Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Филимонов Валерий Николаевич

Филимонов Валерий Николаевич (ҫур. 1960 ҫулхи акан 5-мӗшӗ, Елчĕк) — Чӑваш Республикин тата Раҫҫейӗн патшалӑх ӗҫченӗ. Раҫҫей Федерацийӗн сывлӑх сыхлавӗн тава тивӗҫлӗ ӗҫченӗ.

2016 ҫулхи авӑнӑн 29-мӗшӗнчен пуҫласа 2018 ҫулхи юпан 19-мӗшӗччен Чӑваш Республикин Патшалӑх Канашӗн председателӗ пулнӑ.

Биографийӗ

Ӑҫтан тухни

1960 ҫулхи акан 5-мӗшӗнче Чӑваш АССРӗнчи Елчӗк салинче ҫуралнӑ[1].

Аслӑ пӗлӳ илнӗ, 1984 ҫулта — Пятигорскри медицинӑпа фармацевтика институтне, 2005 ҫулта Раҫҫей коопераци университечӗн Шупашкарти коопераци институчӗн юридици факультетне пӗтернӗ.

Ӗҫӗ-хӗлӗ

1977—1978 ҫулсем — Елчӗкри крахмал заводӗнче рабочи пулнӑ.

1978—1984 ҫулсем — Пятигорскри фармацевтика институчӗн студенчӗ.

1984—1985 ҫулсем — Совет Ҫарӗнче хӗсметре тӑнӑ.

1986—1988 ҫулсем — Чӑваш АССР Министрсен Канашӗн Аптека управленийӗн йӗркелӳпе фармацевтика пайӗн инспектор-провизорӗ.

1988—1994 ҫулсем — Шупашкарти 135-мӗш аптекӑн заведующийӗ-провизорӗ.

1994 — авӑн, 2016 — Чӑваш Республикин Сывлӑх сыхлавӗн министерствин «Фармация» патшалӑх унитарлӑ предприятийӗн тӗп директорӗ[2] .

2016 ҫулхи авӑнӑн 18-мӗшӗнче Чӑваш Республикин Патшалӑх Канашӗн улттӑмӗш чӗнӗвӗн депутатне Хулаҫум вокзалӗн пӗр мандатлӑ 16-мӗш суйлав округӗпе (Шупашкар хули) суйланнӑ.

Чӑваш Республикин Патшалӑх Канашӗн 2016 ҫулхи авӑнӑн 29-мӗшӗнчи йышӑнӑвӗпе Чӑваш Республикин Патшалӑх Канашӗн председательне суйланнӑ.

«Пӗрлӗхлӗ Раҫҫей» партин регионти уйрӑмӗн секретарӗ (2017—2018 ҫулсем).

2018 ҫулхи юпан 19-мӗшӗнче Чӑваш Республикин Патшалӑх Канашӗн председателӗн должноҫӗнчен хӑтарнӑ. Вӑл хӑй ҫырнӑ заявление тӗпе хурса Хулаҫум вокзалӗн пӗр мандатлӑ 16-мӗш суйлав округӗпе суйланнӑ Валерий Филимонов депутатӑн полномочийӗсене срокчен чарса лартасси пирки йышӑну тунӑ[1].

2018 ҫулхи юпан 19-мӗшӗнче Чӑваш Республикин Пуҫлӑхӗ Игнатьев М. И. Валерий Филимонова Чӑваш Республикин Пуҫлӑхӗн Администрацийӗн ертӳҫин ҫумӗ пулма шанасси ҫинчен калакан хушӑва алӑ пуснӑ[1].

Чӑваш Республикин Патшалӑх Канашӗн иккӗмӗш, тӑваттӑмӗш тата пиллӗкмӗш пухӑвӗсен депутатне суйланнӑ.

Ҫемье

Авланнӑ, виҫӗ ача пур.

Наградӑсем

  • Раҫҫей Федерацийӗн сывлӑх сыхлавӗн тава тивӗҫлӗ ӗҫченӗ
  • Раҫҫей Федерацийӗн Федераци Пухӑвӗн Патшалӑх Думин Хисеп грамоти
  • Раҫҫей Федерацийӗн Тӗп суйлав комиссийӗн Тав хучӗ
  • Чӑваш Республикин сывлӑх сыхлавӗн тава тивӗҫлӗ ӗҫченӗ
  • Чӑваш Республикин Пуҫлӑхӗн Тав хучӗ
  • Чӑваш Республикин Патшалӑх Канашӗн Хисеп грамоти
  • Чӑваш Республикин Сывлӑх сыхлавӗн министерствин Хисеп грамоти
  • Чӑваш Республикин граждан хӳтӗлевӗ тата чрезвычайлӑ лару-тӑру енӗпе ӗҫлекен Патшалӑх комитечӗн Хисеп грамоти[3]

.

Ӑнлантарусем

  1. ^ 1, 2, 3 Филимонов Валерий Николаевич. Тӗрӗсленӗ: 2025 ҫулхи раштавӑн 25-мӗшӗ.
  2. ^ Эдуард Сергачев. Валерий Филимонов: “У меня есть все для того, чтобы считать себя счастливым” (выр.). cheb.mk.ru (29 ҫӑвӑн 2013). Пӑхнӑ кун: 2025 ҫулхи раштавӑн 25-мӗшӗ.
  3. ^ Филимонов, Валерий Николаевич (медицинский работник; 05.04.1960) (выр.). наследиечувашии.рф. Пӑхнӑ кун: 2025 ҫулхи раштавӑн 25-мӗшӗ.

Каҫӑсем

Категорисем