Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Жуков Юрий Нестерович

РУВИКИ-ре ҫак хушаматлӑ ытти ҫынсем пирки те статьясем пур: Жуков; Жуков Юрий.

Жуков Юрий Нестерович (ҫур. 1950 ҫулхи акан 17-мӗшӗ, Янӑм, Eтĕрнe районĕ, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР) — композитор, баянист, педагог, Чӑваш Республикин тава тивӗҫлӗ культура ӗҫченӗ (1992), Муркаш районӗн хисеплӗ ҫынни (2020)[1].

Пурнӑҫӗпе ӗҫӗ-хӗлӗ

1950 ҫулхи ака уйӑхӗн 17-мӗшӗнче Чӑваш АССРӗн (халӗ — Чӑваш Республики) Етӗрне районӗнчи Янӑм ялӗнче ҫуралнӑ[1].

1971 ҫулта И. Я. Яковлев ячӗллӗ Чӑваш патшалӑх педагогика институчӗн (халӗ университет) музыкӑпа педагогика факультетӗнчен вӗренсе тухнӑ. Студент чухне Етӗрне районӗнчи, И. Н. Ульянов ячӗллӗ Чӑваш патшалӑх университечӗн, Шупашкарти предприятисемпе учрежденисен пултарулӑх ушкӑнӗсене ертсе пынӑ. Совет ҫарӗнче хӗсметре тӑнӑ вӑхӑтра чаҫри пултарулӑх ушкӑнне ертсе пынӑ[2].

Етӗрне хулинчи шкулсенче музыка учителӗ пулса ӗҫленӗ. 1973—1980 ҫулсенче Муркашри ача-пӑча музыка шкулӗнче вӗрентнӗ, 1976—1995 ҫулсенче Муркашри вӑтам шкулта музыка учителӗ пулса ӗҫленӗ, 1995—1996 ҫулсенче — Муркашри ача-пӑча ӳнер шкулӗн вӗрентекенӗ. 1996—2007 ҫулсенче — Муркаш район администрацийӗн культура пайӗн ертсе пыракан методисчӗ. 2008 ҫултанпа — Муркаш район культура керменӗнче илемлӗх ертӳҫи[3].

Чӑваш Республикин композиторӗсен ассоциацийӗн концерчӗсене автор тата концертмейстер-баянист пулса хастар хутшӑнать.

Юрӑсем кӗвӗлеме 1970-мӗш ҫулсен пуҫламӑшӗнче тытӑннӑ. Халӑхра анлӑ сарӑлнӑ тата юратнӑ юрӑсем шутӗнче:

  • «Юратнǎ, кӑмӑллӑ аннем»,
  • «Хӗрарӑм куҫҫулӗ»,
  • «Тавах сире, атте-анне»,
  • «Шӑнкӑр-шӑнкӑр ҫӑлкуҫ»,
  • «Чунӑм ан хускат»,
  • «Ҫамрӑк ӗмӗр пӗрре ҫеҫ килет»,
  • «Мана ҫеҫ парнеле»,
  • «Кӗҫӗр лӑпкӑ каҫӗ»,
  • «Вӑй выляҫҫӗ шевлесем»,
  • «Пурнӑҫ ҫулӗ такӑр мар»,
  • «Кӗрхи тунсӑх» тата ыттисем те[1].

Тӗрлӗ поэтсен сӑввисене юрра хывнӑ, вӗсен шутӗнче:

Юррисенчен чылайӑшне Чӑваш Республикин чи паллӑ юрӑҫисем— Т. Гурьева, З. Лисицина, Л. Семенова, В. Гордеев, ҫавӑн пекех Чӑваш патшалӑх академи юрӑпа ташӑ ансамблӗ — шӑрантарнӑ. Нумай юрри Чӑваш радио фондӗнче упранать[1].

Муркаш ялӗнче ӗҫлесе пурӑнать.

Хисепӗсем

  • Чӑваш Республикин тава тивӗҫлӗ культура ӗҫченӗ (1992),
  • Раҫҫей Федерацийӗн Культура министерствин Хисеп хучӗ (2002),
  • Чӑваш Республикин Президенчӗн Тав сӑмахӗ (2010),
  • Чӑваш Республикин композиторӗсен ассоциацийӗн Хисеп хучӗ (2015),
  • «Чӑваш автономи облаҫне йӗркеленӗренпе 100 ҫул ҫитнине асӑнса» медаль (2020).

Ӑнлантарусем

  1. ^ 1, 2, 3, 4, 5 Жуков, Юрий Нестерович (композитор; 17.04.1950) (выр.). «Наследие Чувашии» Цифровая библиотека чувашского наследия. Национальная библиотека Чувашской Республики.
  2. ^ Жуков Юрий Нестерович (выр.). Знаменитые люди земли Ядринской. Электронный биобиблиографический указатель литературы. Ядринская районная библиотека.
  3. ^ Жуков Юрий Нестерович (выр.). Официальный сайт Моргаушского района Чувашской Республики.

Вуламалли

  • Желтухин, Г. Юрлакан чӗре тата чун / Г. Желтухин ; В. Петрова хатӗрленӗ // Хресчен сасси. — 2014. — 1 юпа. — С. 8 : сӑн ӳкерчӗк.
  • Жуков, Ю. «Юрра саккаспа ҫырма питӗ йывӑр» : [Юрий Жуков композиторпа калаҫни / Р. Власова ҫырса илнӗ] // Хыпар. — 2016. — 23 авӑн/сентябрь. — С. 5 : сӑн ӳкерчӗк.
  • Илларионова, Р. Кашни юрри чуна ҫывӑх / Р. Илларионова // Ҫӗнтерӳ ялавӗ (Муркаш районӗ). — 2018. — 19 раштав/декабрь. — С. 4.
  • Можаев, В. Шӑнкӑр-шӑнкӑр ҫӑлкуҫ / В. Можаев // Ҫӗнтерӳ ялавӗ (Муркаш районӗ). — 1993. — 22 июль.
  • Можаев, В. Юрӑҫпа пӗрле юрларӗҫ / В. Можаев // Хыпар. — 1998. — 5 нарӑс.
  • Моисеев, Г. Искусствӑна халалланӑ пурнӑҫ / Г. Моисеев // Ҫӗнтерӳ ялавӗ (Муркаш районӗ). — 2023. — 21 утӑ/июль (№ 28). — С. 6 : сӑн ӳкерчӗк.
  • Музыка инструментне тытманни пӗр кун та пулман пулӗ? / Н. Николаева хатӗрленӗ // Ҫӗнтерӳ ялавӗ (Муркаш районӗ). — 2019. — 12 юпа/октябрь (№ 79). — С. 5 : сӑн ӳкерчӗк.
  • Павлова, Л. Жуков юррисем. Чӗрене тыткӑнлаҫҫӗ вӗсем / Л. Павлова // Ҫӗнтерӳ ялавӗ (Муркаш районӗ). — 2000. — 19 ака.
  • Павлова, Л. Юрий Жуков юррисем чӗререх… / Л. Павлова // Хыпар. — 2010. — 16 ака. — С. 4.
  • Пысӑк тӳпе хываҫҫӗ / В. Шапошников сӑн ӳкерчӗкӗ // Ҫӗнтерӳ ялавӗ (Муркаш районӗ). — 2021. — 24 пуш/март (№ 21). — С. 1.
  • Сергеев, В. Юрӑ ӑсти, илемлӗх хуҫи / В. Сергеев // Ҫӗнтерӳ ялавӗ (Муркаш районӗ). — 2015. — 28 март. — С. 5.
  • Васильева, А. Наш любимый композитор / А. Васильева // Знамя труда (Ядрин. р-н). — 2015. — 22 апр. — С. 3 : фот.
  • Жуков Юрий Нестерович // Моргаушский район : краткая энцикл. — Чебоксары, 2002. — С. 62.
  • Жуков Юрий Нестерович // Почетные граждане Моргаушского района Чувашской Республики : биогр. очерки. — Чебоксары, 2021. — С. 95-97 : портр.
  • Жуков Юрий Нестерович // Энциклопедия Моргаушского района. — Чебоксары, 2020. — С. 138.
  • Зайцева, Е. «С нашими песнями — к нам» / Е. Зайцева // Советская Чувашия. — 2011. — 2 апр. — С. 3.
  • Зимин, Н. Рожденный для песни / Н. Зимин // Клуб и народное творчество. — 2000. — Март (№ 3). — С. 8.
  • Ильин, С. П. Жуков Юрий Нестерович / С. П. Ильин, Н. А. Зимин // Ассоциация композиторов Чувашской Республики / С. П. Ильин, Н. А. Зимин. — Чебоксары, 1995. — С. 44-45.
  • Ильин, С. П. Жуков Юрий Нестерович / С. П. Ильин, Н. А. Зимин // Краткая ядринская энциклопедия. — Чебоксары, 2006. — С. 88.
  • Ильин, С. П. Жуков Юрий Нестерович / С. П. Ильин, Н. А. Зимин // Ядринская энциклопедия. — Чебоксары, 2015. — Т. 1 : А-О. — С. 190.
  • Казнина, Е. Сельский маэстро / Е. Казнина // Советская Чувашия. — 2000. — 23 мая.

Каҫӑсем

Категорисем