Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Соловьева Наталия Николаевна

Соловьева Наталия Николаевна (1960 ҫулхи утӑн 10-мӗшӗ, Етӗрнекасси, Шупашкар районӗ, Чӑваш АССР) — художник, педагог, педагогика ӑслӑлӑхӗсен кандидачӗ (2010), доцент. 2019 ҫултанпа Чӑваш ӳнерҫисен пӗрлешӗвӗн правленийӗн ертӳҫи.

Ашшӗ — Николай Федотович Романов (1934—2017), амӑшӗ — Галина Никитична (1939—2018).

Романов Ю. Н. художникӑн йӑмӑкӗ.

Пурнӑҫӗпе ӗҫӗ-хӗлӗ

1960 ҫулхи утӑ уйӑхӗн 10-мӗшӗнче Чӑваш АССРӗн Шупашкар районӗнчи Етӗрнекасси ялӗнче ҫуралнӑ. 1977 ҫулта Ишлей вӑтам шкулӗнчен вӗренсе тухнӑ. 1980—1986 ҫулсенче И. Я. Яковлев ячӗллӗ Чӑваш патшалӑх педагогика институчӗн ӳнерпе графика факультетӗнче вӗреннӗ[1]. Ҫак университетрах аспирантура вӗренсе пӗтернӗ (2009).

1986—1995 ҫулсенче Шупашкар хулинчи 13-мӗш вӑтам шкулта сӑнарлӑ искусство, ӗҫ тата черчени учителӗ пулса ӗҫленӗ. 1995—2004 ҫулсенче Шупашкар хулинчи 1-мӗш гимназире ӳнер ӗҫне вӗрентнӗ. 2004 ҫултанпа — И. Я. Яковлев ячӗллӗ Чӑваш патшалӑх педагогика университечӗн дизайн тата профессиллӗ вӗрентӳ методикин кафедрин аслӑ преподавателӗ[1].

2010 ҫулта Хусан хулинче педагогика ӑслӑлӑхӗн кандидачӗн диссертацине хӳтӗленӗ, халӗ ӳнерпе музыка пӗлӗвӗн факультечӗн сӑнарлӑ ӳнер тата дизайн кафедрин доценчӗ шутланать[2].

Вӑл ертсе пынипе студентсем ҫулсерен конкурссене, олимпиадӑсене тата арт-фестивальсене хутшӑнаҫҫӗ, вӗсенчен нумайӑшӗ тӗрлӗ шайри (республика, регионсен хушшинчи тата пӗтӗм тӗнчери) тата тӗрлӗ енлӗ (дизайн, ӳнер) ӑмӑртусен ҫӗнтерӳҫисем пулаҫҫӗ.

Ӑслӑлӑхпа тӗпчев ӗҫне хастар туса пырать. Студентсемпе ӗҫлемелли методика, вӗренӳпе методика, вӗренӳ пособийӗсем кӑларать, ӑслӑлӑх статйисем ҫырать — 40 ытла ӑслӑлӑх ӗҫ авторӗ.

2017 ҫултанпа «Чӑваш ӳнерҫисен пӗрлешӗвӗ» Чӑваш Республикин обществӑлла организацийӗн пайташӗ, 2019 ҫултанпа Чӑваш дизайнерӗсен пӗрлешӗвӗн (Раҫҫей дизайнерӗсен союзӗн регионти уйрӑмӗн) пайташӗ.

Чӑваш художникӗсен пӗрлешӗвӗ, Чӑваш дизайнерӗсен союзӗ тата регионти ытти пултарулӑх пӗрлешӗвӗсем ҫулсерен ирттерекен куравсене хастар хутшӑнать. 2017 ҫултанпа Чӑваш художникӗсен союзӗн куравӗсене йӗркелес ӗҫе те хутшӑнать.

Пултарулӑхӗ

Пӗрлехи куравсем

  • «20 ҫул иртсен» (Ӳнерпе графика факультетне 1985 ҫулта вӗренсе пӗтернисен куравӗ) – (Шупашкар, Хальхи ӳнер центрӗ, 2005);
  • Зеленодольскри ачасен ӳнер шкулӗ (Соловьев А.Л., Соловьева Н.Н., Соловьев Л.А.) (2006);
  • «25 ҫул иртсен» (Ӳнерпе графика факультетне 1985 ҫулта вӗренсе пӗтернисен куравӗ) – «Кӗмӗл ӗмӗр» галерея (Шупашкар, 2010);
  • Романов Ю.Н. тата Соловьева Н.Н. куравӗ (Чӑваш патшалӑх культурӑпа ӳнер институчӗ, Шупашкар, 2010);
  • «Диалог» (Романов Ю.Н., Соловьева Н.Н.) – И. Я. Яковлев ячӗллӗ Чӑваш патшалӑх педагогика университечӗ (2011);
  • «Хамӑръен» («Бичурин тата хальхи самана» музей, Кӳкеҫ, 2017—2024);
  • Республикӑри куҫса ҫӳрекен курав «Кӑвак хуппи» (Шупашкар, Тӑвай, Канаш, 2020);
  • «Созвучие» (Соловьева Н.Н., Романова С. И., Романова Л. М.) – (Ҫӗнӗ Шупашкар ӳнер музейӗ, 2021)[3];
  • «Романтиксен сӑрӑ ӳнерӗ» (Соловьева Н.Н., Романова Л. М.) – (Шупашкарти Халӑхсен Туслӑх ҫурчӗ, 2021)[4];
  • Александр Невский ҫуралнӑранпа 800 ҫул ситнине халалланӑ республикӑри ӳнер куравӗ (Шупашкар, Хальхи ӳнер центрӗ, 2021);
  • «Вӑхӑт тӗсӗ. Чӑваш Ен» пӗтӗм тӗнчери арт-фестиваль: Шупашкар ӳнер училищи (2021), «Бичурин тата хальхи самана» музей, Кӳкеҫ (2021);
  • Сӑр тата Хусан хӳтӗлев чиккисене тӑвакансене халалланӑ «Кӗркунне—2021» республикӑри ӳнер куравӗ (Шупашкар, Хальхи ӳнер центрӗ, 2021);
  • «Хӗл умӗн» регионсен куравӗ («Кӗмӗл ӗмӗр» галерея, Шупашкар, 2021);
  • «Пирӗн тӑрӑх пит хитре» (Етӗрне районӗ, Тури Ачак, «Тури чӑвашсен музейӗ», 07. 2021);
  • Романов Юрий Николаевич педагог-художник ҫуралнӑранпа 60 ҫул ҫитнине халалланӑ «Вӑхӑт тулашӗнче» курав («Бичурин тата хальхи самана» музей, Кӳкеҫ, 08.04 — 08.05.2023);
  • Чӑваш ӳнерҫисен пӗрлешӗвӗ 30 ҫул тултарнине халалланӑ «Савнӑ Шупашкар» курав (Чӑваш ӳнер музейӗ, 2023);
  • Чӑваш ӳнерҫисен пӗрлешӗвӗ 30 ҫул тултарнине тата Педагог ҫулталӑкне халалланӑ «Педагог-художниксен пленэрӗ» курав (2023);
  • «Живопись десанчӗ» (Шупашкар, «Plato» кофейня, 2024);
  • Шупашкар 555 ҫул тултарнине халалланӑ «Савнӑ Шупашкар» курав (Шупашкар, Хальхи ӳнер центрӗ, 2024);
  • «Вӑхӑт тӗсӗ. Чӑваш туйӗ» пӗтӗм тӗнчери 2-мӗш арт-фестиваль («Кӗмӗл ӗмӗр» галерея, Шупашкар, 2024)[5];
  • «Чӑваш ӳнер кӗввисем» (Миша Григорян, Анатолий Данилов, Станислав Юхтар, Наталия Соловьева тата ыт. те) (Шупашкар, Чӑваш Республикин Патшалӑх Канашӗ, 2024);
  • «Шупашкар тавраш» Шупашкар районӗнче ҫуралса ӳснӗ ӳнерҫӗсен, дизайнерсен куравӗ («Кӗмӗл ӗмӗр» галерея, Шупашкар, 2024).

Пленэр куравӗсем

  • Пленэр ӗҫӗсем (Соловьева Н.Н., Ермолаева М. Б., Пайгусов А.Н.) – (И. Я. Яковлев ячӗллӗ Чӑваш патшалӑх педагогика университечӗ, 2005);
  • Пӗтӗм Раҫҫейри IV курав «Пленэр – 2014» (И. Я. Яковлев ячӗллӗ Чӑваш патшалӑх педагогика университечӗ, 2014);
  • Пленэр куравӗсем (К. В. Иванов ячӗллӗ Литература музейӗ, Шупашкар, 2017—2021);
  • Н.К. Сверчкова халалланӑ пленэр тата курав (Тӑвай районӗ, Енӗш-Нӑрваш, 02.07 — 04.07.2021);
  • Пленэр тата курав: Ю. П. Матросов тӑван ялӗнче Шупашкар районӗнчи Ҫӗньял Чурачӑкра (07.07 — 09.07. 2022) тата Кӳкеҫри «Бичурин тата хальхи самана» музейра (10.08.2022);
  • И.В. Дмитриев ҫуралнӑранпа 120 ҫул ҫитнине халалланӑ пленэр тата выставка (Чӗмпӗр облаҫӗ, Чӑнлӑ районӗ, 11.08 — 14.08. 2022);
  • Романов Юрий Николаевич педагог-художник ҫуралнӑранпа 60 ҫул ҫитнине халалланӑ пленэр (Шупашкар районӗ, Етӗрнекасси, 19.05 — 21.05.2023);
  • «Уяв-2023» уява халалланӑ Чӑваш ӳнерҫисен пӗрлешӗвӗн I Регионсен пленэрӗ (Тутарстан Республики, Элкел районӗ, Сиктӗрме, 25.06 — 08.07.2023);

Харпӑр куравсем

  • Шупашкарти 13-мӗш вӑтам шкул (ҫулсерен, 1986—1992);
  • Шупашкарти 54-мӗш вӑтам шкул (1995);
  • Зеленодольскри М. Горький ячӗллӗ Культура керменӗ (1986);
  • 1995—2004 ҫулсенче – Шупашкарти 1-мӗш гимназире; Шупашкарти 54-мӗш вӑтам шкулта, Шупашкарти «Системпром» бизнес-центрта, Аслӑ Новгородри «Элегия» салонта, Мускавра Арт-Лайф офисӗнче;
  • «Бичурин тата хальхи самана» музей, Кӳкеҫ (2011, 2013),
  • Чӑваш патшалӑх культурӑпа ӳнер институчӗ, Шупашкар (2007),
  • К. В. Иванов ячӗллӗ Литература музейӗ, Шупашкар (2017).

Хисепӗсем

  • И. Я. Яковлев ячӗллӗ Чӑваш патшалӑх педагогика университечӗн Хисеп грамоти (2010, 2013, 2015, 2020),
  • Чӑваш Республикин Культура, национальноҫсен ӗҫӗсен тата архив ӗҫӗн министерствин Тав хучӗ (2021),
  • Чӑваш Республикин Вӗрентӳпе ҫамрӑксен политикин министерствин Тав хучӗ (2021),
  • Чӑваш Республикин Культура, национальноҫсен ӗҫӗсен тата архив ӗҫӗн министерствин Хисеп грамоти (2023).

Ӑнлантарусем

  1. ^ 1, 2 Энциклопедия Чебоксарского района : Соловьева Наталия Николаевна (выр.). Энциклопедии/ Цифровая библиотека Национальной библиотеки Чувашской Республики. Национальная библиотека Чувашской Республики.
  2. ^ Соловьева Наталья Николаевна (выр.). Факультет художественного и музыкального образования. Чувашский государственный педагогический университет им. И.Я. Яковлева.
  3. ^ «Созвучие». Наталия Соловьева (выр.). МБУ «Историко-художественный музейный комплекс» города Новочебоксарск (2021 ҫулхи ака уйӑхӗн 23-мӗшӗ).
  4. ^ Тимӗр Акташ. Искусство: В Доме дружбы народов Чебоксар открылась выставка «Живопись романтиков» (выр.). Чувашский народный сайт (17 авӑнӑн 2021).
  5. ^ Открылась выставка, посвящённая чувашским свадебным традициям (выр.) (2024, ҫурла уйӑхӗ).

Каçăсем

Категорисем