Вырӑсла версиЯтарлӑ проектсем
Чӗлхе суйла
РУВИКИ ҪИНЧЕН

Данилов Анатолий Порфирьевич

Данилов Анатолий Порфирьевич (ҫур. 1955 ҫулхи юпан 22-мӗшӗ, Пĕрремĕш Май выççăлки, Муркаш районӗ, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР) — Раҫҫей журналисчӗ, истори ӑслӑлӑхӗсен кандидачӗ (1986), профессор (2005), Раҫҫей Журналистсен союзӗн (1988), Раҫҫей Писательсен союзӗн (2001) пайташӗ, Ҫемен Элкер (1991) тата Н. Никольский (2006) ячӗллӗ премисен лауреачӗ, Чӑваш Республикин тава тивӗҫлӗ культура ӗҫченӗ (2001), Раҫҫей Федерацийӗн аслӑ професси пӗлӗвӗн хисеплӗ ӗҫченӗ (2012)[1].

Пурнӑҫӗпе ӗҫӗ-хӗлӗ

1955 ҫулхи юпа уйӑхӗн 22-мӗшӗнче Чӑваш АССРӗн Муркаш районӗнчи Пӗрремӗш Май выҫҫӑлкӑра ҫуралнӑ. Муркаш районӗнчи Спиридон Михайлович Михайлов ячӗллӗ Юнкӑри пӗтӗмӗшле пӗлӳ паракан вӑтам шкултан вӗренсе тухнӑ (1973). Ҫулталӑк газооператор, шофёр пулса вӑй хунӑ[2].

1974 ҫулта И. Н. Ульянов ячӗллӗ Чӑваш патшалӑх университечӗн историпе филологи факультетне чӑваш уйрӑмне вӗренме кӗнӗ, журналистика специализацине вӗреннӗ. 1977 ҫулта М. В. Ломоносов ячӗллӗ Мускав патшалӑх университечӗн журналистика факультетне куҫарнӑ, 1980 ҫулта вӗренсе пӗтернӗ.

1980 ҫулта И. Н. Ульянов ячӗллӗ Чӑваш патшалӑх университетне «Журналистика» специализацине вӗрентме йышӑннӑ. Ҫав ҫулах Ленинград (халӗ — Санкт-Петербург) патшалӑх университечӗн журналистика факультечӗн стажёр-преподавателӗ пулса тӑнӑ. 1981 ҫулта Ленинград патшалӑх университечӗн журналистика факультечӗн аспирантурине вӗренме кӗнӗ[3].

1981 ҫулхи чӳк уйӑхӗнчен пуҫласа 1983 ҫулхи ҫу уйӑхӗччен Совет Ҫарӗнче хӗсметре тӑнӑ, рядовой, отделени командирӗ, взвод командирӗн ҫумӗ, рота старшини пулнӑ. Хӗсметри 1,5 ҫул хушшинче командованирен 46 хавхалану пулнӑ. Ҫар хӗсметне лейтенант званийӗпе вӗҫленӗ[2].

1983—1986 ҫулсенче Ленинград патшалӑх университечӗн журналистика факультечӗн аспирантуринче вӗренӗвне малалла тӑснӑ, чӑваш журналистикин историйӗпе кандидат диссертацине хӳтӗленӗ.

1986 ҫулта Шупашкара куҫса килнӗ, И. Н. Ульянов ячӗллӗ Чӑваш патшалӑх университетӗнче журналистика вӗрентме тытӑннӑ.

1995 ҫултан — И. Н. Ульянов ячӗллӗ Чӑваш патшалӑх университечӗн журналистика кафедрин (2007 ҫултанпа — массӑллӑ информаципе публицистика хатӗрӗсен кафедри) ертӳҫи, 1995—2013 ҫулсенче — журналистика факультечӗн деканӗ. Малтанах — доцент, 2000 ҫултан — профессор. Университетӑн ӑслӑлӑх канашӗн пайташӗ, вӗренӳпе методика канашӗн пайташӗ, сакӑр ҫул хушши университетӑн профсоюз комитечӗн пайташӗ пулнӑ[4].

Чӑваш журналистикин историне, теорине тата практикине тӗпчессипе ӗҫлет. Чӑваш журналистикин историйӗпе, аталанӑвӗпе, теорийепе тата практикипе ҫыхӑннӑ кӗнекесен авторӗ.

Чӑваш Республикин Журналистсен союзӗн ӗҫне хастар хутшӑнать. Обществӑлла корреспондентсен университечӗн ректорӗ, Чӑваш Республикин обществӑлла корреспондентсен союзӗн председателӗ пулнӑ. 2010 ҫулта ХХII съездра Чӑваш Республикин Журналистсен союзӗн пысӑк жюри коллеги председательне суйланӑ. Икӗ хутчен Раҫҫей Журналистсен союзӗн съездне делегата суйланӑ. Чӑваш Республикин Ҫамрӑксен патшалӑх премийӗсем енӗпе ӗҫлекен Чӑваш Республикин пуҫлӑхӗ ҫумӗнчи комисси членӗ шутланать[4].

Республикӑри «Тӑван Атӑл», «Халӑх шкулӗ — Народная школа», «Вестник Чувашского университета» журналсенче, Раҫҫейри «Школа духовности», «Интегральная педагогика», «Бюллетень Ассоциации российских вузов», «Семья в России», «Известия Российской Академии образования», «Вестник Санкт-Петербургского университета», «Высшая школа. ХХI век» тата ытти журналта пичетленет. «Тӑван Атӑл» журналӑн редколлеги членӗ шутланать, публицистикӑпа литературӑн тӗрлӗ жанрӗсенче ҫырать. Куҫарупа ӗҫлет. Пӗр вӑхӑтрах И. Н. Ульянов ячӗллӗ Чӑваш патшалӑх университечӗн пресс-службӑпа информаци пайӗн пуҫлӑхӗн тивӗҫӗсене пурнӑҫлать[4].

«Пӗрлӗхлӗ Раҫҫей» парти пайташӗ[3].

Ӗçĕсем

  • Данилов, А. П. Ӑста журналист — писатель, паллӑ педагог — тӗпчевҫӗ / А. П. Данилов. — Шупашкар, 1999. — 259 с.
  • Данилов, А. П. Публицистикӑпа илемлӗ литература ыйтӑвӗсем / А. П. Данилов. — Шупашкар, 2002. — 483 с.
  • Данилов, А. П. Чӑваш журналистикин аталанӑвӗ / А. П. Данилов. — Шупашкар, 1998. — 427 с.
  • Данилов, А. П. Чӑваш публицистики : вӗренӳ пособийӗ / А. П. Данилов. — Шупашкар, 1991. — 80 с.
  • Данилов, А. П. Чӑваш публицистикипе журналистикин аталану тапхӑрӗсем : [вӗренӳ кӗнеки] / А. П. Данилов, И. Я. Тенюшев ; И. Н. Ульянов яч. Чӑв. патш. ун-чӗ. — Шупашкар : Чӑв. патш. ун-чӗн изд-ви, 2004. — 231 с.
  • Журналистика на рубеже веков : Тексты / авт.-сост. А. П. Данилов. — Шупашкар, 2000. — 491 с.
  • Данилов, А. П. Журналистами становятся по призванию : Творческая деятельность Ивана Яковлевича Тенюшева : к 75-летию со Дня рождения / А. П. Данилов. — Чебоксары : Изд-во ЧГУ, 1998. — 91 с., [2] л. ил. с.
  • История публицистики и журналистики Чувашии : (возникновение и развитие периодической печати до февр. 1918 г.) : Тексты / сост. А. П. Данилов. — Шупашкар, 2000. — 302 с.
  • тата ыттисем[1].

Хисепӗсем

  • Чӑваш Республикин тава тивӗҫлӗ культура ӗҫченӗ (2001);
  • Раҫҫей Федерацийӗн профессиллӗ аслӑ пӗлӗвӗн хисеплӗ ӗҫченӗ (2012);
  • Раҫҫей Федерацийӗн Вӗрентӳпе наука министерствин Хисеп хучӗ;
  • Чӑваш Республикин Вӗренӳпе ҫамрӑксен политикин министерствин Хисеп хучӗ;
  • Чӑваш Республикин Патшалӑх Канашӗн Хисеп хучӗ;
  • Чӑваш Республикинчи Журналистсен пӗрлӗхӗн Ҫемен Элкер ячӗллӗ преми лауреачӗ (1992);
  • Чӑваш Республикинчи Журналистсен пӗрлӗхӗн Н. В. Никольский ячӗллӗ преми лауреачӗ (2006);
  • И. Н. Ульянов ячӗллӗ Чӑваш патшалӑх университечӗн ӑслӑлӑхпа техника облаҫӗнчи преми лауреачӗ (2002);
  • Раҫҫей журналистсен пӗрлӗхӗн Хисеп хучӗ[5][1][4].

Ҫемье

  • Ашшӗ — Порфирий Данилович — Тӑван Ҫӗршывӑн Аслӑ вӑрҫине хутшӑннӑ.
  • Амӑшӗ — (хӗр чухнехи хушамачӗ —Иванова) — ӗмӗрӗпех колхозра ӗҫленӗ.
  • Пиччӗшӗ — Илья Порфирьевич, аппӑшӗ — Галина Порфирьевна[2].
  • Мӑшӑрӗ — Данилова Маргарита Гавриловна — И. Н. Ульянов ячӗллӗ Чӑваш патшалӑх университечӗн журналистика кафедрин доценчӗ, филологи ӑслӑлӑхӗсен кандидачӗ[2][6].
  • Икӗ ывӑл ҫитӗнтернӗ: Андрей тата Пётр[2]. Андрей Анатольевич Данилов — И. Н. Ульянов ячӗллӗ Чӑваш патшалӑх университечӗн журналистика кафедрин пуҫлӑхӗн тивӗҫӗсене пурнӑҫлакан, истори ӑслӑлӑхӗсен докторӗ, профессор[7].

Кӑсӑк самантсем

  • И. Н. Ульянов ячӗллӗ Чӑваш патшалӑх университетӗнче уйрӑм журналистика факультетне уҫас тӗллевпе хастар ӗҫленӗ, пуҫаруҫӑсенчен пӗри[2].
  • Анатолий Порфирьевичӑн автографсемлӗ блокнот пур: унта совет радиовӗн асамлӑ сасси Юрий Левитан, паллӑ ҫыравҫӑсем тата общество ӗҫченӗсем — Константин Симонов, Расул Гамзатов, Эрнст Генри, Юрий Бондарев, Валентин Распутин, Тимур Гайдар, Яков Ухсай тата нумай-нумай паллӑ ҫын алӑ пуснисем упранаҫҫӗ[8].

Ӑнлантарусем

  1. ^ 1, 2, 3 Данилов, Анатолий Порфирьевич (журналист; 22.10.1955) (выр.). Наследие Чувашии. Национальная библиотека Чувашской Республики. Пӑхнӑ кун: 2026 ҫулхи пушӑн 22-мӗшӗ.
  2. ^ 1, 2, 3, 4, 5, 6 Анатолий Данилов и его журфак (выр.). Живой Журнал (4 чӳкӗн 2010). Пӑхнӑ кун: 2026 ҫулхи пушӑн 22-мӗшӗ.
  3. ^ 1, 2 Данилов Анатолий Порфирьевич (выр.). Единая Россия. Пӑхнӑ кун: 2026 ҫулхи пушӑн 22-мӗшӗ.
  4. ^ 1, 2, 3, 4 Отделение журналистики Чувашского государственного университета имени И.Н. Ульянова » Данилов Анатолий Порфирьевич (англ.). jf.chuvsu.ru. Пӑхнӑ кун: 2026 ҫулхи пушӑн 22-мӗшӗ.
  5. ^ Н. Г. Иванова. Данилов Анатолий Порфирьевич (выр.). Чувашская энциклопедия. Чувашский государственный институт гуманитарных наук. Пӑхнӑ кун: 2026 ҫулхи пушӑн 22-мӗшӗ.
  6. ^ Отделение журналистики Чувашского государственного университета имени И.Н. Ульянова » Данилова Маргарита Гавриловна (англ.). jf.chuvsu.ru. Пӑхнӑ кун: 2026 ҫулхи пушӑн 22-мӗшӗ.
  7. ^ Отделение журналистики Чувашского государственного университета имени И.Н. Ульянова » Данилов Андрей Анатольевич (англ.). jf.chuvsu.ru. Пӑхнӑ кун: 2026 ҫулхи пушӑн 22-мӗшӗ.
  8. ^ С верой в силу печатного слова — Советская Чувашия(паллӑ мар). sovch.chuvashia.com. Пӑхнӑ кун: 2026 ҫулхи пушӑн 22-мӗшӗ.

Вуламалли

  • Данилов, А. П. А. П. Данилов профессор : «Хресчен ачисенчен кӗтетпӗр пархатар…» / А. П. Данилов ; Г. Желтухин ҫырса илнӗ, С. Журавлев сӑн ӳкерчӗкӗ // Хресчен сасси. — 2005. — 15 ноябрь. — С. 6.
  • Данилов, А. П. Анатолий Данилов: Журналистикӑра ҫӗнӗ шухӑш сӗнекенсем хисепре / А. П. Данилов // Хыпар. — 2020. — 27 чӳк/ноябрь. — С. 6 : сӑн ӳкерчӗк.
  • Данилов, А. П. Малашне те — ҫирӗп утӑмсемпе / А. П. Данилов ; Г. Краснов [ҫырса илнӗ] // Хыпар. — 2005. — 22 юпа. — С. 3.
  • Данилов, А. П. Чӑвашла ҫырма пӑрахсан чӗлхемӗр пӗлтерӗшӗ пӗтет / А. П. Данилов ; Ю. Михайлов ҫырса илнӗ ; В. Кузьмин сӑн ӳкерчӗкӗ // Хыпар. — 2017. — 13 кӑрлач/январь. — С. 8 : сӑн ӳкерчӗк.
  • Лукина, Е. Анатолий Данилов: Ҫамрӑксем хӑйсен вырӑнне тупса ӑнӑҫлӑ ӗҫлени савӑнтарать / Е. Лукина // Хыпар. — 2023. — 22 авӑн/сентябрь (№ 106/107). — С. 7 : сӑн ӳкерчӗксем.
  • Михайлов, П. А. П. Данилов профессор : «Хама паян та 25 ҫулти пек туятӑп» / П. Михайлов // Тантӑш. — 2005. — 3 чӳк (№ 44). — С. 8.
  • Пултаруллӑ ентешпе мӑнаҫланатпӑр // Ял пурнӑҫӗ (Красноармейки районӗ). — 2005. — 19 ноябрь.
  • Афанасьев, П. Данилов Анатолий Порфирьевич / П. Афанасьев // Писатели Чувашии / П. Афанасьев. — Чебоксары, 2006. — С. 105—106.
  • Бабушкина, Е. Молодые оправдывают надежды / Е. Бабушкина // Советская Чувашия. — 2011. — 8 февр. — С. 3.
  • Герасимова, О. Нам с вами по пути / О. Герасимова // Ульяновец. — 2005. — 24 нояб. — С. 5.
  • Данилов, А. П. Анатолий Данилов: «Радуюсь успехам своих студентов!» / А. П. Данилов; беседовала Н. Артамонова // Ульяновец. — 2015. — 22 октября (№ 35). — С. 3 : фот.
  • Данилов, А. П. Заветная мечта декана / А. П. Данилов; бесед. М. Иванов // Советская Чувашия. — 2005. — 28 окт. -С. 8.
  • Данилов, А. П. Факультет журналистики / А. П. Данилов // Ульяновец. — 2011. — 16 июня (№ 29/30/31/32/33). — С. 2.
  • Данилов Анатолий Порфирьевич // Журналисты Чувашии. — Чебоксары, 2006. — С. 130.
  • Данилов Анатолий Порфирьевич // Моргаушский район : краткая энцикл. — Чебоксары, 2002. — С. 56.
  • Данилов Анатолий Порфирьевич // Муркашсем — ӑслӑлӑх ҫыннисем = Ученые — уроженцы Моргаушского района : справ. — Шупашкар, 2001. — С. 38.
  • Данилов Анатолий Порфирьевич // Энциклопедия Моргаушского района. — Чебоксары, 2020. — С. 113.
  • Данилов Анатолий Порфирьевич // Энциклопедия чувашской журналистики и печати. — Чебоксары, 2014. — С. 106—107.
  • Данилов Анатолий Порфирьевич // Who is Who в России. — 5-е изд. — Zug, 2011. — С. 643.
  • Иванова, Н. Г. Данилов Анатолий Порфирьевич / Н. Г. Иванова // Чувашская энциклопедия. — Чебоксары, 2006. — Т. 1 : А-Е. — С. 481.
  • Краснов, Г. Все грани творчества / Г. Краснов // Ульяновец. — 2005. — 20 окт. — С. 3.
  • Ялгир, П. Данилов Анатолий Порфирьевич / П. Ялгир // Литературный мир Чувашии / П. Ялгир. — Чебоксары, 2005. — С. 30.

Каҫӑсем

Темӑпа ҫыхӑннисем

Категорисем