Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Ятманов Николай Осипович

РУВИКИ-ре ҫак хушаматлӑ ытти ҫынсем пирки те статьясем пур: Ятманов.

Ятманов Николай Осипович (1927 ҫулхи пушӑн 4-мӗшӗ, Лаш Таяпа, Чăваш Автономиллĕ Социализмлă Совет Республики, Патăрьел уесĕ, Раççей Федерациллĕ Социализмлă Совет Республики, СССР — 2014 ҫулхи ҫӑвӑн 29-мӗшӗ, Ржев, Тĕвер облаçĕ, Раҫҫей Федерацийӗ) — архитектор, РСФСР Министрсен Канашӗн преми лауреачӗ (1953), СССР архитекторӗсен союзӗн членӗ (1958), Раҫҫей Федерацийӗн Писательсен союзӗн членӗ (2002)[1].

Пурнӑҫӗпе ӗҫӗ-хӗлӗ

1927 ҫулхи пуш уйӑхӗн 4-мӗшӗнче Чӑваш АССРӗн Патӑрьел уесӗнчи (халӗ Чӑваш Республикин Елчӗк муниципаллӑ округӗн) Лаш Таяпа ялӗнче ҫуралнӑ. Ашшӗ — Ятманов Осип Михайлович (Ятман Уҫҫи), сӑвӑҫ, вӗрентекен.

Лаш Таяпа шкулӗнче вӗреннӗ. Мускав архитектура институтне(выр.)чăв. вӗренсе пӗтернӗ. Чӑвашпроектра (халӗ «Чӑвашгражданпроект» проект институчӗ), РСФСР Художество фончӗн Чӑваш АССРӗнчи уйрӑмӗнче пурӑнмалли тата общество ҫурчӗсен архитектури енӗпе ӗҫленӗ. 1953—1960 ҫулсенче Шупашкар хулин архитекторӗ пулнӑ. Унтан чылай вӑхӑт хушши Çыранçи Чаллӑ хулинче КамАЗ архитектура управленине ертсе пынӑ.

Ярославль урамӗнчи пурӑнмалли ҫурт фасачӗсен тата ача сачӗн, универмага реконструкцилессин, Вырӑс драма театрӗн ҫурчӗсен проекчӗсен авторӗ; Шупашкар хулинчи ял хуҫалӑх академийӗн ҫуртне тунӑ хушӑра архитектура надзорне пурнӑҫланӑ[1].

Литература пултарулӑхӗ

1990-мӗш ҫулсен пуҫламӑшӗнче литература ӗҫне хастар пикеннӗ. Унӑн чӑвашла ҫырнӑ повеҫӗсемпе калавӗсем «Ялав», «Тӑван Атӑл», «Шурӑмпуҫ» журналсенче, «Тантӑш» хаҫатра пичетленнӗ. 2005 ҫулта «Калем» издательствӑра «Кӗтмен шӑпа» романӗ уйрӑм кӗнекен тухнӑ[1].

Ӗҫӗсем

  • Ятманов, Николай Осипович. Кӗтмен шӑпа [Текст] : роман / Николай Ятманов. — Шупашкар, 2005. — 224 с.

Ӑнлантарусем

  1. ^ 1, 2, 3 https://chuvenc.ru/show_Person/867 (англ.). chuvenc.ru. Пӑхнӑ кун: 2026 ҫулхи кӑрлачӑн 12-мӗшӗ.

Вуламалли

  • Адюкова, И. Паллӑ ҫын / И. Адюкова // Eлчӗк ен. — 2002. — 2 пуш;
  • Лаштай, П. Николай Ятманов — пирӗн пӗрремӗш архитекторсенчен пӗри / П. Лаштай // Хыпар. — 2007. -17 пуш. — С. 10. — (Литературӑпа ӳнер кӑларӑмӗ / кӑларӑма Н. Смирнова хатӗрленӗ);
  • Трофимов, Л. Телейлӗ пулма мӗн кирлӗ? / Л. Трофимов // Тантӑш. — 2007. — 3 ҫу (№ 17). — С. 12;
  • Эктел, В. Иккӗмӗш тӗлпулу / В. Эктел // Вучах. — 1991. — 18 чӳк (№ 42). — С. 4-5;
  • Малышкин, Н. Ф. Ятманов Николай Осипович / Н. Ф. Малышкин // Яльчикский район : краткая энцикл. — Чебоксары, 2007. — С. 449-450;
  • Рахимов, Р. К. Ятманов Николай Осипович / Р. К. Рахимов // Краткая чувашская энциклопедия. — Чебоксары, 2001. — С. 521;
  • Рахимов, Р. К. Ятманов Николай Осипович / Р. К. Рахимов // Чувашская энциклопедия. — Чебоксары, 2011. — Т. 4 : Си-Я. — С. 751;
  • Рахимов, Р. К. Ятманов Николай Осипович / Р. К. Рахимов // Архитекторы Чувашии / Р. К. Рахимов. — Чебоксары, 2000. — С. 155;
  • Ятманов Николай Осипович // Чувашская Республика. Яльчикский район. — Чебоксары, 2005. — С. 194.

Каçăсем

Категорисем