Шупашкар кӳлмекӗ
Шупашкар кӳлмекĕ — Шупашкарăн икĕ пĕверен тытăнса тăракан культурăпа кану вырăнĕ.
Кӳлмеке иккĕ юханшыв Сăкăтапа Чебоксарка юхса кĕреççĕ. Кӳлмек çумĕнчи объектсем: Анне палăкĕ, Хĕрлĕ лапам, юрӑ уйӗ. Хальхи кӳлмеке 1978 ҫулта тума пуҫланӑ.
Кӳлмекре шупашкарсем канма кăмăллаççĕ. Кунта апатланма, канма пулать, шыв çинче катамаранпа та, кимĕпе те ярăнма май пур.
Кун-çулĕ
Шывпа тултаричченхи тапхӑр
Шупашкар кӳлмекне тума пуҫличчен 1970-мӗш ҫулсен иккӗмӗш ҫурри тӗлне ун вырӑнӗнче Кив хулан айлӑм территорийӗ вырнаҫнӑ, унта Шупашкарпа Кайбулка шывсен ҫыранӗ ҫумӗнчи лаптӑксем пулнӑ. Лаптӑка шывпа тултарма хатӗрленӗ чухне уйрӑм тата сахал хваттерлӗ пурӑнмалли ҫуртсене, ҫавӑн пекех хулан паллӑ вырӑнӗ шутланакан культура, суту-илӳ тата администраци ҫурчӗсене — вӗсенчен чылайӑшне 1917 ҫулхи Октябрь революциччен тата совет саманинче туса лартнӑ пулнӑ — сӳтсе пенӗ пулнӑ.
Хулан чылай урамӗсене, тата хальхи урамӗсен пайӗсене пӗтернӗ. Кайбулкӑпа Шупашкар юханшыв ҫыранӗсенчи тухӑҫ енчи кивӗ (историллӗ) урамӗсем пӗтнӗ: Максим Горький, Кадыков, Гоголь, Ҫыранхӗрри, Карл Либнехт, Октябрьски, Улӑх урамӗсем, Халтурин урамӗн пӗр пайӗ; анӑҫ енчи тӑвайккинче Чернышевский, Бондарев урамӗсем пӗтнӗ, Гертурин тата Завод урамӗсен пӗр пайӗ ҫухалнӑ. Бауман, Роза Люксембург, Плеханов кивӗ урамсем пӗтнӗ, Театр, Союз (ҫуртсен пӗр пайӗ Константин Иванов урамӗнче ҫӗнӗ адрессем ҫине куҫнӑ) урамӗсем ҫухалнӑ, Юханшыв тӑкӑрлӑкӗ, Пулӑҫсен пӗрремӗш, иккӗмӗшпе виҫҫӗмӗш слободисем пӗтнӗ, Чулхула, Карл Маркс, Ленинград, Ярославль урамӗсен пайӗсем ҫухалнӑ. Кивӗ Хӗрлӗ тӳрем лаптӑкне тасатнӑ.
Кӳлмеке туни
Кӳлмек вырăнĕнче ĕлĕк хулан кивĕ пайĕ пулнă. Шупашкар ГЭСне туса лартсан хулан çак пайĕ шыв айне пулса юлнă. Шупашкар шыв усравĕн шайне хăпартма тăхтанипе кунти çĕр пичĕ хулан сăн-питне ăмăрланă.
1996 çулта тепĕр дамбă тума йышăннă, каярах ăна «Храм çулĕ» ят панă.
.jpg)
Кӳлмек фотоӳнерте
Кӳлмек акваторийӗпе унӑн ҫыранӗсен лаптӑкне чылай чухне Шупашкар хулине халалланӑ тӗрлӗ фотооткрыткӑсен пуххин кӑларӑмӗсене кӗртеҫҫӗ. 1964 ҫулта Росглавполиграфпромӑн 1 № изопродукци комбиначӗ (Питӗр) И. Наровлянскин сӑнӳкерчӗкӗсем тӑрӑх пӗчӗк открыткӑсен ярӑмне кӑларнӑ, вӗсен хушшинче Шупашкарӑн пулас хула панорамин ӳкерчӗкӗ пур, ун ҫинче Кайбулка ҫыранӗсене шыв айне тума палӑртнӑ пурнӑҫа кӗртмен проекта курма пулать. 1973 ҫулта совет саманин «Планета» издательстви Ю. Капитанов сӑнӳкерчӗкӗсемпе открыткӑсен ярӑмне кӑларнӑ, вӗсен йышне Шупашкар хулин кивӗ пайӗн территорине сӑнлакан пулас Кӳлмек вырӑнӗнче тунӑ фотооткрыткӑсем те кӗнӗ. 1990 ҫулта «Панорама» тата «Планета» совет издательствисем М. Кудрявцевпа О. Листопадов сӑнӳкерчӗкӗсемпе открыткӑсен ярӑмне кӑларнӑ, вӗсен хушшинче темиҫе сӑнӳкерчӗк ҫинче Кӳлмек сӑнланнӑ. 1992 ҫулта Раҫҫейри «Марка» издатцентрӗ открыткӑсен ярӑмне кӑларнӑ, вӗсенчен пӗри ҫинче (Б. Зеньковский ӗҫӗ) кӳлмекӗн ҫӳлти пӗвине кӑна шывпа тултарнӑ вӑхӑтри Кӳлмек сӑнланнӑ.
Каçăсем
Темӑпа ҫыхӑннисем
| Шупашкарӑн паллӑ вырӑнӗсем | |
|---|---|
| Музейсем | |
| Храмсем | |
| Театрсем | |
| Парксемпе скверсем | |
| Ытти вырӑнсем | |
