Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Нарышкин Сергей Евгеньевич

Нарышкин Сергей Евгеньевич (ҫур. 1954 ҫулхи юпан 27-мӗшӗ, Ленинград) — Раҫҫей патшалӑх, политика тата ҫар ӗҫченӗ. 2016 ҫулхи юпа уйӑхӗн 5-мӗшӗнчен пуҫласа Раҫҫей Федерацийӗн Тулаш разведка службин пуҫлӑхӗ[1]. Раҫҫей Федерацийӗн Хӑрушсӑрлӑх канашӗн яланхи пайташӗ. Раҫҫей Федерацийӗн 1-мӗш класлӑ чӑн патшалӑх канашҫи . «Тӑван Ҫӗршыв умӗнчи тава тивӗҫлӗ ӗҫсемшӗн» орденӑн тулли кавалерӗ.

2011—2016 ҫулсенче — Раҫҫей Федерацийӗн Федераци пухӑвӗн Патшалӑх Думин VI суйлавӗн председателӗ[2][3], Союзлӑ патшалӑхӑн Парламент пухӑвӗн председателӗ. «Пӗрлӗхлӗ Раҫҫей» партин Аслӑ канашӗн Бюро пайташӗ[4].

2008 ҫулхи ҫу уйӑхӗн 12-мӗшӗнчен пуҫласа 2011 ҫулхи раштавӑн 20-мӗшӗччен — Раҫҫей Федерацийӗн Президенчӗн Администрацийӗн ертӳҫи. 2008 ҫулхи раштав уйӑхӗнчен — Раҫҫей Федерацийӗн Президенчӗ ҫумӗнчи Патшалӑх парнисен комитечӗн председателӗ; 2009—2012 ҫулсенче — Раҫҫей интересӗсене сиен кӳрсе историе улӑштарма хӑтланнисене хирӗҫлекен комисси председателӗ (вӑл ӗҫленӗ пӗтӗм тапхӑрта); 2012 ҫултанпа Раҫҫей истори обществине ертсе пырать. 2017 ҫултанпа РФ Ҫар промышленноҫӗн комиссийӗн пайташӗ[5].

2024 ҫулхи раштавӑн 27-мӗшӗнче Раҫҫей Федерацийӗн Президенчӗн хушӑвӗпе (27.12.2024 № 1120) килӗшӳллӗн «Истори вӗрентӗвӗ енӗпе ведомствӑсен комиссийӗн ыйтӑвӗсем» истори енӗпе ӗҫлекен ведомствӑсен комиссийӗн президиумӗн йышне кӗртнӗ[6].

Раҫҫей Федерацин 1-мӗш класлӑ чӑн патшалӑх канашҫи (2008)[5].

Ачалӑхӗпе ҫамрӑклӑхӗ

Сергей Нарышкин — тӗп ленинградҫӑ. Унӑн асламӑшӗ, аслашшӗ, ашшӗ тата аппӑшӗ Тӑван Ҫӗршывӑн Аслӑ вӑрҫи вӑхӑтӗнче Ленинградра пӗтӗм блокадӑна чӑтса ирттернӗ. Аслашшӗ хӳтӗлев заводӗнче ӗҫлет, ӗҫе ҫӳреме вӑйӗ пӗтсе ҫитсен, «стационар» режимӗ ҫине куҫнӑ — урӑхла каласан, заводра ҫӗр каҫма юлнӑ. 1942 ҫулхи хӗлле вӑл халтан кайнипе вилнӗ, ӑна Пискарёв ҫӑвинче тӑванла вилтӑпринче пытарнӑ. Ашшӗ те вилес патнех ҫитнӗ, вӑл выҫӑпа аптӑраса ӳкнӗ, анчах унӑн пурнӑҫне хулара пурӑнакан тӑванӗ илсе килнӗ ҫур михӗ ҫӗрулми ҫӑлса хӑварнӑ[7].

Сергей ачалӑхне Ленинград облаҫӗнчи Всеволожскра ирттернӗ. Всеволожск районӗнче студентсен строительство отрядӗнче ӗҫленӗ[8].

1972 ҫулта Нарышкин 190-мӗш ӳнерпе эстетика сулӑмӗллӗ шкула вӗренсе пӗтернӗ[9].

Вӗренӳ

1978 ҫулта Нарышкин Ленинградри механика институтӗнчен «инженер-радиомеханик» специальнӑҫпа вӗренсе тухнӑ[10]. Кайран Санкт-Петербург пӗтӗм тӗнчери менеджмент институтне[11] «экономист» специальнӑҫне алла илсе вӗренсе пӗтернӗ. Акӑлчанла тата французла пӗлет.

Официаллӑ мар сведенисем тӑрӑх, 1978 ҫултан пуҫласа 1982 ҫулччен СССР Патшалӑх хӑрушсӑрлӑх комитечӗн ятарлӑ вӗренӳ заведенийӗсенче хатӗрленӳ иртнӗ. ПХК Пӗрремӗш тӗп управленийӗн 101-мӗш шкулӗнче (халӗ — Тулаш разведка академийӗ) икӗ ҫуллӑх факультетӗнче вӗреннӗ. Вӗренсе тухсан, хӑй каланӑ тӑрӑх, 1980 ҫулта Ленинградри ПХК управленинче Владимир Путинпа паллашнӑ. Вӗреннӗ вӑхӑтра Нарышкинӑн оперативлӑ псевдонимӗ «Наумов» пулнӑ[12][13]. Ҫавӑн пекех Мускаври Аслӑ Кисель тӑкӑрлӑкӗнчи патша жандарм управленийӗ вырнаҫнӑ пулнӑ ҫуртра ПХК аслӑ шкулӗн пӗр ҫуллӑх 8-мӗш факультечӗн «француз» ушкӑнӗнче вӗреннӗ[14].

Карьера

  • 1982 ҫултанпа — Ленинградри политехника институчӗн тулашри экономика ҫыхӑнӑвӗсен пайӗн пуҫлӑхӗн ҫумӗ, проректорӑн тӗнчери ӑслӑлӑх ҫыхӑнӑвӗсен енӗпе пулӑшуҫи[5].
  • 1980-мӗш ҫулсенче — Бельгири СССР элчелӗхӗн экономика канашҫин аппарачӗн ӗҫтешӗ[5].
  • 1990-мӗш ҫулсен пуҫламӑшӗ — Санкт-Петербург мэрийӗн экономика аталанӑвӗн комитетӗнче пай пуҫлӑхӗ, каярах — экономика тата финанс комитечӗн пуҫлӑхӗ.
  • 1995 ҫултанпа — «Промышленно-строительный банк» АУО (Санкт-Петербург) тулаш инвестицисен уйрӑмӗн ертӳҫи.
  • 1996—2004 ҫулсенче — «Филип Моррис Ижора» табак фабрикин директорӗсен канашӗн пайташӗ[5][15].
  • 1997 ҫултанпа — Ленинград облаҫӗн правительствин экономикӑпа инвестици комитечӗн председателӗн ҫумӗ, инвестицисен департаменчӗн пуҫлӑхӗ.
  • 1998 ҫултанпа — Ленинград облаҫӗн правительствин тулаш экономика тата тӗнчери ҫыхӑнӑвӗсен комитечӗн председателӗ.
  • 2004 ҫулхи нарӑс уйӑхӗнчен пуҫласа — Раҫҫей Федерацийӗн Президенчӗн Администрацийӗн экономика управленийӗн пуҫлӑхӗн ҫумӗ.
  • 2004 ҫулхи пуш уйӑхӗнчен пуҫласа — Раҫҫей Федерацийӗн правительство аппарачӗн ертӳҫин ҫумӗ.
  • 2004 ҫулхи авӑн уйӑхӗнчен пуҫласа — Раҫҫей Федерацийӗн правительство аппарачӗн ертӳҫи — Раҫҫей Федераци министрӗ.
  • 2007 ҫулхи нарӑс уйӑхӗнчен пуҫласа Раҫҫей Федерацийӗн правительствин председателӗн ҫумӗ — Раҫҫей Федерацийӗн правительствин аппарачӗн ертӳҫи пулма ҫирӗплетнӗ, 2007 ҫулхи авӑнӑн 6-мӗшӗнчен[16] — «Карап тӑвакансен пӗрлештернӗ корпорацин» директорсен канашӗн председателӗ.
  • 2008 ҫулхи ҫу уйӑхӗн 12-мӗшӗнчен пуҫласа 2011 ҫулхи раштавӑн 20-мӗшӗччен — Раҫҫей Федерацийӗн Президенчӗн Администрацийӗн ертӳҫи[17][18].
  • 2011 ҫулхи раштавӑн 4-мӗшӗнче Раҫҫей Федерацийӗн Федераци пухӑвӗн Патшалӑх Думин VI суйлавӗн депутатне суйланӑ.
  • Раштавӑн 21-мӗшӗнче Патшалӑх Думин председательне суйланӑ (238 сасӑ — майлӑ, 88 — хирӗҫ)[3][19].
  • 2012 ҫулхи акан 5-мӗшӗнче Нарышкина пӗр саслӑ пулса Раҫҫейпе Беларуҫ пӗрлӗхӗн Парламент пухӑвӗн председательне суйланӑ[20].
  • РФ Федераци пухӑвӗн VII суйлаври Патшалӑх Думине суйланӑ чух (2016 ҫул) Нарышкин «Пӗрлӗхлӗ Раҫҫей» партирен Ленинград облаҫӗнчи 112-мӗш Кингисепп пӗр мандатлӑ суйлав округӗпе суйланнӑ[21]. Анчах та ҫӗнӗ ӗҫ вырӑнӗ сӗннипе мандатне тавӑрса панӑ[22].
  • 2016 ҫулхи авӑн уйӑхӗн 22-мӗшӗнче Раҫҫей Президенчӗ Владимир Путин Нарышкина Раҫҫей Федерацийӗн Тулаш разведка службин директорӗн должноҫне 2016 ҫулхи юпа уйӑхӗн 5-мӗшӗнчен пуҫласа йышӑнма хушу кӑларнӑ[23].
  • 2016 ҫулхи юпан 21-мӗшӗнче РФ Патшалӑх Думи Нарышкин полномочийӗсене срокчен чарма йышӑннӑ[24].
  • 2024 ҫулхи ҫу уйӑхӗн 14-мӗшӗнче ҫӗнӗ правительствӑна йӗркеленӗ май Нарышкина Тулаш разведка службин директорӗ вырӑнӗнче хӑварнӑ[25].
undefined

Тулаш разведка служби пуҫӗнче

Тулаш разведка службине ертсе пыма пуҫласан Нарышкин СССР спецслужбисен архив докуменчӗсен вӑрттӑнлӑхне сирес тӗлӗшпе майсем йышӑннӑ, ҫакӑн хыҫҫӑн чылай ҫӗнӗ ӑслӑлӑх ӗҫӗ кун ҫути курнӑ. Тӗслӗхрен, ҫӗршыв валли стратегиллӗ информаци тупнӑ ҫичӗ совет нелегал-разведчикӗн маларах пӗлмен ячӗсем паллӑ пулнӑ. Тулаш разведка служби 100 ҫул тултарнӑ тӗле тулашри разведка ҫинчен ҫырнӑ очерксен пуххине («Комсомольская правда» издательствӑпа пӗрле) хатӗрленӗ, Европа историйӗн вӑрҫӑ умӗнхи тата вӑрҫӑ тапхӑрӗнчи ҫарпа политика лару-тӑрӑвне ҫутатса паракан документсен пуххисене (1935—1945 ҫулсем) уйрӑм кӑларӑмсемпе, «Легендарлӑ разведчиксем» ярӑмпа ҫӗнӗ кӗнекесем тухнӑ, кайран «Вече» издательство вӗсене ҫӗнӗрен кӑларнӑ[26]. Нарышкин умсӑмахӗпе «Рудольф Абель. Совет нелегал-разведчикӗн вӑрттӑн архивӗ» кӗнеке тухнӑ, унта пӗрремӗш хут Америка тӗрминче ларнӑ чухнехи В. Г. Фишер ҫырӑвӗсене тата унӑн биографийӗнчи паллӑ мар пулӑмсене пичетлесе кӑларнӑ[27].

Нарышкинпа Лужков

2010 ҫулхи авӑнӑн 17-мӗшӗнче Нарышкин Раҫҫей Федерацийӗн Президенчӗ Дмитрий Медведев хушнипе Мускав мэрне Ю. М. Лужкова чи малтан пулас отставка пирки пӗлтернӗ. Каярахпа Нарышкин Лужков вӑхатӗнчи Мускавра коррупци шайне «ытлашшипех пысӑк» тенӗ[28]. 2011 ҫулхи раштавӑн 19-мӗшӗнче Мускавӑн Пресня сучӗ Лужков хӑйӗн чысне хӳтӗлеме Нарышкина тавӑҫ тӑратнине тивӗҫтерме килӗшмен.

Ӑслӑлӑх ӗҫӗ

Нарышкин — экономика ӑслӑхӗсен кандидачӗ (2004, диссертаци «Иностранные инвестиции в России как фактор экономического развития»; ӑслӑлӑх ертӳҫи — Ю. П. Тютиков)[29], экономика ӑслӑлӑхӗсен докторӗ (2010, диссертация «Иностранные инвестиции и развитие экономики России»; ӑслӑлӑх консультанчӗ — Т. Я. Хабриева)[30]. 2008 ҫултанпа — Раҫҫей Федерацийӗн Правительстви ҫумӗнчи Саккун кӑларакан тата танлаштаруллӑ право институчӗн патшалӑх тата муниципалитет управленийӗн экономикӑпа право проблемисен центрӗн ӑслӑлӑх ертӳҫи[31]. 47 ӑслӑлӑх ӗҫӗн авторӗ, ҫав шутра ют ҫӗршыв инвестицийӗсене явӑҫтарас ыйтусемпе 25 статья тата 5 монографи[31]. Паллӑрах кӗнекисем:

  • «Ют ҫӗршыв инвестицийӗсем Раҫҫейӗн экономика аталанӑвӗн факторӗ» (2004);
  • «Ют ҫӗршыв инвестицийӗсене явӑҫтарасси: экономика стратегийӗ тата Раҫҫей регионӗсен аталанӑвӗ» (2009)[5].

«Диссернет» проекта хутшӑнакансем ҫирӗплетнӗ тӑрӑх, Нарышкинӑн диссертаци ӗҫӗсенче[32], ҫавӑн пекех унӑн «Ют ҫӗршыв инвестицийӗсем (регион аспекчӗ)» (СПб., 2005) кӗнекинче плагиат тупнӑ[33].

Санкцисем

Нарышкина тӗрлӗ ҫӗршывсенчи пайӑр санкцисене кӗртнӗ. 2014 ҫулхи пушӑн 20-мӗшӗнче АПШ, 2014 ҫулхи пушӑн 21-мӗшӗнче Евросоюзӑн санкци списокне кӗртнӗ[34]. Ҫавӑн пекех Канада, Швейцари тата Австрали санкцисем йышӑннӑ. Украинӑра ҫар ӗҫӗсем пуҫланнӑ хыҫҫӑн 2022 ҫулта АПШ Нарышкин тӗлӗшпе санкцисене анлӑлатнӑ[35], ҫавӑн пекех ӑна Японипе Ҫӗнӗ Зеланди санкци списокӗсене кӗртнӗ.

Обществӑлла ӗҫӗ-хӗлӗ

Нарышкин «Хальхи саманари истори фончӗн» попечительсен канашӗн председателӗ[36] тата Федерацийӗн Президенчӗ ҫумӗнчи Раҫҫей халӑх хуҫалӑхӗн тата патшалӑх хӗсмечӗн академийӗн попечительсен канашӗн председателӗ. 2012 ҫултанпа Раҫҫей истори обществин председателӗ. 2024 ҫулхи раштавӑн 27-мӗшӗнче Раҫҫей Федерацийӗн Президенчӗн хушӑвӗпе (27.12.2024 № 1120) килӗшӳллӗн «Истори вӗрентӗвӗ енӗпе ведомствӑсен комиссийӗн ыйтӑвӗсем» истори енӗпе ӗҫлекен ведомствӑсен комиссийӗн президиумӗн йышне кӗртнӗ[6].

Харпӑр пурнӑҫӗпе ҫемьи

Авланнӑ, ывӑл, хӗр тата икӗ мӑнук пур. Арӑмӗ — Татьяна Сергеевна (ҫуралнӑ чухнехи хушамачӗ Якубчик), информаци технологийӗсен специалисчӗ. 2004 ҫулччен «Военмех» Балти патшалӑх техника университечӗн «Информаци тытӑмӗсемпе компьютер технологийӗсем» кафедринче ӗҫленӗ[37].

  • Ывӑлӗ — Нарышкин Андрей Сергеевич (1978), «Энергопроект» АХО тӗп директорӗн ҫумӗ[38][31]. Авланнӑ, икӗ хӗр ҫитӗнтерет — Анна тата Наталья[39].
  • Хӗрӗ — Вероника Сергеевна Нарышкина (1988 ҫулхи акан 16-мӗшӗнче ҫуралнӑ) халӑх хуҫалӑхӗн академинче вӗренсе тухнӑ, спорт мастерӗ, Пӗтӗм Раҫҫейри ишев федерацийӗнче ӗҫлет, 2021 ҫулхи кӑрлач уйӑхӗнче нефтесервис оборудованийӗ кӑларассипе ӗҫлекен «Интех-Сервис» компанин ӗҫ тӑвакан директорӗ вырӑнне йышӑннӑ, резидент пулса тӑнӑ, ҫавӑн пекех «Интех-Внедрение» компани капиталӗн 20 % ун аллинче[40].

Нарышкин ачаранпах ишессипе кӑсӑкланать, спортӑн ҫак тӗсне питӗ юратать, кашни ир 300—500 метр ишет, ҫакӑ ӑна лайӑх вӑй-хал форминче пулма пулӑшать[41]. Ҫавӑн пекех ту йӗлтӗрӗпе ярӑнать, теннисла вылять. Ленинград облаҫӗнчи Всеволожск районӗнчи хӑйӗн ялти ҫуртӗнче канать[42]. Театрал, бард юррисене (Визбор, Высоцкий, Окуджава) юратать, хӑй гитара калать.

Хисепӗсем

Раҫҫейӗн:

  • «Тӑван Ҫӗршыв умӗнчи тава тивӗҫлӗ ӗҫсемшӗн» орденӑн I степенӗ (2024 ҫул)[43].
  • «Тӑван Ҫӗршыв умӗнчи тава тивӗҫлӗ ӗҫсемшӗн» орденӑн II степенӗ (2019 ҫул)[44].
  • «Тӑван Ҫӗршыв умӗнчи тава тивӗҫлӗ ӗҫсемшӗн» орденӑн III степенӗ (2010 ҫул)[45][31].
  • «Тӑван Ҫӗршыв умӗнчи тава тивӗҫлӗ ӗҫсемшӗн» орденӑн IV степенӗ (2008 ҫулхи ҫӗртмен 4-мӗшӗ) — Раҫҫей Федерацийӗн Правительствин ӗҫ-хӗлӗнче ҫитӗнӳсем тунӑшӑн тата нумай ҫул тӳрӗ кӑмӑлпа ӗҫленӗшӗн[46].
  • Александр Невский орденӗ (2014 ҫулхи юпан 27-мӗшӗ) — Раҫҫей патшалӑхне ҫирӗплетес ӗҫре пысӑк тӳпе хывнӑшӑн, парламентаризма аталантарнӑшӑн тата тӳрӗ кӑмӑлпа нумай ҫул хушши ӗҫленӗшӗн[47].
  • Хисеп орденӗ (2004 ҫулхи юпан 27-мӗшӗ) — нумай ҫул хушши тӳрӗ кӑмӑлпа ӗҫленӗшӗн[48].
  • Туслӑх орденӗ (2016 ҫул)[45].
  • «Тӑван Ҫӗршыв умӗнчи тава тивӗҫлӗ ӗҫсемшӗн» орден медалӗн II степенӗ (2003 ҫулхи пушӑн 11-мӗшӗ) — ӗҫри ҫитӗнӳсемшӗн тата нумай ҫул тухӑҫлӑ ӗҫленӗшӗн[49].
  • Раҫҫей Федерацийӗн Президенчӗн Хисеп грамоти (2009 ҫулхи юпан 26-мӗшӗ) — Раҫҫей Федерацийӗн Президенчӗн конституци полномочийӗсене тивӗҫтернӗшӗн тата тӳрӗ кӑмӑлпа нумай ҫул хушши ӗҫленишӗн[50].
  • Раҫҫей Федерацийӗн Правительствин Хисеп грамоти (2009 ҫулхи юпан 26-мӗшӗ)[51].
  • Раҫҫей Федерацийӗн Тӗп суйлав комиссийӗн Хисеп грамоти (2008 ҫулхи акан 2-мӗшӗ) — Раҫҫей Федерацийӗн Президенчӗн суйлавне йӗркелеме тата ирттерме пысӑк пулӑшу панӑшӑн[52].
  • Преподобный Сергий Радонежский орденӗн II степенӗ (Вырӑс православи чиркӗвӗ, 2014 ҫул) — Чиркӳ ырлӑхӗшӗн тунӑ ӗҫсене шута илсе тата ҫуралнӑранпа 60 ҫул ҫитнӗ май[53].
  • «Иркутск 350 ҫул тултарнине асӑнса» медаль (2011)[54].
  • Сӑваплӑ Анна орденӗн I степенӗ (Раҫҫей император ҫурчӗ, 2009 ҫул)[55].
  • «Раҫҫей Федерацийӗн хӳтӗлевне ҫирӗплетес ӗҫе пысӑк тӳпе хывнашӑн» медаль (РФ Хӳтӗлев министерстви, 2021)[56].

Ют ҫӗршывсен:

  • Халӑхсен туслӑхӗн орденӗ (Беларуҫ, 2009 ҫулхи раштавӑн 8-мӗшӗ) — Раҫҫейпе Беларуҫ туслӑхне ҫирӗплетес, пӗрлехи патшалӑх тӑвас ӗҫе пысӑк тӳпе хывнӑшӑн[57][58].
  • Хисеплӗ легион орденӗн офицерӗ (Франци).
  • «Туслӑх» орденӗ (Азербайджан, 2012 ҫулхи утӑн 5-мӗшӗ) — Азербайджан Республикипе Раҫҫей Федерацийӗ хушшинчи патшалӑхсен хушшинчи ҫыхӑнусене аталантарас тата ҫирӗплетес ӗҫре уйрӑмах палӑрнӑшӑн[59][60].
  • Туркменистан Президенчӗн орденӗ «Битараплык» (Туркменистан, 2012 год) — Туркменистанпа Раҫҫей Федерацийӗ хушшинчи политика, экономика, культура, наука тата парламент хутшӑнӑвӗсене аталантарас ӗҫе пысӑк тӳпе хывнӑшӑн, Туркменистанӑн яланхи нейтралитечӗн статусне йышӑннӑшӑн, туркмен тата Раҫҫей халахӗсен хутшӑнӑвӗсене ҫирӗплетнӗшӗн[61].
  • Хисеп орденӗ (Беларуҫ, 2015 ҫулхи нарӑсӑн 26-мӗшӗ) — Еврази экономика Союзӗ пирки килӗшӳ хатӗрлес, интеграци процесӗсене аталантарас тата анлӑлатас, Беларуҫ Республики, Раҫҫей Федерацийӗ тата Казахстан Республики хушшинчи экономика ҫыхӑнӑвне ҫирӗплетес тӗлӗшпе чылай пысӑк тӳпе хывнӑшӑн[62][63].
  • Хисеп орденӗ (Эрмени, 2015 ҫулхи пушӑн 30-мӗшӗ) — Эрмени Республикипе Раҫҫей Федерацийӗ хушшинчи патшалӑх ҫыхӑнӑвне тарӑнлатнӑшӑн, ҫавӑн пекех эрмен-раҫҫей туслӑ хутшӑнусене ҫирӗплетме тата аталантарма чылай тӳпе хывнӑшӑн[64].
  • «Достык» орденӑн II степенӗ (Казахстан, 2016)[65].
  • Туслӑх орденӗ (Вьетнам, 2021 ҫулхи раштавӑн 1-мӗшӗ) — Вьетнамӑн общество хӑрушсӑрлӑхӗн министерствипе Раҫҫейӗн Тулаш разведка служби хушшинчи ҫыхӑнӑва аталантарас тата пурне те тивӗҫтерекен стратегиллӗ юлташлӑха ҫирӗплетес ӗҫе пысӑк тӳпе хывнӑшӑн[66].

Обществӑлла тата тӗнчери организацисен:

  • «Содружество» орден (2014 ҫулхи чӳкӗн 27-мӗшӗ, СНГ Парламентсен Ассамблейи) — Парламентсен Ассамблейин тата унӑн органӗсен ӗҫ-хӗлне хастар хутшӑннӑшӑн, патшалӑхсемпе халӑхсен туслӑхне ҫирӗплетес ӗҫе пысӑк тӳпе хывнӑшӑн[67].
  • «МПА СНГ. 25 ҫул» юбилей медалӗ (2017 ҫулхи юпан 13-мӗшӗ, СНГ Парламентсен Ассамблейи) — парламентаризма аталантарас тата ҫирӗплетес ӗҫри тава тивӗҫлӗ ӗҫсемшӗн, Никама Пӑхӑнман Патшалӑхсен Пӗрлешӗвӗн право никӗсӗсене аталантарас тата лайӑхлатас ӗҫе пысӑк тӳпе хывнӑшӑн, тӗнчери парламентсен ҫыхӑнӑвӗсене ҫирӗплетнӗшӗн[68].

Класс чинӗ

Раҫҫей Федерацийӗн 1-мӗш класлӑ чӑн патшалӑх канашҫи (2008 ҫулхи ҫӗртмен 9-мӗшӗ)[69].

Ӑнлантарусем

  1. ^ Путин назначил Нарышкина главой СВР // РБК, 22.09.2016.
  2. ^ Постановление Государственной Думы Федерального Собрания Российской Федерации от 21.12.2011 № 4-6 ГД // СЗ РФ, 2011, № 52, ст. 7556.
  3. ^ 1, 2 Спикером новой Госдумы избран Сергей Нарышкин , Wayback Machine çинчи 2012 ҫулхи кӑрлачӑн 7-мӗшӗнчи копийӗ // РБК
  4. ^ Сергей Нарышкин вступил в «Единую Россию» // Regnum
  5. ^ 1, 2, 3, 4, 5, 6 Энциклопедия ТАСС, 2024. Нарышкин, Сергей Евгеньевич. Директор СВР России
  6. ^ 1, 2 Указ Президента Российской Федерации от 27.12.2024 № 1120 ∙ Официальное опубликование правовых актов (выр.). publication.pravo.gov.ru (27 раштавӑн 2024). Пӑхнӑ кун: 2024 ҫулхи раштавӑн 27-мӗшӗ.
  7. ^ Спиридонова, Наталия Александровна. Самое главное в жизни. Настоящее прошедшее. Российское историческое общество, ТРК «Плеяда» (20 раштавӑн 2019).
  8. ^ В голосовании приняли участие руководители государства, чиновники, общественные деятели России // Первый канал
  9. ^ Вице-премьер Нарышкин прыгал на Фонтанку в школьной форме // Комсомольская правда
  10. ^ Нарышкин, Сергей. Председатель Государственной думы шестого созыва. Lenta.ru. Пӑхнӑ кун: 2016 ҫулхи юпан 9-мӗшӗ.
  11. ^ Бизнес-школа IMISP — один из лидеров российского бизнес-образования. imisp.ru. Пӑхнӑ кун: 16 окт. 2022 г..
  12. ^ - YouTube. www.youtube.com. Пӑхнӑ кун: 16 окт. 2022 г..
  13. ^ Максим Иванов, Иван Сафронов, Наталья Корченкова, Анастасия Мануйлова, Олег Сапожков. Спикеров делать из этих людей (выр.) (html). Коммерсантъ (20 ҫӑвӑн 2019). Пӑхнӑ кун: 2019 ҫулхи ҫӑвӑн 23-мӗшӗ. Архивланӑ 2019 ҫулхи акан 16-мӗшӗ.
  14. ^ Роман Шлейнов. Николай Токарев: путь от КГБ до «Транснефти» (выр.). Ведомости (11 нарӑсӑн 2013). Пӑхнӑ кун: 2016 ҫулхи раштавӑн 9-мӗшӗ.
  15. ^ Борьба с курением: почему смягчается антитабачный закон // Аргументы и факты, 05 декабря 2012.
  16. ^ 15 сентября должен стать днём рождения ОСК( ӗҫлемен каҫӑ) Деловой Петербург/ REGNUM, 6 сентября 2007
  17. ^ Биография , Wayback Machine çинчи 2009 ҫулхи ҫурлан 25-мӗшӗнчи копийӗ // Президент.рф, 12 мая 2008
  18. ^ Указ Президента РФ от 12.05.2008 N 751. Пӑхнӑ кун: 2009 ҫулхи юпан 18-мӗшӗ. оригиналтан архивланӑ 2010 ҫулхи раштавӑн 5-мӗшӗ.
  19. ^ «Единая Россия» выдвинет Нарышкина на пост спикера Госдумы — Исаев // «РИА Новости»
  20. ^ Нарышкин стал спикером союзного парламента России и Белоруссии // Вести.ру
  21. ^ Выборы депутатов Государственной Думы Федерального Собрания Российской Федерации седьмого созыва : Данные кандидата : Нарышкин Сергей Евгеньевич /// Сайт ЦИК России
  22. ^ Путин извинился перед избирателями Сергея Нарышкина. www.rbc.ru. Пӑхнӑ кун: 16 окт. 2022 г..
  23. ^ Указ о директоре Службы внешней разведки // Президент.рф
  24. ^ http://vote.duma.gov.ru/vote/96095 Голосование депутатов
  25. ^ Президент подписал указы о назначении членов Правительства Российской Федерации и директоров служб. kremlin.ru (14 ҫӑвӑн 2024). Пӑхнӑ кун: 2024 ҫулхи ҫӑвӑн 14-мӗшӗ.
  26. ^ Николай Долгополов, Владислав Фронин. Директор СВР Сергей Нарышкин дал интервью «Российской газете» (выр.). Российская газета (16 раштавӑн 2020). Пӑхнӑ кун: 2021 ҫулхи пушӑн 4-мӗшӗ.
  27. ^ Рудольф Абель (В.Г.Фишер). Тайный архив советского разведчика-нелегала / Евгения Ларина. — Письма из американской тюрьмы и воспоминания соратников. — АСТ, 2020. — С. 1—2. — 288 с. — ISBN 978-5-17-134617-1.
  28. ^ Нарышкин: Лужков отправлен в отставку из-за неэффективности и коррупции. vesti.ru. Пӑхнӑ кун: 16 окт. 2022 г..
  29. ^ Нарышкин С. Е., Формирование политики привлечения иностранных инвестиций в Российскую Федерацию : автореф. дис. на соиск. учён. степ. к.э.н. : спец. 08.00.05 / Нарышкин Сергей Евгеньевич; [С.-Петерб. гос. ун-т экономики и финансов]. — СПб., 2004. — 19 c.
  30. ^ Нарышкин С. Е., Иностранные инвестиции и развитие экономики России : автореферат диссертации на соискание учёной степени доктора экономических наук : специальность 08.00.05 <Экономика и управление народным хозяйством по отраслям и сферам деятельности> / Нарышкин Сергей Евгеньевич; [Ин-т законодательства и сравнит. правоведения при Правительстве РФ]. — Санкт-Петербург, 2010. — 33 с.
  31. ^ 1, 2, 3, 4 Сергей Нарышкин: биография, видео, фото, выступления - Российское историческое общество. historyrussia.org. Пӑхнӑ кун: 16 окт. 2022 г..
  32. ^ * В диссертации Сергея Нарышкина обнаружили 40 % плагиата // РБК
  33. ^ Бакланов А. В диссертации Сергея Нарышкина нашли плагиат // Snob.ru
  34. ^ COUNCIL IMPLEMENTING REGULATION (EU) 2020/398.
  35. ^ Russia-related Designations and Designations Updates; Issuance of Russia-related General Licenses (англ.). U.S. Department of the Treasury. Пӑхнӑ кун: 2023 ҫулхи кӑрлачӑн 23-мӗшӗ.
  36. ^ НАРЫШКИН Сергей Евгеньевич | Фонд Современной Истории. Пӑхнӑ кун: 2014 ҫулхи авӑнӑн 1-мӗшӗ. оригиналтан архивланӑ 2015 ҫулхи юпан 18-мӗшӗ.
  37. ^ Лидеры всех партий, претендующих на места в Госдуме нового созыва, уже проголосовали — Первый канал
  38. ^ Органы управления ЗАО «Энергопроект». Пӑхнӑ кун: 2013 ҫулхи пушӑн 18-мӗшӗ. оригиналтан архивланӑ 2012 ҫулхи чӳкӗн 1-мӗшӗ.
  39. ^ Тумакова, Ирина Андрей Нарышкин, сын вице-премьера Сергея Нарышкина: "О назначении отца я узнал из выпуска новостей". iz.ru (14 мар. 2007 г.). Пӑхнӑ кун: 16 окт. 2022 г..
  40. ^ Дочь Сергея Нарышкина возглавила компанию-производителя оборудования для поиска нефти (2021-01-29).
  41. ^ В российском плавании происходят положительные изменения. vesti.ru. Пӑхнӑ кун: 16 окт. 2022 г..
  42. ^ Кандидат в спикеры — аккуратист, не любит тусовок // KP.RU
  43. ^ Директор Службы внешней разведки Российской Федерации.
  44. ^ Директор Службы внешней разведки Российской Федерации. svr.gov.ru. Пӑхнӑ кун: 2016 ҫулхи юпан 24-мӗшӗ. Архивланӑ 2022 ҫулхи нарӑсӑн 4-мӗшӗ.
  45. ^ 1, 2 Директор Службы внешней разведки Российской Федерации. svr.gov.ru. Пӑхнӑ кун: 16 окт. 2022 г..
  46. ^ Указ Президента Российской Федерации от 4 июня 2008 года № 900 «О награждении орденом „За заслуги перед Отечеством“ IV степени Нарышкина С. Е.» Пӑхнӑ кун: 0209 ҫулхи юпан 25-мӗшӗ.
  47. ^ Указ Президента Российской Федерации от 27 октября 2014 года № 677 «О награждении орденом Александра Невского Нарышкина С. Е.»
  48. ^ Указ Президента Российской Федерации от 27 октября 2004 года № 1360 «О награждении орденом Почёта Нарышкина С. Е.»
  49. ^ Указ Президента Российской Федерации от 11 марта 2003 года № 288 «О награждении государственными наградами Российской Федерации»
  50. ^ Распоряжение Президента Российской Федерации от 26 октября 2009 года № 718-рп «О награждении Почетной грамотой Президента Российской Федерации Нарышкина С. Е.»
  51. ^ Распоряжение Правительства Российской Федерации от 26 октября 2009 года № 1574-р «О награждении Почётной грамотой Правительства Российской Федерации Нарышкина С. Е.»
  52. ^ Постановление Центральной избирательной комиссии Российской Федерации от 2 апреля 2008 года № 107/802-5 «О награждении Почётной грамотой Центральной избирательной комиссии Российской Федерации»
  53. ^ В день памяти святителя Николая Чудотворца Предстоятель Русской Церкви совершил великое освящение храма Благовещения Пресвятой Богородицы в Сокольниках г. Москвы / Новости / Патриархия.ru. www.patriarchia.ru. Пӑхнӑ кун: 16 окт. 2022 г..
  54. ^ Медалями в честь 350-летия Иркутска наградят более 400 человек. www.irk.ru. Пӑхнӑ кун: 16 окт. 2022 г..
  55. ^ Кавалеры ордена Святой Анны I степени. Пӑхнӑ кун: 2009 ҫулхи ҫӗртмен 5-мӗшӗ. оригиналтан архивланӑ 2011 ҫулхи раштавӑн 10-мӗшӗ.
  56. ^ Министр обороны России генерал армии Сергей Шойгу вручил ведомственные награды представителям властных структур. function.mil.ru. Пӑхнӑ кун: 16 окт. 2022 г..
  57. ^ Национальный правовой Интернет-портал Республики Беларусь. pravo.by. Пӑхнӑ кун: 16 окт. 2022 г..
  58. ^ Медведев и Лукашенко вручили государственные награды. vz.ru. Пӑхнӑ кун: 16 окт. 2022 г..
  59. ^ Распоряжение Президента Азербайджанской Республикиo награждении орденом «Достлуг» С.Е.Нарышкина » Официальный сайт президента Азербайджанской Республики. president.az. Пӑхнӑ кун: 16 окт. 2022 г..
  60. ^ Государственные деятели Российской Федерации удостоены орденов в Азербайджане. Пӑхнӑ кун: 2012 ҫулхи авӑнӑн 16-мӗшӗ. оригиналтан архивланӑ 2013 ҫулхи нарӑсӑн 7-мӗшӗ.
  61. ^ Сергей Нарышкин награждён орденом «Битараплык». Пӑхнӑ кун: 2012 ҫулхи юпан 15-мӗшӗ. оригиналтан архивланӑ 2020 ҫулхи ҫурлан 4-мӗшӗ.
  62. ^ Указ Президента Республики Беларусь от 26.02.2015 г. № 101 «Аб узнагароджанні» – Pravo.by. pravo.by. Пӑхнӑ кун: 16 окт. 2022 г..
  63. ^ Лукашенко наградил Нарышкина орденом почета. www.sb.by. Пӑхнӑ кун: 16 окт. 2022 г..
  64. ^ Հանրապետության նախագահի հրամանագրերը - Փաստաթղթեր - Հայաստանի Հանրապետության Նախագահ. www.president.am. Пӑхнӑ кун: 16 окт. 2022 г..
  65. ^ Глава внешней разведки Нарышкин награждён орденом Достык
  66. ^ Президент Вьетнама наградил Нарышкина и Патрушева орденом Дружбы (выр.). РИА Новости (20211201T1615). Пӑхнӑ кун: 2021 ҫулхи раштавӑн 7-мӗшӗ.
  67. ^ Постановление Совета Межпарламентской Ассамблеи государств — участников Содружества Независимых Государств от 27 ноября 2014 года № 50 «О награждении орденом Межпарламентской Ассамблеи государств — участников Содружества Независимых Государств «Содружество». Пӑхнӑ кун: 2024 ҫулхи ҫӗртмен 4-мӗшӗ. Архивланӑ 2024 ҫулхи ҫӗртмен 4-мӗшӗ.
  68. ^ Постановление Совета Межпарламентской Ассамблеи государств — участников Содружества Независимых Государств от 13 октября 2017 года № 48 «О награждении медалью «МПА СНГ. 25 лет». Пӑхнӑ кун: 2024 ҫулхи ҫӑвӑн 31-мӗшӗ. Архивланӑ 2023 ҫулхи пушӑн 24-мӗшӗ.
  69. ^ Указ Президента Российской Федерации от 9 июня 2008 года № 905 «О присвоении классного чина государственной гражданской службы Российской Федерации Нарышкину С. Е.» Пӑхнӑ кун: 2008 ҫулхи утӑн 4-мӗшӗ. оригиналтан архивланӑ 2010 ҫулхи раштавӑн 5-мӗшӗ.

Каҫӑсем

Категорисем