Степанов Владимир Васильевич
Степанов Владимир Васильевич (ҫур. 1962 ҫулхи нарӑсӑн 8-мӗшӗ, Упамса, Патăрьел районĕ, Чăваш Автономиллĕ Социализмлă Совет Республики, Раççей Федерациллĕ Социализмлă Совет Республики, СССР) — журналист, ҫыравҫӑ, куҫаруҫӑ, редактор, Раҫҫей Журналистсен союзӗн пайташӗ (2009), Чӑваш Республикин тава тивӗҫлӗ культура ӗҫченӗ (2002), Митта Ваҫлейӗ ячӗллӗ преми лауреачӗ (2000)[1].
Пурнӑҫӗпе ӗҫӗ-хӗлӗ
1962 ҫулхи нарӑс уйӑхӗн 8-мӗшӗнче Чӑваш АССРӗн Патӑрьел районӗнчи Упамса ялӗнче ҫуралнӑ. Турханти вӑтам шкула вӗренсе пӗтернӗ (1979) хыҫҫӑн И. Н. Ульянов ячӗллӗ Чӑваш патшалӑх университечӗн историпе филологи факультетне вӗренме кӗнӗ. Вӗреннӗ хушӑрах Тинӗс Ҫар флотне илнӗ, хӗсметре 1980—1983 ҫулсенче пулнӑ. Таврӑнсан университетран вӗренсе тухнӑ (1988).
Университет пӗтернӗ ҫамрӑк специалиста Ҫӗрпӳ районӗн «Октябрь ҫулӗ» хаҫата (халӗ — «Ҫӗрпӳ хыпарҫи») корреспондент пулса (1988—1989) ӗҫлеме янӑ. Ҫулталӑк ӗҫленӗ хыҫҫӑн Шупашкара таврӑннӑ, тӗрлӗ хаҫат-журналта, пултарулӑх лаҫҫинче ӗҫленӗ:
- 1989—1990 ҫулсенче — «Аван-и», «Паянтан» хаҫатсенче корреспондентра,
- 1991—1995 ҫулсенче — Чӑваш Республикинчи вӗрентӳ ӗҫченӗсен квалификацине ӳстерекен институтра методистра, редактурӑпа издательство пайӗн редакторӗнче,
- 1995—1998 ҫулсенче — «ЛИК Чувашии» журналӑн литература ӗҫченӗнче,
- 1998—2000 ҫулсенче — «Халӑх шкулӗ — Народная школа» журналӑн корреспондентӗнче,
- 2000—2012 ҫулсенче — Санкт-Петербургри патшалӑх инженерипе экономика университечӗн Шупашкарти филиалӗнче редактурӑпа издательство пайӗн тӗп редакторӗнче,
- 2012— 2013 ҫулсенче — Чӑваш Республикин «Тантӑш» хаҫат редакцийӗ» автономлӑ учрежденинче ҫамрӑксен пайӗн редакторӗнче («Самант» журнал редакторӗнче),
- 2013—2017 ҫулсенче — Чӑваш Республикин «Хыпар» Издательство ҫурчӗ» бюджет учрежденийӗн ҫамрӑксемпе ачасен кӑларӑмӗсен редакторӗнче («Самант» журнал редакторӗнче)[1].
2017 ҫултанпа «Чӑваш кӗнеке издательстви» акционерсен обществинче:
- 2017—2018 ҫулсенче — редактор,
- 2018—2022 ҫулсенче — тӗп редакторӑн ҫумӗ,
- 2022 ҫултанпа — тӗп редактор[1].
2026 ҫулхи нарӑс уйӑхӗн 26-мӗшӗнче тивӗҫлӗ канӑва кайнӑ, Чӑваш кӗнеке издательствинче ӗҫлеме пӑрахнӑ.
Пултарулӑх
Пултарулӑхри хушма ятсем
Ускатум Кунцуй, Владимир Джуверов, Евгени Волчецки, Тим Шахлински, Менгу Тимур, Роксана Милюда тата ыттисем.
Кӗнекисем
- Степанов, Владимир Васильевич. Эфемероптера каҫӗ, е ФАУст — 2 : роман-киллер / Владимир Степанов. — Шупашкар, 2009. — 303 с.
- Степанов, Владимир Васильевич. Тенкри хӗҫӗ : роман-этнофэнтези : [аслӑ классем валли] : 1-мӗш кӗнеке. — Шупашкар, 2015. — 191 с.
- Степанов, Владимир Васильевич. Тенкри хӗҫӗ : роман-этнофэнтези, калавсем : [аслӑ классем валли] : 2-мӗш кӗнеке. — Шупашкар, 2016. — 189, [2] с[1].
- Степанов, Владимир Васильевич. Ӑннӑ та ӑнман кун : илемлӗ литература, калав : [вӑтам классем валли]. — Шупашкар, 2025. — 56 с[2].
Хисепӗсем
- Чӑваш Республикин тава тивӗҫлӗ культура ӗҫченӗ (2002);
- Митта Ваҫлейӗ ячӗллӗ преми лауреачӗ (2000)[1];
- Чӑваш республикин Журналистсен пӗрлӗхӗн Н. Никольский ячӗллӗ преми лауреачӗ (2015)[3].
Ӑнлантарусем
- ^ 1, 2, 3, 4, 5 Степанов, Владимир Васильевич (журналист; 08.02.1962) (выр.). Наследие Чувашии. Национальная библиотека Чувашской Республики. Пӑхнӑ кун: 2026 ҫулхи нарӑсӑн 26-мӗшӗ.
- ^ Ăннă та ăнман кун (Удачный неудачный день) (выр.). Чувашское книжное издательство. Пӑхнӑ кун: 2026 ҫулхи нарӑсӑн 26-мӗшӗ.
- ^ Лауреаты премий Союза журналистов Чувашской Республики за 2015 год (выр.). Союз журналистов Чувашской Республики (15 кӑрлачӑн 2016). Пӑхнӑ кун: 2026 ҫулхи нарӑсӑн 26-мӗшӗ.
Вуламалли
- Степанов, В. В. «Мифологисӗр культура ҫук» / В. Степанов ; В. Николаев ҫырса илнӗ // Тӑван Атӑл. — 2021. — № 3. — С. 47-56 : сӑн ӳкерчӗксем.
- Степанов, В. В. «Юратнӑ жанр — фэнтези» / В. В. Степанов ; [В. Кошкин ҫырса илнӗ] // Тӑван Атӑл. — 2015. — № 10. — С. 98-104 : сӑн ӳкерчӗксем.
- Ҫыравҫӑпа пӗр пӳлӗмре : [Владимир Васильевич Степанов ҫыравҫӑ ҫинчен] / В. Селенина сӑн ӳкерчӗкӗ // Хыпар. — 2019. — 12 утӑ/июль. — С. 9 : сӑн ӳкерчӗк.
- Хмыт, А. Д. Тенкри хӗҫӗн вӑйӗ-хӑвачӗ : [Владимир Степановӑн «Тенкри хӗҫӗ» кӗнеки ҫинчен] / А. Хмыт // Хыпар. — 2015. — 25 август/ҫурла. — С. 14.
- Чекушкина, Е. П. Паянхи чӑваш прозинчи мифологизм паллисем / Е. П. Чекушкина // Языковые контакты народов Поволжья и Урала. Проблемы регионального литературоведения и фольклористики. — Чебоксары, 2018. — С. 166-171.
- Степанов Владимир Васильевич // Батыревская энциклопедия. — Чебоксары, 2005. — С. 237.
- Степанов Владимир Васильевич // Энциклопедия чувашской журналистики и печати. — Чебоксары, 2014. — С. 418-419.
Каҫӑсем
Темӑпа ҫыхӑннисем
| Н. Никольский ячӗллӗ преми лауреачӗсем | |
|---|---|
| |
