Анисимов Николай Иванович
Анисимов Николай Иванович (ҫур. 1957 ҫулхи кӑрлачӑн 21-мӗшӗ, Елчĕк районĕ, Чăваш Автономиллĕ Социализмлă Совет Республики) — ҫӑмӑл атлетика енӗпе СССР спорт мастерӗ (1982), Чӑваш Республикин тава тивӗҫлӗ тренерӗ (1998), Раҫҫей Федерацийӗн тава тивӗҫлӗ тренерӗ (2001), биологи ӑслӑлӑхӗсен кандидачӗ (2011), доцент (2009)[1].
Пурнӑҫӗ
(1957 ҫулхи кӑрлач уйӑхӗн 21-мӗшӗнче Чӑваш АССРӗнчи Елчӗк районӗнчи Вӑрӑмхӑва ялӗнче ҫуралнӑ. Елчӗк районӗнчи Лаш-Таяпари вӑтам шкула (1974), И.Я. Яковлев ячӗллӗ Чӑваш патшалӑх педагогика институтне (1979) вӗренсе пӗтернӗ. 1979—1981 ҫулсенче Совет Ҫарӗнче хӗсметре пулнӑ[1].
Ҫӗнӗ Шупашкарти Олимп резервӗн училищинче, Шупашкарти А. Игнатьев ячӗллӗ спортри ҫӳллӗ ӑсталӑх шкулӗнче тренер пулса ӗҫленӗ. 2011 ҫултанпа И.Я. Яковлев ячӗллӗ Чӑваш патшалӑх педагогика институтӗнчи спортклуба ертсе пырать[2].
2012—2025 ҫулсенче «Чӑваш Республикинчи Студентсен спорт пӗрлӗхне» ертсе пынӑ[3], 2025 ҫулхи пуш уйӑхӗн 28-мӗшӗнчен вара — Михайлова Екатерина Юрьевна.
Спортри ҫитӗнӗвӗсем
«Буревестник» ирӗклӗ спорт обществин Чӑваш облканашӗн ачасемпе ҫамрӑксен шкулӗн воспитанникӗ. 3000 метра чӑрмавсемпе чупассипе Чӑваш АССР чемпионӗ (1982—1983), ВЦСПС тата «Спартак» ирӗклӗ спорт обществин Раҫҫей канашӗн чемпионачӗсен кӗмӗл призёрӗ (1981—1982). 10 ытла спорт мастерӗпе спорт мастерӗн кандидатне ҫитӗнтернӗ. Вӗсен шутӗнче тӗнче чемпионкине, XXVII Ҫуллахи Олимпиадӑна (2000)(выр.)чăв. хутшӑннӑ Ольга Егорована(выр.)чăв., Европа тата Раҫҫей первенствисен ҫӗнтерӳҫине Ольга Россеевана(выр.)чăв.. 2004 ҫулта XXVIII Ҫуллахи Олимпиадӑна(выр.)чăв. Раҫҫей пӗрлештернӗ командин хӗрарӑм ҫӑмӑл атлетсен ушкӑнӗн аслӑ тренерӗ пулса хутшӑннӑ[1].
Ӗҫӗсем
- Анисимов, Н. И. Бег на средние и длинные дистанции : учеб.-метод. пособие [для физкульт. вузов и спец. физ. культуры и спорта] / Н. И. Анисимов, Н. Б. Григорьев ; Чуваш. гос. пед. ун-т им. И. Я. Яковлева. — Чебоксары : ЧГПУ, 2008. — 90 с.[4]
Хисепӗсем
- Чӑваш Республикин тава тивӗҫлӗ тренерӗ (1998);
- Раҫҫей Федерацийӗн тава тивӗҫлӗ тренерӗ (2001);
- Чӑваш Республикин Хисеп хучӗ (2000);
- Чӑваш Республикин физкультурӑпа спортӑн тава тивӗҫлӗ ӗҫченӗ (2007);
- «Чӑваш Республики умӗнчи тава тивӗҫлӗ ӗҫсемшӗн» орден медалӗ.
Ҫемйи
Егорова Ольга Николаевна тӗнче чемпионкин мӑшӑрӗ.
Ӑнлантарусем
- ^ 1, 2, 3 Н. Г. Скородумов. Анисимов Николай Иванович (выр.). чувашская энциклопедия. Чувашский государственный институт гуманитарных наук. Пӑхнӑ кун: 2025 ҫулхи авӑнӑн 22-мӗшӗ.
- ^ Спортивный клуб ЧГПУ им. И.Я. Яковлева (выр.). Чувашский государственный педагогический университет им. И. Я. Яковлева. Пӑхнӑ кун: 2025 ҫулхи авӑнӑн 22-мӗшӗ.
- ^ Студенческий спортивный союз Чувашии возглавил Заслуженный тренер страны Николай Анисимов (выр.). https://cheboksari.bezformata.com (18 юпан 2012). Пӑхнӑ кун: 2025 ҫулхи авӑнӑн 22-мӗшӗ.
- ^ Анисимов, Николай Иванович (тренер; 21.07.1957) (выр.). Цифровая библиотека чувашского наследия «Наследие Чувашии». Национальная библиотека Чувашской Республики. Пӑхнӑ кун: 2025 ҫулхи авӑнӑн 22-мӗшӗ.
Вуламалли
- Лаштай, П. Ӑста спортсмен, вӑлах — пултаруллӑ тренер, ӑсчах / П. Лаштай // Елчӗк ен. — 2017. — 11 нарӑс. — С. 3 : сӑн ӳкерчӗк;
- Егорова, О. Ольга Егорова: бег в никуда? / О. Егорова ; фото В. Романова ; [беседовала Е. Савоничева] // Советская Чувашия. — 2011. — 8 июня. — С. 4;
- Леонтьева, К. М. Анисимов Николай Иванович / К. М. Леонтьева // Яльчикский район : краткая энцикл. — Чебоксары, 2007. — С. 32;
- Скородумов, Н. Г. Анисимов Николай Иванович / Н. Г. Скородумов // Чувашская спортивная энциклопедия / Н. Г. Скородумов. — Чебоксары, 2007. — С. 41;
- Скородумов, Н. Г. Анисимов Николай Иванович / Н. Г. Скородумов // Чувашская энциклопедия. — Чебоксары, 2006. — Т. 1 : А-Е. — С. 109.
