу // Lenta.ru, 11 ноября 2022
  36. ^ «Не песня, а состояние души»: почему клип Shaman «Я русский» взорвал Сеть // Москва 24, 25 июля 2022
  37. ^ Продюсер Рудченко сравнил вокальные данные и нишу Shaman и Газманова // Газета «Культура», 16 августа 2022
  38. ^ Оксана Чешенок. Раскрыта тайна бешеной популярности певца SHAMAN`а: что стоит за легендой // Сиб.фм. — 2023. — 21 Ҫурла уйӑхӗн.
  39. ^ Музыкальный критик объяснила популярность SHAMAN // Газета.ru, 27 декабря 2022
  40. ^ Максим Фадеев о Shaman: «Символ сегодняшнего времени» // Мой Брянск, 24 июля 2022
  41. ^ Звездный адвокат едко прошелся по творчеству и патриотизму артиста SHAMAN // ФедералПресс, 10 августа 2022
  42. ^ Россияне назвали лучших певцов и актёров 2022 года // ТАСС, 1 ноября 2022
  43. ^ Что известно о Санкт-Петербургском международном культурном форуме. «ТАСС» (16 Чӳк уйӑхӗн 2023). Пӑхнӑ кун: 17 Чӳк уйӑхӗн 2023.
  44. ^ Илья Ёлкин. Видео: Никита Михалков оценил творчество SHAMAN. «Российская газета» (17 Чӳк уйӑхӗн 2023). Пӑхнӑ кун: 17 Чӳк уйӑхӗн 2023.
  45. ^ SHAMAN — Интервью Татьяне Навке (шоу «Команда»). YouTube (30 Чӳк уйӑхӗн 2023). Пӑхнӑ кун: 20 Кӑрлач уйӑхӗн 2024.
  46. ^ SHAMAN — треки на Яндекс. Музыке
  47. ^ Суть SHAMANа: исполнитель хита «Я русский» не планирует выпускать альбом // Известия, 24 августа 2022
  48. ^ Shaman открывает собственный продюсерский центр , Wayback Machine çинчи 2023 ҫулхи Кӑрлач уйӑхӗн 16-мӗшӗнчи копийӗ // Афиша Daily, 19 сентября 2022
  49. ^ Профиль Shaman на сайте Discogs , Wayback Machine çинчи 2023 ҫулхи Кӑрлач уйӑхӗн 16-мӗшӗнчи копийӗ // Discogs
  50. ^ Spotify информацийӗ тӑрӑх , Wayback Machine çинчи 2023 ҫулхи Кӑрлач уйӑхӗн 17-мӗшӗнчи копийӗ.
  51. ^ Певец SHAMAN раскрыл смысл своего нового хита «Вороны мои» , Wayback Machine çинчи 2022 ҫулхи Чӳк уйӑхӗн 10-мӗшӗнчи копийӗ // Комсомольская правда, 10 ноября 2022
  52. ^ SHAMAN собирает вокруг себя людей в подъезде в новом клипе // Газета.ru, 2023, пуш, 2
  53. ^ SHAMAN показал клип «Мы» с 10-летним Фёдором, спасшим девочек от диверсантов // Российская газета, 12 апреля 2023
  54. ^ SHAMAN исполнил мечту каждой женщины в новом клипе (выр.). muz-tv.ru. Пӑхнӑ кун: 10 Утӑ уйӑхӗн 2023.
  55. ^ Хит-парад YouTube Music, 4 нояб. — 10 нояб. 2022
  56. ^ Хит-парад YouTube Music, 29 июл. — 4 авг. 2022. Пӑхнӑ кун: 18 Юпа уйӑхӗн 2022. Архивланӑ 18 Юпа уйӑхӗн 2022 ҫул.
  57. ^ Хит-парад Золотой Граммофон, 13 мая 2022
  58. ^ Хит-парад YouTube Music, 22 июл. — 28 июл. 2022. Пӑхнӑ кун: 17 Юпа уйӑхӗн 2022. Архивланӑ 17 Юпа уйӑхӗн 2022 ҫул.
  59. ^ Хит-парад Радио Шансон, 21 октября 2022
  60. ^ Хит-парад YouTube Music, 14 окт. — 20 окт. 2022. Пӑхнӑ кун: 23 Юпа уйӑхӗн 2022. Архивланӑ 23 Юпа уйӑхӗн 2022 ҫул.
  61. ^ Хит-парад YouTube Music, 11 нояб. — 17 нояб. 2022. Пӑхнӑ кун: 20 Чӳк уйӑхӗн 2022. Архивланӑ 20 Чӳк уйӑхӗн 2022 ҫул.
  62. ^ Хит-парад YouTube Music, 27 янв. — 2 фев. 2023. Пӑхнӑ кун: 5 Нарӑс уйӑхӗн 2023. Архивланӑ 5 Нарӑс уйӑхӗн 2023 ҫул.
  63. ^ Хит-парад YouTube Music, 24 фев. — 2 март. 2023. Пӑхнӑ кун: 7 Пуш уйӑхӗн 2023. Архивланӑ 7 Пуш уйӑхӗн 2023 ҫул.
  64. ^ Звёзды Дорожного радио ТОП-10 , Wayback Machine çинчи 2023 ҫулхи Ака уйӑхӗн 13-мӗшӗнчи копийӗ 8 апреля 2023
  65. ^ Хит-парад YouTube Music, 3 март. — 9 март. 2023. Пӑхнӑ кун: 11 Ака уйӑхӗн 2023. Архивланӑ 11 Ака уйӑхӗн 2023 ҫул.
  66. ^ Певец из Новомосковска Ярослав Дронов получил премию MUSIC BOX GOLD // МК Тула, 22 апреля 2022
  67. ^ Премия ОК! «Больше чем звёзды» 2022: победители объявлены // OK!, 23 ноября 2022
  68. ^ Лауреатами премии Russian Creative Awards стали Валерий Гергиев, Алишер Усманов и Shaman // ТАСС, 1 декабря 2022
  69. ^ SHAMAN получил награду за песню «Встанем» // teleprogramma.pro, 4 декабря 2022
  70. ^ SHAMAN получил медаль «За самоотверженность и единство» // Тульская пресса, 12 апреля 2023
  71. ^ Специальный репортаж. Новые песни о главном // Смотрим, 24 сентября 2022
  72. ^ Малахов: Певец SHAMAN — русский посланник Ванги // Смотрим, 25 октября 2022
  73. ^ SHAMAN исполнил новую песню «Исповедь» на шоу Андрея Малахова // Смотрим, 23 февраля 2023

Каҫӑсем

[тӳрлет | кодне тӳрлет]

Шаблон:Shaman

Çăлкуç — «https://cv.ruwiki.ru/w/index.php?title=Shaman&oldid=1704691»