Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Гордеева Светлана Денисовна

Гордеева Светлана Денисовна (ҫур. 1968 ҫулхи кӑрлачӑн 2-мӗшӗ, Комсомольски) — чӑваш поэчӗ, прозаик, журналист, ӳнерҫӗ. Раҫҫей Журналистсен союзӗн пайташӗ (2000), Раҫҫей Писательсен союзӗн пайташӗ (2010). Чӑваш Республикин тава тивӗҫлӗ культура ӗҫченӗ (2021).

Биографийӗ

Чӑваш АССРӗн Комсомольски районӗнчи Комсомольски салинче ҫуралнӑ. Чӑваш Республикин халӑх писателӗн Денис Викторович Гордеевӑн хӗрӗ. Национальноҫӗпе чӑваш[1] .

Гомель (Беларуҫ) хулинчи ӳнер училищинче тата И. Я. Яковлев ячӗллӗ Чӑваш патшалӑх педагогика университечӗн филологи факультетӗнче пӗлӳ илнӗ.

«Чӑваш Ен» тата »Молодёжный курьер» республика хаҫачӗсенче художник-оформительте, корреспондентра тата хыпарсен пайӗн заведующийӗнче ӗҫленӗ, «Проспект» республика информаци агентствин редакторӗ, РФ Патшалӑх Думин депутачӗн пулӑшуҫи пулнӑ. «Пӗрлӗхлӗ Раҫҫей» партин Чӑваш Республикинчи уйрӑмӗн председателӗн обществӑлла йышӑну пӳлӗмӗнче, Чӑваш Республикин Экономика аталанӑвӗн министерствин общественноҫпе ҫыхӑну тытакан пай пуҫлӑхӗнче, Чӑваш Республикин Строительство, архитектура тата пурӑнмалли ҫурт-йӗрпе коммуналлӑ хуҫалӑх министерствин пресс-секретарӗнче вӑй хунӑ.

2021 ҫулхи утӑ уйӑхӗнчен пуҫласа Чӑваш Республикин Наци библиотекин ӗҫченӗ пулнӑ[2]. Хальхи вӑхӑтра «Трактор тӑвакансен культура керменӗ» Республикӑри халӑх пултарулӑхӗн центрӗнче декоративлӑ прикладной пултарулӑх тата халӑх сӑнарлӑ искусство енӗпе методист пулса ӗҫлет[3].

Чӑваш халӑх поэчӗпе Геннадий Айхипе паллашнӑ, вӑл йӗркеленӗ «Чӑваш бельманисчӗсен пӗрлӗхӗн» ӗҫӗ-хӗлне хутшӑннӑ. Гордеева каланӑ тӑрӑх, Айхипе паллашни унӑн пултарулӑхне чылай витӗм кӳнӗ, «Йывӑҫсен ячӗсем» калавсен ярӑмне ҫырма хавхалантарнӑ[4] .

Пултарулӑхӗ

Сӑввисемпе прозӑлла хайлавӗсем Чӑваш Республикинчи («Литературная Чувашия», «Тӑван Атӑл», «Лик) тата Раҫҫейри («Дружба народов») коллективлӑ сборниксемпе литература журналӗсенче пичетленнӗ. Пӗрремӗш сӑвӑ пуххи «Молодёжный курьер» хаҫатра тухнӑ, пысӑкрах публикаци 2004 ҫулта «Литературная Чувашия» журналта Валерий Туркай пулӑшнипе тухнӑ.

2004 ҫулта пӗчӗк тиражпа «Запах полыни» (Игорь Улангин калӑпланӑ) сӑвӑсен пӗрремӗш кӗнеки тухнӑ. Улангинпа пӗрле ӗҫлесе ҫавӑн пекех «Простые вещи» (2006) тата «Деревенские зарисовки» (2009) кӗнекесем кӑларнӑ. 2008 ҫулта Чӑваш кӗнеке издательствинче ачасем валли ҫырнӑ «Верить в чудеса» сӑвӑсен пуххи пичетленсе тухнӑ. 2010 ҫулта икӗ чӗлхепе «Здравствуй, Жизни река» (чӑвашла Валерий Кошкин куҫарнӑ) сӑвӑсен пуххи тухнӑ.

20 сӑвӑсен пуххин тата ачасем валли кӑларнӑ кӗнекесен иллюстрацийӗсен авторӗ. 2014 ҫултанпа ӳнер куравӗсене хутшӑннӑ. Живопиҫпе графикӑн персоналлӑ куравӗсен авторӗ, вӗсем К. В. Иванов ячӗллӗ Литература музейӗнче тата Шупашкарти ытти лапамра иртнӗ[5][6] [7].

Пичетленнӗ хайлавӗсем

Наградӑсем

Ӑнлантарусем

  1. ^ Гордеева Светлана Денисовна. Страницы биографии (выр.). elbib.nbchr.ru (25 чӳкӗн 2010). Пӑхнӑ кун: 2026 ҫулхи нарӑсӑн 23-мӗшӗ.
  2. ^ Гордеева Светлана Денисовна. Культурное наследие Чувашии. Пӑхнӑ кун: 2026 ҫулхи нарӑсӑн 23-мӗшӗ.
  3. ^ Контакты Республиканского центра народного творчества. АУ «Республиканский центр народного творчества «ДК тракторостроителей» Минкультуры Чувашии. Пӑхнӑ кун: 2026 ҫулхи нарӑсӑн 23-мӗшӗ.
  4. ^ Ирина Павлова. Светлана Гордеева: Нас разбудил Айги (выр.). grani21.ru (20 чӳкӗн 2014). Пӑхнӑ кун: 2026 ҫулхи нарӑсӑн 23-мӗшӗ.
  5. ^ Открылась выставка «Поэзия цветов» (выр.). culture.cap.ru (17 пушӑн 2014). Пӑхнӑ кун: 2026 ҫулхи нарӑсӑн 23-мӗшӗ.
  6. ^ В Чебоксарах открылась выставка живописи «Поэзия цветов» (выр.). cheboksary.ru (17 пушӑн 2014). Пӑхнӑ кун: 2026 ҫулхи нарӑсӑн 23-мӗшӗ.
  7. ^ В литературном музее открылась выставка «Источник вдохновения» (выр.). cheboksary.ru (17 пушӑн 2017). Пӑхнӑ кун: 2026 ҫулхи нарӑсӑн 23-мӗшӗ.

Вуламалли

  • Гордеева С. «Ача чухне йывӑҫсемпе, чечексемпе пуплеттӗм» / С. Гордеева; А. Юрату ҫырса илнӗ // Ҫамрӑксен хаҫачӗ. — 2017. — 15 ҫӗртме (№ 23). — С. 6: сӑн ӳкерчӗк.
  • Прокопьева Р. Искусство валлиех ҫуралнӑ: [К. В. Иванов ячӗллӗ литература музейӗнче Светлана Гордеева ӳнерҫӗ-сӑвӑҫӑн «Чечексен поэзийӗ» курав уҫӑлни ҫинчен] / Р. Прокопьева // Хыпар. — 2015. — 14 январь/кӑрлач. — С. 4: сӑн ӳкерчӗк.
  • Смирнова Н. Пике ташшинче — кайӑк вӗҫевӗ: [К. В. Иванов ячӗллӗ Литература музейӗнче Сергей Журавлев фотожурналист сӑн ӳкерчӗкӗсемпе Светлана Гордеева поэтӑн тата художникӑн живопиҫ ӗҫӗсен куравӗ уҫӑлни ҫинчен] / Н. Смирнова; автор сӑн ӳкерчӗкӗ // Хыпар. — 2017. — 10 пуш/март. — С. 16: сӑн ӳкерчӗк.
  • Тумаланова М. Хавхалану ҫӑлкуҫӗ: [К. В. Иванов ячӗллӗ Литература музейӗнче Сергей Журавлев фотожурналисӑн тата Светлана Гордеева художникӑн куравӗ уҫӑлни ҫинчен] / М. Тумаланова // Чӑваш хӗрарӑмӗ. — 2017. — 11 пуш/март (№ 9). — С. 4.
  • Александрова С. И. Выразиться поэтическим словом: о стихах С. Гордеевой / С. И. Александрова // История русского литературного процесса XI—XX вв. и закономерности его развития на современном этапе. — Чебоксары, 2011. — С. 123—124.
  • Гордеева Светлана Денисовна // Сотрудники Чувашского национального музея, 1921—2021. — Чебоксары, 2022. — С. 54—55.
  • Гордеева Светлана Денисовна // Энциклопедия Комсомольского района. — Чебоксары, 2011. — Кн. 2. — С. 51.
  • Гордеева С. Д. Светлана Гордеева: Нас разбудил Айги / С. Д. Гордеева; [записала И. Павлова] // Грани. — 2014. — 20 нояб. — С. 8: фот.
  • Тестова Л. «Слова просты…»: [обзор кн. Светланы Гордеевой «Здравствуй, жизни река»] / Л. Тестова // Лик. Литература. Искусство. Культура. — 2011. — № 3. — С. 159—160.
  • Гордеева Светлана Денисовна // Энциклопедия чувашской журналистики и печати. — Чебоксары, 2014. — С. 89.

Каҫӑсем

Категорисем