Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Мазанов Владимир Михайлович

Мазанов Владимир Михайлович (1920 ҫулхи ҫурлан 27-мӗшӗ, Ростов-Тан-çинчи, Донская область[d] — 2003 ҫулхи ҫӑвӑн 11-мӗшӗ, Шупашкар) — совет театр художникӗ. Чӑваш АССР тава тивӗҫлӗ художникӗ (1969). РСФСР тава тивӗҫлӗ культура ӗҫченӗ (1982). К. С. Станиславский ячӗллӗ РСФСР патшалӑх премийӗн лауреачӗ (1971)[1].

Пурнӑҫӗпе ӗҫӗ-хӗлӗ

1920 ҫулхи ҫурла уйӑхӗн 27-мӗшӗнче Ростов-Тан-ҫинчи Михаил Евлампиевич Мазанов ҫемьинче ҫуралнӑ. Тӑван Ҫӗршывӑн Аслӑ вӑрҫине хутшӑннӑ, Мускав патӗнчи ҫапӑҫӑва хутшӑннӑ[1].

Чулхула ӳнер училищине (1937–1939), Чулхула зенит артиллериӗн училищине (1942) вӗренсе пӗтернӗ. А.С. Пушкин ячӗллӗ Чулхула оперӑпа балет театрӗнче(выр.)чăв. (1938–1939, 1949–1952) декорацисен художникӗ, Ковров музыка комедийӗн театрӗн (1945—1949, унтан А. Островский ячӗллӗ Дзержинск драма театрӗн (1952–1966) тӗп художникӗ пулса ӗҫленӗ.

1966—1970,1982—1988 ҫулсенче Шупашкарти Вырӑс драма театрӗн тӗп художникӗ, 1972»1982 ҫулсенче К. В. Иванов ячӗллӗ Чӑваш патшалӑх академи драма театрӗн тӗп художникӗ пулса вӑй хунӑ[1].

Республика, «Аслӑ Атӑл» зона (Хусан, 1980), Раҫҫей шайӗнчи куравсене хутшӑннӑ[1].

«Белая болезнь» (К. Чапек(выр.)чăв.), «Вечно живые» (В. Розов), «В двух шагах от экватора» (И. Куприянов), «Всё в саду» (Э. Олби(выр.)чăв.), «Не был… не состоял… не участвовал» (Ю. Макарова), «Настоящий чело­век» (Б. Полевой(выр.)чăв.), «Поднятая целина» (М. Шолохов), «Власть тьмы» (Л. Толстой), «Хумсем ҫырана ҫапаҫҫӗ», «Кайри мала, хуркайӑксем» (Н. Терентьев), «Обыкновенная история» (И. Гончаров(выр.)чăв.), «Вуниккӗмӗш каҫ», «Ашкӑнчӑк инкесем» (У. Шекспир), «Царская невеста» (Н. Римский-Корсаков(выр.)чăв.), «Нарспи» (Г. Хирбю), «Тутимӗр» (Я. Ухсай) тата ытти спектакльсене илемлетнӗ[2].

2003 ҫулхи ҫу уйӑхӗн 11-мӗшӗнче Шупашкарта вилнӗ[1].

Ҫемье

Пиччӗшӗ — Мазанов Виталий Михайлович (1912 ҫулхи чӳк уйӑхӗн 17-мӗшӗ — 2008 ҫулхи кӑрлач уйӑхӗн 17-мӗшӗ), театр художникӗ. Ашшӗ — Михаил Мазанов, семинарирен вӗренсе тухнӑ, Ростовпа Нахичевань хулисенче Промбанк директорӗ пулнӑ, живопиҫпе тата театрпа кӑсӑкланнӑ, каярахпа театр ӳнерҫисем пулса тӑнӑ хӑйӗн ывӑлӗсене Анатолие, Виталие тата Владимира юратма хӑнӑхтарнӑ. Анатолийпе Виталий Мартирос Сарьян патӗнче живопись училищинче вӗреннӗ, Виталий стенасемпе маччасен декоративлӑ роспиҫӗн ӳнер курсӗсене те пӗтернӗ.

Хисепӗсем

Ӑнлантарусем

  1. ^ 1, 2, 3, 4, 5 А. Г. Григорьев, А. И. Мордвинова. Мазанов Владимир Михайлович (выр.). Чувашская энциклопедия. Чувашский государственный институт гуманитарных наук. Пӑхнӑ кун: 2025 ҫулхи ҫурлан 9-мӗшӗ.
  2. ^ История в лицах: 100 лет театральному художнику Владимиру Мазанову (выр.). Официальный портал органов власти Чувашской Республики (28 ҫурлан 2020). Пӑхнӑ кун: 2025 ҫулхи ҫурлан 9-мӗшӗ.

Вуламалли

  • Патшалӑх премийӗн лауреачӗсем // Ялав. — 1972. — № 2. — Хупл. 2 с.;
  • 1971 ҫулхи лауреачӗсем // Тӑван Атӑл. — 1972. — № 3. — С. 40-41;
  • Александров, С. Продолжение поиска / С. Александров // Советская Чувашия. — 1986. — 16 апр.;
  • Вдовцева, Л. Мгновение и вся жизнь / Л. Вдовцева // Советская Чувашия. — 1981. — 29 дек.;
  • Григорьев, А. Г. Мазанов Владимир Михайлович / А. Г. Григорьев // Краткая чувашская энциклопедия. — Чебоксары, 2001. — С. 256-257;
  • Григорьев, А. Г. Мазанов Владимир Михайлович / А. Г. Григорьев, А. И. Мордвинова // Чувашская энциклопедия. — Чебоксары, 2009. — Т. 3 : М-Се. — С. 8.

Каҫӑсем

Темӑпа ҫыхӑннисем

Категорисем