Ермеккей районĕ

Ермекей районĕ (пушк. Йәрмәкәй районы, выр. Ермекеевский район Башкортостана) — Пушкăртстан Республики (РФ) йышĕнчи администрациллĕ-территориллĕ виçе (район) тата муниципаллă йĕркеленӳ (муниципаллӑ район).

Хĕвеланăç енче вырнаçнă. Администраци Ермеккей салинче вырнаçнă. Ĕпхӳне çитме 235 км.

Районта пурĕ 54 ял вырнаçнă. 18 пине яхăн çын пурăнать. Халăхсем хушшинче тутарсем, чăвашсем тата пушкӑртсем ытларах сарăлнă. 1 тăваткал çухрăм çине 12,5 çын килет.

Çĕр айĕнчи пуянлăхсем шутĕнче нефть, акшар, хăйăр минералсене палăртнă.

Район урлă Самар — Ĕпхӳ — Челепи чукун çулĕ иртсе каять. Автомобиль çулĕсем района Октябрьски, Пелепей, Туймаçи тата Ĕпхӳ хулисемпе çыхăнтараççĕ.

Районта професси училищи тата историпе краеведени музейĕ вырнаçнă. Пурĕ 31 шкул пур, вĕсенчен 8 вăтам шкул шутланаççĕ. Çавăн пекех ача-пăча кĕвĕ шкулĕ, 26 библиотека, 38 клуб, районăн тĕп пульници, 3 ял пульници пур.

Вырăс тата тутар чӗлхисем çинче «К новым победам» (Çĕнĕ çĕнтерӳсемшĕн) ятлă хаçат тухса тăрать.