Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Глинкин Борис Николаевич

Глинкин Борис Николаевич — спортсмен, кире пукан спорчӗ енӗпе Чӑваш Республикин тава тивӗҫлӗ тренерӗ (2007), Чӑваш Республикин тава тивӗҫлӗ физкультурӑпа спорт ӗҫченӗ (2011)[1].

Пурнӑҫӗпе ӗҫӗ-хӗлӗ

1961 ҫулхи ҫӗртме уйӑхӗн 26-мӗшӗнче Чӑваш АССРӗн Патӑрьел районӗнчи Тури Туҫа ялӗнче ҫуралнӑ.

Тури Туҫа вӑтам шкулӗнчен, И. Н. Ульянов ячӗллӗ Чӑваш патшалӑх университечӗн строительство факультетӗнчен (1984) вӗренсе тухнӑ.

1989 ҫултанпа Чӑваш патшалӑх аграри университетӗнче аслӑ вӗрентекен пулса ӗҫлеме тытӑннӑ, 2003 ҫултанпа — ҫак аслӑ шкулта физвоспитани кафедрин доценчӗ. Параллельлӗ майпа Шупашкарти 3-мӗш номерлӗ ача-пӑчапа ҫамрӑксен спорт шкулӗнче кире пукан йӑтакансен ӑсталӑхне туптать. Вун-вун спортсмен — разрядник, спорт мастерӗ тата тӗнче класлӑ спорт мастерӗ — хатӗрленӗ, вӗсен шутӗнче — тӗнче чемпионкипе рекордсменки Любовь Эллина[2].

Кире спорчӗ енӗпе Чӑваш Республикин пӗрлештернӗ командин тӗп тренерӗ, аслӑ категориллӗ судья шутланать.

Общество ӗҫӗ-хӗлӗ

Чӑваш Республикин кире спорчӗн федерацийӗн председателӗн ҫумӗ, Чӑваш Республикинчи Патӑрьел районӗнче ҫуралса ӳснӗ ҫынсен ентешлӗхӗн хастар пайташӗ шутланать.

Спортри ҫитӗнӗвӗсем

Чӑваш ял хуҫалӑх институчӗн йывӑр атлетика секцийӗн воспитанникӗ. Йывӑр атлетика енӗпе СССР спорт мастерӗн кандидачӗ (1984), кире пукан спорчӗ енӗпе СССР спорт мастерӗ (1989) тата Раҫҫей тӗнче класлӑ спорт мастерӗ (1995). Европа чемпионӗ (1992), тӗнче чемпионачӗн тата Тӗнче кубокӗн призёрӗ (1993, 1994), Раҫҫей Кубокӗн ҫӗнтерӳҫи (1991, 1992), Раҫҫей Кубокӗн ҫӗнтерӳҫи (1991,1992).

Чехири ӑмӑртусенче 2001 ҫулта 24 килограмлӑ кире пуканне — 1 сехет хушшинче 1451 хут ҫӗклесе — тӗнчери чи пысӑк ҫитӗнӳ тунӑ, ҫак кӑтартӑва Гиннесс рекорчӗсен тӗнче кӗнекинче (2002) ҫырса хунӑ[3].

Ветерансен хушшинче кире спорчӗ енӗпе темиҫе хутчен Европа тата тӗнче чемпионӗ тата призёрӗ[4].

Хисепӗсем

  • Чӑваш Республикин тава тивӗҫлӗ тренерӗ (2007);
  • Чӑваш Республикин тава тивӗҫлӗ физкультурӑпа спорт ӗҫченӗ (2011);
  • Чӑваш Республикин физкультурӑпа спорт министерствин Хисеп хучӗ;
  • «Чӑваш автономи облаҫне туса хуни 100 ҫул» юбилей медалӗ;
  • «Патӑрьел районне никӗсленӗренпе 95 ҫул» юбилей медалӗ .

Ӑнлантарусем

  1. ^ Н. Г. Скородумов. Глинкин Борис Николаевич (выр.). Чувашская энциклопедия. Пӑхнӑ кун: 2025 ҫулхи юпан 29-мӗшӗ.
  2. ^ Глинкин, Борис Николаевич (спортсмен; 26.06.1961) (выр.). Наследие Чувашии. Национальная библиотека Чувашской Республики. Пӑхнӑ кун: 2025 ҫулхи юпан 29-мӗшӗ.
  3. ^ Неувядаемый Борис Глинкин. chuvathletics.narod.ru. Пӑхнӑ кун: 2025 ҫулхи юпан 29-мӗшӗ.
  4. ^ Борис Глинкин – абсолютный чемпион Европы среди ветеранов по гиревому спорту! (выр.). Официальный портал органов власти Чувашской Республики (11 авӑнӑн 2009). Пӑхнӑ кун: 2025 ҫулхи юпан 29-мӗшӗ.

Вуламалли

  • Глинкин, Б. Н. Борис Глинкин: Ҫамрӑксем тренера каймаҫҫӗ — шалу пысӑк мар : [Чӑваш патшалӑх аграри университечӗн тренерӗпе калаҫни / А. Михайлов ҫырса илнӗ] // Хыпар. — 2021. — 16 утӑ/июль (№ 75/76). — С. 6 : сӑн ӳкерчӗк;
  • Павлова, О. Гиннес кӗнекине кӗнӗ спортсмен / О. Павлова // Авангард (Патӑрьел районӗ). — 2020. — 23 ҫӗртме (№ 46). — С. 3 : сӑн ӳкерчӗк;
  • Сидоров, В. Гиннес рекорчӗсен кӗнекине кӗнӗ / В. Сидоров ; А. Сугутский сӑн ӳкерчӗкӗ // Ҫамрӑксен хаҫачӗ. — 2021. — 15 утӑ (№ 27). — С. 9 : сӑн ӳкерчӗк;
  • Сидоров, П. Вĕренекенĕсене ăмăртăва илсе килĕ / П. Сидоров // Пирӗн сӑмах=Наше слово (Сӗнтӗрвӑрри районӗ). — 2024. — 11 октябрь (№ 39). — С. 5;
  • Сидоров, П. Вӗсем паян та вӑйлӑ / П. Сидоров // Хыпар. — 2010. — 24 чӳк. — С. 4;
  • Сидоров, П. Европа чемпионне чыслаҫҫӗ / П. Сидоров // Хыпар. — 2011. — 7 утӑ. — С. 4;
  • Сидоров, П. Кире пуканӗ спорчӗн историйӗнчен / П. Сидоров // Хыпар. — 2008. — 18 юпа. — С. 4-9. — (Спорт страници : хушма кӑларӑм / кӑларӑма Светлана Ермакова хатӗрленӗ ; № 6);
  • Сидоров, П. Кире пуканӗпе 40 ҫул туслӑ / П. Сидоров // Хыпар. — 2024. — 8 юпа/октябрь (№ 113). — С. 3 : сӑн ӳкерчӗк;
  • Сидоров, П. Таллинра, Киров хулинче те ҫӗнтернӗ / П. Сидоров ; Г. Верблюдов сӑн ӳкерчӗкӗ // Хыпар. — 2011. — 11 чӳк. — С. 4;
  • Богатырь «земли батыров» // Республика. — 2009. — 16 сент. (№ 38). — С. 8;
  • Борис Николаевич Глинкин: 1961. Из рода батыров // Спортсмены. — Чебоксары, 2006. — С. 131-136;
  • Глинкин, Б. Н. Гиревики трубят сбор. Соревнования, где будут все / Б. Н. Глинкин ; беседовал П. Сидоров ; фот. Г. Верблюдова // Советская Чувашия. — 2013. — 14 февр. — С. 16 : фот.;
  • Глинкин Борис Николаевич // Батыревская энциклопедия. — Чебоксары, 2005. — С. 59;
  • Распоряжение Кабинета Министров Чувашской Республики от 7 декабря 2007 года N 349-р : [о присвоении звания «Заслуженный тренер Чувашской Республики»] // Вести Чувашии. — 2007. — 12 декабря (№ 51). — С. 40;
  • Скородумов, Н. Г. Глинкин Борис Николаевич / Н. Г. Скородумов // Чувашская энциклопедия. — Чебоксары, 2006. — Т. 1 : А-Е. — С. 417;
  • Скородумов, Н. Г. Глинкин Борис Николаевич / Н. Г. Скородумов // Чувашская спортивная энциклопедия / Н. Г. Скородумов. — Чебоксары, 2007. — С. 50.

Каҫӑсем

Темӑпа ҫыхӑннисем

Категорисем