Тарханов Михаил Михайлович
Тарханов Михаил Михайлович (чӑн хушамачӗ — Москвин) (1877 ҫулхи авӑнӑн 7-мӗшӗ [19-мӗшӗ], Мускав[1] — 1948 ҫулхи ҫурлан 18-мӗшӗ[1], Мускав[1]) — вырӑс тата совет саманинчи театрпа кино актёрӗ, режиссёр, педагог; СССР халӑх артисчӗ (1937), искусствоведени докторӗ (1939). I степеньлӗ Сталин премийӗн лауреачӗ (1943). Ленин орденӗн кавалерӗ (икӗ хутчен — 1938, 1947).
Пурнӑҫӗпе ӗҫӗ-хӗлӗ
Мускавра Михаил Алексеевичпа Дарья Павловна Москвинсен ҫемйинче ҫуралнӑ. Иван Москвинӑн шӑллӗ[2]. Питӗ хӑвӑрт паллӑ актёр пулса тӑнӑ пиччӗшӗн чапӗ витӗмӗнче пулас мар тесе каярахпа «Тарханов» сцена псевдонимне илнӗ, ҫапах та кивӗ словарьсенче унӑн хушаматне Москвин-Тарханов тесе ҫырнӑ[3].
1895 ҫулта Мускав реальнӑй училищине(выр.)чăв. вӗренсе пӗтерсен Купса банкӗнче ӗҫленӗ[4]. 1898 ҫулта Рязань антрепренерӗпе И. Е. Шуваловпа контракт тунӑ та виҫҫӗмӗш рольсенчи актёр пулса сцена ҫинчи хӑйӗн кунҫулне пуҫланӑ. Калуга, Минск, Елисаветград(выр.)чăв., Витебск, Пермь, Рыбинск(выр.)чăв., Чӗмпӗр, Омск, Пенза, Оренбург, Орёл, Полтава тата ытти хуласен сценисем ҫинче вылянӑ. Ҫав хушӑрах режиссёр пулӑшуҫи, суфлёр, бутафор, реквизитор пулса ӗҫленӗ.
1914—1919 ҫулсенче Киевра, Хусанта, Одессӑра тата Харьковра Николай Синельников(выр.)чăв. антрепризӗнче ертсе пыракан рольсене вылянӑ, анлӑ диапазон актёр пулса тӑнӑ[2].
1919—1922 ҫулсенче «Качалов ушкӑнӗн» гастроль артисчӗ пулнӑ, Харьковра, Тифлисра, Батумире тата чикӗ леш енче (Болгари, Серби, Далмаци(выр.)чăв., Австри, Германи) гастрольсемпе ҫӳренӗ. Вӑл «На дне» спектакльте Лукана, «Вишнёвый сад» спектакльте Епиходовпа Фирса, «Три сестры» спектакльте Кулыгина, «На всякого мудреца довольно простоты» спектакльте Мамаева, «У жизни в лапах» спектакльте Гиле мучие, «Потоп» спектакльте Стрэттона вылянӑ[2].
1922 ҫулта пиччӗшӗ артист пулса ӗҫлекен МХАТа(выр.)чăв. килнӗ, часах вӑл ертсе пыракан ӑстасенчен пӗри пулса тӑнӑ. Час-часах пьесӑсенче пиччӗшӗпе пӗрле вылянӑ, сӑмахран, Гоголӗн «Мёртвые души» инсценировкинче[3]. Ун ҫинчен Инна Соловьёва ҫырнӑ тӑрӑх, Тарханов хӑюллӑн, сӗтеклӗн вылянӑ, унӑн палитринче халӑх камичӗпе сатирин сӑррисем палӑрнӑ. Вӗсемпе вӑл питӗ ӑста усӑ курнӑ, сайра тӗл пулакан органикӑллӑ пулнӑ, сцена ҫинче кашни самантра чӗрӗ ҫын пулнӑ… Вырӑссен пурнӑҫне-йӑлине тӗплӗ пӗлекен, этем чунӗсен илемсӗр те хӑрушӑ тӗпсӗрлӗхӗсене кӗрсе кайма хатӗр Тархановӑн хӑйне евӗр сцена грацийӗ курӑннӑ: вӑл калӑпланӑ ӗҫсенче вӑй-хӑват тата вичкӗнлӗх, анчах чуна тыткӑнлакан театр ҫӑмӑллӑхӗ палӑрнӑ[2].
1925—1927 ҫулсенче МХАТӑн 4-мӗш студин илемлӗх ертӳҫи пулнӑ, вӑл ертсе пынипе Реализм театрӗ(выр.)чăв. пулса тӑнӑскер. Вӑл чӗннипе театра Василий Фёдоров режиссёр тата Илья Шлепянов ӳнерҫӗ пынӑ[5]. Николай Островскийӗн(выр.)чăв. «Горячее сердце» татаи «Не было ни гроша, да вдруг алтын», Мольерӑн «Тартюф» тата Фёдор Гладковӑн(выр.)чăв. «Цемент» пьесипе студи спектаклӗсене лартнӑ.
1923 ҫултанпа кинора ӳкерӗннӗ. Сасӑллӑ кинона МХАТӑн пуплев культурине илсе килнӗ[6].
1935 ҫултанпа ГИТИСра (1939 ҫултанпа — профессор) актёр ӑсталӑхне тата сцена пуплевне вӗрентнӗ. 1942 ҫулта ГИТИСӑн илемлӗх ертӳҫине лартнӑ, ҫак поста мӗн пурнӑҫран уйрӑличченех йышӑннӑ. Вӑл уҫӑмлӑ интонацин, сасӑн тембрӗсен тата сӑмах сӗмӗсен вӑрттӑнлӑхӗсене никамран та лайӑхрах пӗлнӗ[7].
1943—1944 ҫулсенче наци театр студийӗсене: украин, беларуҫ тата чӑваш студийӗсене йӗркеленӗ ҫӗре хутшӑннӑ. 1947/48 ҫулсенчи театр сезонӗнче Чӑваш драма театрӗн сцени ҫинче унӑн «Ӑса пула инкек» («Горе от ума») (режиссёрӗсем — М. Н. Орловӑпа М. Н. Баташ) спектакле пынӑ, унта ГИТИСӑн 1-мӗш чӑваш студинче вӗренсе тухнисем вылянӑ.
1947 ҫултанпа ВКП (б) пайташӗ.
Михаил Тарханов 1948 ҫулхи ҫурлан 18-мӗшӗнче Мускавра вилнӗ. Ҫурлан 20-мӗшӗнче Новодевичье ҫӑвинче (2-мӗш участок) пытарнӑ[8].
Ҫемье
- Ашшӗ — Михаил Алексеевич Москвин, Зарядьери(выр.)чăв. Калашниковӑн сехет лавккинчи сутуҫӑ.
- Амӑшӗ — Дарья Павловна Москвина.
- Пиччӗшӗ — Иван Москвин (1874—1946), актёр тата режиссёр, СССР халӑх артисчӗ (1936).
- Йӑмӑкӗ — Анна Михайловна, Анатолий Горюнов(выр.)чăв. актёрӑн (1902—1951) амӑшӗ. Москвинсем пӗртӑванӗн ашшӗсӗр тӑрса юлнӑ ывӑлне пӑхса ӳстерме пулашнӑ.
- Мӑшӑрӗ — Елизавета Феофановна Скульская (Тарханова) (1887—1955), актриса. Одессӑпа Харьков драма театрӗсенче ӗҫленӗ. 1919 ҫултанпа упӑшкипе пӗрле «Качалов ушкӑнӗн» артисчӗ пулса Раҫҫейӗн кӑнтӑр енчи тата Европӑри хуласенче гастрольсене хутшӑннӑ. 1922—1954 ҫулсенче МХАТра ӗҫленӗ, РСФСР тава тивӗҫлӗ артисчӗ (1948). Мӑшӑрӗпе юнашар Новодевичье ҫӑвине пытарнӑ.
- Ывӑлӗ Иван Тарханов(выр.)чăв. (1926—2004), МХАТӑн артисчӗ, педагог, МХАТ шкул-студин(выр.)чăв. профессорӗ; РСФСР тава тивӗҫлӗ артисчӗ (1969), Раҫҫей Федерацийӗн тава тивӗҫлӗ ӳнер ӗҫченӗ(выр.)чăв. (1993).
- Мӑнукӗ Елизавета Жарова (Москвина-Тарханова), М. Ермолова ячӗллӗ театр(выр.)чăв. актриси.
- Мускав хула думин(выр.)чăв.Мӑнукӗ Михаил Москвин-Тарханов (1953 ҫ.ҫ.), депутачӗ.
Пултарулӑх
Театрти ӗҫӗсем
- «Ревизор», Н. В. Гоголя — Хлестаков, Земляника, Осип;
- «Бесприданница», А. Н. Островский — Кнуров, Робинзон;
- «На дне», М. Горький — Шмага, Лука;
- «Свадьба Кречинского», А. В. Сухово-Кобылин — Расплюев;
- «Чайка», А. П. Чехов — Шамраев;
- «Нечистая сила», А. Н. Толстой — Мардыкин генерал;
- «Братья Карамазовы», Ф. М. Достоевскийпе — Алёша;
- «Идиот», Ф. М. Достоевскийпе — Птицын;
- «Тартюф», Мольер — Оргон;
- «Гамлет», У. Шекспир — Полоний;
- «Юлий Цезарь», У. Шекспир — Брут;
- «Пигмалион», Б. Шоу — Дулитл;
- «Орлёнок», Э. Ростан — Фламбо;
- «Трильби», Г. Г. Ге — Жекко музыкант;
- «Кузня ведьмы», Г. Г. Ге — Овсянка атӑҫӑ;
- «Вера Мирцева», Л. Н. Урванцов — Побаржин.
МХАТ
- 1922 — «Царь Фёдор Иоаннович», А. К. Толстой — Богдан Курюков тата Голубь-атте;
- 1922 — «Братья Карамазовы», Ф. М. Достоевскипе — Максимов;
- 1923 — «На дне», М. Горький — Лука тата Бубнов;
- 1923 — «Иванов», А. П. Чехов — Егорушка;
- 1923 — «Доктор Штокман», Г. Ибсен — Мортен Киль;
- 1924 — «Смерть Пазухина», М. Е. Салтыков-Щедрин — Живновский;
- 1924 — «Три сестры», А. П. Чехов — Фёдор Ильич Кулыгин;
- 1924 — «Ревизор», Н. В. Гоголь — Лука Лукич Хлопов;
- 1924 — «Синяя птица», М. Метерлинк — Ҫӑкӑр;
- 1925 — «Горе от ума»; А. С. Грибоедов — Платон Михайлович Горич;
- 1926 — «Горячее сердце», А. Н. Островский — Серапион Мардарьевич Градобоев;
- 1927 — «Безумный день, или Женитьба Фигаро», П.-О. Бомарше — дон Гусман Бридуазон;
- 1928 — «Растратчики», В. П. Катаев — Прохоров;
- 1929 — «Блокада», Вс. В. Иванов — Осип Мироныч;
- 1929 — «Вишнёвый сад», А. П. Чехов — Фирс;
- 1929 — «Бронепоезд 14-69», Вс. В. Иванов — Семён Семёнович;
- 1930 — «Воскресение», Л. Н. Толстойпа — арҫын тата присяжнӑйсен старшини;
- 1932 — «Мёртвые души», Н. В. Гогольпа — Михаил Семёнович Собакевич;
- 1933 — «У жизни в лапах», К. Гамсун — Гиле мучи;
- 1933 — «В людях», М. Горькийпе — Семёнов ҫӑкӑрҫӑ;
- 1934 — «Гроза», А. Н. Островский — Савёл Прокофьевич Дикой;
- 1935 — «Враги», М. Горький — Печенегов генерал;
- 1938 — «Горе от ума», А. С. Грибоедов — Павел Афанасьевич Фамусов;
- 1939 — «Смерть Пазухина», М. Е. Салтыков-Щедрин — Семён Семёнович Фурначёв;
- 1943 — «Последние дни», М. А. Булгаков — Богомазов.
Аудиопостановкӑсемпе музыка пуххисем
- 1965 — «М. М. Тарханов. Творческий портрет» — «Горячее сердце», «Мёртвые души», «Смерть Пазухина», «На дне», «В людях» спектакльсенчи фрагментсем тата А. Чеховӑн «Хирургия» калавӗн инсценировки.
Фильмографи
- 1921 — «Последняя радость»;
- 1923 — «Псиша, танцовщица Екатерины Великой»;
- 1923 — «Раскольников» — Семён Захарович Мармеладов;
- 1929 — «Чины и люди» (новелла «Анна на шее») — Модест Алексеевич;
- 1932 — «Две встречи» — машинист;
- 1933 — «Гроза» — Дикой;
- 1933 — «Иудушка Головлёв» — Дерунов купса;
- 1933 — «Солнце восходит на западе»;
- 1934 — «Юность Максима» — Поливанов;
- 1935 — «Три товарища»;
- 1936 — «Дубровский» — Антон Пафнутьевич Спицын;
- 1936 — «Настоящий товарищ» — Василий Васильевич учитель;
- 1936 — «Отец и сын» — хуралҫӑ;
- 1937-1938 — «Пётр Первый» — Б. П. Шереметьев фельдмаршал.
Хисепӗсем
- Республика тава тивӗҫлӗ артисчӗ (1928);
- РСФСР тава тивӗҫлӗ ӳнер ӗҫченӗ (1933 ҫулхи кӑрлачӑн 18-мӗшӗ);
- РСФСР халӑх артисчӗ (1933 ҫулхи юпан 27-мӗшӗ);
- СССР халӑх артисчӗ (1937);
- Чӑваш АССР халӑх артисчӗ (1947)[9];
- 1-мӗш степеньлӗ Сталин премийӗ(выр.)чăв. (1943) — нумай ҫул хушши ӳнер енӗпе пысӑк ҫитӗнӳсем тунӑшӑн;
- 2 Ленин орденӗ (1938, 1947);
- Ӗҫлӗх Хӗрлӗ Ялав орденӗ (1937);
- «Кавказа хӳтӗленӗшӗн» медаль(выр.)чăв. (1945);
- «1941—1945 ҫҫ. Тӑван Ҫӗршывӑн Аслӑ вӑрҫинче хастар ӗҫленӗшӗн» медаль(выр.)чăв. (1946);
- «Мускав 800 ҫул тултарнине асӑнса» медаль(выр.)чăв. (1947);
- Искусствоведени докторӗ(выр.)чăв. (1939).
Астӑвӑм
М. Тарханов пултарулӑхне «Искусство актёра» (1948) ӑслӑлӑх-популярлӑ фильма халалланӑ[10].
Ӑнлантарусем
- ^ 1, 2, 3, 4, 5, 6 Тарханов Михаил Михайлович // Большая советская энциклопедия (выр.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
- ^ 1, 2, 3, 4 Михаил Михайлович Тарханов. Московский Художественный театр.
- ^ 1, 2 Волков Н. Д. Театральные вечера. — Искусство, 1966. — С. 158—159. — 476 с.
- ^ Московское реальное училище в первое двадцатипятилетие (1873—1898) (выр.). https://viewer.rsl.ru. Пӑхнӑ кун: 2025 ҫулхи ҫурлан 27-мӗшӗ.
- ^ Велехова Н. А. Четвёртая студия МХАТ // Театральная энциклопедия (под ред. П. А. Маркова). — М.: Советская энциклопедия, 1961—1965. — Т. 5.
- ^ Актёрская энциклопедия. Кино России. Выпуск 2 / сост. Парфёнов Л. А.. — НИИ киноискусства, 2008. — С. 187—188. — 228 с. — ISBN 978-5-91524-003-1.
- ^ ГИТИС. Жизнь и судьбы театральной педагогики, 1878-2003 / отв. ред. К. Л. Мелик-Пашаева. — ГИТИС, 2003. — С. 95. — 422 с. — ISBN 5-7196-0287-9.
- ^ Могила М. М. Тарханова на Новодевичьем кладбище. Пӑхнӑ кун: 2012 ҫулхи нарӑсӑн 23-мӗшӗ. оригиналтан архивланӑ 2013 ҫулхи ҫӗртмен 14-мӗшӗ.
- ^ Г. В. Кириллов. Тарханов Михаил Михайлович (выр.). Чувашская энциклопедия. Чувашский государственный институт гуманитарных наук. Пӑхнӑ кун: 2025 ҫулхи ҫурлан 22-мӗшӗ.
- ^ Тарханов Михаил Михайлович — Киносозвездие — авторский проект Сергея Николаева. Пӑхнӑ кун: 2013 ҫулхи кӑрлачӑн 16-мӗшӗ.
Вуламалли
- Н. Д. Волков. «Театральные вечера». Авторский сборник. — М.: Искусство, 1966. — 515 с.